2 Makabe 5
5
Tadrai na iValu
1E via donuya tiko na gauna qo na nona kabati Ijipita tale o Adioko. 2Me vasagavulu vakacaca na siga a laurai tiko kina na raivotu ni nodra ravuravu mai macawa e Jerusalemi na sotia vodo ose vakaisulu koula, vakaiyaragi e na moto kei na iselewau 3era tuva na mataivalu ose, carubi tiko na veivaluvaluti, era tabili vaka ra tabili vaka, e kuretaki na isasabai cacawiwi na moto, vuka na veiyaragi vanataki, tatibi na iukuuku ni ose kei na isulu ni ivalu e na kena veimataqali. 4Era mani masu kece na tamata me ivakaraitaki vinaka na raivotu qo.
Kabati Jerusalemi o Jesoni
5Ni tubu mai na itukutuku lasu ni sa mate o Adioko, a kauti ira o Jesoni e sivia na 1000 na tamata, kabata sara na koro. Nira sa vakasukai na sotia e na bainivalu, mani taura tiko na koro, a lai vakaruru o Nenelao e na koronivalu. 6Ia a vakamatei ira tiko ga vakaveitalia na wekana o Jesoni, sega ni kidava ni vu ni kalouca levu duadua na qaqa e rawa e na vakamatei ira na wekada, a nanuma ga ni binia tiko na icovi ni qaqa e na nona vakadrukai ira tiko na meca. 7A sega ga ni taura rawa na matanitu, lai kena isau ga na madua e na nona vere, a mani dro tale kina i nodra vanua na kai Amoni. 8A qai tini vakaloloma nona bula. A beitaki e mata i Aretasi na nodra iliuliu na Arapea, dro voli mai e dua na koro i na dua tale, era cemuri koya na tamata kece, sevaki ni dau beci lawa, matalevutaki e nona vanua e na nona vakamatei ira na kainona, talaci tu e na matasawa kei Ijipita; 9o koya a dau cemuri ira tani e lewe levu mai nodra vanua, sa mani mate tani tu e na nona lai qara bula tiko vei ira na wekana na kai Sipata. 10O koya a ulataka na yagodra e lewe levu mera kua ni bulu, a sega ni dua me lolositaki koya; a sega na soqo ni veibulu, sega ni vakotori e na kedra ibulubulu na nona qase.
Kabati Jerusalemi o Adioko
11Ni sa yacova na tui na itukutuku ni ka sa yaco, a nanuma nira sa saqata na nona veiliutaki na kai Juta. A mani biuti Ijipita e na levu ni nona cudru, qai bololaka na koro. 12A vakaroti ira na nona sotia mera talaki ira na tamata cava ga era sota, kolairuataki ira na curu i vale. 13Era vakamatei ira na gone kei na qase, na cauravou, na veitinani, na daulato kei na gone dramidrami. 14E na loma ga ni tolu na siga, era leqa kina e le 80,000: e le 40,000 era vakamatei, kena vo era volitaki vakabobula.
15A sega ni se cegu ga na loma i Adioko, a curuma kina na valenisoro tabu duadua e vuravura e na veituberi nei Menelao, o koya asa mai liumuritaka na lawa kei na nona vanua. 16A taura na bilo tabu e na ligana duka, taviraka laivi na isolisoli era sa lolomataka mai na tui tale e so me tubu kina na lagilagi kei na rokovi ni valenisoro. 17Sa dua na ka na marau nei Adioko, a sega ni kila ni a cudru vakalailai na Kalou me baleta na nodra ivalavalaca na lewenikoro, mani sega ni kauaitaka kina na valetabu. 18Ia kevaka me a sega ni levu na nodra ivalavalaca, ke a totogitaki ka vagolei lesu ni se qai curu yani, me vaka a yaco mada vei Eliotoro, o koya a tala yani o Seleuko na tui me dikeva na tobu ni ilavo. 19Ia a sega ni digitaki ira na nona tamata na Turaga e na vuku ni valetabu, a digitaka ga na valetabu e na vukudra na nona tamata. 20A wili gona kina na valetabu e na kalouca e lutuka na vanua, vakaivotavota tale ga e muri e na kena kalougata. Na ka a vakacacani e na cudru ni Kalou sau, a vakadeitaki tale e na kena lagilagi taucoko ni sa vakayalovinakataki na Turaga levu.
Baci kabati o Jerusalemi
21A mani butakoca e valenisoro o Adioko e 18,000 na taledi, vakusakusa i Adioki, vakasamataka na nona viavialevu ni rawa me soko e dela ni qele, se me taubale e dela ni wasawasa, ni rui sivia nona marau. 22A lesi ira tu mai na kovana mera vakararawataki ira na lewenivanua: e Jerusalemi o Filipe, na kai Firijia, nona ivakarau vakamanumanu e ca vakalevu sara vei koya a lesi koya; 23e Keresimi o Adroniko; sa qai tiko o Menelao, e ca sara vei rau qori e na nona vakalolomataki ira na kainona. E na nona lomacataki ira na Jiu o Adioko, 24a talai Apolonio kina na nodra iliuliu na kai Misia kei na dua na mataivalu lewe 22,000, vakaroti koya me vakamatei ira kece na turaga bula, volitaki ira na yalewa kei na gonetagane mera bobula. 25Ni sa yaco i Jerusalemi, na nona ivukivuki kece a vaka e sega tiko ni dua na ka ca e lomana; a wawa ga me yacova na siga tabu ni vakacecegu; ni sa raica nira sega ni cakacaka na kai Jiu, a vakaroti ira na nona tamata mera voleni mai vata kei na nodra iyaragi. 26A vakamatei ira kece era mai raici ira, qai cici yani i loma ni koro kei na nona mataivalu me vakamatei ira e lewe levu sara.
27Ia eratou dro i veikau o Jutasa Makabe kei iratou e lewe ciwa tale, ratou lai bula tu kina e na veidelana me vaka na manumanu kila; eratou kania tiko ga na ka e tubu tu vakaveitalia meratou kua kina ni wili e na veivakadukai vakalawa sa yaco tiko.
Currently Selected:
2 Makabe 5: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
2 Makabe 5
5
Tadrai na iValu
1E via donuya tiko na gauna qo na nona kabati Ijipita tale o Adioko. 2Me vasagavulu vakacaca na siga a laurai tiko kina na raivotu ni nodra ravuravu mai macawa e Jerusalemi na sotia vodo ose vakaisulu koula, vakaiyaragi e na moto kei na iselewau 3era tuva na mataivalu ose, carubi tiko na veivaluvaluti, era tabili vaka ra tabili vaka, e kuretaki na isasabai cacawiwi na moto, vuka na veiyaragi vanataki, tatibi na iukuuku ni ose kei na isulu ni ivalu e na kena veimataqali. 4Era mani masu kece na tamata me ivakaraitaki vinaka na raivotu qo.
Kabati Jerusalemi o Jesoni
5Ni tubu mai na itukutuku lasu ni sa mate o Adioko, a kauti ira o Jesoni e sivia na 1000 na tamata, kabata sara na koro. Nira sa vakasukai na sotia e na bainivalu, mani taura tiko na koro, a lai vakaruru o Nenelao e na koronivalu. 6Ia a vakamatei ira tiko ga vakaveitalia na wekana o Jesoni, sega ni kidava ni vu ni kalouca levu duadua na qaqa e rawa e na vakamatei ira na wekada, a nanuma ga ni binia tiko na icovi ni qaqa e na nona vakadrukai ira tiko na meca. 7A sega ga ni taura rawa na matanitu, lai kena isau ga na madua e na nona vere, a mani dro tale kina i nodra vanua na kai Amoni. 8A qai tini vakaloloma nona bula. A beitaki e mata i Aretasi na nodra iliuliu na Arapea, dro voli mai e dua na koro i na dua tale, era cemuri koya na tamata kece, sevaki ni dau beci lawa, matalevutaki e nona vanua e na nona vakamatei ira na kainona, talaci tu e na matasawa kei Ijipita; 9o koya a dau cemuri ira tani e lewe levu mai nodra vanua, sa mani mate tani tu e na nona lai qara bula tiko vei ira na wekana na kai Sipata. 10O koya a ulataka na yagodra e lewe levu mera kua ni bulu, a sega ni dua me lolositaki koya; a sega na soqo ni veibulu, sega ni vakotori e na kedra ibulubulu na nona qase.
Kabati Jerusalemi o Adioko
11Ni sa yacova na tui na itukutuku ni ka sa yaco, a nanuma nira sa saqata na nona veiliutaki na kai Juta. A mani biuti Ijipita e na levu ni nona cudru, qai bololaka na koro. 12A vakaroti ira na nona sotia mera talaki ira na tamata cava ga era sota, kolairuataki ira na curu i vale. 13Era vakamatei ira na gone kei na qase, na cauravou, na veitinani, na daulato kei na gone dramidrami. 14E na loma ga ni tolu na siga, era leqa kina e le 80,000: e le 40,000 era vakamatei, kena vo era volitaki vakabobula.
15A sega ni se cegu ga na loma i Adioko, a curuma kina na valenisoro tabu duadua e vuravura e na veituberi nei Menelao, o koya asa mai liumuritaka na lawa kei na nona vanua. 16A taura na bilo tabu e na ligana duka, taviraka laivi na isolisoli era sa lolomataka mai na tui tale e so me tubu kina na lagilagi kei na rokovi ni valenisoro. 17Sa dua na ka na marau nei Adioko, a sega ni kila ni a cudru vakalailai na Kalou me baleta na nodra ivalavalaca na lewenikoro, mani sega ni kauaitaka kina na valetabu. 18Ia kevaka me a sega ni levu na nodra ivalavalaca, ke a totogitaki ka vagolei lesu ni se qai curu yani, me vaka a yaco mada vei Eliotoro, o koya a tala yani o Seleuko na tui me dikeva na tobu ni ilavo. 19Ia a sega ni digitaki ira na nona tamata na Turaga e na vuku ni valetabu, a digitaka ga na valetabu e na vukudra na nona tamata. 20A wili gona kina na valetabu e na kalouca e lutuka na vanua, vakaivotavota tale ga e muri e na kena kalougata. Na ka a vakacacani e na cudru ni Kalou sau, a vakadeitaki tale e na kena lagilagi taucoko ni sa vakayalovinakataki na Turaga levu.
Baci kabati o Jerusalemi
21A mani butakoca e valenisoro o Adioko e 18,000 na taledi, vakusakusa i Adioki, vakasamataka na nona viavialevu ni rawa me soko e dela ni qele, se me taubale e dela ni wasawasa, ni rui sivia nona marau. 22A lesi ira tu mai na kovana mera vakararawataki ira na lewenivanua: e Jerusalemi o Filipe, na kai Firijia, nona ivakarau vakamanumanu e ca vakalevu sara vei koya a lesi koya; 23e Keresimi o Adroniko; sa qai tiko o Menelao, e ca sara vei rau qori e na nona vakalolomataki ira na kainona. E na nona lomacataki ira na Jiu o Adioko, 24a talai Apolonio kina na nodra iliuliu na kai Misia kei na dua na mataivalu lewe 22,000, vakaroti koya me vakamatei ira kece na turaga bula, volitaki ira na yalewa kei na gonetagane mera bobula. 25Ni sa yaco i Jerusalemi, na nona ivukivuki kece a vaka e sega tiko ni dua na ka ca e lomana; a wawa ga me yacova na siga tabu ni vakacecegu; ni sa raica nira sega ni cakacaka na kai Jiu, a vakaroti ira na nona tamata mera voleni mai vata kei na nodra iyaragi. 26A vakamatei ira kece era mai raici ira, qai cici yani i loma ni koro kei na nona mataivalu me vakamatei ira e lewe levu sara.
27Ia eratou dro i veikau o Jutasa Makabe kei iratou e lewe ciwa tale, ratou lai bula tu kina e na veidelana me vaka na manumanu kila; eratou kania tiko ga na ka e tubu tu vakaveitalia meratou kua kina ni wili e na veivakadukai vakalawa sa yaco tiko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.