2 Veigauna 36
36
O Jioasi na Tui Juta
(2Tui 23.30-35)
1Era a qai kauti Jioasi na luve i Josaia o ira na lewe ni vanua ka buli koya me tui, me i sosomi kei tamana mai Jerusalemi. 2A sa yabaki 23 o Jioasi ni sa cabeta na i tutu vakatui, ka veiliutaki mai Jerusalemi me tolu na vula. 3A la'ki vakasivoi Jioasi mai Jerusalemi o Niko na tui Ijipita, a lewa me totogi na vanua me 3,400 na kilokaramu na siliva, ka 34 na kilokaramu na koula. 4#Jere 22.11,12A buli Elaiakimi na tacina, na tui Ijipita, me tui Juta kei Jerusalemi, ka veisautaka na yacana me vakatokai o Jo-akimi. A tauri Jioasi o Niko na tuakai Jo-akimi, ka kauti koya ki Ijipita
O Jo-akimi na Tui Juta
(2Tui 23.36–24.7)
5 #
Jere 22.18,19; 26.1-6; 35.1-19 A yabaki ruasagavulu na bula i Jo-akimi ni a buli me tui, ni a vakatekivu me veiliutaki, mai Jerusalemi ka yabaki tini kadua. A valavala ca o koya ena mata i Jiova na Kalou. 6#Jere 25.1-38; 36.1-32; 45.1-5; Tani 1.1,2A lako cake mai o Nepukanesa na tui Papiloni, me vala kaya, ka vesuki Jo-akimi ena sinucodo ka kauti koya ki Papiloni. 7A tokitaka talega o Nepukanesa ki Papiloni eso na i yaya ni vale i Jiova, ka la'ki vakatikora ena nona vale vakatui mai Papiloni. 8Ia na vo ni cakacaka i Jo-akimi, kei na i valavala vakasisila a cakava o koya, kei na ka ca a kune vua, raica, a volai ena kedra i Vola na Tui Isireli kei Juta, ka lewa o Jo-akini na luvena me kena i sosomi.
O Jioaikini na Tui Juta
(2Tui 24.8-17)
9A yabaki walu na bula i Jo-akini ena gauna a vakatekivu me tui, ka veiliutaki kina e Jerusalemi me vula tolu ka bogi tini. A valavala ca o koya ena mata i Jiova. 10#Jere 22.24-30; 24.1-10; 29.1,2; Isi 17.12; Jere 37.1; Isi 17.13Ena vula i tubutubu ni yabaki o ya, a talatala o Nepukanesa na tui, ka kauti koya ki Papiloni vata kei na veiyaya talei mai na vale i Jiova, ka buli Setekaia na tacina me tui Juta kei Jerusalemi.
O Setekaia na Tui Juta
(2Tui 24.18-20; Jere 52.1-3a)
11 #
Jere 27.1-22; 28.1-17 A sa yabaki 21 o Setekaia ena gauna sa buli kina me tui, ka a veiliutaki vakatui voli e Jerusalemi ena loma ni tinikadua na yabaki. 12A sa valavala ca o koya ena mata i Jiova na nona Kalou; a sega ni vakamalumalumutaki koya ena mata i Jeremaia na parofita ni a vosa vua mai na gusu i Jiova.
Na Vakarusai nei Jerusalemi
(2Tui 25.1-21; Jere 52.3b-11)
13 #
Isi 17.15
A talaidredre talega vei Nepukanesa, o koya ka vakabubuluitaki koya me cavuta na Kalou; ia a vakadomoqataki koya ga, ka vakaukauwataka na lomana me kakua ni saumaki vei Jiova, na Kalou ni Isireli. 14Era a valavala ca vakalevu kece na bete i liuliu kei ira na tamata, ka ra muria na i valavala vakasisila ni veimatanitu; era a benuca na vale i Jiova ka vakatabuya o koya mai Jerusalemi. 15A talatala vagumatua vei ira o Jiova, na Kalou ni nodra qase, baleta ni a yalo loloma vei ira na nona tamata o koya, kei na vanua a dau tiko kina; 16ia era a vakalialiai ira na nona i talai na Kalou, ka beca na nona vosa, ka vakacacani ira na parofita, me yacova sara ni a tubu kina na cudru i Jiova vei ira na nona tamata ka a dredre kina me ra vakabulai.
Na Tiko Vakavesu i Juta
(2Tui 25.8-21; Jere 39.8-10; 52.12-30)
17 #
Jere 21.1-10; 34.1-5 Ia ni vaka tu oqo, a qai kauta mai vei ira na Kalou, na nodra tui na kai Kalidia, a mai vakamatei ira na nodra cauravou ena nodra i seleiwau ena nodra vale tabu, ka ra sega sara ni bau lomani ira na cauravou se na goneyalewa, na qase, se o koya a qase sara ka vakalairoro; a soli ira kecega na Kalou ki na liga i tui Kalidia. 18A sa kauta ki Papiloni o tui Kalidia na i yaya lelevu se lalai kecega mai na Valenisoro, ka vakakina na i yau ni vale tabu, na i yau mai na nona vale na tui, kei na nodra i yau talega na nona turaga. 19#1Tui 9.8Era sa vakama na Valenisoro, ka talaraka sobu na bai kei Jerusalemi, ka vakama na kena veivale vakaturaga kece, ka vakacacana na kena veiyaya vinaka taucoko. 20A sa kauti ira kece na vo-ni-bula ki Papiloni, ka ra qaravi koya kei ira na nona kawa mai kea ena cakacaka vakabobula me la'ki yacova na gauna e cadra cake mai kina na matanitu o Perisia. 21#Jere 25.11; 29.10 Ena ka oqo, sa vakayacori kina na vosa i Jiova ena gusu i Jeremaia na parofita: “Ena lala tu na qele ka yabaki vitusagavulu, me rawati kina na vakacegu ni vakatatabu me baleta na qele me vaka ni a sega tu ni dau vakayacori.”
Vakarota o Sairusi me Ra Sereki na Bobula
(Esera 1.1-4)
22Ena i matai ni yabaki ni veiliutaki vakatui nei Sairusi na tui Perisia, a sa vakayacora o Jiova me yaco vakaidina sara na veika sa vosa oti kina ena gusu i Jeremaia na parofita. A sa vakauqeti Sairusi kina o Jiova me kacivaka raraba na nona i vakaro, ka me volai talega me rawa ni wiliki ka rogoci.
23 #
Aisea 44.28
Sa i koya oqo na i vakaro i Sairusi na tui Perisia: Sa solia oti vei au o Jiova na Kalou ni lomalagi na veimatanitu kece e vuravura, ka sa lesi au me'u tara vua e dua na nona vale e Jerusalemi, ka sa tiko e Juta. Ia vei kemuni kece na tamata i Jiova, ni lako ki kea, ka me qai tiko ga kei kemuni o Jiova na nomuni Kalou.
Currently Selected:
2 Veigauna 36: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.