2 Makabe 8
8
Veisaqasaqa o Jutasa Makabe
1Era a curuma lo na veikoro o Jutasa, vakatokai o Makabe, kei ira nona itokani, mera tukutuku vei ira na wekadra era dina tiko e na vakabauta vakaJiu qai vakacurumi ira e na dua na mataivalu: era kumuna rawa e 6,000 na tamata. 2Era tagica na Turaga me raici ira na lewenivanua era sa vakalolomataki tiko e na veiyasana kece, me lomana na valenisoro era sa vakadukadukalitaka na tawalotu, 3me lomana na koro levu sa vakacacani tiko, voleka ni talaraki, me rogoca na dra e tagi yani vua, 4me nanuma tale ga na nodra vakamatei vakatawadodonu na gone lalai kei na beci ni yacana, me vakaraitaka nona sevaka na ca.
5Ni sa tu vakarau na mataivalu nei Makabe, era sa sega ni vorati koya rawa na kai veimatanitu tani, ni sa vuki me loloma na cudru ni Kalou. 6A dau basika mai vakasauri, visa na veitaoni kei na veikoro. A taura na vanua yaga e so, cemuri ira e levu na meca. 7A raica ni bogi e gauna vinaka duadua ni mataqali ravu vaqo. Sa teteva na veivanua na italanoa ni nona yaloqaqa.
Talai Nikanore o Tolemi me valuti Jutasa
8Ni sa raica o Filipe ni sa toso tiko mai vakamalua, veitarataravi nona qaqa, sa volavola vei Tolemi na kovana kei Koelesiria kei Fonisia me vukea na matanitu ni tui. 9O Tolemi sa digitaki Nikanore sara, na luve i Patorokulo, dua na itokani dredre ni tui, talai koya me liutaka, ke lailai, e 20,000 na kai veimatanitu tani mera vakawabokotaki ira mai na dela i vuravura na kai Jutia. A lesi rau vata kei Qojiasi, e dua na jenerali sa matua e na kilaka vakamataivalu. 10A nanuma o Nikanore ni na volitaki ira na Jiu e na vesuka rawa, mera bobula; me na kumuna kina e 2,000 na taledi e na vuku ni tui, ya na ilavo e dodonu me solia vei ira na kai Roma. 11Sa mani tukutuku, i na veikoro e baravi, sureti ira mera voli Jiu bobula, yalataka me na solia e 90 na bobula dua na taledi; e sega sara tiko ni kila ni sa vakarau toboki koya koso na lewa ni Kalou.
Sa kila o Jutasa na inaki nei Nikanore
12Sa rogo mai vei Jutasa ni sana kaba mai o Nikanore; ni sa tukuna vei ira na nona itokani nodra sa voleka mai na mataivalu, 13era dro o ira era datuvu, ra sega ni nuitaka na lewa dodonu ni Kalou. 14E so tale era volitaka kece na nodra iyau, tagica vua na Turaga me vakabulai ira sa volitaki ira oti o Nikanore ni se bera na vala. 15Era cakava qo, ke sega ni baleti ira, me bau baleta mada ga na nona veiyalayalati kei ira na nodra qase, e na vuku ni nona a vakatokai ira e na yacana tabu lagilagi. 16Ia a vakasoqoni ira nona tamata o Makabe e 6,000 kedra levu, vakauqeti ira mera kua ni rerevaki ira na meca, kua ni rerevaka na kedra iwiliwili levu na kai veimatanitu tani era vakarau mai valuti ira tiko vakatawadodonu; mera vala ga e na yaloqaqa, 17mera nanuma tiko ga na ivakarau ni veibeci levu era cakava na kai veimatanitu tani e na vale tabu, na vakararawataki ni nodra koro sa vakalialia, kei na boko ni nodra ivakarau ni bula na nodra qase. 18A kaya, “O ira, era nuitaka ga na nodra iyaragi kei na yaloqaqa e na ivalu, ia o keda, eda vakanuinui vua na Kalou sau, o koya e rawa e na nona deguvacu ga me yaviti ira era via valuti keda, na vuravura taucoko sara mada ga.”
19A tukuna tale ga vei ira na veivuke a yaco vei ira na nodra qase; e na gauna nei Senakerivi, era vakamatei kina e le 185,000; 20e na gauna ni ivalu kei ira na kai Kalatia mai Papiloni, era vakaitavi kina e le 8,000 vata kei na 4,000 na kai Masetonia; nira sa via leqa tu na kai Masetonia, o ira na le 8,000, e na veivuke mai lomalagi, era mani vakamatei ira kina e 120,000, levu sara kina na itokinivalu.
Vakadrukai Nikanore o Jutasa
21A vakayaloqaqataki ira e na vosa qo mera bole mate kina e na vuku ni nodra lawa kei na nodra vanua; sa qai wasei ira vakava na nona mataivalu. 22A lesi iratou na tacina o Saimoni, Joseva kei Jonacani, meratou liutaka e yadua na iwasewase, ya 1,500 na lewena. 23#1M 3.48A vakaroti Iliesa tale ga me wilika i cake na ivolatabu, dusia vei ira na vosa “na veivuke ni Kalou” me nodra ibole; sa qai liutaki ira sara ga na imatai ni iwasewase, lai valuti Nikanore.
24Nona tovata kei ira na Kalou, ra mani vakamatei ira e sivia e 9,000 na meca, vakamavoataki ira e levu sara na lewe ni mataivalu nei Nikanore, era mani se kece. 25Era taura na nodra ilavo na mai via voli bobula. Ni sa yawa toka na vanua era cemuri ira kina, era sa mani suka tale mai, ni sa bogi na vanua. 26Na siga ya na siga se bera na siga ni vakacecegu, ya na vuna era sa lesu koso mai kina. 27Nira sa soqona na nodra iyaragi na meca kei na nodra iyau, era sa rokova na siga ni vakacecegu, ra vakacaucautaka, ra vakavinavinaka e na domo levu vua na Turaga, o koya sa maroroi ira mera yacova na siga ya mera vakadinadinataka kina na itekivu ni nona loloma. 28Ni oti na siga ni vakacecegu, era solia e so na itokinivalu vei ira na vakararawataki, na yada kei na luveniyali, ra vota vei ira kei na luvedra na kena vo. 29Nira sa cakava qo, era sa qai kerea na Turaga dauloloma me veisaututaki sara ga kei ira na nona tamata.
Vakadrukai Timoci kei Bakitesi o Jutasa
30E na nodra vala vakavica kei ira na mataivalu nei Timoci kei Bakitesi, era vakamatea kina e sivia e 20,000, ra rawata e so na koronivalu dredre sara, wasea na tokinivalu e levu, vota vei ira na vakararawataki, luveniyali, na yada, kei ira na qase na ivotavota vata ga e nodra. 31Era kumuna nodra iyaragi na meca, veibiuyaka e na veivanua digitaki e so, ra kauta na vo ni itokonivalu i Jerusalemi. 32Era vakamatea na iliuliu ni mataivalu nei Timoci, e dua na tamata ca a dau vakararawataki ira vakalevu na Jiu. 33Nira marautaka tiko na qaqa e na koro ni nodra qase, era vakamai iratou na vakama na matamata tabu, ya o Kalisicene kei na so tale eratou asa dro i na dua na vale vakatikitiki; a sauti ira vinaka qo na nodra ivakarau veibeci.
34O Nikanore, na tamata ca vakasevaki, o koya a kauti ira mai na udolu na dauveivoli mera voli ira na Jiu, 35nira sa vakadrukai koya vakaloloma e na veivuke ni Turaga o ira a nanuma nira tawayaga, sa luvata laivi na nona isulu vakasotia rairai totoka, qai dro taudua i Adioki me vaka e dua na bobula se qai drovaka na kena itaukei. Na ka levu ga a rawata, nona vakavuna vakataki koya me mate nona mataivalu! 36O koya a bolea me kumuna mai na ivakacavacava i Roma e na nona vesuki ira na kai Jerusalemi, sa mani tusanaka kina ni tiko nodra Dauveitaqomaki na Jiu, era sega gona ni druka rawa, nira muria tiko na lawa sa lavaka.
Currently Selected:
2 Makabe 8: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
2 Makabe 8
8
Veisaqasaqa o Jutasa Makabe
1Era a curuma lo na veikoro o Jutasa, vakatokai o Makabe, kei ira nona itokani, mera tukutuku vei ira na wekadra era dina tiko e na vakabauta vakaJiu qai vakacurumi ira e na dua na mataivalu: era kumuna rawa e 6,000 na tamata. 2Era tagica na Turaga me raici ira na lewenivanua era sa vakalolomataki tiko e na veiyasana kece, me lomana na valenisoro era sa vakadukadukalitaka na tawalotu, 3me lomana na koro levu sa vakacacani tiko, voleka ni talaraki, me rogoca na dra e tagi yani vua, 4me nanuma tale ga na nodra vakamatei vakatawadodonu na gone lalai kei na beci ni yacana, me vakaraitaka nona sevaka na ca.
5Ni sa tu vakarau na mataivalu nei Makabe, era sa sega ni vorati koya rawa na kai veimatanitu tani, ni sa vuki me loloma na cudru ni Kalou. 6A dau basika mai vakasauri, visa na veitaoni kei na veikoro. A taura na vanua yaga e so, cemuri ira e levu na meca. 7A raica ni bogi e gauna vinaka duadua ni mataqali ravu vaqo. Sa teteva na veivanua na italanoa ni nona yaloqaqa.
Talai Nikanore o Tolemi me valuti Jutasa
8Ni sa raica o Filipe ni sa toso tiko mai vakamalua, veitarataravi nona qaqa, sa volavola vei Tolemi na kovana kei Koelesiria kei Fonisia me vukea na matanitu ni tui. 9O Tolemi sa digitaki Nikanore sara, na luve i Patorokulo, dua na itokani dredre ni tui, talai koya me liutaka, ke lailai, e 20,000 na kai veimatanitu tani mera vakawabokotaki ira mai na dela i vuravura na kai Jutia. A lesi rau vata kei Qojiasi, e dua na jenerali sa matua e na kilaka vakamataivalu. 10A nanuma o Nikanore ni na volitaki ira na Jiu e na vesuka rawa, mera bobula; me na kumuna kina e 2,000 na taledi e na vuku ni tui, ya na ilavo e dodonu me solia vei ira na kai Roma. 11Sa mani tukutuku, i na veikoro e baravi, sureti ira mera voli Jiu bobula, yalataka me na solia e 90 na bobula dua na taledi; e sega sara tiko ni kila ni sa vakarau toboki koya koso na lewa ni Kalou.
Sa kila o Jutasa na inaki nei Nikanore
12Sa rogo mai vei Jutasa ni sana kaba mai o Nikanore; ni sa tukuna vei ira na nona itokani nodra sa voleka mai na mataivalu, 13era dro o ira era datuvu, ra sega ni nuitaka na lewa dodonu ni Kalou. 14E so tale era volitaka kece na nodra iyau, tagica vua na Turaga me vakabulai ira sa volitaki ira oti o Nikanore ni se bera na vala. 15Era cakava qo, ke sega ni baleti ira, me bau baleta mada ga na nona veiyalayalati kei ira na nodra qase, e na vuku ni nona a vakatokai ira e na yacana tabu lagilagi. 16Ia a vakasoqoni ira nona tamata o Makabe e 6,000 kedra levu, vakauqeti ira mera kua ni rerevaki ira na meca, kua ni rerevaka na kedra iwiliwili levu na kai veimatanitu tani era vakarau mai valuti ira tiko vakatawadodonu; mera vala ga e na yaloqaqa, 17mera nanuma tiko ga na ivakarau ni veibeci levu era cakava na kai veimatanitu tani e na vale tabu, na vakararawataki ni nodra koro sa vakalialia, kei na boko ni nodra ivakarau ni bula na nodra qase. 18A kaya, “O ira, era nuitaka ga na nodra iyaragi kei na yaloqaqa e na ivalu, ia o keda, eda vakanuinui vua na Kalou sau, o koya e rawa e na nona deguvacu ga me yaviti ira era via valuti keda, na vuravura taucoko sara mada ga.”
19A tukuna tale ga vei ira na veivuke a yaco vei ira na nodra qase; e na gauna nei Senakerivi, era vakamatei kina e le 185,000; 20e na gauna ni ivalu kei ira na kai Kalatia mai Papiloni, era vakaitavi kina e le 8,000 vata kei na 4,000 na kai Masetonia; nira sa via leqa tu na kai Masetonia, o ira na le 8,000, e na veivuke mai lomalagi, era mani vakamatei ira kina e 120,000, levu sara kina na itokinivalu.
Vakadrukai Nikanore o Jutasa
21A vakayaloqaqataki ira e na vosa qo mera bole mate kina e na vuku ni nodra lawa kei na nodra vanua; sa qai wasei ira vakava na nona mataivalu. 22A lesi iratou na tacina o Saimoni, Joseva kei Jonacani, meratou liutaka e yadua na iwasewase, ya 1,500 na lewena. 23#1M 3.48A vakaroti Iliesa tale ga me wilika i cake na ivolatabu, dusia vei ira na vosa “na veivuke ni Kalou” me nodra ibole; sa qai liutaki ira sara ga na imatai ni iwasewase, lai valuti Nikanore.
24Nona tovata kei ira na Kalou, ra mani vakamatei ira e sivia e 9,000 na meca, vakamavoataki ira e levu sara na lewe ni mataivalu nei Nikanore, era mani se kece. 25Era taura na nodra ilavo na mai via voli bobula. Ni sa yawa toka na vanua era cemuri ira kina, era sa mani suka tale mai, ni sa bogi na vanua. 26Na siga ya na siga se bera na siga ni vakacecegu, ya na vuna era sa lesu koso mai kina. 27Nira sa soqona na nodra iyaragi na meca kei na nodra iyau, era sa rokova na siga ni vakacecegu, ra vakacaucautaka, ra vakavinavinaka e na domo levu vua na Turaga, o koya sa maroroi ira mera yacova na siga ya mera vakadinadinataka kina na itekivu ni nona loloma. 28Ni oti na siga ni vakacecegu, era solia e so na itokinivalu vei ira na vakararawataki, na yada kei na luveniyali, ra vota vei ira kei na luvedra na kena vo. 29Nira sa cakava qo, era sa qai kerea na Turaga dauloloma me veisaututaki sara ga kei ira na nona tamata.
Vakadrukai Timoci kei Bakitesi o Jutasa
30E na nodra vala vakavica kei ira na mataivalu nei Timoci kei Bakitesi, era vakamatea kina e sivia e 20,000, ra rawata e so na koronivalu dredre sara, wasea na tokinivalu e levu, vota vei ira na vakararawataki, luveniyali, na yada, kei ira na qase na ivotavota vata ga e nodra. 31Era kumuna nodra iyaragi na meca, veibiuyaka e na veivanua digitaki e so, ra kauta na vo ni itokonivalu i Jerusalemi. 32Era vakamatea na iliuliu ni mataivalu nei Timoci, e dua na tamata ca a dau vakararawataki ira vakalevu na Jiu. 33Nira marautaka tiko na qaqa e na koro ni nodra qase, era vakamai iratou na vakama na matamata tabu, ya o Kalisicene kei na so tale eratou asa dro i na dua na vale vakatikitiki; a sauti ira vinaka qo na nodra ivakarau veibeci.
34O Nikanore, na tamata ca vakasevaki, o koya a kauti ira mai na udolu na dauveivoli mera voli ira na Jiu, 35nira sa vakadrukai koya vakaloloma e na veivuke ni Turaga o ira a nanuma nira tawayaga, sa luvata laivi na nona isulu vakasotia rairai totoka, qai dro taudua i Adioki me vaka e dua na bobula se qai drovaka na kena itaukei. Na ka levu ga a rawata, nona vakavuna vakataki koya me mate nona mataivalu! 36O koya a bolea me kumuna mai na ivakacavacava i Roma e na nona vesuki ira na kai Jerusalemi, sa mani tusanaka kina ni tiko nodra Dauveitaqomaki na Jiu, era sega gona ni druka rawa, nira muria tiko na lawa sa lavaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.