Éxodo 28
28
Sacerdötikunapa ratashninkunata jiratsinanpaq käyitsinqan
Éxodo 39.1-31
1<<Israel nunakunapita wawqiki Aarónta y tsurinkuna Nadabta, Abiúta, Eleazarta y Itamarta churanki sirwimaq sacerdötïkuna kayänanpaq. 2Wawqiki Aarón respetädu sacerdöti kar yakakunanpaq kuyëllapaq sagrädu ratashninkuna jiratsinki. 3Ratashninkuna jiratsinëkipaqqa yachëta qonqä nunakunata käyitsinki imanö jirayänanpaqpis. Tsë ratashkunata yakakurmi sirwimaqnï sacerdöti kananpaq consagrädu kanqa. 4Wawqiki Aarón y tsurinkunapis yakakuyänanpaq ruratsinki pechërata, efodta, sotänata, bordashqa tünicata, görrata y wachukutapis. Pëkunam tsë sagrädu ratashkunata yakakuyanqa akranqä sacerdötïkuna kar sirwiyämänanpaq. 5Tsë ratashkunata rurayanqa qori jïlupita, azul, granäti y puka millwa jïlukunapita y llanulla putskashqa lïnu jïlupita.
Efodta ruratsinanpaq käyitsinqan
Éxodo 39.2-7
6<<Efodta ruratsinki qori jïlupita#Éxo. 39.3., azul, granäti y puka millwa jïlukunapita y llanulla putskashqa lïnu jïlupita. Tsëkunata awayanqa awëta shumaq yachaqkuna. 7Tsënölla efodpa ishkan kuchunchö tirantikuna kanqa omrunman shawayänanpaq. 8Efodpa wachukuntapis awatsinki qori jïlupita, azul, granäti y puka millwa jïlukunapita y llanulla putskashqa lïnu jïlupita. Tsë wachukunqa efodwan juknöllam kanqa.
9<<Tsënölla ishkë ónice rumikunaman Israelpa tsurinkunapa shutinkunata qellqatsinki. 10Tsënö qellqatsinki wamaqshupita qallëkur hasta tutuyaq. Juknin kaq rumiman joqta shutikunata y juk kaq rumimanna joqta shutikunata qellqatsinki. 11Tsë shutikunata rumipita sëlluta ruraqnö alhäja ruraq nunawan qellqatsinki. Tsë rumikuna mana yarqunanpaq tsaraqninkunata qoripita rurëkatsir seguratsinki. 12Tsë ishkë rumikunata efodpa tirantinkunaman churatsinki sacerdötipa omrunchö kananpaq. Tsënöpam Aarón nöpäman shamur omrunchö apamunqa Israelpa tsurinkunapa shutinkunata imëpis yarparänanpaq. 13Tsë rumikunapa tsaraqninkunata qoripita ruratsinki. 14Rumikuna këkäyanqan kuchunpa churatsinki piltashqa ishkë qori cordonta.
Pechërata ruratsinanpaq käyitsinqan
Éxodo 39.8-21
15<<Pëchunman churakunan pechëra kanqa imata munanqätapis sacerdöti musyananpaqmi.#28.15 Pechëra rurinchömi Urim y Tumim ninqan rumikuna karqan. Tsë rumikunawanmi sacerdöti suertita rikaq Teyta Dios imata munanqanta musyananpaq. Tsëpita masta musyanëkipaq leyinki Éxo. 28.30. Tsëtapis ruratsinki efodta ruratsinqëkinölla. Tsëmi kanqa qori jïlupita, azul, granäti y puka millwa jïlukunapita y llanulla putskashqa lïnu jïlupita. 16Tsënö rurarkatsir doblatsinki pikshanö cuadrädu kananpaq. Largunpis anchunpis ishkë chunka ishkë (22) centïmetru kanqa. 17Tsëman churatsinki chusku fïla kuyëllapaq rumikunata. Punta kaq fïlaman churatsinki sárdica rumita, topacio rumita y carbunclo rumita. 18Ishkë kaq fïlaman churatsinki esmeralda rumita, zafiro rumita y diamanti rumita. 19Kima kaq fïlamanna churatsinki jacinto rumita, ágata rumita y amatista rumita. 20Chusku kaq fïlamanna churatsinki berilo rumita, ónice rumita y jaspe rumitapis. Tsë rumikuna mana yarqunanpaq qoripita tsaraqninkunata rurëkatsir seguratsinki. 21Tsë rumikunaqa kanqa chunka ishkëmi. Tsënö chunka ishkë kanqa Israelpa tsurinkuna chunka ishkë kayanqannömi. Cada rumiman juk trïbupa shutinta qellqatsinki rumipita rurashqa sëllunö kananpaq.
22<<Pechërapaq cordonkunata qori püru jïlupita piltatsinki. 23Tsënölla ishkë taksha argöllakunata qoripita ruratsinki. Tsë argöllakunata churatsinki pechërapa jana kaq ishkan esquïnanman. 24Tsë argöllakunapa qoripita piltashqa cordonkunata pasatsinki. 25Cordonpa ishkan puntankunatana watätsinki omrunchö kaq tsaraqninkunaman. Tsëqa pëchunchömi wataranqa.
26<<Tsënölla ishkë taksha argöllakunata qoripita ruratsinki pechërapa ura kaq kuchunkunaman churayänanpaq. Tsë argöllakuna pechëra rurinchö kar efod jananchö kanqa. 27Tsënölla ishkë taksha argöllakunata qoripita ruratsinki efodpa wachukun jana lädunman churayänanpaq. Tsëkunam efodpa tirantinkunachö kar pechërapa costüranman tinkuranqa. 28Tsënam pechërapawan efodpa argöllankunata azul cordonwan watanki efodpita mana yarqunanpaq.
29<<Lugar Santuman pechëran yakashqa Aarón yëkurmi Israelpa tsurinkunapa shutinkunata pëchunchö apanqa. Pechëran yakashqa nöpächö kaptinmi pëkunata y pëkunapita miraqkunata imëpis yarpäshaq. 30Tsë pechëraman Urimta y Tumimta#Núm. 27.21; Esd. 2.63; Neh. 7.65. winanki pëchunchö Aarón apananpaq. Tsënöpam Lugar Santuman yëkur noqapa nöpächö imëpis tsararanqa allipaq kaqta y mana allipaq kaqtapis Israel nunakunata käyitsinäpaq.
Sumo sacerdötipa wakin ratashninkunata ruratsinanpaq käyitsinqan
Éxodo 39.22-31
31<<Efodpa rurinman yakakunanpaq azul jïlupita sotänata ruratsinki. 32Peqan yëkunanpaq tsë sotänaqa kunkayuqmi kanqa. Sotänapa kunkan mana rachinanpaq rebëtin jiratsinki. Tsë rebëtiqa qara casäcapa rebëtinnömi kanqa. 33Sotänapa ura kuchunpa granadïllatanö bordatsinki azul, granäti y puka puru millwa jïlukunawan. Tsënölla tsë kuchunpa qoripita rurashqa campanillakunata churatsinki. 34Tsënöpam juk qori campanilla, juk granadïlla, juk qori campanilla, juk granadïlla sotäna kuchunchö tumariq kanqa. 35Tsë sotänan yakashqam Lugar Santuman imëpis Aarón yëkunqa. Tsëmi sirwimänanpaq yëkuptinpis y yarqamuptinpis campanillan waqanqan wiyakunqa. Sotänan yakashqa yëkurqa manam wanunqatsu.
36<<Tsënölla qoripita vinchata ruratsinki. Nïkur tsëman qellqatsinki <Teyta Diospa karmi santu> nir qellqaränanpaq. Tsëta qellqatsinki rumipita sëllu rurashqanö kananpaq. 37Tsë vinchata ruratsinqëkita Aarónpa görranman azul cordonwan watanki. 38Tsë vinchata Aarón imëpis urkunchö yakakutsun. Tsënöpam Israel nunakuna sagrädu sacrificiukunata apayämuptin munanqänö mana kaptinpis perdonashaq. Tsë jutsankunataqa Aarónmi apanqa.
39<<Aarónpaq tünicatapis lïnu jïlupita rurarkatsir shumaq bordatsinki. Görrantapis lïnu jïlupita ruratsinki.#28.39 Aarónpa görranqa manam llullukuna yakakuyanqan görra niraqtsu karqan, sinöqa lïnu tëlapita rurashqa corönanömi. Wachukuntapis shumaqta bordatsinki.
40<<Aarónpa tsurinkunapaqpis tünicankuna, wachukunkuna y görrankuna shumaqta jiratsinki kuyëllapaq kayänanpaq. 41Tsëkunata rurarkatsir wawqiki Aarónta y tsurinkunata yakatsinki. Nïkur sirwimaq sacerdötikuna kayänanpaq peqanman sagrädu aceitita jichapunki.
42<<Tsënölla compañonninta tsapananpaq tseqllapita qonquyaq lïnupita calzoncïllunpis jiratsipunki. 43Tsë calzoncïllutaqa Aarón y tsurinkuna yakakuyanqa Tinkunantsik Tolduman yëkuyänanpaqmi. Tsënin yakashqam Lugar Santuchö kaq altarchöpis sirwiyämanqa. Calzoncïllun yakashqa mana yëkurqa jutsayuq karmi wanuyanqa. Tsë ninqaqkunaqa imëyaqpis leymi kanqa Aarónpaq tsurinkunapaq y pëpita miraqkunapaqpis.
Currently Selected:
Éxodo 28: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 28
28
Sacerdötikunapa ratashninkunata jiratsinanpaq käyitsinqan
Éxodo 39.1-31
1<<Israel nunakunapita wawqiki Aarónta y tsurinkuna Nadabta, Abiúta, Eleazarta y Itamarta churanki sirwimaq sacerdötïkuna kayänanpaq. 2Wawqiki Aarón respetädu sacerdöti kar yakakunanpaq kuyëllapaq sagrädu ratashninkuna jiratsinki. 3Ratashninkuna jiratsinëkipaqqa yachëta qonqä nunakunata käyitsinki imanö jirayänanpaqpis. Tsë ratashkunata yakakurmi sirwimaqnï sacerdöti kananpaq consagrädu kanqa. 4Wawqiki Aarón y tsurinkunapis yakakuyänanpaq ruratsinki pechërata, efodta, sotänata, bordashqa tünicata, görrata y wachukutapis. Pëkunam tsë sagrädu ratashkunata yakakuyanqa akranqä sacerdötïkuna kar sirwiyämänanpaq. 5Tsë ratashkunata rurayanqa qori jïlupita, azul, granäti y puka millwa jïlukunapita y llanulla putskashqa lïnu jïlupita.
Efodta ruratsinanpaq käyitsinqan
Éxodo 39.2-7
6<<Efodta ruratsinki qori jïlupita#Éxo. 39.3., azul, granäti y puka millwa jïlukunapita y llanulla putskashqa lïnu jïlupita. Tsëkunata awayanqa awëta shumaq yachaqkuna. 7Tsënölla efodpa ishkan kuchunchö tirantikuna kanqa omrunman shawayänanpaq. 8Efodpa wachukuntapis awatsinki qori jïlupita, azul, granäti y puka millwa jïlukunapita y llanulla putskashqa lïnu jïlupita. Tsë wachukunqa efodwan juknöllam kanqa.
9<<Tsënölla ishkë ónice rumikunaman Israelpa tsurinkunapa shutinkunata qellqatsinki. 10Tsënö qellqatsinki wamaqshupita qallëkur hasta tutuyaq. Juknin kaq rumiman joqta shutikunata y juk kaq rumimanna joqta shutikunata qellqatsinki. 11Tsë shutikunata rumipita sëlluta ruraqnö alhäja ruraq nunawan qellqatsinki. Tsë rumikuna mana yarqunanpaq tsaraqninkunata qoripita rurëkatsir seguratsinki. 12Tsë ishkë rumikunata efodpa tirantinkunaman churatsinki sacerdötipa omrunchö kananpaq. Tsënöpam Aarón nöpäman shamur omrunchö apamunqa Israelpa tsurinkunapa shutinkunata imëpis yarparänanpaq. 13Tsë rumikunapa tsaraqninkunata qoripita ruratsinki. 14Rumikuna këkäyanqan kuchunpa churatsinki piltashqa ishkë qori cordonta.
Pechërata ruratsinanpaq käyitsinqan
Éxodo 39.8-21
15<<Pëchunman churakunan pechëra kanqa imata munanqätapis sacerdöti musyananpaqmi.#28.15 Pechëra rurinchömi Urim y Tumim ninqan rumikuna karqan. Tsë rumikunawanmi sacerdöti suertita rikaq Teyta Dios imata munanqanta musyananpaq. Tsëpita masta musyanëkipaq leyinki Éxo. 28.30. Tsëtapis ruratsinki efodta ruratsinqëkinölla. Tsëmi kanqa qori jïlupita, azul, granäti y puka millwa jïlukunapita y llanulla putskashqa lïnu jïlupita. 16Tsënö rurarkatsir doblatsinki pikshanö cuadrädu kananpaq. Largunpis anchunpis ishkë chunka ishkë (22) centïmetru kanqa. 17Tsëman churatsinki chusku fïla kuyëllapaq rumikunata. Punta kaq fïlaman churatsinki sárdica rumita, topacio rumita y carbunclo rumita. 18Ishkë kaq fïlaman churatsinki esmeralda rumita, zafiro rumita y diamanti rumita. 19Kima kaq fïlamanna churatsinki jacinto rumita, ágata rumita y amatista rumita. 20Chusku kaq fïlamanna churatsinki berilo rumita, ónice rumita y jaspe rumitapis. Tsë rumikuna mana yarqunanpaq qoripita tsaraqninkunata rurëkatsir seguratsinki. 21Tsë rumikunaqa kanqa chunka ishkëmi. Tsënö chunka ishkë kanqa Israelpa tsurinkuna chunka ishkë kayanqannömi. Cada rumiman juk trïbupa shutinta qellqatsinki rumipita rurashqa sëllunö kananpaq.
22<<Pechërapaq cordonkunata qori püru jïlupita piltatsinki. 23Tsënölla ishkë taksha argöllakunata qoripita ruratsinki. Tsë argöllakunata churatsinki pechërapa jana kaq ishkan esquïnanman. 24Tsë argöllakunapa qoripita piltashqa cordonkunata pasatsinki. 25Cordonpa ishkan puntankunatana watätsinki omrunchö kaq tsaraqninkunaman. Tsëqa pëchunchömi wataranqa.
26<<Tsënölla ishkë taksha argöllakunata qoripita ruratsinki pechërapa ura kaq kuchunkunaman churayänanpaq. Tsë argöllakuna pechëra rurinchö kar efod jananchö kanqa. 27Tsënölla ishkë taksha argöllakunata qoripita ruratsinki efodpa wachukun jana lädunman churayänanpaq. Tsëkunam efodpa tirantinkunachö kar pechërapa costüranman tinkuranqa. 28Tsënam pechërapawan efodpa argöllankunata azul cordonwan watanki efodpita mana yarqunanpaq.
29<<Lugar Santuman pechëran yakashqa Aarón yëkurmi Israelpa tsurinkunapa shutinkunata pëchunchö apanqa. Pechëran yakashqa nöpächö kaptinmi pëkunata y pëkunapita miraqkunata imëpis yarpäshaq. 30Tsë pechëraman Urimta y Tumimta#Núm. 27.21; Esd. 2.63; Neh. 7.65. winanki pëchunchö Aarón apananpaq. Tsënöpam Lugar Santuman yëkur noqapa nöpächö imëpis tsararanqa allipaq kaqta y mana allipaq kaqtapis Israel nunakunata käyitsinäpaq.
Sumo sacerdötipa wakin ratashninkunata ruratsinanpaq käyitsinqan
Éxodo 39.22-31
31<<Efodpa rurinman yakakunanpaq azul jïlupita sotänata ruratsinki. 32Peqan yëkunanpaq tsë sotänaqa kunkayuqmi kanqa. Sotänapa kunkan mana rachinanpaq rebëtin jiratsinki. Tsë rebëtiqa qara casäcapa rebëtinnömi kanqa. 33Sotänapa ura kuchunpa granadïllatanö bordatsinki azul, granäti y puka puru millwa jïlukunawan. Tsënölla tsë kuchunpa qoripita rurashqa campanillakunata churatsinki. 34Tsënöpam juk qori campanilla, juk granadïlla, juk qori campanilla, juk granadïlla sotäna kuchunchö tumariq kanqa. 35Tsë sotänan yakashqam Lugar Santuman imëpis Aarón yëkunqa. Tsëmi sirwimänanpaq yëkuptinpis y yarqamuptinpis campanillan waqanqan wiyakunqa. Sotänan yakashqa yëkurqa manam wanunqatsu.
36<<Tsënölla qoripita vinchata ruratsinki. Nïkur tsëman qellqatsinki <Teyta Diospa karmi santu> nir qellqaränanpaq. Tsëta qellqatsinki rumipita sëllu rurashqanö kananpaq. 37Tsë vinchata ruratsinqëkita Aarónpa görranman azul cordonwan watanki. 38Tsë vinchata Aarón imëpis urkunchö yakakutsun. Tsënöpam Israel nunakuna sagrädu sacrificiukunata apayämuptin munanqänö mana kaptinpis perdonashaq. Tsë jutsankunataqa Aarónmi apanqa.
39<<Aarónpaq tünicatapis lïnu jïlupita rurarkatsir shumaq bordatsinki. Görrantapis lïnu jïlupita ruratsinki.#28.39 Aarónpa görranqa manam llullukuna yakakuyanqan görra niraqtsu karqan, sinöqa lïnu tëlapita rurashqa corönanömi. Wachukuntapis shumaqta bordatsinki.
40<<Aarónpa tsurinkunapaqpis tünicankuna, wachukunkuna y görrankuna shumaqta jiratsinki kuyëllapaq kayänanpaq. 41Tsëkunata rurarkatsir wawqiki Aarónta y tsurinkunata yakatsinki. Nïkur sirwimaq sacerdötikuna kayänanpaq peqanman sagrädu aceitita jichapunki.
42<<Tsënölla compañonninta tsapananpaq tseqllapita qonquyaq lïnupita calzoncïllunpis jiratsipunki. 43Tsë calzoncïllutaqa Aarón y tsurinkuna yakakuyanqa Tinkunantsik Tolduman yëkuyänanpaqmi. Tsënin yakashqam Lugar Santuchö kaq altarchöpis sirwiyämanqa. Calzoncïllun yakashqa mana yëkurqa jutsayuq karmi wanuyanqa. Tsë ninqaqkunaqa imëyaqpis leymi kanqa Aarónpaq tsurinkunapaq y pëpita miraqkunapaqpis.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.