Éxodo 29
29
Sacerdötikunata churananpaq käyitsinqan
Levítico 8.1-36
1<<Aarónta y tsurinkunata sirwimaq sacerdötï kayänanpaq churarnin akranki sänu wishita y ishkë sänu carnërukunata. 2Tsënölla ruranki alli jarinapita levadürannaq tantakunata, aceitiwan masashqa levadürannaq tantata y aceitiwan pichushqa levadürannaq llapsha tantatapis. Tsë llapan tantakunata ruranki trïgu jarinapita. 3Tsë ruranqëki tantakunata canastaman winarkur apamunki. Tsënömi wishita y ishkan carnëruta Tinkunantsik Tolduman apamunki.
4<<Nïkur Aarónta y tsurinkunata Tinkunantsik Toldupa patiunman pushamur armatsinki. 5Nïkur Aarónta yakatsinki tünicata, sotänata, efodta y pechërata. Tsëkunata yakaratsir efodpa wachukunwan tseqllanpa watanki. 6Tsënölla peqanman görrata yakarkatsir sagrädu vinchata#Éxo. 28.36; 39.30. jananman churanki. 7Tsënö yakarkatsir sirwimaq sacerdötï kananpaq Aarónpa peqanman sagrädu aceitita jichapunki. 8Nïkur Aarónpa tsurinkunata qayëkur tünicata yakatsinki. 9Aarónpa tseqllanta wachukunwan watanqëkinölla pëkunapatapis tseqllanpa watapunki. Görrantapis yakatsinki. Tsënömi sirwimaq sacerdötï kayänanpaq churanki. Pëkuna y pëkunapita miraqkunam imëyaqpis sirwimaq sacerdötikuna kayanqa.
10<<Tsëpitana Tinkunantsik Toldupa patiunman wishita apamunki. Tsëchömi Aarónwan tsurinkuna wishipa peqanman makinkunata churayanqa. 11Nïkurna Tinkunantsik Toldupa patiunchö tsë wishita nöpächö pishtanki. 12Yawarninman dëdïkita tenqirkatsir#29.12 Wakin nunakunaqa toparkatsir niyanmi. altarpa waqrankunata llushinki. Sobraq kaq yawartana altar chakinman jichanki. 13Pacha wiranta, ñatinninchö këkaq wiranta y ishkan pacha rurunta wirantawan altarchö kayanki. 14Ëtsanta, qaranta, aqishninkunataqa toldunkuna kashqanpita juk läduman apëkur kayanki. Wishita altarchö kayanqëkiqa purificätsina sacrificium kanqa.
15<<Tsëpitanam juk kaq carnërupa peqanman Aarónwan tsurinkuna makinkunata churayanqa. 16Tsëpitana pishtarir yawarninwan altarpa chuskun lädunkunata tsaqtsunki. 17Ëtsantana cuartizarir aqishnintawan chakinkunata paqanki. Tsëpitana altarman llapanta peqantawan churarir 18kayanki. Tsë kayanqëkipa pukutëninmi noqapa shonqüpaqnö kanqa.#Efe. 5.2; Fil. 4.18.
19<<Juk kaq carnërupa peqanmanpis Aarónwan tsurinkuna makinkunata churayaptin 20tsë carnëruta pishtanki. Yawarninta ëllurkur ichikllata llushinki Aarónpa y tsurinkunapa allawka kaq rinrinpa ura puntanta. Tsënölla yawarwan llushinki allawka kaq makinpa y chakinpa maman dëdunkunatapis. Sobraq kaq yawartana altarpa chuskun lädunkunaman tsaqtsunki. 21Tsënölla altarta tsaqtsunqëki yawarta ëllurkur sobraq kaq aceitiwan Aarónta y ratashninkunatapis tsaqtsunki. Tsënölla tsurinkunata y ratashninkunatapis tsaqtsunki. Tsënöpam Aarónwan tsurinkuna sirwimaqnï sacerdötï kananpaq consagrädu kayanqa. Ratashninkunapis listunam kanqa yakakurkur sirwiyämänanpaq.
22<<Tsëpitana jorqunki carnërupa chupa wirankunata, pacha wirankunata, ñatinchö këkaq wirankunata, ishkan pacha rurunta wirantawan y allawka kaq chankantapis. Tsënö jorqunki Aarón y tsurinkuna sacerdöti kayänanpaq pishtanqëki carnëru kaptinmi. 23Tsënölla Noqapa nöpächö këkaq canastapita jorqunki juk jatun tantata, aceitiwan masashqa juk tantata y juk tantakshutapis. Llapan tsë tantakunaqa levadürannaqmi kayanqa. 24Tsë llapanta Aarónta y tsurinkunata aptatsinki noqapa nöpäman pallarir wakman këman kuyutsiyänanpaq. 25Tsëpitana tsë tantakunata chaskirkur juk kaq carnëruta kayana sacrificiupaq kayanqëkiwan juntu altarchö kayanki. Tsë kayanqëkipa pukutëninmi noqapa shonqüpaqnö kanqa. 26Aarónta sirwimaq sacerdötï kananpaq churar pishtanqëki carnërupa pëchuntapis noqapa nöpäman pallarir wakman këman kuyutsinki. Tsë ëtsaqa qampaqmi kanqa.
27<<Tsë kuyutsishqëki pëchunta y allawka kaq chankantaqa rakinki 28Aarónpaq y pëpa miraqninkunapaqpis. Cadalla alli päsakïpaq sacrificiu noqapaq kaptin tsëkunata Israel nunakunapita imëpis chaskiyanqa. Tsë ninqaqkunaqa imëyaqpis leymi qamkunapaq kanqa.
29<<Aarón wanukuptin sagrädu ratashninkunaqa pëpita miraqkuna yakakuyänanpaqmi kanqa. Tsë ratashkunatam yakakuyanqa sagrädu aceitita jichapur sacerdöti kananpaq churanqan höra. 30Tinkunantsik Tolduman yëkunanpaq mëqanpis Aarónpita miraqpita sacerdöti kananpaq churayaptin qanchis junaq tsë ratashta yakarätsun.
31<<Pishtanqan carnërupa wakin ëtsanta arunki sagrädu lugarchö.#29.31 Tsë sagrädu lugarqa altar nöpankunam karqan. Tsëta musyanëkipaq leyinki Lev. 10.13-14. 32Tinkunantsik Toldupa patiunchö tsë ëtsata y canastachö katu tantata Aarónwan tsurinkunam mikuyanqa. 33Sacerdöti kananpaq churanqanpita purificätsina sacrificiu kaptinmi tsë ëtsawan tantakuna pëkuna mikuyänanpaq kanqa. Sacerdöti mana karqa tsë sagrädu mikïkunata ama pipis mikuyätsuntsu. 34Tantatawan ëtsata tsë junaq mana ushayaptinqa katukunata kayëkunki. Tsëtaqa sagrädu kanqan rëkurmi pipis mana mikuyanqatsu.
35<<Aaróntawan tsurinkunatapis sacerdöti kayänanpaq churarqa ninqaqnölla llapan tsëkunata ruranki. Sacerdöti churëqa qanchis junaqyaqmi duranqa. 36Tsë qanchis junaqyaq waran waran juk wishita pishtarir kayanki Aarónwan tsurinkuna purificashqa kayänanpaq. Tsë llapan kayanqëkikunaqa altar purificashqa kananpaqmi kanqa. Nïkur altar jananman aceitita jichanki sagrädu kananpaq. 37Tsënö qanchis junaqyaq waran waran sacrificiuta kayanki. Tsëmi altarqa sagräduna kaptin tsëman imallapis tenqiriqqa sagrädu tikrarinqa.
Altarchö waran waran kayayänanpaq käyitsinqan
Números 28.1-8
38<<Mana qonqëta waran waran juk watayuq ishkë mallwa üshata pishtarir altarchö kayayanki. 39Juk kaq mallwa üshata patsa warëkaptin kayayanki y juk kaqtana patsa tutapärëkaptin kayayanki. 40Punta kaq mallwa üshapa ëtsanta altarchö kayarnin ishkë kïlu allin kaq jarinata juk litru olïvupita rurashqa aceitiwan pichïkur kayayanki. Tsë jananman juk litru vïnuta jichayanki. 41Qoyapa kayayanqëkinölla juk kaq mallwa üshatapis y pichunqëki jarinata altarchö tardipa kayayanki. Tsënö kayarnin vïnutapis jananman jichayanki. Tsë kayanqëkipa pukutëninmi noqapa shonqüpaqnö kanqa.
42<<Tsënö kayayanqëkiqa noqapaq kayana sacrificium kanqa. Tsëtaqa qamkuna y qamkunapita miraqkunapis Tinkunantsik Toldupa patiunman apëkur imëpis nöpächö kayayanki. Tsëchömi imëpis tinkushun parlanantsikpaq. 43Tsëchömi Israel mayikikunawanpis tinkushaq. Kikï tsëchö kaptïmi tsë patiu sagrädu kanqa.
44<<Tinkunantsik Toldupis y patiuchö kaq altarpis sagrädum kanqa. Aaróntawan tsurinkunatapis noqam churashaq sacerdötï kar sirwiyämänanpaq. 45Israel nunakuna kayanqanchö tärarmi pëkunapa Diosnin kashaq. 46Tsënömi Teyta Diosninkuna kashqäta musyayanqa. Noqam Egiptupita jorqamurqä pëkunawan kanäpaq. Noqaqa pëkunapa Teyta Diosninkunam kä.
Currently Selected:
Éxodo 29: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 29
29
Sacerdötikunata churananpaq käyitsinqan
Levítico 8.1-36
1<<Aarónta y tsurinkunata sirwimaq sacerdötï kayänanpaq churarnin akranki sänu wishita y ishkë sänu carnërukunata. 2Tsënölla ruranki alli jarinapita levadürannaq tantakunata, aceitiwan masashqa levadürannaq tantata y aceitiwan pichushqa levadürannaq llapsha tantatapis. Tsë llapan tantakunata ruranki trïgu jarinapita. 3Tsë ruranqëki tantakunata canastaman winarkur apamunki. Tsënömi wishita y ishkan carnëruta Tinkunantsik Tolduman apamunki.
4<<Nïkur Aarónta y tsurinkunata Tinkunantsik Toldupa patiunman pushamur armatsinki. 5Nïkur Aarónta yakatsinki tünicata, sotänata, efodta y pechërata. Tsëkunata yakaratsir efodpa wachukunwan tseqllanpa watanki. 6Tsënölla peqanman görrata yakarkatsir sagrädu vinchata#Éxo. 28.36; 39.30. jananman churanki. 7Tsënö yakarkatsir sirwimaq sacerdötï kananpaq Aarónpa peqanman sagrädu aceitita jichapunki. 8Nïkur Aarónpa tsurinkunata qayëkur tünicata yakatsinki. 9Aarónpa tseqllanta wachukunwan watanqëkinölla pëkunapatapis tseqllanpa watapunki. Görrantapis yakatsinki. Tsënömi sirwimaq sacerdötï kayänanpaq churanki. Pëkuna y pëkunapita miraqkunam imëyaqpis sirwimaq sacerdötikuna kayanqa.
10<<Tsëpitana Tinkunantsik Toldupa patiunman wishita apamunki. Tsëchömi Aarónwan tsurinkuna wishipa peqanman makinkunata churayanqa. 11Nïkurna Tinkunantsik Toldupa patiunchö tsë wishita nöpächö pishtanki. 12Yawarninman dëdïkita tenqirkatsir#29.12 Wakin nunakunaqa toparkatsir niyanmi. altarpa waqrankunata llushinki. Sobraq kaq yawartana altar chakinman jichanki. 13Pacha wiranta, ñatinninchö këkaq wiranta y ishkan pacha rurunta wirantawan altarchö kayanki. 14Ëtsanta, qaranta, aqishninkunataqa toldunkuna kashqanpita juk läduman apëkur kayanki. Wishita altarchö kayanqëkiqa purificätsina sacrificium kanqa.
15<<Tsëpitanam juk kaq carnërupa peqanman Aarónwan tsurinkuna makinkunata churayanqa. 16Tsëpitana pishtarir yawarninwan altarpa chuskun lädunkunata tsaqtsunki. 17Ëtsantana cuartizarir aqishnintawan chakinkunata paqanki. Tsëpitana altarman llapanta peqantawan churarir 18kayanki. Tsë kayanqëkipa pukutëninmi noqapa shonqüpaqnö kanqa.#Efe. 5.2; Fil. 4.18.
19<<Juk kaq carnërupa peqanmanpis Aarónwan tsurinkuna makinkunata churayaptin 20tsë carnëruta pishtanki. Yawarninta ëllurkur ichikllata llushinki Aarónpa y tsurinkunapa allawka kaq rinrinpa ura puntanta. Tsënölla yawarwan llushinki allawka kaq makinpa y chakinpa maman dëdunkunatapis. Sobraq kaq yawartana altarpa chuskun lädunkunaman tsaqtsunki. 21Tsënölla altarta tsaqtsunqëki yawarta ëllurkur sobraq kaq aceitiwan Aarónta y ratashninkunatapis tsaqtsunki. Tsënölla tsurinkunata y ratashninkunatapis tsaqtsunki. Tsënöpam Aarónwan tsurinkuna sirwimaqnï sacerdötï kananpaq consagrädu kayanqa. Ratashninkunapis listunam kanqa yakakurkur sirwiyämänanpaq.
22<<Tsëpitana jorqunki carnërupa chupa wirankunata, pacha wirankunata, ñatinchö këkaq wirankunata, ishkan pacha rurunta wirantawan y allawka kaq chankantapis. Tsënö jorqunki Aarón y tsurinkuna sacerdöti kayänanpaq pishtanqëki carnëru kaptinmi. 23Tsënölla Noqapa nöpächö këkaq canastapita jorqunki juk jatun tantata, aceitiwan masashqa juk tantata y juk tantakshutapis. Llapan tsë tantakunaqa levadürannaqmi kayanqa. 24Tsë llapanta Aarónta y tsurinkunata aptatsinki noqapa nöpäman pallarir wakman këman kuyutsiyänanpaq. 25Tsëpitana tsë tantakunata chaskirkur juk kaq carnëruta kayana sacrificiupaq kayanqëkiwan juntu altarchö kayanki. Tsë kayanqëkipa pukutëninmi noqapa shonqüpaqnö kanqa. 26Aarónta sirwimaq sacerdötï kananpaq churar pishtanqëki carnërupa pëchuntapis noqapa nöpäman pallarir wakman këman kuyutsinki. Tsë ëtsaqa qampaqmi kanqa.
27<<Tsë kuyutsishqëki pëchunta y allawka kaq chankantaqa rakinki 28Aarónpaq y pëpa miraqninkunapaqpis. Cadalla alli päsakïpaq sacrificiu noqapaq kaptin tsëkunata Israel nunakunapita imëpis chaskiyanqa. Tsë ninqaqkunaqa imëyaqpis leymi qamkunapaq kanqa.
29<<Aarón wanukuptin sagrädu ratashninkunaqa pëpita miraqkuna yakakuyänanpaqmi kanqa. Tsë ratashkunatam yakakuyanqa sagrädu aceitita jichapur sacerdöti kananpaq churanqan höra. 30Tinkunantsik Tolduman yëkunanpaq mëqanpis Aarónpita miraqpita sacerdöti kananpaq churayaptin qanchis junaq tsë ratashta yakarätsun.
31<<Pishtanqan carnërupa wakin ëtsanta arunki sagrädu lugarchö.#29.31 Tsë sagrädu lugarqa altar nöpankunam karqan. Tsëta musyanëkipaq leyinki Lev. 10.13-14. 32Tinkunantsik Toldupa patiunchö tsë ëtsata y canastachö katu tantata Aarónwan tsurinkunam mikuyanqa. 33Sacerdöti kananpaq churanqanpita purificätsina sacrificiu kaptinmi tsë ëtsawan tantakuna pëkuna mikuyänanpaq kanqa. Sacerdöti mana karqa tsë sagrädu mikïkunata ama pipis mikuyätsuntsu. 34Tantatawan ëtsata tsë junaq mana ushayaptinqa katukunata kayëkunki. Tsëtaqa sagrädu kanqan rëkurmi pipis mana mikuyanqatsu.
35<<Aaróntawan tsurinkunatapis sacerdöti kayänanpaq churarqa ninqaqnölla llapan tsëkunata ruranki. Sacerdöti churëqa qanchis junaqyaqmi duranqa. 36Tsë qanchis junaqyaq waran waran juk wishita pishtarir kayanki Aarónwan tsurinkuna purificashqa kayänanpaq. Tsë llapan kayanqëkikunaqa altar purificashqa kananpaqmi kanqa. Nïkur altar jananman aceitita jichanki sagrädu kananpaq. 37Tsënö qanchis junaqyaq waran waran sacrificiuta kayanki. Tsëmi altarqa sagräduna kaptin tsëman imallapis tenqiriqqa sagrädu tikrarinqa.
Altarchö waran waran kayayänanpaq käyitsinqan
Números 28.1-8
38<<Mana qonqëta waran waran juk watayuq ishkë mallwa üshata pishtarir altarchö kayayanki. 39Juk kaq mallwa üshata patsa warëkaptin kayayanki y juk kaqtana patsa tutapärëkaptin kayayanki. 40Punta kaq mallwa üshapa ëtsanta altarchö kayarnin ishkë kïlu allin kaq jarinata juk litru olïvupita rurashqa aceitiwan pichïkur kayayanki. Tsë jananman juk litru vïnuta jichayanki. 41Qoyapa kayayanqëkinölla juk kaq mallwa üshatapis y pichunqëki jarinata altarchö tardipa kayayanki. Tsënö kayarnin vïnutapis jananman jichayanki. Tsë kayanqëkipa pukutëninmi noqapa shonqüpaqnö kanqa.
42<<Tsënö kayayanqëkiqa noqapaq kayana sacrificium kanqa. Tsëtaqa qamkuna y qamkunapita miraqkunapis Tinkunantsik Toldupa patiunman apëkur imëpis nöpächö kayayanki. Tsëchömi imëpis tinkushun parlanantsikpaq. 43Tsëchömi Israel mayikikunawanpis tinkushaq. Kikï tsëchö kaptïmi tsë patiu sagrädu kanqa.
44<<Tinkunantsik Toldupis y patiuchö kaq altarpis sagrädum kanqa. Aaróntawan tsurinkunatapis noqam churashaq sacerdötï kar sirwiyämänanpaq. 45Israel nunakuna kayanqanchö tärarmi pëkunapa Diosnin kashaq. 46Tsënömi Teyta Diosninkuna kashqäta musyayanqa. Noqam Egiptupita jorqamurqä pëkunawan kanäpaq. Noqaqa pëkunapa Teyta Diosninkunam kä.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.