Esera Na i Vakamacala Taumada
Na i Vakamacala Taumada
Na i Vola i Esera e i sema ga ni i vola Na Veika sa Caka ena Veigauna, ka tukuni kina na nodra lesu tale mai eso na Jiu era a kau vakabobula ki Papiloni kei na vakalesui tale ni i tovo ni bula kei na sokalou e Jerusalemi. Sa tukuni vakaveitarataravi na veika oqori me vakaoqo: (1) Era a suka lesu mai Papiloni na i matai ni lawalawa Jiu ena i vakaro i Sairusi na Tui Perisia; (2) A tara vou tale na Valenisoro kei na kena vakatabui, ka sa vakalesui tale na sokalou mai Jerusalemi; (3) Ni oti e vica tale na yabaki, era a qai yaco tale mai e dua na i lawalawa Jiu ki Jerusalemi ena ruku ni veiliutaki i Esera, e dua ka kila vinaka na Lawa ni Kalou, ka vukei ira na tamata me cokonaki vinaka tale na i vakarau ni nodra sokalou kei na nodra bula vakaveiwekani ka me karoni tikoga kina na nodra bula vakayalo na Isireli.
Na Lewe ni Vola
Nodra suka lesu na i matai ni lawalawa Jiu mai na veivakabobulataki 1.1–2.70
Na vakavoui kei na vakatabui ni Valenisoro 3.1–6.22
Lesu mai o Esera kei na so tale na Jiu 7.1–10.44
Currently Selected:
Esera Na i Vakamacala Taumada: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.