Kolosa 4
4
1 #
Efe 6.9
Oi kemuni na nodra turaga na bobula, ni qarava vinaka ena dodonu kei na savasava na nomuni dau raici ira na nomuni tamata bobula. Mo ni namuma vinaka ni sa tiko talega na nomuni Turaga mai lomalagi.
Na i Vakasala Tale Eso
2Ni kakua ni weletaka na masumasu, ia mo ni tu vakarau tikoga ena gauna o ni masu kina, ka vakavinavinaka vua na Kalou. 3Ni dau masulaki keitou talega, me dolava na Kalou na sala me keitou vunautaka ka tukuna kina na ka vuni kei Karisito, o koya ka'u sa vesu tu kina oqo. 4Au sa kerea mo ni qai masulaka me na matata vinaka sara na noqu tukuna na ka oqo, me vaka ni sa noqu i tavi.
5 #
Efe 5.16
Ni yalomatua ena nomuni i vakarau vei ira na tawa vakabauta, ka vakayagataka vinaka na gauna ni nomuni sota vata. 6Na nomuni i tautau ni vosa e dodonu me dau rogo matau ka taleitaki, ka mo ni kila talega na i sau dodonu ni nodra taro na tamata kecega.
Tini na i Vola ena i Loloma Eso
7 #
Caka 20.4; 2Timo 4.12 #Efe 6.21,22E na tukuna vei kemuni na ka kecega e baleti au o Tikiko na wekada lomani, ka i talatala yalodina, ka noda i tokani ena cakacaka ni Turaga. 8Sa i koya oqori na i naki ni noqu a talai koya yani vei kemuni, me rawa ni o ni vakayaloqaqataki kina mai na nona i talanoa me baleta na veika sa yaco tiko oqo vei keitou. 9#Fmoni 10-12E rau sa lako vata yani kei Onisimo, na wekaqu vinaka ka yalodina, ka sa dua ga vei kemuni o koya. E rau na tukuna vei kemuni na veika kece sara sa yaco tiko eke.
10 #
Caka 19.29; 27.2; Fmoni 24;
Caka 12.12,25; 13.13; 15.37-39 Sa loloma tu yani o Arisitako na noqu i tokani ka keirau sa vesu vata tu oqo, kei Marika na tavalei Panapasa. (O ni sa vakadreti oti ena ka me baleti koya, o ya mo ni kidavaki koya kevaka sa lako yani vei kemuni.) 11Sa loloma talega yani o Josua, ka yacana talega o Jusito. Sa i iratou tolutolu ga oqo na Jiu lotu Vakarisito sa veitokani voli kei au ena cakacaka ni Matanitu ni Kalou, ka ratou sa vukei au sara vakalevu.
12 #
Kolo 1.7; Fmoni 23 Sa loloma yani vei kemuni o Epafira, e dua ga vei kemuni ka dauveiqaravi nei Karisito Jisu. A sa dau masulaki kemuni vagumatua, ni sa kerea vua na Kalou mo ni tudei sara ka mo ni lewenilotu Vakarisito matua ka lomadei ena kena muri na loma ni Kalou. 13Ni'u sa vakadinadinataka na nona dau cakacaka kaukauwa ena vukumuni, kei na vukudra talega mai Leotisea kei ira mai Aiarapoli. 14#2Timo 4.11; Fmoni 24; 2Timo 4.10; Fmoni 24Erau sa loloma yani vei kemuni o Luke, na vuniwai lomani, kei Timasa.
15Au sa loloma yani vei ira na veiwekani mai Leotisea, ka vakakina vei Nimifa kei na i soqosoqo lotu sa dau sota voli ena nona vale. 16Ia ni sa wili oti na i vola oqo vei kemuni, me qai la'ki wili talega ki na i vavakoso mai Leotisea, ka mo ni qai wilika talega na i vola e vakau mai Leotisea. 17#Fmoni 2Mo ni kaya sara vei Akipo, “Mo qarauna mo qarava vakaoti sara na i tavi sa soli vei iko ena vuku ni cakacaka ni Turaga.”
18Oi au, o Paula, sa vola na i loloma kece sara ena ligaqu dina ga. Ni kakua ni guilecava na noqu sa vesu tu oqo!
Me tikoga vei kemuni na loloma ni Kalou.
Currently Selected:
Kolosa 4: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.