2 Makabe 6
6
Vakararawataki na Jiu e na vuku ni nodra vakabauta
1Sega ni dede, a tala na tui e dua na lewe ni seneti ni Aceni me lai vakasaurarataki ira na Jiu mera biuta na lawa ni nodra qase, mera kua ni muria na lawa ni Kalou, 2mera vakaduka tale ga na valenisoro mai Jerusalemi, qai vakatoka me valenisoro nei Seusi vakaOlibia, vakatoka tale ga na kena mai Keresimi me valenisoro nei Seusi na Nodra iTokani na Vulagi, me vaka era sa kerea oti tiko e kea.
3Sa veivakalolomataki, mosimosi sara ga na ravu ni meca, 4ni sa vuki na valenisoro me nodra vanua ni marau ca kei na mateni vakasausa na vulagi; era lasa kina vata kei ira na yalewa ca, veiyacovi kei ira na yalewa e na vanua tabu, kauta tale ga mai me isoro na veika e sega ni veiganiti. 5Sa vakacabori tiko e na yaletare na veimataqali isoro vakasisila e vakatabui vakalawa. 6Sa tabu vua e dua me rokova na siga ni vakacecegu, me vakayacora nodra solevu na nona qase, se me vakatokai koya sara mada ga me Jiu.
7E na solevu vakavula ni siganisucu ni tui, era dau kau vakavoraki mai na Jiu mera kania na isoro; e na solevu i Dionisio, era vakasaurarataki mera vakaisala e na watukumailagi qai taubale e na kena porosesio. 8A buli na lawa, e na nona vakatura o Tolemi, me lavaki kina vei ira na veikoro vaKirisi era voleka, mera muria tale ga na ivakarau qo vei ira na Jiu, ya mera kania na isoro, 9mera vakamatei ira na bese ni muria na ivakarau vaKirisi. Sa rawa ni laurai gona na levu ni rarawa e yacovi ira.
10 #
1M 1.60,61 E dua na kena ivakaraitaki na marama e rua erau vesu nirau sa cilivi rau na dui luvedrau. Erau yabetaki wavoki e loma ni koro, lili tu na luvedrau e lomaseredrau, rau qai kolotaki sobu mai na bainikoro. 11#1M 2.32-38E so tale era soqo vata e na qaravatu voleka e kea mera solevutaka lo na ikavitu ni siga, era vakatukutukutaki vei Filipe, ra mani vakamai vata kece, nira sega ni via taqomaki ira e na nodra rokova tiko na siga tabu levu ya.
E veitotogitaki na Turaga, qai veivosoti tale
12Au vakauqeti ira era wilika na ivola qo mera kua ni yalolailai e na levu ni leqa vaqo; mera kila ga ni itotogi kece qo a sega ni kena inaki me vakawabokotaki ira na kainoda, me vakavulici ira ga mera dau tudei. 13E ivakaraitaki sara ga ni loloma levu nodra totogitaki sara na valavalaca sega nira biu vakadede. 14O ira na veimatanitu tale e so, sa wawa tu na Turaga me totogitaki ira ni sa vuabale nodra ivalavalaca, 15ia e sega ni cakava vaqo vei keda, me kua kina ni qai totogitaki keda e muri ni sa bini levu tu na noda ivalavalaca. 16E sega gona ni sa mudu nona lomani keda. E dina ni vakavulici keda e na leqa eda sota kaya, e sega ga ni biuti keda nona tamata. 17Na ka keitou sa tukuna qo, me ivakananumi vei keda; me sa toso tale mada qo na italanoa.
Mate o Iliesa e na vuku ni nona vakabauta
18 #
Lako 11.7,8; Ipe 11.35 O Iliesa, e dua na vunivola vakaitutu levu, qase dokai, a vakasaurarataki me dolava na gusuna me kania na vuaka. 19Ia a vinaka cake vua me mate savasava, me kua ga ni bula duka; mani kaburaka laivi mai na vuaka, gole cake vakataki koya i na misini ni veivakatotogani, 20me vaka e ganiti ira era yaloqaqa mera besetaka na ka e sega ni dodonu me laukana, dina ni rawa ni yali kina na iyau talei duadua, na bula.
21Eratou kauti koya vakatikitiki na liutaka tiko na isoro cala qori, baleta niratou kilai koya vinaka, ratou tukuna vua me kauta ga mai na kena lewenimanumanu e tara vakalawa me kania, qai mai kania e na gauna ni isoro me vaka ga e kania tiko na kakana sorovaki sa lavaka na tui, 22me rawa kina ni kua ni mate e na vuku ni nodratou veikilai makawa. 23Ia a dei matua na nona lewa, veiganiti kei na nona yabaki ni bula, na uluna sikoa sa mai yacova tu ka rokovi kina, kei na nona bula vakaitovo vinaka mai nona gauna ni gone, salavata tale ga kei na lawa ni Kalou; sa tusanaka vakatotolo na nona vakabauta qo, tukuna vei ira mera talai koya i Etesi.
24“Na lasu vaqo e sega ni veiganiti kei na noda gauna ni bula,” a kaya, “dera na nanuma tiko e levu na gone ni o Iliesa, e na nona sa yabaki 90, sa curu e na dua na lotu vulagi; 25e na noqu lasu gona meu rawa ni bula balavu vakalailai tale kina, era na vakacalai kina; kena ikuri, au na vakadukadukalitaka, vakamaduataka noqu itutu vaqase. 26E dina e rawa niu levea e na gauna qo na itotogi ni tamata, ia keu bula seu mate, au na sega ni dro rawa mai na liga ni Kalou. 27O koya gona, noqu solia e na yaloqaqa noqu bula e na gauna qo, au sa vakaraitaka kina niu sa veiraurau kei noqu yabaki levu, 28meu vakaraitaka kina vei ira na gone na idusidusi dokai ni lomasoli e na noqu lai mate e na vuku ni lawa tabu ni Kalou.”
Ni sa tukuna oti qo, sa gole vakadodonu sara i na misini ni veivakatotogani. 29O iratou na via lomani koya e na gauna lekaleka ga sa oti, eratou sa sevaki koya qo, baleta niratou nanuma ni vosa e cavuta e lialia. 30Ni sa voleka ni mate e na imoku, sa kaya e na vutugu: “E matata vua na Turaga e na nona kila levu ni rawa niu bula, au vosota tiko na rarawa vakadomobula ni yagoqu e na noqu mokulaki tiko, sa dua na ka noqu marautaka na rarawa qo baleta niu rokovi koya.”
31Qo gona na ivakarau ni nona mate; a laiva tiko mai kina na idusidusi ni ivakarau vakaturaga, kei na ivakananumi ni yaloqaqa, sega wale ga vei ira na gone, vei ira raraba na lewe ni nona vanua.
Currently Selected:
2 Makabe 6: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
2 Makabe 6
6
Vakararawataki na Jiu e na vuku ni nodra vakabauta
1Sega ni dede, a tala na tui e dua na lewe ni seneti ni Aceni me lai vakasaurarataki ira na Jiu mera biuta na lawa ni nodra qase, mera kua ni muria na lawa ni Kalou, 2mera vakaduka tale ga na valenisoro mai Jerusalemi, qai vakatoka me valenisoro nei Seusi vakaOlibia, vakatoka tale ga na kena mai Keresimi me valenisoro nei Seusi na Nodra iTokani na Vulagi, me vaka era sa kerea oti tiko e kea.
3Sa veivakalolomataki, mosimosi sara ga na ravu ni meca, 4ni sa vuki na valenisoro me nodra vanua ni marau ca kei na mateni vakasausa na vulagi; era lasa kina vata kei ira na yalewa ca, veiyacovi kei ira na yalewa e na vanua tabu, kauta tale ga mai me isoro na veika e sega ni veiganiti. 5Sa vakacabori tiko e na yaletare na veimataqali isoro vakasisila e vakatabui vakalawa. 6Sa tabu vua e dua me rokova na siga ni vakacecegu, me vakayacora nodra solevu na nona qase, se me vakatokai koya sara mada ga me Jiu.
7E na solevu vakavula ni siganisucu ni tui, era dau kau vakavoraki mai na Jiu mera kania na isoro; e na solevu i Dionisio, era vakasaurarataki mera vakaisala e na watukumailagi qai taubale e na kena porosesio. 8A buli na lawa, e na nona vakatura o Tolemi, me lavaki kina vei ira na veikoro vaKirisi era voleka, mera muria tale ga na ivakarau qo vei ira na Jiu, ya mera kania na isoro, 9mera vakamatei ira na bese ni muria na ivakarau vaKirisi. Sa rawa ni laurai gona na levu ni rarawa e yacovi ira.
10 #
1M 1.60,61 E dua na kena ivakaraitaki na marama e rua erau vesu nirau sa cilivi rau na dui luvedrau. Erau yabetaki wavoki e loma ni koro, lili tu na luvedrau e lomaseredrau, rau qai kolotaki sobu mai na bainikoro. 11#1M 2.32-38E so tale era soqo vata e na qaravatu voleka e kea mera solevutaka lo na ikavitu ni siga, era vakatukutukutaki vei Filipe, ra mani vakamai vata kece, nira sega ni via taqomaki ira e na nodra rokova tiko na siga tabu levu ya.
E veitotogitaki na Turaga, qai veivosoti tale
12Au vakauqeti ira era wilika na ivola qo mera kua ni yalolailai e na levu ni leqa vaqo; mera kila ga ni itotogi kece qo a sega ni kena inaki me vakawabokotaki ira na kainoda, me vakavulici ira ga mera dau tudei. 13E ivakaraitaki sara ga ni loloma levu nodra totogitaki sara na valavalaca sega nira biu vakadede. 14O ira na veimatanitu tale e so, sa wawa tu na Turaga me totogitaki ira ni sa vuabale nodra ivalavalaca, 15ia e sega ni cakava vaqo vei keda, me kua kina ni qai totogitaki keda e muri ni sa bini levu tu na noda ivalavalaca. 16E sega gona ni sa mudu nona lomani keda. E dina ni vakavulici keda e na leqa eda sota kaya, e sega ga ni biuti keda nona tamata. 17Na ka keitou sa tukuna qo, me ivakananumi vei keda; me sa toso tale mada qo na italanoa.
Mate o Iliesa e na vuku ni nona vakabauta
18 #
Lako 11.7,8; Ipe 11.35 O Iliesa, e dua na vunivola vakaitutu levu, qase dokai, a vakasaurarataki me dolava na gusuna me kania na vuaka. 19Ia a vinaka cake vua me mate savasava, me kua ga ni bula duka; mani kaburaka laivi mai na vuaka, gole cake vakataki koya i na misini ni veivakatotogani, 20me vaka e ganiti ira era yaloqaqa mera besetaka na ka e sega ni dodonu me laukana, dina ni rawa ni yali kina na iyau talei duadua, na bula.
21Eratou kauti koya vakatikitiki na liutaka tiko na isoro cala qori, baleta niratou kilai koya vinaka, ratou tukuna vua me kauta ga mai na kena lewenimanumanu e tara vakalawa me kania, qai mai kania e na gauna ni isoro me vaka ga e kania tiko na kakana sorovaki sa lavaka na tui, 22me rawa kina ni kua ni mate e na vuku ni nodratou veikilai makawa. 23Ia a dei matua na nona lewa, veiganiti kei na nona yabaki ni bula, na uluna sikoa sa mai yacova tu ka rokovi kina, kei na nona bula vakaitovo vinaka mai nona gauna ni gone, salavata tale ga kei na lawa ni Kalou; sa tusanaka vakatotolo na nona vakabauta qo, tukuna vei ira mera talai koya i Etesi.
24“Na lasu vaqo e sega ni veiganiti kei na noda gauna ni bula,” a kaya, “dera na nanuma tiko e levu na gone ni o Iliesa, e na nona sa yabaki 90, sa curu e na dua na lotu vulagi; 25e na noqu lasu gona meu rawa ni bula balavu vakalailai tale kina, era na vakacalai kina; kena ikuri, au na vakadukadukalitaka, vakamaduataka noqu itutu vaqase. 26E dina e rawa niu levea e na gauna qo na itotogi ni tamata, ia keu bula seu mate, au na sega ni dro rawa mai na liga ni Kalou. 27O koya gona, noqu solia e na yaloqaqa noqu bula e na gauna qo, au sa vakaraitaka kina niu sa veiraurau kei noqu yabaki levu, 28meu vakaraitaka kina vei ira na gone na idusidusi dokai ni lomasoli e na noqu lai mate e na vuku ni lawa tabu ni Kalou.”
Ni sa tukuna oti qo, sa gole vakadodonu sara i na misini ni veivakatotogani. 29O iratou na via lomani koya e na gauna lekaleka ga sa oti, eratou sa sevaki koya qo, baleta niratou nanuma ni vosa e cavuta e lialia. 30Ni sa voleka ni mate e na imoku, sa kaya e na vutugu: “E matata vua na Turaga e na nona kila levu ni rawa niu bula, au vosota tiko na rarawa vakadomobula ni yagoqu e na noqu mokulaki tiko, sa dua na ka noqu marautaka na rarawa qo baleta niu rokovi koya.”
31Qo gona na ivakarau ni nona mate; a laiva tiko mai kina na idusidusi ni ivakarau vakaturaga, kei na ivakananumi ni yaloqaqa, sega wale ga vei ira na gone, vei ira raraba na lewe ni nona vanua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.