2 Makabe 9
9
Totogitaki Adioko na Turaga
1E donuya tiko na gauna qo na nona suka yakusurasura o Adioko mai Peresia, 2ni a via curuma na koro o Peresepoli me butako e valenilotu, taura vakaukaua na koro. Era a mani tauri iyaragi na lewenikoro, ra cicivi koya ra vakadrukai koya kei ira na nona tamata, a suka gona e na madua o Adioko, ra cemuri koya na lewenikoro. 3Ni sa yaco e Ekivatana, sa tukuni vua na ka sa yaco vei Nikanore kei na mataivalu nei Timoci. 4Nona cudru katakata, sa mani lewa kina me sauma lesu vei ira na Jiu na nodra vakadrukai koya vakaca na lewenikoro; sa qai vakarota nona draiva ni kareti me kua ni cegu me yacova ni sa yaco i Jerusalemi. Ia sa vodo vata tu kei koya na lewa mai lomalagi, ni a kaya e na nona qaciqacia: “Niu sa yaco e Jerusalemi au na vukica me kedra ibulubulu na Jiu”!
5Ia na Turaga e dau raica na ka kece, na Kalou ni Isireli, a kanakuitataki koya e na dua na mate vuni sega ni wali rawa. Ni tini ga nona vosa, sa mosi sara vakaca na ketena kei na nona gacagaca, sega ni cegu, 6ia sa lauti koya vinaka na sui ni kena, ni ya na ka a dau cakacakava e na ketedra e lewe levu e na vuqa na sala vakadomobula. 7Ia a sega ni mudu kina nona viavialevu, sa qai sivia ga nona dokadoka kei nona cati ira na Jiu, vakarota mera vakatotolo yani. E na kaukaua gona ni nodra cici, a lutu vakaca kina o koya mai nona qiqi, na kaukaua ni nona lutu sa momosi sara ga kina na sui ni yagona kece. 8O koya ase qai nanuma tu ni rawa ni lewa na ua ni wasawasa, vakarautaka na bibi na veiulunivanua cecere e na nona dokadoka vakadomobula, sa mani dalasai i qele, qai colati e na ilavelave, me laurai votu kina na sau ni Kalou. 9Sa qasiva na yago ni tamata ca qo na ulo; ni se bula tu ga e na rarawa kei na vutugu, sa luca na yagona; na kena iboi ca era sa vakasisilataki koya kina na mataivalu taucoko. 10O koya a nanuma tu ni rawa ni tara na kalokalo, sa sega ni dua e via laveti koya wavoki e na levu ni kena iboi ca sega ni vosoti rawa.
Yalayala o Adioko vua na Kalou
11Ni sa yalolailai kina, sa via yali yani nona viavialevu, sa qai kilai yalona tale e na vuku ni ikuita ni Kalou, ni sa yacovi koya tu ga na rarawa. 12Ni sa sega ni vosota rawa o koya na kena iboi, sa cavuta na vosa qo: “E dodonu ga meda vakarorogo vua na Kalou, me kua ni dua e nanuma nirau tautauvata kei na Kalou.” 13E dina ni sa oti nona lomani koya na Turaga, sa qai via yalataka na tamata vakaloloma qo vua na Turaga 14ni sana sega tale ni vaqeyavutaka, se me vukica me ibulubulu, na koro tabu a vakatotolo tiko me lai talaraka; sana solia ga me galala; 15o ira na Jiu a nanuma ni sega ni ganiti ira mera bulu a nakita ga me biuti ira kei na luvedra vei ira na manumanu kei na manumanuvuka mera kani ira, sa lewa mera na tautauvata kece kei ira na lewenivanua mai Aceni; 16na valetabu a dau butako taumada mai kina, e na ukutaka e na isolisoli talei, e na vakasuka kina na disi tabu me sivita vakalevu na kena levu e liu; e na sauma e na nona ilavo ga na isoro e vakacabori, 17kena ikuri na ka taucoko qo, sana tavuki me Jiu, sana vakasikova na vanua kece me kacivaka kina na kaukaua ni Kalou.
iVola i Adioko vei ira na Jiu
18Ia ni sega ni bau cegu nona rarawa, ni sa lewai koya vakadodonu na Kalou, sa oti nona vakanuinui, mani vola na ivola qo vei ira na Jiu me kerekere. Qo na lewena: 19“Vei kemuni na noqu lewenivanua dokai na Jiu, au vakabula tiko yani o Adioko nomuni tui, nomuni iliuliu, au nuitaka nioni bula vinaka, bula sautu tiko. 20Kevaka oni bula vinaka tiko kei ira na luvemuni, sautu tiko nomuni bula, au sa marau vakalevu. Au vakanuinui tu i lomalagi, 21au nanuma lesu e na marau na nomuni dau vakarokoroko kei na lomavinaka. E na noqu lesu tiko mai na yasayasa vakaPeresia, a tauvi yau e dua na mate dau veivakasosataki, au mani nanuma ni sa yaga meu vakasamataka na nodra taqomaki na lewenivanua raraba. 22Au sega ni yalolailai e na noqu tauvimate, niu kila au na bula ga, 23ia au dau vakawa, ni asa cavutu o tamaqu e na nona ilakolako vakaivalu i na yasana e na vualiku, a lesia e dua na kena isosomi, 24mera kua kina ni taqaya na lewenivanua ke dua na ka e yaco, se basika mai e dua na itukutuku ca, nira sana kila sa biu tiko e liga i cei na matanitu. 25Au sa kila tale ga nodra sa namaka tiko na iliuliu e na iyalayala ni noqu vanua kei ira na veivanua voleka e dua na gauna e vinaka vei ira, era waraka tiko mera raica na cava e na yaco. Au sa digitaka kina me tui na luvequ o Adioko, o koya au sa dau tataunaka vei kemuni e lewe levu e na gauna au dau sikova kina na yasana e na vualiku; au sa vola tale ga vua na ka sa volai tu e ke. 26Au sa vakauqeti kemuni vakamasuti kemuni gona moni nanuma na veiqaravi raraba, veiqaravi yadua e caka vei kemuni, me dei tu ga na nomuni lomavinaka yadua vei keirau kei na luvequ. 27Au kila ni na muria tale ga noqu ivakarau, e na liutaki kemuni e na dodonu kei na yalovinaka.”
28Sa mani mai tini vakaloloma sara e na veidelana ni dua na vanua vulagi nona bula na daulaba, dau veivakaisini, ni a nona tu na vutugu bibi me vaka ga e a dau vakavuna vei ira na tamata tale e so. 29Sa qai kauta lesu na yagona i nona vanua o Filipe e dua nona itokani, ia a qai rerevaki luve i Adioko, mani dro vei Tolemi Filometa e Ijipita.
Currently Selected:
2 Makabe 9: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
2 Makabe 9
9
Totogitaki Adioko na Turaga
1E donuya tiko na gauna qo na nona suka yakusurasura o Adioko mai Peresia, 2ni a via curuma na koro o Peresepoli me butako e valenilotu, taura vakaukaua na koro. Era a mani tauri iyaragi na lewenikoro, ra cicivi koya ra vakadrukai koya kei ira na nona tamata, a suka gona e na madua o Adioko, ra cemuri koya na lewenikoro. 3Ni sa yaco e Ekivatana, sa tukuni vua na ka sa yaco vei Nikanore kei na mataivalu nei Timoci. 4Nona cudru katakata, sa mani lewa kina me sauma lesu vei ira na Jiu na nodra vakadrukai koya vakaca na lewenikoro; sa qai vakarota nona draiva ni kareti me kua ni cegu me yacova ni sa yaco i Jerusalemi. Ia sa vodo vata tu kei koya na lewa mai lomalagi, ni a kaya e na nona qaciqacia: “Niu sa yaco e Jerusalemi au na vukica me kedra ibulubulu na Jiu”!
5Ia na Turaga e dau raica na ka kece, na Kalou ni Isireli, a kanakuitataki koya e na dua na mate vuni sega ni wali rawa. Ni tini ga nona vosa, sa mosi sara vakaca na ketena kei na nona gacagaca, sega ni cegu, 6ia sa lauti koya vinaka na sui ni kena, ni ya na ka a dau cakacakava e na ketedra e lewe levu e na vuqa na sala vakadomobula. 7Ia a sega ni mudu kina nona viavialevu, sa qai sivia ga nona dokadoka kei nona cati ira na Jiu, vakarota mera vakatotolo yani. E na kaukaua gona ni nodra cici, a lutu vakaca kina o koya mai nona qiqi, na kaukaua ni nona lutu sa momosi sara ga kina na sui ni yagona kece. 8O koya ase qai nanuma tu ni rawa ni lewa na ua ni wasawasa, vakarautaka na bibi na veiulunivanua cecere e na nona dokadoka vakadomobula, sa mani dalasai i qele, qai colati e na ilavelave, me laurai votu kina na sau ni Kalou. 9Sa qasiva na yago ni tamata ca qo na ulo; ni se bula tu ga e na rarawa kei na vutugu, sa luca na yagona; na kena iboi ca era sa vakasisilataki koya kina na mataivalu taucoko. 10O koya a nanuma tu ni rawa ni tara na kalokalo, sa sega ni dua e via laveti koya wavoki e na levu ni kena iboi ca sega ni vosoti rawa.
Yalayala o Adioko vua na Kalou
11Ni sa yalolailai kina, sa via yali yani nona viavialevu, sa qai kilai yalona tale e na vuku ni ikuita ni Kalou, ni sa yacovi koya tu ga na rarawa. 12Ni sa sega ni vosota rawa o koya na kena iboi, sa cavuta na vosa qo: “E dodonu ga meda vakarorogo vua na Kalou, me kua ni dua e nanuma nirau tautauvata kei na Kalou.” 13E dina ni sa oti nona lomani koya na Turaga, sa qai via yalataka na tamata vakaloloma qo vua na Turaga 14ni sana sega tale ni vaqeyavutaka, se me vukica me ibulubulu, na koro tabu a vakatotolo tiko me lai talaraka; sana solia ga me galala; 15o ira na Jiu a nanuma ni sega ni ganiti ira mera bulu a nakita ga me biuti ira kei na luvedra vei ira na manumanu kei na manumanuvuka mera kani ira, sa lewa mera na tautauvata kece kei ira na lewenivanua mai Aceni; 16na valetabu a dau butako taumada mai kina, e na ukutaka e na isolisoli talei, e na vakasuka kina na disi tabu me sivita vakalevu na kena levu e liu; e na sauma e na nona ilavo ga na isoro e vakacabori, 17kena ikuri na ka taucoko qo, sana tavuki me Jiu, sana vakasikova na vanua kece me kacivaka kina na kaukaua ni Kalou.
iVola i Adioko vei ira na Jiu
18Ia ni sega ni bau cegu nona rarawa, ni sa lewai koya vakadodonu na Kalou, sa oti nona vakanuinui, mani vola na ivola qo vei ira na Jiu me kerekere. Qo na lewena: 19“Vei kemuni na noqu lewenivanua dokai na Jiu, au vakabula tiko yani o Adioko nomuni tui, nomuni iliuliu, au nuitaka nioni bula vinaka, bula sautu tiko. 20Kevaka oni bula vinaka tiko kei ira na luvemuni, sautu tiko nomuni bula, au sa marau vakalevu. Au vakanuinui tu i lomalagi, 21au nanuma lesu e na marau na nomuni dau vakarokoroko kei na lomavinaka. E na noqu lesu tiko mai na yasayasa vakaPeresia, a tauvi yau e dua na mate dau veivakasosataki, au mani nanuma ni sa yaga meu vakasamataka na nodra taqomaki na lewenivanua raraba. 22Au sega ni yalolailai e na noqu tauvimate, niu kila au na bula ga, 23ia au dau vakawa, ni asa cavutu o tamaqu e na nona ilakolako vakaivalu i na yasana e na vualiku, a lesia e dua na kena isosomi, 24mera kua kina ni taqaya na lewenivanua ke dua na ka e yaco, se basika mai e dua na itukutuku ca, nira sana kila sa biu tiko e liga i cei na matanitu. 25Au sa kila tale ga nodra sa namaka tiko na iliuliu e na iyalayala ni noqu vanua kei ira na veivanua voleka e dua na gauna e vinaka vei ira, era waraka tiko mera raica na cava e na yaco. Au sa digitaka kina me tui na luvequ o Adioko, o koya au sa dau tataunaka vei kemuni e lewe levu e na gauna au dau sikova kina na yasana e na vualiku; au sa vola tale ga vua na ka sa volai tu e ke. 26Au sa vakauqeti kemuni vakamasuti kemuni gona moni nanuma na veiqaravi raraba, veiqaravi yadua e caka vei kemuni, me dei tu ga na nomuni lomavinaka yadua vei keirau kei na luvequ. 27Au kila ni na muria tale ga noqu ivakarau, e na liutaki kemuni e na dodonu kei na yalovinaka.”
28Sa mani mai tini vakaloloma sara e na veidelana ni dua na vanua vulagi nona bula na daulaba, dau veivakaisini, ni a nona tu na vutugu bibi me vaka ga e a dau vakavuna vei ira na tamata tale e so. 29Sa qai kauta lesu na yagona i nona vanua o Filipe e dua nona itokani, ia a qai rerevaki luve i Adioko, mani dro vei Tolemi Filometa e Ijipita.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.