Zona 4
4
Zona isib'ruzé wasu'u, 'Re ihâimana u'âsi mono hã da'ãma pẽ'ẽzé wa
1Ãne hã 'Re ihâimana u'âsi mono te te i'manharĩzé, ma tô Zona hã wẽ'õ pese. Tahawa, ma tô tizahi.
2Ãne te mre:
— Ĩnhib'apito 'Re ihâimana u'âsi mono, e ãne hã te nharĩ õre bâ, ĩnhipti'ai hawi we ĩwatobro wana ré hã, tô ãne na i'manharĩzém na hã. Taha zarina, wa tô ĩsima rowairébé, Espãnha u si ĩmorĩ da, aiwi ĩsimani da. Ĩma waihu'u pese di, a hã 'Re ihâimana u'âsi mono asimizawi pese na hã, duré da'ãma i'aipẽ'ẽzé pese na hã. Duré ĩma waihu'u pese di, da'ãma i'aiwa'a su'u õ na hã, duré iwẽ na si dama 're i'ab'manharĩ u'âsi mono na hã. Te duré 're asi'madâ'â u'âsi mo, asimirosa'rata na ãma 're isaprĩ mono na, taha zarina, 're dahâ za'ra mono tõ da. 3Ĩnhib'apito, ãhã na awa'awi ĩhâimanazé hã ĩwi uprosi. E marĩ wa. Ĩma wẽ di, ĩdâ'â da si, ĩhâiba ré 're ĩhâimana mono zém nhipai u.
4Tawamhã Uburé Danhib'apito hã te asa tãma tinha ãne:
— Zona, e i'uwaibaba bâ asahi uptabi na i'aihâimana da hã.
5Tawamhã Zona hã ma tô watobro, Niniwé hawimhã. Bâtâ pusizéb u ma tô mo. Tame ma tô nhamra. Ma tô sima awã, sãmra da, awã zahâpâ, simipari sina, ta hawi te te rob'madâ'â da, 'ri nho'õmo zô, marĩ iwatobrozéb zô. 6Tawamhã Uburé Danhib'apito 'Re ihâimana u'âsi mono hã ma tô rob're ma 'manha, prédub su'u da, Zonahã nhisiwi, te te tãma awã da, taha zarina sima iwẽ na sãmra da. Tahawa Zona hã toi uptabi di, rob're ma hã. 7Tane nherẽ, awẽ bâtâ na hã bâdâ 'rãi watobro wi, 'Re ihâimana u'âsi mono nhimiroti zarina ma tô wedewai'u hã wede zapu'u, rob're hã. Tahawa, ma tô ti'ré. 8Bâdâ 'rãiwatobro parimhã, 'Re ihâimana u'âsi mono hã ma tô duré rowa'u'u wa'ro ma rob'ru, watobro da, bâtâ pusizém hawi. Tahawa, ma tô aré tiwi tirobra Zonahã wi, wa'ro uptabi wa, bâdâ hã te te 'rãi wa'ro pese wa. Tawamhã dâ'â da si, te oto sima wẽ. Tahawa, te ãne tinha:
— Ĩma hã wẽ di ĩdâ'â da hã, 're ĩhâimana mono zém nhipai u.
9Tane nherẽ, te 'Re ihâimana u'âsi mono hã sadanha:
— Zona, e tô i'uwaibaba ma asib'ru, rob're zabâdâmhã.
Zonahã asa te tãma tinha ãne:
— E marĩ bété. Tô i'uwaibaba ma ĩwa aime, ĩnhiti'rui pese zé hã. Taha zarina i'uwaibaba ĩdâ'â da si, wa ĩsima wẽ.
10Uburé Danhib'apito hã te duré tãma tinha ãne:
— Ã hã rob're hã ma tô tiprédu misi mara na. Mara amo na ma tô duré ai'utõ. A hã marĩ hã ãma 'manharĩ õ di, duré prédub da hã tãma nharĩ õ di. Tane nherẽ, ma tô ãma aipẽ'ẽzé. 11E i'uwaibaba õ di bété, Niniwé 'ri nho'õmo za'ẽtẽ ãma 're idahâimana za'ra mono norĩ ãma ĩpẽ'ẽzé da hã, rob're nhipai u. Tô i'uwaibaba da'ãma ĩpẽ'ẽzézé hã. E marĩ wa. 120 miu na iwa 're dahâimana za'ra mono wa, 're idanomro wẽ mono na, duré 're idanomro wasété mono na da te dasina 're iwaihu'u za'ra mono õ norĩ hã. Duré danhimizama ahâ uptabi na iwa 're simasa mono wa.
Currently Selected:
Zona 4: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.