2 Makabe 11
11
Vakadrukai Lisiasi o Jutasa Makabe
1Ni oti ga qo, o Lisiasi, na ivakatawa kei na weka ni tui, iliuliu tale ga ni matanitu, sa vakasoqona e na nona cudruva na ka sa yaco 2e 80,000 na tamata kei na nona mataivalu vodo ose taucoko me mai valuti ira na Jiu. A nakita me veisautaka na koro me nodra itikotiko na kai Kirisi, 3me lavaka tale ga na ivakacavacava ni valenisoro me vaka a vakayacora e na vanua tabu ni veimatanitu tale e so, me qai volitaka tale ga na itutu vakabetelevu e na veiyabaki. 4A sega sara ni bau kauaitaka na sau ni Kalou, ni sa marautaka ga na nona tini na udolu na mataivalu taubale, na nona vica na udolu na mataivalu vodo ose kei na nona walusagavulu na elefadi. 5A curumi Jutia, torovi Becisuri, na koronivalu taqomaki vinaka yawa mai Jerusalemi e na ruasagavulu na maile, mani bololaka.
6Ni sa rogoca o Makabe kei ira nona tamata ni sa valuta tiko o Lisiasi na koronivalu, era sa rarawa vata kei ira kece na lewenivanua, era tagi era masuta na Turaga me tala mai e dua na yagilosi vinaka me vakabulai Isireli. 7O Makabe sara ga a isevu me taura nona iyaragi, vakauqeti ira na kena vo mera bole mate vata kei koya e na vukei ira na wekadra. Era qai biubiu sara yani e na vakusakusa. 8Nira se qai biuti Jerusalemi ga, sa basika mai me liutaki ira e dua na tamata vodo ose, vakaisulu vulavula, e dulaka tiko ga na iyaragi koula. 9Era sa qai vakacaucautaka vata na Kalou yalololoma, ni sa curumi ira na yaloqaqa e rawa kina mera bolea na tamata, na manumanu kila vakarerevaki duadua, se mera botea na bai kaukaumea. 10Era toso yani e na ituvatuva vakaivalu, salavata yani kei na nodra itokani vakalomalagi, ni sa lomani ira na Turaga. 11Era cicivi ira na meca vaka na laione daukata, ra vakamatea e le 11,000, vakina e 1,600 na vodo ose, me yacova nira sa dro e na qara bula na kena vo. 12E levu vei ira qori, era sa mavoa, yali nodra iyaragi. O Lisiasi sara mada ga, a loki buina, dro e na rere.
Veisaututaki o Lisiasi kei ira na Jiu
13E sega ni tamata lialia o Lisiasi. Ni sa lai vakasamataka na nona druka, sa kila nira sega ni druka rawa na Jiu ni tovata tiko kei ira na Kalou sau. Sa mani tala mata vei ira 14me vakatura vei ira e dua na iwali dodonu, yalataka me na cikeva na tui me nodra itokani. 15A vakadonuya o Makabe na kerekere kece nei Lisiasi, ni nanuma tiko na nodra vinaka raraba na lewenivanua, Nodra gagadre na Jiu sa vola o Makabe vei Lisiasi, sa qai vakadonuya kece na tui.
iVola i Lisiasi vei ira na Jiu
16E vaqo na ivola a vola o Lisiasi vei ira na Jiu:
“O Lisiasi vei ira na Jiu, ni sa bula vinaka. 17Erau sa mai solia nomuni mata o Jone kei Apisalome na nomuni ivola, rau kerea me vakadonui na ka e tu kina. 18Au sa vakaraitaka vua na tui na ka kece me raica, sa vakadonuya o koya me cakava na ka kece e rawa. 19Kevaka oni na dau lomavinaka tiko ga vua na matanitu, au na tovolea e na veigauna mai muri meu na dau tokona na veika me baleta nomuni tiko vinaka. 20Me baleta na ka qo kei na kedra matailalai, au sa vakaraitaka vei rau nomuni mata kei iratou na noqu mata meratou na qai veivosakitaka vata kei kemuni. 21Ni moce mada. Na ika24 ni siga ni vula o Diokorinicio, yabaki 148” [164 BSK].
iVola ni Tui vei Lisiasi
22E vaqo na ivola ni tui:
“O Tui Adioko vua na taciqu o Lisiasi, bula vinaka. 23Ni sa liu qo na tamadaru me lai tiko vata kei ira na kalou, au gadreva mera kua ni vakasosataki na lewe ni matanitu e na nodra dui qarava na nodra cakacaka. 24Au sa rogoca nira sega ni duavata na Jiu nona lewa o tamadaru mera veisau mera muria na ivakarau vaKirisi, nira via muria ga nodra ivakarau ni bula; era kerea mera galala mera rokova tiko ga nodra ivakarau vakavanua. 25O koya gona, me vaka niu vinakata me galala tale ga me vakataki ira na vo ni vanua, au sa lewa me soli lesu tale vei ira nodra valenisoro, mera galala tale ga mera muria nodra ivakarau vakavanua na nodra qase. 26E na vinaka gona mo vakaraitaka vei ira na ka qo, vakadeitaka vei ira noda yalovinaka mera na kila noqu lewa, mera yalomarau, mera muria tiko ga na nodra ivakarau.” 27E vaqo na ivola ni tui vei ira na Jiu:
“O Tui Adioko vei kemuni na lewe ni seneti ni Jiu kei ira na vo ni lewenivanua, ni bula vinaka. 28Keoni vinaka, sa vaka sara ga noqu gagadre. Au bula vinaka tale tiko ga. 29Sa vakaraitaka vei yau o Menelao nioni via lesu tale i nomuni vanua moni lai qarava kina nomuni cakacaka. 30O koya gona o ira era na lesu tale i nodra itikotiko e na ika30 ni siga ni vula i Saniciko, e na nodra na noqu veitokoni kei na noqu veivakadonui 31mera marautaka tale na Jiu na kedra kakana kei na nodra lawa me vaka e liu. E na sega ni dua vei ira me na vakasosataki e na dua na ka e cakava e na dela ni lecaika. 32Au sa talai Menelao tale ga yani me vakayaloqaqataki kemuni. 33Ni sa moce. Na ika15 ni siga ni vula i Saniciko, yabaki 148” [164 BSK].
Nodra ivola na kai Roma vei ira na Jiu
34Era volavola tale ga mai vei ira vaqo na kai Roma:
“O Kuido Memio kei Taito Monio nodra mata na kai Roma, vei ira na Jiu, ni sa bula. 35Keirau sa duavata tale ga kei na ka sa vakadonuya vei kemuni o Lisiasi na weka ni tui. 36Ia me baleta na ka e nanuma o koya me vakaraitaki vua na tui, nioni sa dikeva oti ga, ni tukuna sara mai vakatotolo na kena macala me keirau qai matataki kemuni e na vakatura vua na veika e na vinaka vei kemuni, ni keirau sa mua tiko qo i Adioki. 37Moni vakatotolo gona e na tala mai e vica na tamata meratou kauta mai na ka oni sa lewa. 38Ni sa moce. Na ika15 ni siga ni vula i Saniciko, yabaki 148” [164 BSK].
Currently Selected:
2 Makabe 11: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
2 Makabe 11
11
Vakadrukai Lisiasi o Jutasa Makabe
1Ni oti ga qo, o Lisiasi, na ivakatawa kei na weka ni tui, iliuliu tale ga ni matanitu, sa vakasoqona e na nona cudruva na ka sa yaco 2e 80,000 na tamata kei na nona mataivalu vodo ose taucoko me mai valuti ira na Jiu. A nakita me veisautaka na koro me nodra itikotiko na kai Kirisi, 3me lavaka tale ga na ivakacavacava ni valenisoro me vaka a vakayacora e na vanua tabu ni veimatanitu tale e so, me qai volitaka tale ga na itutu vakabetelevu e na veiyabaki. 4A sega sara ni bau kauaitaka na sau ni Kalou, ni sa marautaka ga na nona tini na udolu na mataivalu taubale, na nona vica na udolu na mataivalu vodo ose kei na nona walusagavulu na elefadi. 5A curumi Jutia, torovi Becisuri, na koronivalu taqomaki vinaka yawa mai Jerusalemi e na ruasagavulu na maile, mani bololaka.
6Ni sa rogoca o Makabe kei ira nona tamata ni sa valuta tiko o Lisiasi na koronivalu, era sa rarawa vata kei ira kece na lewenivanua, era tagi era masuta na Turaga me tala mai e dua na yagilosi vinaka me vakabulai Isireli. 7O Makabe sara ga a isevu me taura nona iyaragi, vakauqeti ira na kena vo mera bole mate vata kei koya e na vukei ira na wekadra. Era qai biubiu sara yani e na vakusakusa. 8Nira se qai biuti Jerusalemi ga, sa basika mai me liutaki ira e dua na tamata vodo ose, vakaisulu vulavula, e dulaka tiko ga na iyaragi koula. 9Era sa qai vakacaucautaka vata na Kalou yalololoma, ni sa curumi ira na yaloqaqa e rawa kina mera bolea na tamata, na manumanu kila vakarerevaki duadua, se mera botea na bai kaukaumea. 10Era toso yani e na ituvatuva vakaivalu, salavata yani kei na nodra itokani vakalomalagi, ni sa lomani ira na Turaga. 11Era cicivi ira na meca vaka na laione daukata, ra vakamatea e le 11,000, vakina e 1,600 na vodo ose, me yacova nira sa dro e na qara bula na kena vo. 12E levu vei ira qori, era sa mavoa, yali nodra iyaragi. O Lisiasi sara mada ga, a loki buina, dro e na rere.
Veisaututaki o Lisiasi kei ira na Jiu
13E sega ni tamata lialia o Lisiasi. Ni sa lai vakasamataka na nona druka, sa kila nira sega ni druka rawa na Jiu ni tovata tiko kei ira na Kalou sau. Sa mani tala mata vei ira 14me vakatura vei ira e dua na iwali dodonu, yalataka me na cikeva na tui me nodra itokani. 15A vakadonuya o Makabe na kerekere kece nei Lisiasi, ni nanuma tiko na nodra vinaka raraba na lewenivanua, Nodra gagadre na Jiu sa vola o Makabe vei Lisiasi, sa qai vakadonuya kece na tui.
iVola i Lisiasi vei ira na Jiu
16E vaqo na ivola a vola o Lisiasi vei ira na Jiu:
“O Lisiasi vei ira na Jiu, ni sa bula vinaka. 17Erau sa mai solia nomuni mata o Jone kei Apisalome na nomuni ivola, rau kerea me vakadonui na ka e tu kina. 18Au sa vakaraitaka vua na tui na ka kece me raica, sa vakadonuya o koya me cakava na ka kece e rawa. 19Kevaka oni na dau lomavinaka tiko ga vua na matanitu, au na tovolea e na veigauna mai muri meu na dau tokona na veika me baleta nomuni tiko vinaka. 20Me baleta na ka qo kei na kedra matailalai, au sa vakaraitaka vei rau nomuni mata kei iratou na noqu mata meratou na qai veivosakitaka vata kei kemuni. 21Ni moce mada. Na ika24 ni siga ni vula o Diokorinicio, yabaki 148” [164 BSK].
iVola ni Tui vei Lisiasi
22E vaqo na ivola ni tui:
“O Tui Adioko vua na taciqu o Lisiasi, bula vinaka. 23Ni sa liu qo na tamadaru me lai tiko vata kei ira na kalou, au gadreva mera kua ni vakasosataki na lewe ni matanitu e na nodra dui qarava na nodra cakacaka. 24Au sa rogoca nira sega ni duavata na Jiu nona lewa o tamadaru mera veisau mera muria na ivakarau vaKirisi, nira via muria ga nodra ivakarau ni bula; era kerea mera galala mera rokova tiko ga nodra ivakarau vakavanua. 25O koya gona, me vaka niu vinakata me galala tale ga me vakataki ira na vo ni vanua, au sa lewa me soli lesu tale vei ira nodra valenisoro, mera galala tale ga mera muria nodra ivakarau vakavanua na nodra qase. 26E na vinaka gona mo vakaraitaka vei ira na ka qo, vakadeitaka vei ira noda yalovinaka mera na kila noqu lewa, mera yalomarau, mera muria tiko ga na nodra ivakarau.” 27E vaqo na ivola ni tui vei ira na Jiu:
“O Tui Adioko vei kemuni na lewe ni seneti ni Jiu kei ira na vo ni lewenivanua, ni bula vinaka. 28Keoni vinaka, sa vaka sara ga noqu gagadre. Au bula vinaka tale tiko ga. 29Sa vakaraitaka vei yau o Menelao nioni via lesu tale i nomuni vanua moni lai qarava kina nomuni cakacaka. 30O koya gona o ira era na lesu tale i nodra itikotiko e na ika30 ni siga ni vula i Saniciko, e na nodra na noqu veitokoni kei na noqu veivakadonui 31mera marautaka tale na Jiu na kedra kakana kei na nodra lawa me vaka e liu. E na sega ni dua vei ira me na vakasosataki e na dua na ka e cakava e na dela ni lecaika. 32Au sa talai Menelao tale ga yani me vakayaloqaqataki kemuni. 33Ni sa moce. Na ika15 ni siga ni vula i Saniciko, yabaki 148” [164 BSK].
Nodra ivola na kai Roma vei ira na Jiu
34Era volavola tale ga mai vei ira vaqo na kai Roma:
“O Kuido Memio kei Taito Monio nodra mata na kai Roma, vei ira na Jiu, ni sa bula. 35Keirau sa duavata tale ga kei na ka sa vakadonuya vei kemuni o Lisiasi na weka ni tui. 36Ia me baleta na ka e nanuma o koya me vakaraitaki vua na tui, nioni sa dikeva oti ga, ni tukuna sara mai vakatotolo na kena macala me keirau qai matataki kemuni e na vakatura vua na veika e na vinaka vei kemuni, ni keirau sa mua tiko qo i Adioki. 37Moni vakatotolo gona e na tala mai e vica na tamata meratou kauta mai na ka oni sa lewa. 38Ni sa moce. Na ika15 ni siga ni vula i Saniciko, yabaki 148” [164 BSK].
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.