1 Cesalonaika Na i Vakamacala Taumada
Na i Vakamacala Taumada
O Cesalonaika na koro turaga ni yasana vaka-Roma o Masitonia. A tauyavutaka o Paula e dua na i soqosoqo lotu maikea ni oti na nona veisiko mai Filipai. A sega ni dede ni sa tubu cake na veisaqasaqa mai vei ira na Jiu era sa vuvutaka na vuavuai vinaka ni vakavuvuli Vakarisito ka a vunautaka voli o Paula vei ira era sega ni Jiu ka ra sa malele tiko ki na lotu vaka-Jiu. Sa mani vakaukauwataki kina o Paula me biuti Cesalonaika ka lako ki Peria. E muri ni sa la'ki tiko mai Korinica o Paula, sa qai taura o koya e dua na i tukutuku mai vei Timoci, na nona i lawalawa ka i tokani vakacakacaka, me baleta na veika sa yaco tiko vei ira na i soqosoqo lotu mai Cesalonaika.
A sa volai kina Na i Matai ni Vola i Paula Vei Ira Mai Cesalonaika me vakayaloqaqataki ira, ka vakataudeitaka na lomadra na lewenilotu Vakarisito mai kea. A vakavinavinakataka kina o koya na i tukutuku ni nodra vakabauta kei na nodra loloma. A sa vakananumi ira ena i tovo ni bula sa mai dusimaka voli o koya ena gauna era a tiko vata kina, ka sauma talega na veitaro eso sa basika mai vei ira na lewenilotu me baleta na lesu mai nei Karisito, me vakaoqo: Ena rawa beka vua e dua na tamata vakabauta ka sa mate oti ni se bera ni lesu mai na Karisito me na vakaivotavota ena bula tawamudu sa kauta vata mai na Karisito ena nona lesu mai? Ena qai lesu beka mai ena gauna cava na Karisito? A vakayagataka o Paula na i vola oqo me tukuna kina vei ira me ra qarava vakavinaka ga na nodra i tavi ena yalo vakacegu ka waraka ena vakanuinui na nona lesu mai na Karisito.
Na Lewe ni Vola
Na i vakamacala taumada 1.1
Na vakavinavinaka kei na veivakacaucautaki 1.2–3.13
Na veivakamasuti me muri na i tovo Vakarisito 4.1-12
Na veivakavuvuli eso me baleta na lesu mai nei Karisito 4.13–5.11
Na i otioti ni veivakauqeti 5.12-22
A Kena i tinitini 5.23-28
Currently Selected:
1 Cesalonaika Na i Vakamacala Taumada: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.