Éxodo 27
27
Broncipita altarta ruratsinanpaq käyitsinqan
Éxodo 38.1-7
1<<Tsënölla acacia qerupita cuadrädu altarta ruratsinki. Tsë altarpa anchunpis largunpis kanqa ishkë metru ishkë chunka pitsqa centïmetrum (2.25). Altunnam kanqa juk metru ishkë chunka pitsqa centïmetru (1.25). 2Chuskun esquïnankunachö waqratanö ruratsinki. Tsë waqrakuna altarwan juk piëzallam kayanqa. Altarpa jananta y rurinta bronciwan laqatsinki. 3Altarchö llapan inshinakunaqa kanqa broncipitam. Tsëkuna kayanqa uchpa ëllukuna, tenäzakuna, trinchikuna, tazonkuna y kallanakuna. 4Tsënölla rejïllantapis ruratsinki broncipita. Nïkur rejïllapa chuskun esquïnanman churatsinki broncipita rurashqa argöllakunata. 5Tsë rejïllata altar rurinman churatsinki. Tsënö churatsiptikim altar pullanninchö kanqa. 6Tsënölla acacia qerupita ishkë mantëkunata rurarkatsir bronciwan laqatsinki. 7Tsë mantëkunata altarpa ishkan läduchö këkaq argöllankunapa pasatsinki tsëwan puritsiyänanpaq. 8Tsë altartaqa tablapita mana tsapanäyuqta ruratsinki. Jirkachö rikätsinqaqtanölla llapanta ruratsinki.
Sagrädu Toldupa patiunta ruratsinanpaq käyitsinqan
Éxodo 38.9-20
9<<Sagrädu Tolduqa patiuyuq katsun. Tsë patiuta tumariq tsaparänanpaq cortïnata llanulla putskashqa lïnu jïlupita awatsinki. Sur kaq lädunpam largun kanqa chusku chunka pitsqa (45) metru. 10Cortïna shawaränanpaq ishkë chunka (20) jorcunkunata broncipita ruratsinki. Jorcunkunapa jawiränantapis broncipita ishkë chunkata ruratsinki. Cortïnata tsaraq ganchukunata argöllakunatapis qellëpita ruratsinki. 11Norti kaq lädupapis patiupa cortïnan chusku chunka pitsqa (45) metrum kanqa. Jorcunninkunatapis y jawiränantapis broncipita ishkë chunkata (20) ruratsinki. Ganchunkunatapis argöllankunatapis qellëpita ruratsinki.
12<<Inti jeqanan kaq läduchö cortïnapa largun kanqa ishkë chunka ishkë metru pullan (22.5). Tsëpa largun kanqa juk kaq esquïnapita juk kaq esquïnayaqmi. Jorcunkunata y jawiränantapis chunkata ruratsinki.
13<<Inti yarqamunan kaq läduchöpis cortïnapa largun kanqa ishkë chunka ishkë metru pullan (22.5). 14Tsë läduchömi punku kanqa. Punkupita itsuq kaq läduchö kanqa qanchis metru cortïna. Cortïnata tsararänanpaq shäritsinki kima jorcunkunata jawiränan kaqman. 15Tsënölla punkupita allawka kaq lädumanpis churatsinki qanchis metru cortïnata. Tsë cortïnata tsararänanpaq shäritsinki kima jorcunkunata jawiränan kaqman.
16<<Patiuman yëkuna punkupaq ruratsinki isqun metru largu cortïnata. Tsëta awatsinki azul, granäti y puka millwa jïlukunapita y llanulla putskashqa lïnu jïlupita. Tsë cortïnata shumaq bordatsinki. Cortïnata tsararänanpaq shäritsinki chusku jorcunkunata jawiränan kaqman. 17Patiuchö tumariq këkaq jorcunkuna qellëpita rurashqa argöllayuq y ganchuyuq kayätsun. Tsë jorcunkunapa jawiränanpis broncipita katsun. 18Tinkunantsik Sagrädu Toldupa patiunqa kanqa chusku chunka pitsqa (45) metru largum. Anchunnam kanqa ishkë chunka ishkë metru pullan (22.5). Altunnam kanqa ishkë metru ishkë chunka pitsqa centïmetru (2.25). Cortïnanta ruratsinki llanulla putskashqa lïnu jïlupita. Jorcunkunapa jawiränanpis kanqa broncipitam. 19Sagrädu Toldupa llapan inshinankunapis broncipitam kanqa. Tsënöllam Sagrädu Tolduta shäritsinëkipaq ruri kaq y waqta kaq estäcankunapis broncipita kanqa.
Candelabrupaq aceitita rurayänanpaq käyitsinqan
Levítico 24.1-3
20<<Israel nunakunata mandanki olïvupita aceitita rurarir apayämunanpaq. Tsë aceitiqa kanqa candelabru mana upishpa rawrananpaqmi. 21Tsë candelabrutam cada paqas waraqninpi nöpächö rawrananpaq Aarón y tsurinkuna Tinkunantsik Tolduchö tsaritsinqa. Tsënö rawranqa Pactu Baúlta tsaparaq cortïna waqtanchömi. Tsë ninqaqkunaqa imëyaqpis leymi kanqa qamkunapaq y qamkunapita miraqkunapaqpis.
Currently Selected:
Éxodo 27: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 27
27
Broncipita altarta ruratsinanpaq käyitsinqan
Éxodo 38.1-7
1<<Tsënölla acacia qerupita cuadrädu altarta ruratsinki. Tsë altarpa anchunpis largunpis kanqa ishkë metru ishkë chunka pitsqa centïmetrum (2.25). Altunnam kanqa juk metru ishkë chunka pitsqa centïmetru (1.25). 2Chuskun esquïnankunachö waqratanö ruratsinki. Tsë waqrakuna altarwan juk piëzallam kayanqa. Altarpa jananta y rurinta bronciwan laqatsinki. 3Altarchö llapan inshinakunaqa kanqa broncipitam. Tsëkuna kayanqa uchpa ëllukuna, tenäzakuna, trinchikuna, tazonkuna y kallanakuna. 4Tsënölla rejïllantapis ruratsinki broncipita. Nïkur rejïllapa chuskun esquïnanman churatsinki broncipita rurashqa argöllakunata. 5Tsë rejïllata altar rurinman churatsinki. Tsënö churatsiptikim altar pullanninchö kanqa. 6Tsënölla acacia qerupita ishkë mantëkunata rurarkatsir bronciwan laqatsinki. 7Tsë mantëkunata altarpa ishkan läduchö këkaq argöllankunapa pasatsinki tsëwan puritsiyänanpaq. 8Tsë altartaqa tablapita mana tsapanäyuqta ruratsinki. Jirkachö rikätsinqaqtanölla llapanta ruratsinki.
Sagrädu Toldupa patiunta ruratsinanpaq käyitsinqan
Éxodo 38.9-20
9<<Sagrädu Tolduqa patiuyuq katsun. Tsë patiuta tumariq tsaparänanpaq cortïnata llanulla putskashqa lïnu jïlupita awatsinki. Sur kaq lädunpam largun kanqa chusku chunka pitsqa (45) metru. 10Cortïna shawaränanpaq ishkë chunka (20) jorcunkunata broncipita ruratsinki. Jorcunkunapa jawiränantapis broncipita ishkë chunkata ruratsinki. Cortïnata tsaraq ganchukunata argöllakunatapis qellëpita ruratsinki. 11Norti kaq lädupapis patiupa cortïnan chusku chunka pitsqa (45) metrum kanqa. Jorcunninkunatapis y jawiränantapis broncipita ishkë chunkata (20) ruratsinki. Ganchunkunatapis argöllankunatapis qellëpita ruratsinki.
12<<Inti jeqanan kaq läduchö cortïnapa largun kanqa ishkë chunka ishkë metru pullan (22.5). Tsëpa largun kanqa juk kaq esquïnapita juk kaq esquïnayaqmi. Jorcunkunata y jawiränantapis chunkata ruratsinki.
13<<Inti yarqamunan kaq läduchöpis cortïnapa largun kanqa ishkë chunka ishkë metru pullan (22.5). 14Tsë läduchömi punku kanqa. Punkupita itsuq kaq läduchö kanqa qanchis metru cortïna. Cortïnata tsararänanpaq shäritsinki kima jorcunkunata jawiränan kaqman. 15Tsënölla punkupita allawka kaq lädumanpis churatsinki qanchis metru cortïnata. Tsë cortïnata tsararänanpaq shäritsinki kima jorcunkunata jawiränan kaqman.
16<<Patiuman yëkuna punkupaq ruratsinki isqun metru largu cortïnata. Tsëta awatsinki azul, granäti y puka millwa jïlukunapita y llanulla putskashqa lïnu jïlupita. Tsë cortïnata shumaq bordatsinki. Cortïnata tsararänanpaq shäritsinki chusku jorcunkunata jawiränan kaqman. 17Patiuchö tumariq këkaq jorcunkuna qellëpita rurashqa argöllayuq y ganchuyuq kayätsun. Tsë jorcunkunapa jawiränanpis broncipita katsun. 18Tinkunantsik Sagrädu Toldupa patiunqa kanqa chusku chunka pitsqa (45) metru largum. Anchunnam kanqa ishkë chunka ishkë metru pullan (22.5). Altunnam kanqa ishkë metru ishkë chunka pitsqa centïmetru (2.25). Cortïnanta ruratsinki llanulla putskashqa lïnu jïlupita. Jorcunkunapa jawiränanpis kanqa broncipitam. 19Sagrädu Toldupa llapan inshinankunapis broncipitam kanqa. Tsënöllam Sagrädu Tolduta shäritsinëkipaq ruri kaq y waqta kaq estäcankunapis broncipita kanqa.
Candelabrupaq aceitita rurayänanpaq käyitsinqan
Levítico 24.1-3
20<<Israel nunakunata mandanki olïvupita aceitita rurarir apayämunanpaq. Tsë aceitiqa kanqa candelabru mana upishpa rawrananpaqmi. 21Tsë candelabrutam cada paqas waraqninpi nöpächö rawrananpaq Aarón y tsurinkuna Tinkunantsik Tolduchö tsaritsinqa. Tsënö rawranqa Pactu Baúlta tsaparaq cortïna waqtanchömi. Tsë ninqaqkunaqa imëyaqpis leymi kanqa qamkunapaq y qamkunapita miraqkunapaqpis.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.