Oseas 11
11
Israel nunakunata Teyta Dios kuyanqan
1<<Israel nunakunataqa unëpita patsanam kuyëkä.
Tsurï kaptinmi Egiptupita qayamurqä.#Éxo. 4.22; Mat. 2.15.
2Tsënö kuyëkaptïmi noqapita karupäkuriyan.
Baal dioskunapaqmi sacrificiukunata rupëkätsiyan.
Ïdulunkunatam inciensuwan sawmëkäyan.
3<<Wamrata makipita jancharkur purita yachatsiqnömi Efraín nunakunata yachatsirqä.
Tsënö yachëkätsiptïpis manam käyikuyantsu yanapëkashqäta.
4Pëkunata alläpa kuyarmi shullpapëllapa y taqllapëllapa nöpäman pushamurqä.
Imëka llullu wamrata mellqarkur qaqllanta qaqlläman topëkatsir kuyaqnömi kuyarqä.
Tsënö kuyarmi mikïninkunapis kikï qararqä.
5<<Tsënö kuyëkaptïpis pëkunaqa manam yachanäyämantsu.
Tsëmi Egiptuchötsu yapë esclävu kayanqa, sinöqa Asiria nunakunapa poderninchönam kayanqa.
6Markachö täraqkunataqa espädawanmi wanutsiyanqa.
Markankuna tumariq perqashqa këkaptinpis ushakätsiyanqam.
Tsënömi ushakäratsiyanqa tsapakïta yarpëkäyaptinpis.
7Kuyashqä nunakunaqa noqapita waqtsakashqam këkäyan.
Puëdiq Dios kashqäta nirpis janan shonqullam sirwiyäman.
8<<Efraín nunakuna, ¡imanöparaq qonqëkuyaqman!
Israel nunakuna, ¡imanöparaq jaqiriyaqman!#11.8 Efraínpaq y Israelpaq parlarqa Israel nación nunakunapaqmi parlan.
¿Adma markata y Zeboim markata ushakäratsishqänötsuraq qamkunatapis ushakäratsiyaqman?#Deut. 29.23.
Qamkunata ankupäyaptiq shonqüpis wikyëpa wikyarmi nanakurkun.
9Piñatsimaptikipis manam llapëkitatsu ushakätsiyashqëki.
Castigayarnikipis manam llapëkitatsu wanutsiyashqëki.
Noqa manam nunatsu kä, sinöqa qamkunawan këkaq santu Diosmi.
Manam chipyëpatsu ushakätsiyashqëki.
10<<Qamkuna käyikurirmi qatiräyämanki.
Leonnö qapariptïmi inti jeqanan kaq lädupita tsuktsukyëkar kutiyämunki.
11Pishqukuna raslla päriyashqannömi#11.11 Wakin nunakunaqa bolayashqannö niyanmi. Egiptupita raslla kutiyämunki.
Urpëkuna raslla päriyashqannömi pëkunapis Asiriapita raslla kutiyämunki.
Wayikikunachö yapë täräyänëkipaqmi yanapayashqëki>>.
Teyta Diosmi tsënö nin.
Israel nunakuna jutsata rurayanqan
12 12 (12.1) <<Israel nunakunaqa tukïnöpam ulipëkäyäman.
Judá nunakunapis mana cäsumarmi ïdulu adorëman churakäkuriyashqa.#11.12 Kë textuqa hebreuchö manam clärutsu. Tsëmi wakin traduccionkuna nin: Judá nunakunaqa cäsumarmi imëpis markäkayäman.
Currently Selected:
Oseas 11: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
