طيطس تعارف
تعارف
طيطس غير يھودي ھو، جنھن عيسيٰ مسيح تي ايمان آندو ۽ پولس رسول جي تبليغي ڪم ۾ سندس ساٿي ۽ مددگار بڻيو. ھي خط پولس رسول پنھنجي انھيءَ نوجوان مددگار طيطس ڏانھن لکي ٿو، جنھن کي ھو ڪريتي ٻيٽ ۾ انھيءَ لاءِ ڇڏي آيو ھو تہ ھو اتي رھي ڪليسيا جي نظرداريءَ جو ڪم ڪري.
ھن خط ۾ ٽي اھم نقطا بيان ڪيا ويا آھن. پھريون تہ طيطس کي ياد ڏياريو ويو آھي تہ ڪليسيا جي نگھبانن جو ڪردار ڪيئن ھئڻ گھرجي، خاص ڪري ڪريتي ۾، جتي اڪثر بدڪردار ھئا. ٻيو تہ طيطس کي صلاح ڏني ويئي آھي تہ ڪليسيا جي مختلف ماڻھن کي ڪيئن تعليم ڏجي، جھڙوڪ: نوجوانن ۽ غلامن کي، پوڙھن مردن ۽ انھن پوڙھين عورتن کي، جيڪي وري نوجوان عورتن کي سيکارين.
آخر ۾ خط لکندڙ يعني پولس رسول طيطس کي صلاح ڏئي ٿو تہ مسيح تي ايمان آڻيندڙن جو ڪردار ڪيئن ھئڻ گھرجي. ھن حصي ۾ خاص طور نرم طبيعت ۽ حليمائيءَ تي زور ڏنو ويو آھي ۽ نفرت ۽ بيوقوفيءَ جي بحث مباحثي کان پاسو ڪرڻ ۽ ڪليسيا ۾ تفرقا وجھڻ کان پري رھڻ جو تاڪيد ڪيو ويو آھي.
سِٽاءُ
پيش لفظ ۱:۱–۴
ڪليسيا جا خدمتگار ۵:۱–۱۶
مختلف ماڻھن جون ڪليسيا ۾ ذميواريون ۱:۲–۱۵
تاڪيد ۽ سمجھاڻيون ۱:۳–۱۱
دعا سلام ۱۲:۳–۱۵
Currently Selected:
طيطس تعارف: SCLNT
Highlight
Share
Copy
Want to have your highlights saved across all your devices? Sign up or sign in
© 2009 Pakistan Bible Society