Éxodo 37
37
Pactu Baúlta ruranqan
Éxodo 25.10-20
1Tsënöllam acacia qerupita juk baúlta Bezaleel rurarqan. Tsë baúlpa largunmi karqan juk metru chunka centïmetru. Anchunpis altunpis karqan joqta chunka pitsqa (65) centïmetru. 2Rurinpa y jananpanam qoriwan laqarqan. Tsënöllam llapan kuchunpa qoripita rebëtita rurarir tumariq churarqan. 3Qoripita chusku argöllata rurarirmi chuskun chakinkunaman churarqan: ishkëta baúlpa juk kaq lädunman y ishkëtana baúlpa juknin kaq lädunman. 4Tsënöllam acacia qerupita ishkë mantëkunata rurarir qoriwan laqarqan. 5Nïkurmi argöllakunapa uchkunpa pasatsirqan baúlta puritsiyänanpaq.
6 Baúlpa tsapanantanam rurarqan qori pürupita. Largunmi juk metru chunka centïmetru karqan. Anchunnam joqta chunka pitsqa (65) centïmetru karqan. 7Tsënöllam martilluwan tsaktëllapa ishkë querubinkunata qoripita rurarqan. Tsë angelkunatam baúlpa tsapanan ishkan kuchunkunaman churarqan. 8Tsapanantawan querubinkunataqa rurarqan juk piëzallatam. Juk kaq querubinmi karqan itsuq kaq lädunchö y juk kaqnam karqan allawka kaq lädunchö. 9Tsë ishkan querubinkunam sipsankuna#37.9 Wakin nunakunaqa älankuna niyanmi. kichashqa frenti frenti baúlpa tsapananta rikarëkäyarqan. Tsënöpam ishkankunapa sipsankuna baúlpa tsapananta tsaparäyarqan.
Tanta churakuna mësata ruranqan
Éxodo 25.23-29
10Tsënöllam acacia qerupita mësata rurarqan. Tsë mësapa largunmi isqun chunka (90) centïmetru karqan. Anchunnam chusku chunka pitsqa (45) centïmetru karqan y altunpis joqta chunka pitsqa (65) centïmetrum karqan. 11Tsë mësapa jananta, rurinta y chakinkunatapis qoriwanmi llapanta laqarqan. Kuchunkunapapis tumariqmi qoripita rurashqa rebëtita churarqan. 12Tsënöllam qanchis centïmetru anchuta listonta tumariq churarqan. Tsë jananmannam qoripita rurashqa juk rebëtita churarqan. 13Tsënöllam chusku argöllakunata qoripita rurarir mësapa chuskun chakinkunaman churarqan. 14Tsë argöllakunatam rebëtinwan tinkuq chakinman churarqan. Tsë argöllakunapam ishkë mantëkuna pasarqan mësata puritsiyänanpaq.
15Mësata puritsikuyänan mantëkunataqa acacia qerupita rurarirmi qoriwan laqarqan. 16Tsë mësapa inshinankunatam qori pürupita rurarqan plätukunata, wishllakunata, järrakunata y puyñukunata. Tsë järrakuna y puyñukunaqa vïnuta altarman winayänanpaqmi karqan.
Candelabruta ruranqan
Éxodo 25.31-39
17Tsënöllam candelabruta qori pürupita martilluwan tsaktëllapa rurarqan. Tsë candelabrupa täkunan, chakin, cöpankuna y wëtankunapis juk piëzallam kayarqan. 18Tsë candelabruqa joqta rikrayuqmi karqan. Kima rikranmi juk kaq lädunpa y kima kaqnam juk kaq lädunpa karqan. 19Cada rikrankunachömi kima wëtakunata rurarqan. Tsë wëtakunam kayarqan almendrupa wëtannöraq. 20Candelabrupa chakinchöpis chusku wëtankunam karqan. Tsë wëtakunapis kayarqan almendrupa wëtannömi. 21Cada rikran tinkuraqchömi karqan juk wëta. 22Wëtankunapis rikrankunapis juk piëzallam karqan. Llapanpis qori pürullapitam martilluwan tsaktëllapa rurashqa karqan.
23Tsënöllam candelabrupaq qanchis mechërunkunata, mëchapa qetyanta limpiayänanpaq taksha alicätikunata y uchpan juntakunan taksha plätukunatapis qori pürupita rurarqan. 24Tsë candelabruta y llapan inshinankunata kima chunka kima (33) kïlu qoripitam rurarqan.
Inciensuwan sawmatsikuna altarta ruranqan
Éxodo 30.1-5
25Inciensuwan sawmana altartapis acacia qerupitam rurarqan. Tsë altarpa largunpis anchunpis chusku chunka pitsqa (45) centïmetrum karqan. Altunmi isqun chunka (90) centïmetru karqan. Chuskun kuchunkunachömi altarwan juk piëzalla kananpaq waqratanö rurarqan. 26Tsë altartaqa jananpapis, lädunkunapapis y waqrankunatapis qori püruwanmi laqarqan. Tsënöllam llapan kuchunpa qoripita rebëtita tumariq churarqan. 27Tsë rebëti churanqan jawanmannam cada esquïnanman qoripita argöllakunata churarqan. Tsë argöllakunam kayarqan mantëkunata pasatsir altarta puritsiyänanpaq.
28Altarta puritsikuyänan mantëkunata acacia qerupita rurarirmi qoriwan laqarqan.
29Tsënöllam perfümita ruraqkuna rurayanqannö sagrädu aceitita y pukutaq inciensutapis rurarqan.#Éxo. 30.22-38.
Currently Selected:
Éxodo 37: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 37
37
Pactu Baúlta ruranqan
Éxodo 25.10-20
1Tsënöllam acacia qerupita juk baúlta Bezaleel rurarqan. Tsë baúlpa largunmi karqan juk metru chunka centïmetru. Anchunpis altunpis karqan joqta chunka pitsqa (65) centïmetru. 2Rurinpa y jananpanam qoriwan laqarqan. Tsënöllam llapan kuchunpa qoripita rebëtita rurarir tumariq churarqan. 3Qoripita chusku argöllata rurarirmi chuskun chakinkunaman churarqan: ishkëta baúlpa juk kaq lädunman y ishkëtana baúlpa juknin kaq lädunman. 4Tsënöllam acacia qerupita ishkë mantëkunata rurarir qoriwan laqarqan. 5Nïkurmi argöllakunapa uchkunpa pasatsirqan baúlta puritsiyänanpaq.
6 Baúlpa tsapanantanam rurarqan qori pürupita. Largunmi juk metru chunka centïmetru karqan. Anchunnam joqta chunka pitsqa (65) centïmetru karqan. 7Tsënöllam martilluwan tsaktëllapa ishkë querubinkunata qoripita rurarqan. Tsë angelkunatam baúlpa tsapanan ishkan kuchunkunaman churarqan. 8Tsapanantawan querubinkunataqa rurarqan juk piëzallatam. Juk kaq querubinmi karqan itsuq kaq lädunchö y juk kaqnam karqan allawka kaq lädunchö. 9Tsë ishkan querubinkunam sipsankuna#37.9 Wakin nunakunaqa älankuna niyanmi. kichashqa frenti frenti baúlpa tsapananta rikarëkäyarqan. Tsënöpam ishkankunapa sipsankuna baúlpa tsapananta tsaparäyarqan.
Tanta churakuna mësata ruranqan
Éxodo 25.23-29
10Tsënöllam acacia qerupita mësata rurarqan. Tsë mësapa largunmi isqun chunka (90) centïmetru karqan. Anchunnam chusku chunka pitsqa (45) centïmetru karqan y altunpis joqta chunka pitsqa (65) centïmetrum karqan. 11Tsë mësapa jananta, rurinta y chakinkunatapis qoriwanmi llapanta laqarqan. Kuchunkunapapis tumariqmi qoripita rurashqa rebëtita churarqan. 12Tsënöllam qanchis centïmetru anchuta listonta tumariq churarqan. Tsë jananmannam qoripita rurashqa juk rebëtita churarqan. 13Tsënöllam chusku argöllakunata qoripita rurarir mësapa chuskun chakinkunaman churarqan. 14Tsë argöllakunatam rebëtinwan tinkuq chakinman churarqan. Tsë argöllakunapam ishkë mantëkuna pasarqan mësata puritsiyänanpaq.
15Mësata puritsikuyänan mantëkunataqa acacia qerupita rurarirmi qoriwan laqarqan. 16Tsë mësapa inshinankunatam qori pürupita rurarqan plätukunata, wishllakunata, järrakunata y puyñukunata. Tsë järrakuna y puyñukunaqa vïnuta altarman winayänanpaqmi karqan.
Candelabruta ruranqan
Éxodo 25.31-39
17Tsënöllam candelabruta qori pürupita martilluwan tsaktëllapa rurarqan. Tsë candelabrupa täkunan, chakin, cöpankuna y wëtankunapis juk piëzallam kayarqan. 18Tsë candelabruqa joqta rikrayuqmi karqan. Kima rikranmi juk kaq lädunpa y kima kaqnam juk kaq lädunpa karqan. 19Cada rikrankunachömi kima wëtakunata rurarqan. Tsë wëtakunam kayarqan almendrupa wëtannöraq. 20Candelabrupa chakinchöpis chusku wëtankunam karqan. Tsë wëtakunapis kayarqan almendrupa wëtannömi. 21Cada rikran tinkuraqchömi karqan juk wëta. 22Wëtankunapis rikrankunapis juk piëzallam karqan. Llapanpis qori pürullapitam martilluwan tsaktëllapa rurashqa karqan.
23Tsënöllam candelabrupaq qanchis mechërunkunata, mëchapa qetyanta limpiayänanpaq taksha alicätikunata y uchpan juntakunan taksha plätukunatapis qori pürupita rurarqan. 24Tsë candelabruta y llapan inshinankunata kima chunka kima (33) kïlu qoripitam rurarqan.
Inciensuwan sawmatsikuna altarta ruranqan
Éxodo 30.1-5
25Inciensuwan sawmana altartapis acacia qerupitam rurarqan. Tsë altarpa largunpis anchunpis chusku chunka pitsqa (45) centïmetrum karqan. Altunmi isqun chunka (90) centïmetru karqan. Chuskun kuchunkunachömi altarwan juk piëzalla kananpaq waqratanö rurarqan. 26Tsë altartaqa jananpapis, lädunkunapapis y waqrankunatapis qori püruwanmi laqarqan. Tsënöllam llapan kuchunpa qoripita rebëtita tumariq churarqan. 27Tsë rebëti churanqan jawanmannam cada esquïnanman qoripita argöllakunata churarqan. Tsë argöllakunam kayarqan mantëkunata pasatsir altarta puritsiyänanpaq.
28Altarta puritsikuyänan mantëkunata acacia qerupita rurarirmi qoriwan laqarqan.
29Tsënöllam perfümita ruraqkuna rurayanqannö sagrädu aceitita y pukutaq inciensutapis rurarqan.#Éxo. 30.22-38.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.