Oseas 1

1Këchömi qellqarëkan Teyta Diospa willakïninta Beeripa tsurin Oseas willakushqan. Judá nacionchö Uzías rey këkashqan witsanmi Oseas willakurqan.#2Rey. 15.1-7; 2Crón. 26.1-23. Tsënöllam willakurqan Jotam rey këkashqan witsan,#2Rey. 15.32-38; 2Crón. 27.1-8. Acaz rey këkashqan witsan#2Rey. 16.1-20; 2Crón. 28.1-27. y Ezequías rey këkashqan witsanpis.#2Rey. 18.1—20.21; 2Crón. 29.1—32.33. Israel nacionchönam Joáspa tsurin Jeroboam rey këkarqan.#2Rey. 14.23-29.

Prostitütawan casakunanpaq Oseasta Teyta Dios mandanqan

2Puntata parlaparninmi Oseasta Teyta Dios nirqan: <<Prostitüta warmiwan juntakaptiki tsurikikuna yuriyätsun. Israel nunakunaqa noqata jaqiramarmi juk dioskunata adorar imëka prostitüta warminö këkäyan>>.

Oseaspa tsurinkuna yurikuyanqan

3Tsëmi Diblaimpa tsurin Gomerta warminpaq Oseas ashirqan. Tsë warmichömi Oseaspa wamaqshu tsurin ollqu yurikurqan. 4Tsënam Oseasta Teyta Dios nirqan: <<Jezreel markachö tsëtsika nunakunata Jehú wanutsishqannömi#1.4 Jezreelchömi Jehú wanïkatsirqan Israel nacionpa reynin Joramta (2Rey. 9.24), Acabpa warmin Jezabelta (2Rey. 9.33), Acabpa wakin castankunata, Acabwan kuyanakushqan yanasankunata y Acab churashqan sacerdötikunatapis (2Rey. 10.11). noqapis castigar Jehúpita miraqkunatapis wanutsishaq. Tsënö castigaptïmi Israel nacionpa reyninkuna kanqanatsu. Tsënö ruranäpaq kashqanta musyayänanpaqmi tsurikipa shutin churanki Jezreelta. 5Tsënöllam Israel nacionpa soldädunkunata Jezreel pampachö ushakätsishaq>>.

6Tsëpitanam Gomerqa yapë qeshyaqyärirqan Oseaspata y qeshpikurirqan warmi wamrata. Tsënam Oseasta Teyta Dios nirqan: <<Tsë tsurikipa shutin churë Lo-ruhama#1.6 Lo-ruhama ninanqa mana kuyashqa ninanmi. nir. Tsënöqa shutin kanqa Israel nunakunata manana ankupänäpaqmi. Pëkunataqa manam perdonashaqnatsu.

7<<Tsënö kaptinpis Judá nación nunakunataqa ankupar kikïmi salvashaq. Manam guërrawantsu, flëchawantsu, espädawantsu, cawalluwantsu ni cawalluta montaraq soldädukunawantsu salvashaq, sinöqa podernïwanmi>>.#Zac. 4.6.

8Lo-ruhamata wasqirirnam Gomer yapë qeshyaqyärirqan. Tsë wawanmi ollqu yurikurqan. 9Tsënam Oseasta Teyta Dios nirqan: <<Tsurikipa shutin churë Lo-ammi#1.9 Lo-ammi ninanqa manam noqapatsu ninanmi. nir. Tsënöqa shutin kanqa Israel nunakuna noqapa manana kayashqanta käyikuyänanpaqmi. Mananam noqapis pëkunapa Diosninkunanatsu kashaq>>.

Israel nunakuna allina kawayänanpaq ninqan

10 10 (2.1) <<Tsëpitanam Israel nunakunata yanapashaq atskaman mirayänanpaq.

Lamar kuchunchö aqushanöran yupëtapis mana puëdipaq tsëtsika kayanqa.#Gén. 22.17.

<Pëkunaqa manam noqapanatsu> nishqächöpis nunakunam niyanqa:

<Pëkunaqa wiñëpa kawaq Teyta Diospa wamrankunam kayan>.#Rom. 9.25-26.

11 11 (2.2) Tsëmi Judá nación nunakuna y Israel nación nunakuna juk nacionllana kayanqa.

Reynintapis jukllëllatanam churayanqa.

Mëtsë nacionkunachö kayashqanpita kutiyaptinmi kushikïpaq kanqa.

Tsë junaqtam shutin churayanqa Jezreel#1.11 Jezreel ninanqa Diosmi murun ninanmi. Tsënö nin Israel nunakunata muruman iwalatsirmi. Israel nunakuna nacionninman kutitsir atskaman mirayänanpaq permitirmi chakraman muruta muruqnö Teyta Dios kanqa. nir.

Currently Selected:

Oseas 1: qwhB

Highlight

Copy

Compare