2 Makabe 7
7
Mate na veitinani e na vuku ni nodratou vakabauta
1 #
Ipe 11.35,36 Eratou a vesu tale ga mai e vitu na veitacini kei tinadratou qai vakasaurarataki iratou tiko na tui meratou kana vuaka e na nona vakararawataki iratou, kanakanakuitataki iratou. 2A kaya e dua vei iratou, nodratou mata, “Na cava o via taroga se kila vei keitou? Keitou sa vakarau tu me keitou mate, me kua ga ni keitou beca na nodra lawa neimami qase.”
3Sa cudru vakalevu na tui, vakarota me vakatakatari na itavuteke kei na kuro lelevu. 4Sa caka sara, sa qai vakarota me cebe laivi na yame ni nodratou mata, cecegi na drauniuluna vata kei na kuliniuluna, muduki na ligana kei na yavana niratou rai tiko na veitinani. 5Ni qiqi tu sega ni cakava rawa e dua na ka, sa vakarota sara na tui me kau i na buka ni se cegu tiko me qisi e na kuro. Sa tete yawa na kubou mai na itavuteke, eratou veivakayaloqaqataki ga na veitinani meratou mate vakaturaga, eratou kaya, 6#Vrua 32.36“Sa raici kedatou tiko na Turaga na Kalou, lomani kedatou dina, me vaka a vakadeitaka o Mosese e na nona sere a cudruvi ira kina e matadra o ira era sa biuta na Turaga, ni kaya, ‘E na lomani ira sara ga na qaravi koya.’ ”
7Ni sa mate vaqo na imatai, era sa kauta mai na ikarua vei iratou na veitacini me nodra ka ni qito. Era cecega na drauniuluna kei na kuliniuluna, ra tarogi koya, “O na kania na vuaka se me musu veitarataravi na ligamu kei na yavamu?” 8A sauma vei ira e na nodra vosa nona qase, “Sega”. Sa mani vakatotogani tale ga me vaka sa caka oti vua na tuakana. 9Ni sa voleka ni cavuka nona icegu, a kaya, “Yavu tamata vakaloloma, oni vakamatei keitou e na bula qo, ia na Tui ni vuravura e na vakabulai keitou tale e na bula vou tawamudu, ni keitou sa mate e na vuku ni nona lawa.”
10Ni oti o koya, sa nodra ka ni qito na ikatolu. Ni sa vakaroti, sa vakadara yame mai, dodoka na ligana e na yaloqaqa, 11cavuta na vosa cecere qo, “A soli qo vei yau mai lomalagi; e na vuku ni nona lawa, au sega ni kauitaka; vei koya, au nuitaka niu na rawata lesu tale mai kina.” 12Era sa mani kurabuitaka na tui kei ira era tiko vata kaya na yalo ni cauravou qo, ni vaka e sega ni dua na ka vua nona rarawa levu.
13Ni sa mate tale ga o koya, era tuliraka, vakararawataka vakina na ikava. 14Ni sa voleka ni mate, a kaya, “Sa yaga ga me digitaka e dua me mate e ligadra na tamata me vakamareqeta kina na vakanuinui e solia na Kalou ni na vakaturi koya tale o koya. Ia vei kemuni, e na sega na tucake tale!”
15Ni oti qo, era kauta mai na ikalima, ra vakararawataki koya tale ga. 16Ia a rai vua na tui, a kaya, “Me vaka nioni lewai ira na tamata, dina nioni tamata wale tale ga o kemuni, oni cakava kina na ka oni vinakata. Ia kua ni nanuma ni sa biuti keimami nona tamata na Kalou. 17Ni cakava tiko ga, oni na qai raica se na vakatotogani kemuni vakacava kei ira na nomuni kawa na nona sau!”
18Ni oti o koya, era kauta mai na kedratou ikaono. Ni sa voleka ni mate, a kaya, “Ni kua ni nanuma cala, ni neitou vakararawataki tiko qo e bale ga vei keimami, ni keimami a valavalaca vua na neimami Kalou. E sa yaco gona na veika veivakurabuitaki. 19Ia kua ni nanuma nioni na sega ni totogitaki e na nomuni via valuta na Kalou!”
20E ganita me qoroi ka rokovi vakalevu o tinadratou. A raica niratou vakamatei na luvena vituvitu e na dua ga na siga, a ciqoma e na yaloqaqa, ni vakanuinui vua na Kalou. 21A vakauqeti iratou yadudua e na nodra vosa na qase. Ni sa sinai tu e na yalodei, a mani wakia kina me ilutua ni nona vuku vakayalewa na yaloqaqa vakatagane, kaya kina vei iratou, 22“Au sega ni kila seodou lai tu vakacava e ketequ. E sega ni o yau au solia vei kemudou na bula kei na icegu, sega tale ga ni o yau au semasemata vata na dui tikimudou. 23O koya gona na Dauveibuli ni vuravura, o koya a bucina na itekivu ni tamata, lewa na itekivu ni ka taucoko, e na solia lesu tale vei kemudou e na nona loloma na nomudou bula kei na icegu, me vaka nidou sa guilecavi kemudou tiko qo e na vuku ni nona lawa.”
24A vakila o Adioko ni sa gunu wainibele tiko, a kilakasamataka na itautau veibeitaki ni domona. Sa mani sega wale ga ni vakamamasu o Adioko vua na gone duadua se bula tiko, sa yalataka sara ga vua e na vosa bubului ni na vakavuna me vutuniyau ka vuvutaki kevaka e vuki tani mai nodra ivakarau na nona qase; e na ciqomi koya tale ga me nona itau, solia vua me lewa na veika ni bula raraba e so. 25Na cauravou a sega sara ga ni via vakarorogo vua, mani kacivi tinana na tui, kerei koya me vakasalataka na gone me bula. 26Ni sa kerei koya vakabibi tiko ga, sa mani vakadonuya me vosa vei luvena. 27Ia sa kala voleka yani, vakalialia na iliuliu lomaca e na nona tukuna vaqo vua e na nodrau vosa: “Na luvequ, lomani yau. Au a keveti iko voli e ketequ me ciwa na vula, au a vakasucumi iko me tolu na yabaki, susugi iko, tuberi iko, karoni iko me yacova mai na gauna qo e na nomu bula. 28Au kerei iko na luvequ, mo raica na lomalagi kei na vuravura, raica na veika e tu kina, mo kila ni a sega ni bulia na Kalou mai na dua tale na ka e tu. A buli tale ga mai vaqori na kawatamata. 29Kua ni rerevaka na daulaba qo, mo nanumi iratou ga na tuakamu. Ciqoma na mate, me qai rawa e na loloma ni Kalou meu raici iko tale kei iratou na tuakamu.”
30Ni se vosa tiko ga o koya, sa tukuna na cauravou, “Na cava odou se waraka tiko? Au na sega ni rogoca na ivakaro ni tui, au rokova ga na ivakaro ni lawa a solia vei ira na neimami qase o Mosese. 31Ia o kemuni oni sa bulia na veika ca kece me baleti ira na Iperiu, oni na sega ni dro bula mai na liga ni Kalou. 32Keimami vakararawataki tiko qo e na vuku ga ni neimami ivalavalaca. 33Kevaka e cudru vakalekaleka na neimami Kalou bula me totogitaki keimami vakadodonutaki keimami, e na veivinakati tale kei keimami na nona tamata. 34Ia o kemuni, tamata vakaloloma vakasisila duadua vei ira kece na tamata, moni kua ni marau tawayaga se dokadokai kemuni e na vakanuinui veilecayaki nioni laveta na ligamuni vei ira na luve i lomalagi. 35Oni sega ni se levea na vakatulewa ni Kalou sau, o koya e raica na ka kece. 36O iratou na tuakaqu e na nodratou vosota vakalekaleka na rarawa, eratou sa gunuva na wai tovure tawamudu ni veiyalayalati ni Kalou; ia o kemuni e na lewa ni Kalou, oni na totogitaki vakadodonu e na nomuni viavialevu. 37Au sa solia, vakataki iratou na tuakaqu, na yagoqu kei na noqu bula me baleta na nodra lawa na neitou qase; au kerea tiko kina na Kalou me sana tei lomana na neitou vanua, me qai kanakuitataki kemuni, vakararawataki keimami me yacova nioni sa vakatusa ni o koya duadua na Kalou; 38na neitou vakararawataki vakaveitacini, me mudu kina na cudru ni Kalou sa sobuta na neitou vanua taucoko.”
39Sa cudru katakata sara na tui, mani bibi cake sara kina na kena itotogi vei iratou na kena vo, ni sega ni ciqoma rawa na nona veivakalialiai. 40Sa mani mate e na nona yalosavasava, vakanuinui vakatabakidua ga vua na Turaga.
41Sa qai mate duadua e muri o tinadratou niratou sa mate kece na luvena.
42Me na tei rauta gona qo na talanoataka na kania na kakana sorovaki kei na veivakararawataki vakadomobula.
Currently Selected:
2 Makabe 7: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
2 Makabe 7
7
Mate na veitinani e na vuku ni nodratou vakabauta
1 #
Ipe 11.35,36 Eratou a vesu tale ga mai e vitu na veitacini kei tinadratou qai vakasaurarataki iratou tiko na tui meratou kana vuaka e na nona vakararawataki iratou, kanakanakuitataki iratou. 2A kaya e dua vei iratou, nodratou mata, “Na cava o via taroga se kila vei keitou? Keitou sa vakarau tu me keitou mate, me kua ga ni keitou beca na nodra lawa neimami qase.”
3Sa cudru vakalevu na tui, vakarota me vakatakatari na itavuteke kei na kuro lelevu. 4Sa caka sara, sa qai vakarota me cebe laivi na yame ni nodratou mata, cecegi na drauniuluna vata kei na kuliniuluna, muduki na ligana kei na yavana niratou rai tiko na veitinani. 5Ni qiqi tu sega ni cakava rawa e dua na ka, sa vakarota sara na tui me kau i na buka ni se cegu tiko me qisi e na kuro. Sa tete yawa na kubou mai na itavuteke, eratou veivakayaloqaqataki ga na veitinani meratou mate vakaturaga, eratou kaya, 6#Vrua 32.36“Sa raici kedatou tiko na Turaga na Kalou, lomani kedatou dina, me vaka a vakadeitaka o Mosese e na nona sere a cudruvi ira kina e matadra o ira era sa biuta na Turaga, ni kaya, ‘E na lomani ira sara ga na qaravi koya.’ ”
7Ni sa mate vaqo na imatai, era sa kauta mai na ikarua vei iratou na veitacini me nodra ka ni qito. Era cecega na drauniuluna kei na kuliniuluna, ra tarogi koya, “O na kania na vuaka se me musu veitarataravi na ligamu kei na yavamu?” 8A sauma vei ira e na nodra vosa nona qase, “Sega”. Sa mani vakatotogani tale ga me vaka sa caka oti vua na tuakana. 9Ni sa voleka ni cavuka nona icegu, a kaya, “Yavu tamata vakaloloma, oni vakamatei keitou e na bula qo, ia na Tui ni vuravura e na vakabulai keitou tale e na bula vou tawamudu, ni keitou sa mate e na vuku ni nona lawa.”
10Ni oti o koya, sa nodra ka ni qito na ikatolu. Ni sa vakaroti, sa vakadara yame mai, dodoka na ligana e na yaloqaqa, 11cavuta na vosa cecere qo, “A soli qo vei yau mai lomalagi; e na vuku ni nona lawa, au sega ni kauitaka; vei koya, au nuitaka niu na rawata lesu tale mai kina.” 12Era sa mani kurabuitaka na tui kei ira era tiko vata kaya na yalo ni cauravou qo, ni vaka e sega ni dua na ka vua nona rarawa levu.
13Ni sa mate tale ga o koya, era tuliraka, vakararawataka vakina na ikava. 14Ni sa voleka ni mate, a kaya, “Sa yaga ga me digitaka e dua me mate e ligadra na tamata me vakamareqeta kina na vakanuinui e solia na Kalou ni na vakaturi koya tale o koya. Ia vei kemuni, e na sega na tucake tale!”
15Ni oti qo, era kauta mai na ikalima, ra vakararawataki koya tale ga. 16Ia a rai vua na tui, a kaya, “Me vaka nioni lewai ira na tamata, dina nioni tamata wale tale ga o kemuni, oni cakava kina na ka oni vinakata. Ia kua ni nanuma ni sa biuti keimami nona tamata na Kalou. 17Ni cakava tiko ga, oni na qai raica se na vakatotogani kemuni vakacava kei ira na nomuni kawa na nona sau!”
18Ni oti o koya, era kauta mai na kedratou ikaono. Ni sa voleka ni mate, a kaya, “Ni kua ni nanuma cala, ni neitou vakararawataki tiko qo e bale ga vei keimami, ni keimami a valavalaca vua na neimami Kalou. E sa yaco gona na veika veivakurabuitaki. 19Ia kua ni nanuma nioni na sega ni totogitaki e na nomuni via valuta na Kalou!”
20E ganita me qoroi ka rokovi vakalevu o tinadratou. A raica niratou vakamatei na luvena vituvitu e na dua ga na siga, a ciqoma e na yaloqaqa, ni vakanuinui vua na Kalou. 21A vakauqeti iratou yadudua e na nodra vosa na qase. Ni sa sinai tu e na yalodei, a mani wakia kina me ilutua ni nona vuku vakayalewa na yaloqaqa vakatagane, kaya kina vei iratou, 22“Au sega ni kila seodou lai tu vakacava e ketequ. E sega ni o yau au solia vei kemudou na bula kei na icegu, sega tale ga ni o yau au semasemata vata na dui tikimudou. 23O koya gona na Dauveibuli ni vuravura, o koya a bucina na itekivu ni tamata, lewa na itekivu ni ka taucoko, e na solia lesu tale vei kemudou e na nona loloma na nomudou bula kei na icegu, me vaka nidou sa guilecavi kemudou tiko qo e na vuku ni nona lawa.”
24A vakila o Adioko ni sa gunu wainibele tiko, a kilakasamataka na itautau veibeitaki ni domona. Sa mani sega wale ga ni vakamamasu o Adioko vua na gone duadua se bula tiko, sa yalataka sara ga vua e na vosa bubului ni na vakavuna me vutuniyau ka vuvutaki kevaka e vuki tani mai nodra ivakarau na nona qase; e na ciqomi koya tale ga me nona itau, solia vua me lewa na veika ni bula raraba e so. 25Na cauravou a sega sara ga ni via vakarorogo vua, mani kacivi tinana na tui, kerei koya me vakasalataka na gone me bula. 26Ni sa kerei koya vakabibi tiko ga, sa mani vakadonuya me vosa vei luvena. 27Ia sa kala voleka yani, vakalialia na iliuliu lomaca e na nona tukuna vaqo vua e na nodrau vosa: “Na luvequ, lomani yau. Au a keveti iko voli e ketequ me ciwa na vula, au a vakasucumi iko me tolu na yabaki, susugi iko, tuberi iko, karoni iko me yacova mai na gauna qo e na nomu bula. 28Au kerei iko na luvequ, mo raica na lomalagi kei na vuravura, raica na veika e tu kina, mo kila ni a sega ni bulia na Kalou mai na dua tale na ka e tu. A buli tale ga mai vaqori na kawatamata. 29Kua ni rerevaka na daulaba qo, mo nanumi iratou ga na tuakamu. Ciqoma na mate, me qai rawa e na loloma ni Kalou meu raici iko tale kei iratou na tuakamu.”
30Ni se vosa tiko ga o koya, sa tukuna na cauravou, “Na cava odou se waraka tiko? Au na sega ni rogoca na ivakaro ni tui, au rokova ga na ivakaro ni lawa a solia vei ira na neimami qase o Mosese. 31Ia o kemuni oni sa bulia na veika ca kece me baleti ira na Iperiu, oni na sega ni dro bula mai na liga ni Kalou. 32Keimami vakararawataki tiko qo e na vuku ga ni neimami ivalavalaca. 33Kevaka e cudru vakalekaleka na neimami Kalou bula me totogitaki keimami vakadodonutaki keimami, e na veivinakati tale kei keimami na nona tamata. 34Ia o kemuni, tamata vakaloloma vakasisila duadua vei ira kece na tamata, moni kua ni marau tawayaga se dokadokai kemuni e na vakanuinui veilecayaki nioni laveta na ligamuni vei ira na luve i lomalagi. 35Oni sega ni se levea na vakatulewa ni Kalou sau, o koya e raica na ka kece. 36O iratou na tuakaqu e na nodratou vosota vakalekaleka na rarawa, eratou sa gunuva na wai tovure tawamudu ni veiyalayalati ni Kalou; ia o kemuni e na lewa ni Kalou, oni na totogitaki vakadodonu e na nomuni viavialevu. 37Au sa solia, vakataki iratou na tuakaqu, na yagoqu kei na noqu bula me baleta na nodra lawa na neitou qase; au kerea tiko kina na Kalou me sana tei lomana na neitou vanua, me qai kanakuitataki kemuni, vakararawataki keimami me yacova nioni sa vakatusa ni o koya duadua na Kalou; 38na neitou vakararawataki vakaveitacini, me mudu kina na cudru ni Kalou sa sobuta na neitou vanua taucoko.”
39Sa cudru katakata sara na tui, mani bibi cake sara kina na kena itotogi vei iratou na kena vo, ni sega ni ciqoma rawa na nona veivakalialiai. 40Sa mani mate e na nona yalosavasava, vakanuinui vakatabakidua ga vua na Turaga.
41Sa qai mate duadua e muri o tinadratou niratou sa mate kece na luvena.
42Me na tei rauta gona qo na talanoataka na kania na kakana sorovaki kei na veivakararawataki vakadomobula.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.