2 Makabe 10
10
Vakatabui tale na valenisoro
1Era sa taura lesu tale o Jutasa Makabe kei nona tamata, e na veiliutaki ni Turaga, na valenisoro kei na koro o Jerusalemi; 2era talaraka na yaletare e so era sa tara tu na kaitani e na rara ni volivolitaki, kei na vanua tale e so ni sokalou. 3Era vakasavasavataka na loqi tabu, tara kina e dua na yaletare vou. Era sa qai waqaca e dua na buka vou e na nita, ra vakacabo isoro tale ni oti e rua na yabaki; ra vakama mira, vakawaqa cina, vakarautaka na madrai tabu. 4Nira sa cakava oti qo, era sa qai cuva vakatobuicu, ra kerea vua na Turaga me kua vakadua tale nira coko e na kalouca vaqo, ia kevaka era cala mai muri, me totogitaki ira o koya e na yalovosota, mera kua ga ni soli yani vei ira na matanitu kila dauveivakaisini. 5Na siga sara ga era vakasausataka kina na kaitani na vale tabu, na siga vata ga a vakasavasavataki tale kina, ya na ika25 ni siga ni vula i Jisilevi. 6Era mani solevutaka e na marau me walu na siga, me vaka nodra dau marautaka na solevu ni valevakacevaceva, era nanuma kina ni gauna lekaleka sa oti e na solevu ga qo, era a dau wavoki voli kina e na veidelana kei na qaravatu vaka na manumanu kila. 7Era mani tauri kau cori e na watukumailagi na tabanikau rairai vinaka, kei na palema mera lagalaga sere ni vakavinavinaka vei koya e vu ni kena vakasavasavataki rawa tale na nona vanua tabu. 8Era lomavata, laveligataka tale ga, me lawa raraba na nodra solevutaka na Jiu e na veiyabaki na siga qo. 9Qori gona na itinitini kei Adioko vakatokai me o Epifane.
Vakamatei koya o Tolemi Makaroni
10 #
1M 6.17
Keimami na talanoataka qo na cava a yaco e na gauna nei Adioko Iupatore, na luve ni tamata ca qori, kei na ivakalekaleka ni leqa lelevu ni ivalu. 11Ni sa cabeta na itutu vakatui na tamata qo, sa qai digitaki Lisiasi me liutaka na matanitu, me kovana levu tale ga ni Koelesiria kei Fonisia. 12O Tolemi, vakatokai me o Makaroni, a imatai me lewai ira vakadodonu na Jiu me ibulu ni cala sa caka oti vei ira, mani tovolea me tudei nodra veimaliwai vinaka. 13Ia era mani beitaki koya ga kina e mata i Iupatore o ira na itokani ni tui. A rogoca e na veivanua nira kacivi koya me liumuri baleta ni a biuti Saipurusi, na vanua, tataunaka vua o Filometa, lai tovata kei Adioko Epifane. Ni sa sega ni rokovi nona itutu, sa mani gunu poisoni ga kina qai mate.
Vakadrukai ira na kai Itumea o Jutasa Makabe
14Ni sa kovana ni yasayasa ya o Qojiasi, a dau dua voli nona mataivalu saumi mani dau valuti ira tiko ga kina na Jiu. 15Era vakasosataki ira tale tiko ga na Jiu na kai Itumea, era lewa tu e levu na koronivalu nuitaki. Era ciqomi ira na cemuri mai Jerusalemi, ra saga me toso tiko ga na veivaluvaluti. 16Ia nira sa vakamamasu oti vua na Turaga me vukei ira, era qai tabili yani o Jutasa Makabe kei ira nona tamata i na nodra koronivalu na kai Itumea. 17Era bololaki ira mani taura na koro qori, ra cemuri ira era valu tiko e na kena bai, ra vakamatei ira kece era sota kaya, ra le 20,000 ke lailai.
18Ia e sivia e 9,000 na meca era vuni e na rua na valeniyadra vakaiyayataki vinaka tu me vorata na virikovu. 19Me vaka ni gadrevi vakatotolo o Makabe e na vanua tale e so, a mani laivi Saimoni kei Iosefo, vakina o Sakiusa kei ira nona tamata, mera virikovu. 20Ia eratou matamata ilavo e so na tamata nei Saimoni, ratou mani tauri ilavo vei ira e so na meca e valeniyadra. Niratou sa taura e 70,000 na drakema, eratou mani laivi ira na meca e so mera cila. 21Ni sa rogoca o Makabe, sa soqoni ira na iliuliu, beitaki iratou na tamata qo niratou sa volitaki ira na wekadratou, e na nodratou sereki ira na meca mera qai valuti ira. 22Sa qai vakamatei iratou na liumuri, taura vakaukaua na valeniyadra e rua. 23Me vaka ni dau qaqa tu ga e na ivalu, a vakamatei ira kina vakadua e sivia e 20,000 e na koronivalu e rua.
Vakadrukai Timoci o Jutasa
24O Timoci, o koya era asa vakadruka mada e liu na Jiu, sa vakasoqona e dua na mataivalu saumi vakaitamera kei na mataivalu vodo ose levu mai Esia. A toso mai me vakavuai Jutia. 25Nira sa voleka mai, era sa boro dravusa o Makabe kei ira nona tamata, ra vakaisulu e na taqarotu, ra vakamamasu vua na Kalou. 26Era cuva vakatobuicu e na ikabakaba ni yaletare, ra kerea vua me lomani ira, me meca ni kedra meca, me vaka sa yalataki e na lawa. 27Nira sa tucake mai na masu, era sa tauri iyaragi, taubale vakayawa toka yani mai na koro; era keba nira sa volekati ira yani na meca. 28Ni qai kida na mataka, sa cabolo na ivalu; o ira na Jiu, era vakanuinui ni na nodra na qaqa sega wale ga e na vuku ni nodra yaloqaqa, e na vuku tale ga ni nodra vakanuinui vua na Kalou; o ira na meca, era nuitaka ga na nodra rawa ni vala e na yalokatakata.
29Ni sa katakata sara na vala, era sa raica na meca niratou sa basika mai lomalagi e lewe lima na tamata rairai vinaka vodo ose vakavaraele koula, ratou mai liutaki ira na Jiu. 30Eratou vala wavokiti Makabe, taqomaki koya e na nodratou iyaragi kei na isasabai me kua ni mavoa. Eratou vakamira dakaititi kei na livaliva vei ira na meca, era mani veilecayaki kina, boko na matadra, ra tini yakusurasura, tatalaki. 31Era moku e lewe 20,500 na sotia kei na 600 na sotia vodo ose.
32O Timoci a dro i na koronivalu yadravi vinaka e vakatokai o Qasara, kena komada o Jaereasi. 33Era mani bololaka na koro e na yaloqaqa o Makabe kei ira nona tamata me va na siga. 34O ira na lewena, nira sa yalodei e na kaukaua ni koro, era qai vosavosacataki ira sara ga na Jiu kei na nodra Kalou. 35Ia ni kida na mataka e na ikalima ni siga, eratou kabata kina e na yaloqaqa na bainikoro e ruasagavulu na sotia nei Makabe e na levu ni nodratou cudruvaka nodra veibeci na meca, eratou mani vakamatei ira kece eratou sota kaya. 36O ira era kaba muri iratou yani, era gole i dakudra na meca, ra vakama na valeniyadra; era vakamai ira bulabula na vosavakacacataki ira kei na nodra Kalou. E so tale eratou basuka na matamata, ratou vakacurumi ira yani na vo ni mataivalu mera tawana na koro. 37Era vakamatei Timoci a vuni toka e na dua na tobuniwai, vakina o Jaereasi na tacina kei Apolofane. 38Ni sa oti qo, era sa qai vakacaucautaka e na sere kei na vakavinavinaka na Turaga e dau lomani Isireli vakalevu, dau solia mera qaqa.
Currently Selected:
2 Makabe 10: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
2 Makabe 10
10
Vakatabui tale na valenisoro
1Era sa taura lesu tale o Jutasa Makabe kei nona tamata, e na veiliutaki ni Turaga, na valenisoro kei na koro o Jerusalemi; 2era talaraka na yaletare e so era sa tara tu na kaitani e na rara ni volivolitaki, kei na vanua tale e so ni sokalou. 3Era vakasavasavataka na loqi tabu, tara kina e dua na yaletare vou. Era sa qai waqaca e dua na buka vou e na nita, ra vakacabo isoro tale ni oti e rua na yabaki; ra vakama mira, vakawaqa cina, vakarautaka na madrai tabu. 4Nira sa cakava oti qo, era sa qai cuva vakatobuicu, ra kerea vua na Turaga me kua vakadua tale nira coko e na kalouca vaqo, ia kevaka era cala mai muri, me totogitaki ira o koya e na yalovosota, mera kua ga ni soli yani vei ira na matanitu kila dauveivakaisini. 5Na siga sara ga era vakasausataka kina na kaitani na vale tabu, na siga vata ga a vakasavasavataki tale kina, ya na ika25 ni siga ni vula i Jisilevi. 6Era mani solevutaka e na marau me walu na siga, me vaka nodra dau marautaka na solevu ni valevakacevaceva, era nanuma kina ni gauna lekaleka sa oti e na solevu ga qo, era a dau wavoki voli kina e na veidelana kei na qaravatu vaka na manumanu kila. 7Era mani tauri kau cori e na watukumailagi na tabanikau rairai vinaka, kei na palema mera lagalaga sere ni vakavinavinaka vei koya e vu ni kena vakasavasavataki rawa tale na nona vanua tabu. 8Era lomavata, laveligataka tale ga, me lawa raraba na nodra solevutaka na Jiu e na veiyabaki na siga qo. 9Qori gona na itinitini kei Adioko vakatokai me o Epifane.
Vakamatei koya o Tolemi Makaroni
10 #
1M 6.17
Keimami na talanoataka qo na cava a yaco e na gauna nei Adioko Iupatore, na luve ni tamata ca qori, kei na ivakalekaleka ni leqa lelevu ni ivalu. 11Ni sa cabeta na itutu vakatui na tamata qo, sa qai digitaki Lisiasi me liutaka na matanitu, me kovana levu tale ga ni Koelesiria kei Fonisia. 12O Tolemi, vakatokai me o Makaroni, a imatai me lewai ira vakadodonu na Jiu me ibulu ni cala sa caka oti vei ira, mani tovolea me tudei nodra veimaliwai vinaka. 13Ia era mani beitaki koya ga kina e mata i Iupatore o ira na itokani ni tui. A rogoca e na veivanua nira kacivi koya me liumuri baleta ni a biuti Saipurusi, na vanua, tataunaka vua o Filometa, lai tovata kei Adioko Epifane. Ni sa sega ni rokovi nona itutu, sa mani gunu poisoni ga kina qai mate.
Vakadrukai ira na kai Itumea o Jutasa Makabe
14Ni sa kovana ni yasayasa ya o Qojiasi, a dau dua voli nona mataivalu saumi mani dau valuti ira tiko ga kina na Jiu. 15Era vakasosataki ira tale tiko ga na Jiu na kai Itumea, era lewa tu e levu na koronivalu nuitaki. Era ciqomi ira na cemuri mai Jerusalemi, ra saga me toso tiko ga na veivaluvaluti. 16Ia nira sa vakamamasu oti vua na Turaga me vukei ira, era qai tabili yani o Jutasa Makabe kei ira nona tamata i na nodra koronivalu na kai Itumea. 17Era bololaki ira mani taura na koro qori, ra cemuri ira era valu tiko e na kena bai, ra vakamatei ira kece era sota kaya, ra le 20,000 ke lailai.
18Ia e sivia e 9,000 na meca era vuni e na rua na valeniyadra vakaiyayataki vinaka tu me vorata na virikovu. 19Me vaka ni gadrevi vakatotolo o Makabe e na vanua tale e so, a mani laivi Saimoni kei Iosefo, vakina o Sakiusa kei ira nona tamata, mera virikovu. 20Ia eratou matamata ilavo e so na tamata nei Saimoni, ratou mani tauri ilavo vei ira e so na meca e valeniyadra. Niratou sa taura e 70,000 na drakema, eratou mani laivi ira na meca e so mera cila. 21Ni sa rogoca o Makabe, sa soqoni ira na iliuliu, beitaki iratou na tamata qo niratou sa volitaki ira na wekadratou, e na nodratou sereki ira na meca mera qai valuti ira. 22Sa qai vakamatei iratou na liumuri, taura vakaukaua na valeniyadra e rua. 23Me vaka ni dau qaqa tu ga e na ivalu, a vakamatei ira kina vakadua e sivia e 20,000 e na koronivalu e rua.
Vakadrukai Timoci o Jutasa
24O Timoci, o koya era asa vakadruka mada e liu na Jiu, sa vakasoqona e dua na mataivalu saumi vakaitamera kei na mataivalu vodo ose levu mai Esia. A toso mai me vakavuai Jutia. 25Nira sa voleka mai, era sa boro dravusa o Makabe kei ira nona tamata, ra vakaisulu e na taqarotu, ra vakamamasu vua na Kalou. 26Era cuva vakatobuicu e na ikabakaba ni yaletare, ra kerea vua me lomani ira, me meca ni kedra meca, me vaka sa yalataki e na lawa. 27Nira sa tucake mai na masu, era sa tauri iyaragi, taubale vakayawa toka yani mai na koro; era keba nira sa volekati ira yani na meca. 28Ni qai kida na mataka, sa cabolo na ivalu; o ira na Jiu, era vakanuinui ni na nodra na qaqa sega wale ga e na vuku ni nodra yaloqaqa, e na vuku tale ga ni nodra vakanuinui vua na Kalou; o ira na meca, era nuitaka ga na nodra rawa ni vala e na yalokatakata.
29Ni sa katakata sara na vala, era sa raica na meca niratou sa basika mai lomalagi e lewe lima na tamata rairai vinaka vodo ose vakavaraele koula, ratou mai liutaki ira na Jiu. 30Eratou vala wavokiti Makabe, taqomaki koya e na nodratou iyaragi kei na isasabai me kua ni mavoa. Eratou vakamira dakaititi kei na livaliva vei ira na meca, era mani veilecayaki kina, boko na matadra, ra tini yakusurasura, tatalaki. 31Era moku e lewe 20,500 na sotia kei na 600 na sotia vodo ose.
32O Timoci a dro i na koronivalu yadravi vinaka e vakatokai o Qasara, kena komada o Jaereasi. 33Era mani bololaka na koro e na yaloqaqa o Makabe kei ira nona tamata me va na siga. 34O ira na lewena, nira sa yalodei e na kaukaua ni koro, era qai vosavosacataki ira sara ga na Jiu kei na nodra Kalou. 35Ia ni kida na mataka e na ikalima ni siga, eratou kabata kina e na yaloqaqa na bainikoro e ruasagavulu na sotia nei Makabe e na levu ni nodratou cudruvaka nodra veibeci na meca, eratou mani vakamatei ira kece eratou sota kaya. 36O ira era kaba muri iratou yani, era gole i dakudra na meca, ra vakama na valeniyadra; era vakamai ira bulabula na vosavakacacataki ira kei na nodra Kalou. E so tale eratou basuka na matamata, ratou vakacurumi ira yani na vo ni mataivalu mera tawana na koro. 37Era vakamatei Timoci a vuni toka e na dua na tobuniwai, vakina o Jaereasi na tacina kei Apolofane. 38Ni sa oti qo, era sa qai vakacaucautaka e na sere kei na vakavinavinaka na Turaga e dau lomani Isireli vakalevu, dau solia mera qaqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.