Éxodo 36
36
1Tsëmi Bezaleel, Aholiab y tsë oficiuyuq wakin nunakunapis Teyta Dios nimanqantsiknö Tinkuna Sagrädu Tolduta sharkatsiyanqa. Pëkunatam Teyta Dios yachëninkuna qoykurqan Tinkuna Sagrädu Tolduta y tsëchö inshinankunatapis#Éxo. 35.4-19. rurayänanpaq>>.
Sagrädu Tolduta rurayänanpaq ofrendakunata atska atskata apayanqan
2Uryar qallayänanpaqmi Bezaleelta, Aholiabta y tsë oficiuchö yachëyuq wakin nunakunatapis Moisés qayarqan. Pëkunaqa uryayänanpaq listum këkäyarqan. 3Pëkunatam Moisés qoykurqan Tinkuna Sagrädu Tolduta rurayänanpaq llapan wanayanqanta Israel nunakuna apayanqan ofrendakunata. Israel nunakunaqa voluntäninkunapitam cada qoya mas ofrendakunata apayarqan. 4Tsëmi uryëkäyanqanta jaqirir maestrukuna 5Moisésta willaq ëwayarqan kënö nir: <<Teyta Dios nimanqantsiknö Tinkuna Sagrädu Tolduta ruranantsikpaq nunakuna apayämushqan alläpanam>>.
6Tsëmi Moisésqa llapan nunakunaman willakatsirqan: <<Tinkuna Sagrädu Tolduta ruranantsikpaq ama mastaqa imatapis apayämïnatsu>> nir.
Tsënö willakatsiptinmi nunakuna apayarqannatsu. 7Llapanta rurayänanpaqpis alläpanam karqan.
Sagrädu Tolduta rurayanqan
Éxodo 26.1-37
8 Sagrädu Toldupaqmi mas yachëyuq nunakuna chunka bayëtakunata awayarqan llanulla putskashqa lïnu jïlupita y azul, granäti y puka millwa jïlukunapita. Tsë bayëtakunamanmi querubinkunata bordayarqan. 9Tsë chunka bayëtakunaqa juk tamäñullam kayarqan. Cada bayëtapa largunmi karqan chunka ishkë metru pullannin (12.5). Anchunnam karqan ishkë metru.
10Pitsqa bayëtakunatam largun kaqpa jirayarqan juknölla kananpaq. Tsënöllam jirayarqan pitsqa kaq bayëtakunatapis. 11Nïkurnam tsë ishkan jirayanqan bayëtakunapa largu kaq kuchunman azul jïlukunata doblarkur churayarqan ojalnin kayänanpaq. 12Pitsqa chunkatam (50) rurayarqan juk kaq bayëtapa kuchunpaq y pitsqa chunkatam rurayarqan juknin bayëtapa kuchunpaq. Tsënöpam ishkan bayëtakunapa ojalninkuna frentipuralla kayarqan tsaritsiyänanpaq. 13Ojalninkunapita tsaritsiyänanpaq qoripitam rurayarqan pitsqa chunka ganchukunata. Tsë ganchukunawan ishkan jirayanqan bayëtakunata tsaritsiyaptinmi juk toldullana karqan.
14Tsë jananman qatayänanpaq chiwapa aqtsanpitam awayarqan chunka juk bayëtakunata. 15Tsë bayëtakunaqa llapanpis juk tamäñullam kayarqan. Cada bayëtapa largunmi karqan chunka kima metru pullannin (13.5). Anchunnam karqan ishkë metru. 16Tsëpitanam pitsqa bayëtakunata largun kaqpa jirayarqan juknölla kananpaq. Tsënöllam joqta kaqkunatapis largun kaqpa jirayarqan juknölla kananpaq. 17Tsënöllam ojalkunata jïlupita rurarkur tsë jirayanqan bayëtakuna tinkuränan kaq kuchunman churayarqan. Pitsqa chunka (50) ojalkunata churayarqan juk kaq bayëtapa kuchunman y pitsqa chunkatanam churayarqan juk kaq bayëtapa kuchunman. 18Tsë ojalkunapita tsaritsinanpaqmi broncipita rurayarqan pitsqa chunka ganchukunata. Tsëwan tsaritsiyaptinmi juk bayëtanöllana karqan.
19Tsë bayëtakuna jananpa qatayänanpaqmi rurayarqan pukaman tiñishqa üsha pergashpita tolduta. Tsë pergashkuna jananmannam qatayarqan fïnu qarakunapita rurashqa tolduta.
20Tsëpitanam acacia qerupita marcukunata rurarir derëchu shäritsiyarqan. 21Cada marcukunapam altun chusku metru pullan karqan. Anchunnam karqan joqta chunka pitsqa (65) centïmetru. 22Armazonpura laqaränanpaqmi cada marcupa chakinchö ishkë espïgatayan rurayarqan. Tsënöllam llapan marcukunata rurayarqan. 23Ishkë chunka (20) marcukunatanam rurayarqan sur kaq läduman shäritsiyänanpaq. 24Tsë marcukuna shäräyänanpaqmi qellëpita chusku chunka (40) jawiränankunata rurayarqan. Cada marcupa ishkë espïgan kaptinmi cada marcupa ishkë jawiränanpis karqan. 25Tsënöllam ishkë chunka (20) marcukunata rurayarqan norti kaq läduman shäritsiyänanpaq. 26Tsëkuna shäräyänanpaqpis qellëpitam rurayarqan chusku chunka (40) jawiränankunata. Tsënöpam cada marcukunapaq karqan ishkë jawiränan.
27Joqta marcukunatanam rurayarqan inti jeqanan kaq lädupa shäritsiyänanpaq. 28Qepan kaq esquïnankunapaqnam ishkë mas marcukunata rurayarqan. 29Tsë marcukunam esquïnachö tinku shumaq laqararqan. Janachönam juk argölla tsarararqan. Tsënöllam ishkan esquïnanchö marcukunata shäritsiyarqan. 30Tsëmi puwaq marcukuna tsë läduchö kayarqan. Cada marcupam qellëpita rurashqa ishkë jawiränan karqan. Tsënöpam tsë läduchö chunka joqta jawiräyänan karqan.
31Sagrädu Toldupa juk kaq lädun marcukuna tsakraränanpaqmi acacia qerupita pitsqa traviskunata rurayarqan. 32Tsënöllam juk kaq lädupaqpis pitsqa traviskunata rurayarqan. Sagrädu Toldu qepanpaqpis pitsqa mas mantëkunata rurayarqan. Tsëqa inti jeqanan lädupam kanqa. 33Chöpi kaq travisqa juk kuchunpita juk kaq kuchunyaqmi marcukunapa pasararqan. 34Tsë marcukunata y traviskunatam qoriwan laqayarqan. Traviskuna pasayänanpaqqa qoripita argöllankunatam rurayarqan.
35Nïkurnam cortïnata awayarqan azul, granäti y puka millwa jïlukunapita y llanulla putskashqa lïnu jïlupitapis. Tsëmanmi ishkë querubinkunata shumaq bordayarqan. 36Tsë cortïnatanam qoripita rurashqa ganchukunawan tsaritsiyarqan acacia qerupita rurashqa chusku jorcunkunaman. Tsë jorcunkunaqa qoriwan laqashqam kayarqan. Jorcunkunapa jawiränanpis qellëpita rurashqam karqan.
37Tsëpitam juk cortïnata awayarqan tolduman yëkuna punkupaq. Tsëta awayarqan azul, granäti y puka millwa jïlukunapitam y llanulla putskashqa lïnu jïlupitam. Tsë cortïnatam shumaq bordayarqan kuyëllapaq kananpaq. 38Cortïna shawaränanpaqnam pitsqa jorcunkunata ganchunkunatawan rurayarqan. Tsë jorcunkunapa puntantapis argöllankunatapis qoriwanmi laqayarqan. Tsënöllam jorcunkuna shäräyänanpaq pitsqa jawiränankuna broncipita fundiyarqan.
Currently Selected:
Éxodo 36: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 36
36
1Tsëmi Bezaleel, Aholiab y tsë oficiuyuq wakin nunakunapis Teyta Dios nimanqantsiknö Tinkuna Sagrädu Tolduta sharkatsiyanqa. Pëkunatam Teyta Dios yachëninkuna qoykurqan Tinkuna Sagrädu Tolduta y tsëchö inshinankunatapis#Éxo. 35.4-19. rurayänanpaq>>.
Sagrädu Tolduta rurayänanpaq ofrendakunata atska atskata apayanqan
2Uryar qallayänanpaqmi Bezaleelta, Aholiabta y tsë oficiuchö yachëyuq wakin nunakunatapis Moisés qayarqan. Pëkunaqa uryayänanpaq listum këkäyarqan. 3Pëkunatam Moisés qoykurqan Tinkuna Sagrädu Tolduta rurayänanpaq llapan wanayanqanta Israel nunakuna apayanqan ofrendakunata. Israel nunakunaqa voluntäninkunapitam cada qoya mas ofrendakunata apayarqan. 4Tsëmi uryëkäyanqanta jaqirir maestrukuna 5Moisésta willaq ëwayarqan kënö nir: <<Teyta Dios nimanqantsiknö Tinkuna Sagrädu Tolduta ruranantsikpaq nunakuna apayämushqan alläpanam>>.
6Tsëmi Moisésqa llapan nunakunaman willakatsirqan: <<Tinkuna Sagrädu Tolduta ruranantsikpaq ama mastaqa imatapis apayämïnatsu>> nir.
Tsënö willakatsiptinmi nunakuna apayarqannatsu. 7Llapanta rurayänanpaqpis alläpanam karqan.
Sagrädu Tolduta rurayanqan
Éxodo 26.1-37
8 Sagrädu Toldupaqmi mas yachëyuq nunakuna chunka bayëtakunata awayarqan llanulla putskashqa lïnu jïlupita y azul, granäti y puka millwa jïlukunapita. Tsë bayëtakunamanmi querubinkunata bordayarqan. 9Tsë chunka bayëtakunaqa juk tamäñullam kayarqan. Cada bayëtapa largunmi karqan chunka ishkë metru pullannin (12.5). Anchunnam karqan ishkë metru.
10Pitsqa bayëtakunatam largun kaqpa jirayarqan juknölla kananpaq. Tsënöllam jirayarqan pitsqa kaq bayëtakunatapis. 11Nïkurnam tsë ishkan jirayanqan bayëtakunapa largu kaq kuchunman azul jïlukunata doblarkur churayarqan ojalnin kayänanpaq. 12Pitsqa chunkatam (50) rurayarqan juk kaq bayëtapa kuchunpaq y pitsqa chunkatam rurayarqan juknin bayëtapa kuchunpaq. Tsënöpam ishkan bayëtakunapa ojalninkuna frentipuralla kayarqan tsaritsiyänanpaq. 13Ojalninkunapita tsaritsiyänanpaq qoripitam rurayarqan pitsqa chunka ganchukunata. Tsë ganchukunawan ishkan jirayanqan bayëtakunata tsaritsiyaptinmi juk toldullana karqan.
14Tsë jananman qatayänanpaq chiwapa aqtsanpitam awayarqan chunka juk bayëtakunata. 15Tsë bayëtakunaqa llapanpis juk tamäñullam kayarqan. Cada bayëtapa largunmi karqan chunka kima metru pullannin (13.5). Anchunnam karqan ishkë metru. 16Tsëpitanam pitsqa bayëtakunata largun kaqpa jirayarqan juknölla kananpaq. Tsënöllam joqta kaqkunatapis largun kaqpa jirayarqan juknölla kananpaq. 17Tsënöllam ojalkunata jïlupita rurarkur tsë jirayanqan bayëtakuna tinkuränan kaq kuchunman churayarqan. Pitsqa chunka (50) ojalkunata churayarqan juk kaq bayëtapa kuchunman y pitsqa chunkatanam churayarqan juk kaq bayëtapa kuchunman. 18Tsë ojalkunapita tsaritsinanpaqmi broncipita rurayarqan pitsqa chunka ganchukunata. Tsëwan tsaritsiyaptinmi juk bayëtanöllana karqan.
19Tsë bayëtakuna jananpa qatayänanpaqmi rurayarqan pukaman tiñishqa üsha pergashpita tolduta. Tsë pergashkuna jananmannam qatayarqan fïnu qarakunapita rurashqa tolduta.
20Tsëpitanam acacia qerupita marcukunata rurarir derëchu shäritsiyarqan. 21Cada marcukunapam altun chusku metru pullan karqan. Anchunnam karqan joqta chunka pitsqa (65) centïmetru. 22Armazonpura laqaränanpaqmi cada marcupa chakinchö ishkë espïgatayan rurayarqan. Tsënöllam llapan marcukunata rurayarqan. 23Ishkë chunka (20) marcukunatanam rurayarqan sur kaq läduman shäritsiyänanpaq. 24Tsë marcukuna shäräyänanpaqmi qellëpita chusku chunka (40) jawiränankunata rurayarqan. Cada marcupa ishkë espïgan kaptinmi cada marcupa ishkë jawiränanpis karqan. 25Tsënöllam ishkë chunka (20) marcukunata rurayarqan norti kaq läduman shäritsiyänanpaq. 26Tsëkuna shäräyänanpaqpis qellëpitam rurayarqan chusku chunka (40) jawiränankunata. Tsënöpam cada marcukunapaq karqan ishkë jawiränan.
27Joqta marcukunatanam rurayarqan inti jeqanan kaq lädupa shäritsiyänanpaq. 28Qepan kaq esquïnankunapaqnam ishkë mas marcukunata rurayarqan. 29Tsë marcukunam esquïnachö tinku shumaq laqararqan. Janachönam juk argölla tsarararqan. Tsënöllam ishkan esquïnanchö marcukunata shäritsiyarqan. 30Tsëmi puwaq marcukuna tsë läduchö kayarqan. Cada marcupam qellëpita rurashqa ishkë jawiränan karqan. Tsënöpam tsë läduchö chunka joqta jawiräyänan karqan.
31Sagrädu Toldupa juk kaq lädun marcukuna tsakraränanpaqmi acacia qerupita pitsqa traviskunata rurayarqan. 32Tsënöllam juk kaq lädupaqpis pitsqa traviskunata rurayarqan. Sagrädu Toldu qepanpaqpis pitsqa mas mantëkunata rurayarqan. Tsëqa inti jeqanan lädupam kanqa. 33Chöpi kaq travisqa juk kuchunpita juk kaq kuchunyaqmi marcukunapa pasararqan. 34Tsë marcukunata y traviskunatam qoriwan laqayarqan. Traviskuna pasayänanpaqqa qoripita argöllankunatam rurayarqan.
35Nïkurnam cortïnata awayarqan azul, granäti y puka millwa jïlukunapita y llanulla putskashqa lïnu jïlupitapis. Tsëmanmi ishkë querubinkunata shumaq bordayarqan. 36Tsë cortïnatanam qoripita rurashqa ganchukunawan tsaritsiyarqan acacia qerupita rurashqa chusku jorcunkunaman. Tsë jorcunkunaqa qoriwan laqashqam kayarqan. Jorcunkunapa jawiränanpis qellëpita rurashqam karqan.
37Tsëpitam juk cortïnata awayarqan tolduman yëkuna punkupaq. Tsëta awayarqan azul, granäti y puka millwa jïlukunapitam y llanulla putskashqa lïnu jïlupitam. Tsë cortïnatam shumaq bordayarqan kuyëllapaq kananpaq. 38Cortïna shawaränanpaqnam pitsqa jorcunkunata ganchunkunatawan rurayarqan. Tsë jorcunkunapa puntantapis argöllankunatapis qoriwanmi laqayarqan. Tsënöllam jorcunkuna shäräyänanpaq pitsqa jawiränankuna broncipita fundiyarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.