Tiko Voli mai na Lekutu 26
26
Ai Karua ni Wili Lewenivanua
1Ia ni sa oti na mate levu, sa qai vosa o Jiova vei rau o Mosese, kei Iliesa na luve i Eroni na bete, ka kaya,#Tiko 1.1-46 2“Mo drau wiliki ira na lewenivanua taucoko ni Isireli, me vakatekivu mai na ruasagavulu na yabaki ni nodra bula, ka lako cake; wiliki ira vakavuvale ni nodra qase, o ira kecega na Isireli era sa lako rawa ki na i valu.”
3Sa qai vosa vei ira o Mosese, kei Iliesa na bete, ena bucabuca o Moapi mai na Joritani, ka donui Jeriko, ka kaya, 4“Me ra wiliki na lewenivanua mai vei ira ka sa ruasagavulu na nodra yabaki ni bula ka lako cake, me vaka ka vakarota o Jiova vei Mosese. Sai ira oqo na Isireli ka ra lako tani mai na vanua o Ijipita.
5O Rupeni, na ulumatua i Isireli; oqo o ira na luve i Rupeni: o Inoke, kei ira na mataqali na luve i Inoke; o Palu, kei na nodra mataqali na luve i Palu; 6O Esironi, kei na nodra mataqali na luve i Esironi; o Kamai kei na nodra mataqali na luve i Kamai. 7O ira oqo na veivuvale ena nodra veimataqali na luve i Rupeni: ia o ira sa wili vei ira era sa lewe 43,730. 8Ia na luve i Palu, o Iliavi. 9O iratou na luve i Iliavi: o Nimueli, o Tecani, kei Epairami. O Tecani kei Epairami ga oqo ka rau a tamata digitaki mai vei ira na lewenivanua, me rau veivorati kei rau o Mosese kei Eroni, ka nodrau i lawalawa o Kora, ni ra sa kudru ka veivorati kei Jiova. 10A sa kavida na vanua, ka tilomi rau vata kei Kora ia sa mate na i lawalawa o ya, ni sa kani ira na bukawaqa era sa lewe 250 na tamata; era sa yaco me ra i vakaraitaki ni cudru ni Kalou. 11Ia era a sega ni mate na luve i Kora.
12O ira na luve i Simione me vaka na nodra veimataqali: mai vei Nimueli, na nodra mataqali na luve i Nimueli; mai vei Jamini, na nodra mataqali na luve i Jamini; mai vei Jakini, na nodra mataqali na luve i Jakini; 13mai vei Sira, na nodra mataqali na luve i Sira; mai vei Saula, na nodra mataqali na luve i Saula. 14Oqo na nodra mataqali na luve i Simione, era sa lewe 22,200.
15O ira na luve i Kata me vaka na nodra veimataqali: mai vei Sifoni, na nodra mataqali na luve i Sifoni; mai vei Aki, na nodra mataqali na luve i Aki; mai vei Suni, na nodra mataqali na luve i Suni; 16mai vei Osini, na nodra mataqali na luve i Osini; mai vei Eri, na nodra mataqali na luve i Eri; 17mai vei Aroti, na nodra mataqali na luve i Aroti; mai vei Areli, na nodra mataqali na luve i Areli. 18Oqo na nodra veimataqali na luve i Kata, o ira era sa wiliki vei ira, era sa lewe 40,500.
19Oi rau na luve i Juta, o Eri kei Onani; e rau a qai mate ena vanua o Kenani. 20Ia o ira na luve i Juta, me vaka na nodra veimataqali; mai vei Sela, na nodra mataqali na luve i Sela; mai vei Peresi, nodra mataqali na luve i Peresi; mai vei Sira, na nodra mataqali na luve i Sira.
21Ia oqo o ira na luve i Peresi; mai vei Esironi na nodra mataqali na luve i Esironi; mai vei Emuli, na nodra mataqali na luve i Emuli. 22Oqo o ira na veimataqali Juta, me vaka na kedra i wiliwili era sa lewe 76,500.
23O ira na luve i Isakari, me vaka na nodra veimataqali: mai vei Tola, na nodra mataqali na luve i Tola; mai vei Pua, na nodra mataqali na luve i Pua; 24mai vei Jasupi, na nodra mataqali na luve i Jasupi; mai vei Simironi, na nodra mataqali na luve i Simironi. 25Oqo o ira na veimataqali Isakari, me vaka na kedra i wiliwili era sa lewe 64,300.
26O ira na luve i Sevuloni me vaka na nodra veimataqali: mai vei Sereti, na nodra mataqali na luve i Sereti; mai vei Eloni, na nodra mataqali na luve i Eloni; mai vei Jalieli, na nodra mataqali na luve i Jalieli. 27Oqo na nodra veimataqali na luve i Sevuloni, me vaka na kedra i wiliwili, era sa lewe 60,500.
28O ira na luve i Iosefo ena nodra veimataqali: na Manasa kei na Ifereimi. 29Oqo o ira na luve i Manasa; mai vei Mekiri, na nodra mataqali na luve i Mekiri; o Mekiri na tama i Kiliati; mai vei Kiliati, na nodra mataqali na luve i Kiliati. 30Oqo o ira na luve i Kiliati: mai vei Ieseri, na nodra mataqali na luve i Ieseri; mai vei Eleki, na nodra mataqali na luve i Eleki; 31kei Asirieli, na nodra mataqali na luve i Asirieli; mai vei Sikemi, na nodra mataqali na luve i Sikemi; 32mai vei Simita, na nodra mataqali na luve i Simita; kei Eferi, na nodra mataqali na luve i Eferi. 33Ia o Silovati na luve i Efa e sega na luvena tagane ia na luvena yalewa ga, o Mala, o Noa, o Okila, o Milika, kei Tirisa. 34Oqo o ira na lewe ni mataqali i Manasa, ka kedra i wiliwili era sa lewe 52,700.
35Oqo o ira na luve i Ifereimi me vaka na nodra veimataqali; mai vei Sucela; na nodra mataqali na luve i Sucela; mai vei Pekeri na nodra mataqali na luve i Pekeri; mai vei Teani na nodra mataqali na luve i Teani. 36Oqo o ira na luve i Sucela: mai vei Erani, na nodra mataqali na luve i Erani. 37Oqo o ira na nodra veimataqali na luve i Ifereimi, me vaka na kedra i wiliwili, era sa lewe 32,500. Oqo o ira na luve i Iosefo me vaka na nodra veimataqali.
38Oqo o ira na luve i Penijamini me vaka na nodra veimataqali; mai vei Bela, na nodra mataqali na luve i Bela; mai vei Asipeli na nodra mataqali na luve i Asipeli; mai vei Eirami, na nodra mataqali na luve i Eirami; 39mai vei Sifufami, na nodra mataqali na luve i Sifufami; mai vei Ufami, na nodra mataqali na luve i Ufami. 40Oqo o ira na luve i Bela, o Ariti kei Neamani: mai vei Ariti, na nodra mataqali na luve i Ariti; mai vei Neamani, na nodra mataqali na luve i Neamani. 41Oqo o ira na luve i Penijamini, me vaka ena nodra veimataqali; kei na kedra i wiliwili era sa lewe 45,600.
42Oqo o ira na luve i Tani me vaka na nodra veimataqali: mai vei Suami, na nodra mataqali na luve i Suami. Oqo o ira na veimataqali Tani, ena nodra veimataqali. 43O ira kecega na nodra veimataqali na luve i Suami, me vaka na kedra i wiliwili, era sa lewe 64,400.
44Oqo o ira na luve i Aseri me vaka na nodra veimataqali: mai vei Imina; mai vei Isivi, na nodra mataqali na luve i Isivi; mai vei Piria, na nodra mataqali na luve i Piria. 45Oqo o ira na luve i Piria; mai vei Eperi, na nodra mataqali na luve i Eperi; mai vei Malikieli, na nodra mataqali na luve i Malikieli. 46Ia, na yaca ni luve i Aseri yalewa o Sera. 47Oqo na nodra veimataqali na luve i Aseri, me vaka na kedra i wiliwili, era sa lewe 53,400.
48O ira na luve i Navitalai, me vaka na nodra veimataqali: mai vei Jasieli, na nodra mataqali na luve i Jasieli; mai vei Kuni, na nodra mataqali na luve i Kuni; 49mai vei Jeseri, na nodra mataqali na luve i Jeseri; mai vei Silemi, na nodra mataqali na luve i Silemi. 50Oqo o ira na veimataqali Navitalai, me vaka na kedra i wiliwili, era sa lewe 45,400.
51Oqo na kedra i wiliwili na Isireli: era sa lewe 601,730.
52Sa qai vosa vei Mosese o Jiova, ka kaya,#Tiko 34.13; Josua 14.1-2 53“Me votai na vanua oqo me nodra i votavota me vaka na i wiliwili ni yacadra. 54Mo vakalevutaka na nodra i votavota na mataqali lelevu, ka me lailai sobu na nodra i votavota na mataqali lalai; ia me ra votai ga me vakatau ki na kedra i wiliwili yadua. 55Ia ena votai ga na vanua ena vakawirimadigi; me vaka na yacadra na veimataqali ni nodra qase era taukena. 56Me votai na nodra i votavota me vaka na vakawirimadigi vei ira yadua na mataqali ka ra lewe levu kei na mataqali lalai.”
Na Yavusa o Livai
57O ira oqo era sa wili vei ira na Livai, me vaka na nodra veimataqali: mai vei Kerisoni, na nodra mataqali na luve i Kerisoni; mai vei Koaca, na nodra mataqali na luve i Koaca; mai vei Mirari, na nodra mataqali na luve i Mirari. 58Oqo o ira na veimataqali Livai: na nodra mataqali na luve i Lipini, na nodra mataqali na luve i Epironi, na nodra mataqali na luve i Mali, na nodra mataqali na luve i Musi, na nodra mataqali na luve i Kora. Ia o Koaca na tama i Emirami. 59Na yaca ni wati Emirami o Jokapeti, na luve i Livai yalewa, ka a sucu mai Ijipita; ka vakasucuma vei Emirami o Jokapeti, o iratou o Eroni, o Mosese, kei Miriama na ganedrau. 60O iratou na luve i Eroni o Netapi, Epaiu, Iliesa, kei Icama.#Tiko 3.2 61Ia e rau a mate o Netapi, kei Epaiu, ena vuku ni nodra cabora na bukawaqa tawa savasava ena mata i Jiova.#Vsoro 10.1-2; Tiko 3.4 62Na kedra i wiliwili o ira na wiliki era sa lewe 23,000 na tagane kecega me vakatekivu mai na vula dua na dede ni nodra bula ka lako cake; ia era sega ni wiliki vata kei ira na Isireli baleta ni sa sega ni votai vei ira na i votavota ena kedra maliwa na Isireli.
Rau Bula ga o Kelevi kei Josua
63Sai ira oqo ka wiliki ira o Mosese, kei Iliesa na bete, ena gauna e rau a wiliki ira kina na Isireli, ena bucabuca o Moapi voleka ki na Joritani, ka donui Jeriko. 64Ia sa sega sara ni wili eke e duabulu na tamata vei ira ka bula donuya na gauna ka wiliki ira kina na Isireli, ena vanua lala mai Saineai o Mosese kei Eroni na bete. 65Ni sa kaya vakaoqo ena vukudra o Jiova, Era na mate vakaidina, o ira kecega ena vanua lala. Sa sega tale ni vo bula e dua vei ira, vakavo ga o rau o Kelevi na luve i Jifune, kei Josua na luve i Nuni.#Tiko 14.26-35
Currently Selected:
Tiko Voli mai na Lekutu 26: FNVDC12
Highlight
Copy
Compare
Share
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
