Éxodo 38
38
Broncipita altarta rurayanqan
Éxodo 27.1-8
1Tsënöllam acacia qerupita sacrificiuta kayana altarta Bezaleel rurarqan. Tsë altarpa anchunpis largunpis ishkë metru ishkë chunka pitsqa centïmetrum (2.25) karqan. Altunnam juk metru ishkë chunka pitsqa centïmetru (1.25) karqan. 2Chuskun esquïnankunachömi waqratanö rurarqan. Tsë waqrakuna altarwan juk piëzallam karqan. Altarpa jananta y rurintam bronciwan laqarqan. 3Tsënöllam altarpaq uchpa ëllukunata, tenäzakunata, trinchikunata, tazonkunata kallanakunata y llapan inshinakunatapis broncipita rurarqan. 4Tsënöllam rejïllatapis broncipita rurëkur altar rurinman churayarqan. Tsënö churayaptinmi tsë rejïlla quedarqan altarpa pullanninchö. 5Tsënöllam chusku argöllakunata broncipita fundirir rejïllapa chuskun esquïnanman churarqan. Tsë argöllakunapam mantëkunata pasatsiyarqan. 6Altarta puritsikuyänan ishkë mantëkunataqa acacia qerupita rurarirmi bronciwan laqarqan. 7Tsë mantëkunatam altarpa ishkan läduchö këkaq argöllankunapa pasatsiyarqan tsëwan puritsiyänanpaq. Tsë altarqa karqan tablapita rurashqa tsapanannaqllam.
Broncipita lavatoriuta ruranqan
Éxodo 30.18
8Paqakuyänanpaqmi lavatoriutapis täkuyänantawan broncipita rurarqan.#Éxo. 30.18. Tsëta rurarqan Tinkuna Toldupa patiunchö uryaq warmikunapa espëjunkunapitam.#38.8 Tsë witsanqa espëju manam vidriupitatsu karqan, sinöqa chipapëkaq broncipitam.
Sagrädu Toldupa patiunta ruranqan
Éxodo 27.9-19
9Tsënöllam Tinkuna Toldupa patiuntapis rurarqan. Tsë patiuta tumariq tsaparänanpaqmi cortïnata awarqan llanulla putskashqa lïnu jïlupita. Sur kaq lädunpam largun karqan chusku chunka pitsqa (45) metru. 10Patiupa cada lädunpaqmi ishkë chunka (20) jorcunkunata broncipita rurarqan. Jorcunkunapa jawiränantapis rurayarqan broncipita ishkë chunkatam. Ganchunkunatapis argöllankunatapis qellëpitam rurayarqan.
11Norti kaq lädupapis patiupa cortïnan chusku chunka pitsqa (45) metrum karqan. Jorcunninkunatapis y jawiränantapis broncipitam ishkë chunkata (20) rurarqan. Ganchunkunatapis argöllankunatapis qellëpitam rurarqan.
12Inti jeqanan kaq lädupanam cortïnapa largun ishkë chunka ishkë metru pullan (22.5) karqan. Jorcunkunatapis y jawiränankunatapis chunkatam rurarqan. Ganchunkunatapis argöllankunatapis qellëpitam rurarqan.
13Inti yarqamunan kaq lädunpam cortïnapa largun ishkë chunka ishkë metru pullan (22.5) karqan. 14Tsë läduchömi punku karqan. Punkupita itsuq kaq läduchö qanchis metru cortïna karqan. Cortïnata tsararänanpaqmi rurarqan kima jorcunkunata kima jawiränantawan. 15Tsënöllam punkupita allawka kaq lädumanpis churarqan qanchis metru cortïnata. Tsë cortïnata tsararänanpaqmi rurarqan kima jorcunkunata kima jawiränantawan.
16Patiupa tumariq llapan cortïnakunaqa karqan llanulla putskashqa lïnu jïlupitam. 17Patiuchö këkaq llapan jorcunkunapa jawiränanqa karqan broncipitam. Cortïnata tsaritsinanpaq ganchunkuna y argöllankunapis qellëpita rurashqam kayarqan. Jorcunkunapa puntankunapis qellëwan laqashqam karqan. Patiupa llapan jorcunninkunapa argöllankunapis qellëpitam karqan.
18Patiupa punkunta tsaparaq cortïnata llanulla putskashqa lïnu jïlupitam y azul, granäti y puka millwa jïlukunapitam rurarqan. Tsë cortïnatam shumaq bordayarqan kuyëllapaq kananpaq. Largunmi isqun metru karqan. Patiupa wakin cortïnankunanömi tsë cortïnapapis anchun karqan ishkë metru ishkë chunka pitsqa centïmetru (2.25). 19Tsë punkupaqmi chusku jorcunkunata jawiränantawan broncipita rurarqan. Cortïnata tsaränanpaq ganchunkuna y argöllankunapis qellëpitam karqan. Jorcunkunapa puntantapis qellëwanmi laqarqan. 20Sagrädu Tolduta shäritsiyänanpaq estäcankuna y patiupa jorcunninkunapa estäcankunapis broncipitam karqan.
Sagrädu Tolduta rurayänanpaq ëkata juntayanqan
21Tsëpitam Aarónpa tsurin Itamarta Moisés nirqan: <<Teyta Diospa Pactu Toldunpaq ëkata ëllunqantsiktapis levitakunawan listata rurayë>>.
Ninqannöllam ëkata ëlluyanqantapis listata rurayarqan.
22Judá trïbupita Uripa tsurin y Hurpa willkan Bezaleelqa llapantapis rurarqan Moisésta Teyta Dios ninqannöllam. 23Bezaleelta yanaparqan Ahisamacpa tsurin Aholiabmi. Aholiabqa Dan trïbupitam karqan. Pëqa yachëyuqmi karqan imakunatapis kuyëllapaq kaqkunata rurananpaq. Tsënöllam yacharqan azul, granäti y puka millwa jïlukunapita y llanulla putskashqa lïnu jïlupita imakunatapis bordëta.
24Tinkuna Sagrädu Toldutawan inshinankunata rurayänanpaq ëlluyanqan qorim karqan isqun pachak joqta chunka pitsqa (965) kïlu kima chunka (30) grämu. Tsëkunataqa pesayarqan Tinkuna Sagrädu Tolduchö këkaq pësukunawanmi.
25Qellëta ëlluyanqan karqan kima waranqa kima pachak chunka isqun (3,319) kïlum y pitsqa pachak ishkë chunka pitsqa (525) grämum. Tsëkunataqa pesayarqan Tinkuna Sagrädu Tolduchö këkaq pësukunawanmi. Tsë qellëqa karqan censashqa kaqkuna pagayanqanmi.#Éxo. 30.11-16. 26Ishkë chunka (20) watayuqpita witsëpam nunakunata censayarqan. Tsëmi censashqa kaqkuna kayarqan joqta pachak kima waranqa pitsqa pachak pitsqa chunka (603,550) nunakuna. Llapanmi qoykuyarqan pullan siclo qellëta. Tsëkunataqa pesayarqan Tinkuna Sagrädu Tolduchö këkaq pësukunawanmi.#Éxo. 30.11-16; Mat. 17.24. 27Tsë ëlluyanqan qellëmi kima waranqa kima pachak (3,300) kïlu karqan. Tsë qellëpitam Tinkuna Toldupa marcunkunapa jawiränanta y rurinchö kaq cortïnata tsararaq jorcunkunapa jawiränanta rurarqan. Juk pachaktam (100) tsë jawiränanta fundirqan. Tsëmi cada jawiränanta fundirqan kima chunka kima (33) kïlu qellëpita. 28Wakin kaq qellëwannam rurayarqan patiupa cortïnanta tsararänanpaq ganchunkunata y jorcunkunapa puntanchö argöllakunatapis. Tsënöllam tsë qellëwan jorcunkunapa puntanta laqarqan.
29Tinkuna Sagrädu Toldupaq ëlluyanqan broncipis karqan ishkë waranqa kima pachak kima chunka joqta (2,336) kïlum y chusku pachak (400) grämuyuqmi. 30Tsë apayanqan broncipitam rurayarqan Tinkuna Toldupa punkunchö shäraq jorcunkunapa jawiränanta, altarta, altarpa rejïllanta y altarpa inshinankunatapis. 31Tsënöllam broncipita rurayarqan Sagrädu Toldupa patiun tumariq jorcunkunapa jawiränanta y punku yëkunachö jorcunkunapa jawiränantapis. Tsënöllam broncipita rurayarqan Sagrädu Toldupa y patiunpa jorcunkuna tsararaq estäcankunatapis.
Currently Selected:
Éxodo 38: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 38
38
Broncipita altarta rurayanqan
Éxodo 27.1-8
1Tsënöllam acacia qerupita sacrificiuta kayana altarta Bezaleel rurarqan. Tsë altarpa anchunpis largunpis ishkë metru ishkë chunka pitsqa centïmetrum (2.25) karqan. Altunnam juk metru ishkë chunka pitsqa centïmetru (1.25) karqan. 2Chuskun esquïnankunachömi waqratanö rurarqan. Tsë waqrakuna altarwan juk piëzallam karqan. Altarpa jananta y rurintam bronciwan laqarqan. 3Tsënöllam altarpaq uchpa ëllukunata, tenäzakunata, trinchikunata, tazonkunata kallanakunata y llapan inshinakunatapis broncipita rurarqan. 4Tsënöllam rejïllatapis broncipita rurëkur altar rurinman churayarqan. Tsënö churayaptinmi tsë rejïlla quedarqan altarpa pullanninchö. 5Tsënöllam chusku argöllakunata broncipita fundirir rejïllapa chuskun esquïnanman churarqan. Tsë argöllakunapam mantëkunata pasatsiyarqan. 6Altarta puritsikuyänan ishkë mantëkunataqa acacia qerupita rurarirmi bronciwan laqarqan. 7Tsë mantëkunatam altarpa ishkan läduchö këkaq argöllankunapa pasatsiyarqan tsëwan puritsiyänanpaq. Tsë altarqa karqan tablapita rurashqa tsapanannaqllam.
Broncipita lavatoriuta ruranqan
Éxodo 30.18
8Paqakuyänanpaqmi lavatoriutapis täkuyänantawan broncipita rurarqan.#Éxo. 30.18. Tsëta rurarqan Tinkuna Toldupa patiunchö uryaq warmikunapa espëjunkunapitam.#38.8 Tsë witsanqa espëju manam vidriupitatsu karqan, sinöqa chipapëkaq broncipitam.
Sagrädu Toldupa patiunta ruranqan
Éxodo 27.9-19
9Tsënöllam Tinkuna Toldupa patiuntapis rurarqan. Tsë patiuta tumariq tsaparänanpaqmi cortïnata awarqan llanulla putskashqa lïnu jïlupita. Sur kaq lädunpam largun karqan chusku chunka pitsqa (45) metru. 10Patiupa cada lädunpaqmi ishkë chunka (20) jorcunkunata broncipita rurarqan. Jorcunkunapa jawiränantapis rurayarqan broncipita ishkë chunkatam. Ganchunkunatapis argöllankunatapis qellëpitam rurayarqan.
11Norti kaq lädupapis patiupa cortïnan chusku chunka pitsqa (45) metrum karqan. Jorcunninkunatapis y jawiränantapis broncipitam ishkë chunkata (20) rurarqan. Ganchunkunatapis argöllankunatapis qellëpitam rurarqan.
12Inti jeqanan kaq lädupanam cortïnapa largun ishkë chunka ishkë metru pullan (22.5) karqan. Jorcunkunatapis y jawiränankunatapis chunkatam rurarqan. Ganchunkunatapis argöllankunatapis qellëpitam rurarqan.
13Inti yarqamunan kaq lädunpam cortïnapa largun ishkë chunka ishkë metru pullan (22.5) karqan. 14Tsë läduchömi punku karqan. Punkupita itsuq kaq läduchö qanchis metru cortïna karqan. Cortïnata tsararänanpaqmi rurarqan kima jorcunkunata kima jawiränantawan. 15Tsënöllam punkupita allawka kaq lädumanpis churarqan qanchis metru cortïnata. Tsë cortïnata tsararänanpaqmi rurarqan kima jorcunkunata kima jawiränantawan.
16Patiupa tumariq llapan cortïnakunaqa karqan llanulla putskashqa lïnu jïlupitam. 17Patiuchö këkaq llapan jorcunkunapa jawiränanqa karqan broncipitam. Cortïnata tsaritsinanpaq ganchunkuna y argöllankunapis qellëpita rurashqam kayarqan. Jorcunkunapa puntankunapis qellëwan laqashqam karqan. Patiupa llapan jorcunninkunapa argöllankunapis qellëpitam karqan.
18Patiupa punkunta tsaparaq cortïnata llanulla putskashqa lïnu jïlupitam y azul, granäti y puka millwa jïlukunapitam rurarqan. Tsë cortïnatam shumaq bordayarqan kuyëllapaq kananpaq. Largunmi isqun metru karqan. Patiupa wakin cortïnankunanömi tsë cortïnapapis anchun karqan ishkë metru ishkë chunka pitsqa centïmetru (2.25). 19Tsë punkupaqmi chusku jorcunkunata jawiränantawan broncipita rurarqan. Cortïnata tsaränanpaq ganchunkuna y argöllankunapis qellëpitam karqan. Jorcunkunapa puntantapis qellëwanmi laqarqan. 20Sagrädu Tolduta shäritsiyänanpaq estäcankuna y patiupa jorcunninkunapa estäcankunapis broncipitam karqan.
Sagrädu Tolduta rurayänanpaq ëkata juntayanqan
21Tsëpitam Aarónpa tsurin Itamarta Moisés nirqan: <<Teyta Diospa Pactu Toldunpaq ëkata ëllunqantsiktapis levitakunawan listata rurayë>>.
Ninqannöllam ëkata ëlluyanqantapis listata rurayarqan.
22Judá trïbupita Uripa tsurin y Hurpa willkan Bezaleelqa llapantapis rurarqan Moisésta Teyta Dios ninqannöllam. 23Bezaleelta yanaparqan Ahisamacpa tsurin Aholiabmi. Aholiabqa Dan trïbupitam karqan. Pëqa yachëyuqmi karqan imakunatapis kuyëllapaq kaqkunata rurananpaq. Tsënöllam yacharqan azul, granäti y puka millwa jïlukunapita y llanulla putskashqa lïnu jïlupita imakunatapis bordëta.
24Tinkuna Sagrädu Toldutawan inshinankunata rurayänanpaq ëlluyanqan qorim karqan isqun pachak joqta chunka pitsqa (965) kïlu kima chunka (30) grämu. Tsëkunataqa pesayarqan Tinkuna Sagrädu Tolduchö këkaq pësukunawanmi.
25Qellëta ëlluyanqan karqan kima waranqa kima pachak chunka isqun (3,319) kïlum y pitsqa pachak ishkë chunka pitsqa (525) grämum. Tsëkunataqa pesayarqan Tinkuna Sagrädu Tolduchö këkaq pësukunawanmi. Tsë qellëqa karqan censashqa kaqkuna pagayanqanmi.#Éxo. 30.11-16. 26Ishkë chunka (20) watayuqpita witsëpam nunakunata censayarqan. Tsëmi censashqa kaqkuna kayarqan joqta pachak kima waranqa pitsqa pachak pitsqa chunka (603,550) nunakuna. Llapanmi qoykuyarqan pullan siclo qellëta. Tsëkunataqa pesayarqan Tinkuna Sagrädu Tolduchö këkaq pësukunawanmi.#Éxo. 30.11-16; Mat. 17.24. 27Tsë ëlluyanqan qellëmi kima waranqa kima pachak (3,300) kïlu karqan. Tsë qellëpitam Tinkuna Toldupa marcunkunapa jawiränanta y rurinchö kaq cortïnata tsararaq jorcunkunapa jawiränanta rurarqan. Juk pachaktam (100) tsë jawiränanta fundirqan. Tsëmi cada jawiränanta fundirqan kima chunka kima (33) kïlu qellëpita. 28Wakin kaq qellëwannam rurayarqan patiupa cortïnanta tsararänanpaq ganchunkunata y jorcunkunapa puntanchö argöllakunatapis. Tsënöllam tsë qellëwan jorcunkunapa puntanta laqarqan.
29Tinkuna Sagrädu Toldupaq ëlluyanqan broncipis karqan ishkë waranqa kima pachak kima chunka joqta (2,336) kïlum y chusku pachak (400) grämuyuqmi. 30Tsë apayanqan broncipitam rurayarqan Tinkuna Toldupa punkunchö shäraq jorcunkunapa jawiränanta, altarta, altarpa rejïllanta y altarpa inshinankunatapis. 31Tsënöllam broncipita rurayarqan Sagrädu Toldupa patiun tumariq jorcunkunapa jawiränanta y punku yëkunachö jorcunkunapa jawiränantapis. Tsënöllam broncipita rurayarqan Sagrädu Toldupa y patiunpa jorcunkuna tsararaq estäcankunatapis.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.