Mateus 1

Zezu Cristuhu hi'rata norĩ za'ratazé

Lucas 3.23-38

1Ã hã Zezu Cristuhu hi'rata norĩ za'ratazém na rob'ui'éré. Ta hã Davihi nhihudu. Davi hã, Abra'ãhã nhihudu. 2Abra'ã hã Izaquihi mama. Izaqui hã Zacoho mama. Zaco hã Zudaha mama duré isisãnawã norĩ mama. 3Zuda hã Perizihi mama, duré Zeraha mama. Ina zahuré hã Tama na isisi hã. Periz hã Esrõhõ mama. Ta hã Esrõ hã Arãhã mama. 4Arã hã Aminadabihi mama. Aminadabi hã Nasõhõ mama. Ta hã Nasõ hã Salmohõ mama. 5Salmo hã Boazihi mama. Boazihi na hã Raabi na isisi hã. Boazi hã Obedihi mama. Obedihi na nhisi hã, Ruti na isisi. Ta hã Obedi hã Zéséhé mama. 6Zésé hã apito Davihi mama. Davi hã Salomahã mama. Salomahã na hã Uriasihi mro aré. 7Saloma hã Robuãhã mama. Robuã hã Abiasihi mama. Ta hã Abias hã Azaha mama. 8Aza hã Zozafaha mama. Zozafa hã Zurãhã mama. Ta hã Zurã hã Uziasihi mama. 9Uzias hã Zotãhã mama. Zotã hã Acasihi mama. Ta hã Acasi hã Ezequiaha mama. 10Ezequia hã Manaséhé mama. Manasé hã Amosihi mama. Ta hã Amosi hã Zoziaha mama. 11Zozia hã Zeconiaha mama duré isisãnawã norĩ mama, Izaraéu nhihudu norĩ ãma da te ai'uté za'ra wa, pawasisi ré, Babilonia u da te isimroi mono wahub 'remhã.

12Izaraéu nhihudu norĩ hã, Babilonia u da te simroi mono parimhã, Zeconia hã ma tô tisipodo hã time, Salatiéu hã. Ta hã Salatiéu hã Zorobabéhé mama. 13Zorobabéu hã Abiudihi mama. Abiudi hã Eliaquĩhĩ mama. Ta hã Eliaquĩ hã Azoho mama. 14Azo hã Sadoquihi mama. Sadoqui hã Aquĩhĩ mama. Ta hã Aquĩ hã Eliudihi mama. 15Eliudi hã Eliazaha mama. Eliaza hã Matãhã mama. Ta hã Matã hã Zacoho mama. 16Zaco hã Zuzéhé mama. Zuzé hã Mariaha mro. Ta hawi Zezusi hã ma tô podo, Cristu#1.16 Cristu hã, Danho'reptui'wa da, 'Re ihâimana u'âsi mono te te ipisudu, te wasu'u. na da te 're isisi za'ra mono hã.

17Ãne ma tô tihâiba dapodo hã 14 na, Abra'ãhã hawimhã Davihi u hã. Duré Davihi hawimhã ma tô tihâiba dapodo hã 14 na, Izaraéu nhihudu norĩ, Babilonia u da te isimroi mono zéb u hã. Ta hawimhã Cristu ipotozéb u hã ma tô duré tihâiba, dapodo hã 14 na.

Zezu Cristu hã ipotozé

Lucas 2.1-7

18Tawamhã Zezu Cristu ipotozé hã, ãne: Maria ina hã, Zuzéhé ãma mro da, ma tô ropisudu hã ãma tihâiba. Tane nherẽ, sina mro zahuré wana ré, ma tô tiwasã, 'Re ihâimana u'âsi mono Pẽ'ẽzani na. 19Tawamhã Zuzé hã Maria ãma imro da hã, aibâ marĩ i'uwaibaba si te te 're a'manharĩ mono wa, te te sima wẽ õ di, Mariaha ãma danho'a iwasédé te te ihiri da hã, aibâ na simisaihuri wa iwasã na hã, tãma rowazép tõ da. Tahawa ma tô sima rowairébé, ropisudu hã za ãma imrozém na hã#1.19 Taha bâtâ mono na hã Zudeu norĩ hâimanazé hã, ni'wam norĩ sina mro zahuré da wamhã, te za ropisutu zahi hã sima 'manharĩ zahuré, tinhimi'madâ'â na sima 're hâimana zahuré mono da. Ta hã si'utõrĩ waihu'u pese di, sina mro zahuré pari, sirẽme zahuré wap si. pi'uriwi te te pari da, ni'wa hã te te waihu'u ãna. 20Ãne na Zuzé hã te te sima rosa'rata ré, Uburé Danhib'apito ma hâiwa hawi romhuri'wa hã ma tô tãma sihâi'ré, isõtõ 'rowi. Ãne te tãma tinha:

— Zuzé, Davihi nhihudu, aipahi tõ, Maria za asima i'âri na hã ãma aimro da. Ta hã ma tô tiwasã, 'Re ihâimana u'âsi mono Pẽ'ẽzani na. 21Taha ma, te za i'ra hã 'watébrémi na tãma podo. Poto wamhã, Zezusi#1.21 Zezusihi nhisi hã “Uburé Danhib'apito, 're da'anho'reptui mono 'wa” te wasu'u. Zezusihi nhisi hã gregu mreme na hã. Zozué hã hebraicu mreme na hã tô Zezusihi nhisi. na te za isisi. E marĩ wa. Ta hã te za tinhib'a'uwẽ norĩ hã te te 're anho'reptu, tiwasédé te te 're i'manharĩ za'ra mono wi.

22Tawamhã ãne hã ma tô uburé tiromhâiba, te te sina uwaimrami da, Uburé Danhib'apito te te iwaihu'uzéb zarina, tizadawa 'mahârâ'wai ma, ãne:

23“Pi'õ i'ubuni hã te za tiwasã. Taha ma, te za i'ra hã 'watébrémi na tãma podo.

Taha nhisi hã za, Emanuéu na.”

(Emanuéu hã te wasu'u, “'Re ihâimana u'âsi mono, wasiré u'â”.)

24Tawamhã Zuzé hã utu wamhã, ma tô 'manha, hâiwa hawi Uburé Danhib'apito ma romhuri'wa hã te te tãma i'ruzéb zarina. Ma tô oto ãma timro, Mariaha ãma. 25Tane nherẽ, Zuzé hã te te nasi upi õ di, ai'uté ipotozéb u hã. Tawamhã 'watébrémi hã poto wamhã, ma tô sisi, Zezusi na.

Currently Selected:

Mateus 1: xavBP

Highlight

Copy