2 Makabe 12
12
Era labati na Jiu mai Jopa
1Ni sa vakadeitaki na lomavata qo, sa lesu tale o Lisiasi vua na tui; o ira na Jiu sa toso tale na nodra teitei. 2Ia e so na kovana e na vica na vanua, eratou sega ni via laivi ira na Jiu mera bula vakacegu; qo o Timoci kei Apolonio na luve i Qenaio, o Ieronimo kei Demofoni, vakina o Nikanore na kovana kei Saipurusi.
3Era cakava na kai Jopa e so na ivakarau lolovira qo: era sureti ira na Jiu era bula vata tu, bau kina na nodra veitinani, mera soko e na waqa era sa vakarautaka, me vaka sara ga era sega ni cati ira na Jiu. 4Era duavata kina na itaukei ni koro. Me vaka ga nira via bula vakacegu na Jiu ra sega ni kilakasamataka kina e dua na ka, era vakadonuya mera vodo. Na kai Jopa, era sokotaki ira i wai na Jiu, balati ira kina mera luvu, kedra levu e sega ni lailai e na 200.
5Ni sa rogoca o Jutasa na nodra vakamatei vakaloloma na kainona, a vakaroti ira nona tamata mera vala. 6Ni kerea oti ga na veivuke ni Kalou na Turaganilewa dodonu, sa qai valuti ira na daulaba. A vakama na ikelekele ni waqa e na bogi, wili tale ga kina na waqa, vakamatei ira era a dro kina. 7Sa mani suka, ni sogo tu na matamata ni koro, nona inaki me na qai lesu tale mai me vakawabokotaki ira na kai Jopa. 8Ia ni sa rogoca nira via vakawabokotaki ira tale ga na Jiu na kai Jaminia. 9a valuti ira e na bogi na kai Jaminia, vakama na ikelekele ni waqa kei ira kece na waqa. Na kena rarama ni bukawaqa qo, a laurai sara mai Jerusalemi, e tolusagavulu na maile na kena yawa.
Qaqa vakavica o Jutasa mai Kiliati
10Ni se qai sivi ga e dua na maile nodra taubale tiko mera lai valuti Timoci, era sa bololaki ira mai e sivia e 5,000 na kai Arapea kei na sivia na 500 nodra mataivalu vodo ose. 11A dredre na vala, ia e na veivuke ni Kalou, sa mani qaqa kina o Jutasa kei ira nona tamata. Era mani vakamasuti Jutasa na yavusa dau veitokiyaki qo me lomani ira, era yalataka mera na solia vua na bulumakau, mera na vukei koya tale ga e na sala tale e so. 12Sa vakadonuya o Jutasa mera veisaututaki, ni kila dera na mani yaga vua e na levu na sala. Nira sa rogoca oti na nona yalayala, era sa qai lesu tale i nodra valelaca.
13A valuta tale ga o Makabe e dua na koro e viribaitaki dei tu e na bai qele kei na vatu, ra lewena na veimataqali vulagi duikaikai. Na yaca ni koro oqo o Kasipini. 14Era sa nuidei na lewenikoro qo e na kaukaua ni nodra bai kei na levu ni kakana era sa kumuna rawa tu, era mani vakalialiai Jutasa kei ira na nona tamata, vosacataki ira, vosa beca tale ga nodra Kalou. 15Ia nira sa masu oti o Jutasa kei ira nona tamata vua na Kalou sau ni vuravura, o koya a sega ni taurivaka na idumu ni matamata se qiqinivalu me vaqera kina na lalaga kei Jeriko e na gauna nei Josua, era sa qai bololaka e na cudru katakata na bainikoro ya. 16Era taura na koro e na lewa ni Kalou, na levu ni lewenikoro era moku mate e vuabale ga kina e na dra na drano e volekata, kena raba e dua na ikava na maile.
Vakadruka o Jutasa na mataivalu i Timoci
17Era sa qai tayabe mai kea me ciwasagavulukalima na maile mera yacova na itikotiko vakaJiu o Jarakisi, na lewena era vakatokai mera kai Tovi. 18Era sega ni kunei Timoci kina, na iliuliu levu ni mataivalu, ni asa suka mai na yasayasa ya, ni sa sega ni yaco nona inaki, ia a lesia toka mai kina e dua na matayadra kaukaua. 19O Dosiceo kei Sosipatere, e rua na iliuliu vakaivalu nei Makabe, kei na nodrau mataivalu, era tayabe yani ra qai vakamatei ira kece na tamata nei Timoci ra tu laivi e na keba ya, e sivia e 10,000 na kedra iwiliwili. 20E tuvai ira vakaiwasewase o Makabe nona mataivalu, lesi ira nona tamata me veiliutaki e na iwasewase yadua qai vakusakusa yani me toboki Timoci. O Timoci era lewe 120,000 na nona mataivalu taubale, 2,500 nona mataivalu vodo ose. 21Ni sa kila o Timoci ni sa voleka yani o Jutasa, sa talai ira na yalewa, na gone kei na iyaragi i na dua na vanua e vakatokai o Kanaimi, ni dredre na kabata na vanua ya, dredre tale ga na kena sala, ni qiqo na kena icurucuru kece. 22Ia ni sa basika na imatai ni iwasewase ni mataivalu nei Jutasa, sa yacovi ira na meca na rere kei na domobula e na nona vakaraitaki koya mai na Kalou e raica na ka kece. Era sa qai dro sara, veiseseyaki nodra lako, mani lewe levu era veivakamavoataki ga vakaito vata sera mavoa vakataki ira ga e na nodra dui iselewau. 23Sa cemuri ira matua o Jutasa, vakamatei ira e na isele na tamata valavalaca qo, vakawabokotaki ira e le 30,000.
24Era sa vesuki Timoci sara ga o Dosiceo kei Sosipatere kei ira nodra tamata. Sa vakamasuti rau o koya e na vosa kamikamica merau sereki koya, ni tauri ira tu nodra itubutubu e lewe levu, kei ira na tacidra e so, e na sega sara ga nira lomani. 25Ni sa vakadeitaka nona yalayala bibi me na vakasukai ira mai, kua ni yaco vei ira e dua na ka, era sa laivi koya me lako mera lai vakabulai kina na wekadra.
Nona qaqa vakavica o Jutasa
26Sa qai kabati Kanaimi kei na valenisoro nei Atakate o Jutasa, vakamatei ira e 25,000 na tamata. 27Ni oti na vakacaca levu qo, sa gole me ravuti Efironi, e dua na koro taqomaki vinaka e vakaitikotiko kina o Lisiasi kei ira e dua na ilala levu kai veimatanitu. Era tu e mata ni bainikoro na cauravou momoqaqa, ra vala e na nodra igu taucoko me taqomaki na koro. E maroroi tale tu ga e loma ni koro e levu na misini ni ivalu kei na iyaragi vanataki. 28Ia o ira na Jiu era kaciva nodra Kalou, o koya e vorolaka e na sau nodra itataqomaki na meca. Era mani taura na koro, vakamatei ira na lewena e rauta e lewe 25,000.
29Nira biubiu e kea, era sa vakusakusa sara i Sikaicopole e vitusagavulukalima na maile mai Jerusalemi. 30Ia nira sa vakadinadinataka na Jiu era vakaitikotiko e kea nodra lomavinaka na kai Sikaicopole kei nodra lomani ira e na gauna dredre, 31era vakavinavinaka vei ira, vakauqeti ira mera dau lomani ira na Jiu e na veigauna tale ga mai muri. Era sa qai gole cake i Jerusalemi, ni sa voleka na solevu ni Macawa.
Vakadrukai Qojiasi o Jutasa
32 #
Lako 23.16
Ni sa oti na solevu e vakatokai na Penitiko, era ravuti Qojiasi sara, na kovana kei Itumea. 33E lewe 3,000 nona mataivalu taubale, 400 nona mataivalu vodo ose. 34Ni sa cabolo na ivalu, e mani vica na Jiu era mate. 35Ia e dua na sotia nei Bakenore, o Dosiceo na yacana, tamata kaukaua, a vodo ose tiko, qai yaluma rawa na kote nei Qojiasi, yarataka koya tiko yani e na nona igu levu me vesuki koya bulabula. Ia e dua na meca vodo ose a takosovi koya, musuka laivi na ligana, a mani dro bula o Qojiasi, yaco sara i Marisa.
36Ni sa dede nodra vala tiko o Esidrisi kei ira nona tamata, era sa oca. Sa qai kaciva na Turaga o Jutasa me vakaraitaka ni nodra ito, nodra iliuliu e na ivalu. 37E na nodra vosa nodra qase, a kailavaka kina na bole ivalu kei na serenilotu, qai cicivi ira yani na tamata nei Qojiasi nira wele sara tu ga, vakasevi ira.
Ra masulaki na sotia bale e na ivalu
38Sa qai vakasoqona nona mataivalu o Jutasa, curu e na koro o Atulama. Ni sa voleka na siga ni vakacecegu, era vakasavasavataki ira me vaka na kena ivakarau, ra solevutaka e kea na siga ni vakacecegu ya. 39E na siga e tarava, ni sa dodonu sara me caka, sa lako o Jutasa kei ira nona tamata mera lai kauti ira lesu mai na yagodra na bale mera mai davo vata kei ira na wekadra e na nodra ibulubulu ni kawa. 40#Vrua 7.25E na ruku ni nodra isulu yadua na mate, era kunea kina na ivakakatakarakara lalai ni kalou i Jaminia, o koya e vakatabui e na lawa mera dara na Jiu. Sa qai matata ni qo sara ga na vuna era mate kina e na ivalu o ira qo. 41Era sa mani vakacaucautaka na lewa ni Turaga, na Turaganilewa dodonu e vakaraitaka na ka e vuni tu, 42era mani masu, ra kerea me bokoci vakadua na ivalavalaca e vakayacori. Sa veivakauqeti o Jutasa mera kua ni valavalaca nona tamata, nira sa raica e matadra na cava sa yaco e na vuku ni nodra ivalavalaca na sa bale. 43Sa soqona yadua tale ga mai vei ira nodra isolisoli, e 2,000 na ilavo siliva, qai vakauta i Jerusalemi me isau ni isoro ni ivalavalaca. E na nona vakayacora qo, e cakava kina e dua na ka vinaka, vakaturaga, ni kauaitaka tiko kina na tucake tale. 44Kevaka e sega ni namaka tiko nira na tucake tale na sa bale, ke a lialia ka tawayaga na masulaki ira na mate. 45Ia kevaka sa nanamaka tu na isau talei e vakarautaki me nodra era mate e na yalosavasava vakalou, ke a vakasama savasava, vakasama vakalotu. O koya gona a vakacabo isoro me baleti ira na mate, mera sereki mai na nodra ivalavalaca.
Currently Selected:
2 Makabe 12: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
2 Makabe 12
12
Era labati na Jiu mai Jopa
1Ni sa vakadeitaki na lomavata qo, sa lesu tale o Lisiasi vua na tui; o ira na Jiu sa toso tale na nodra teitei. 2Ia e so na kovana e na vica na vanua, eratou sega ni via laivi ira na Jiu mera bula vakacegu; qo o Timoci kei Apolonio na luve i Qenaio, o Ieronimo kei Demofoni, vakina o Nikanore na kovana kei Saipurusi.
3Era cakava na kai Jopa e so na ivakarau lolovira qo: era sureti ira na Jiu era bula vata tu, bau kina na nodra veitinani, mera soko e na waqa era sa vakarautaka, me vaka sara ga era sega ni cati ira na Jiu. 4Era duavata kina na itaukei ni koro. Me vaka ga nira via bula vakacegu na Jiu ra sega ni kilakasamataka kina e dua na ka, era vakadonuya mera vodo. Na kai Jopa, era sokotaki ira i wai na Jiu, balati ira kina mera luvu, kedra levu e sega ni lailai e na 200.
5Ni sa rogoca o Jutasa na nodra vakamatei vakaloloma na kainona, a vakaroti ira nona tamata mera vala. 6Ni kerea oti ga na veivuke ni Kalou na Turaganilewa dodonu, sa qai valuti ira na daulaba. A vakama na ikelekele ni waqa e na bogi, wili tale ga kina na waqa, vakamatei ira era a dro kina. 7Sa mani suka, ni sogo tu na matamata ni koro, nona inaki me na qai lesu tale mai me vakawabokotaki ira na kai Jopa. 8Ia ni sa rogoca nira via vakawabokotaki ira tale ga na Jiu na kai Jaminia. 9a valuti ira e na bogi na kai Jaminia, vakama na ikelekele ni waqa kei ira kece na waqa. Na kena rarama ni bukawaqa qo, a laurai sara mai Jerusalemi, e tolusagavulu na maile na kena yawa.
Qaqa vakavica o Jutasa mai Kiliati
10Ni se qai sivi ga e dua na maile nodra taubale tiko mera lai valuti Timoci, era sa bololaki ira mai e sivia e 5,000 na kai Arapea kei na sivia na 500 nodra mataivalu vodo ose. 11A dredre na vala, ia e na veivuke ni Kalou, sa mani qaqa kina o Jutasa kei ira nona tamata. Era mani vakamasuti Jutasa na yavusa dau veitokiyaki qo me lomani ira, era yalataka mera na solia vua na bulumakau, mera na vukei koya tale ga e na sala tale e so. 12Sa vakadonuya o Jutasa mera veisaututaki, ni kila dera na mani yaga vua e na levu na sala. Nira sa rogoca oti na nona yalayala, era sa qai lesu tale i nodra valelaca.
13A valuta tale ga o Makabe e dua na koro e viribaitaki dei tu e na bai qele kei na vatu, ra lewena na veimataqali vulagi duikaikai. Na yaca ni koro oqo o Kasipini. 14Era sa nuidei na lewenikoro qo e na kaukaua ni nodra bai kei na levu ni kakana era sa kumuna rawa tu, era mani vakalialiai Jutasa kei ira na nona tamata, vosacataki ira, vosa beca tale ga nodra Kalou. 15Ia nira sa masu oti o Jutasa kei ira nona tamata vua na Kalou sau ni vuravura, o koya a sega ni taurivaka na idumu ni matamata se qiqinivalu me vaqera kina na lalaga kei Jeriko e na gauna nei Josua, era sa qai bololaka e na cudru katakata na bainikoro ya. 16Era taura na koro e na lewa ni Kalou, na levu ni lewenikoro era moku mate e vuabale ga kina e na dra na drano e volekata, kena raba e dua na ikava na maile.
Vakadruka o Jutasa na mataivalu i Timoci
17Era sa qai tayabe mai kea me ciwasagavulukalima na maile mera yacova na itikotiko vakaJiu o Jarakisi, na lewena era vakatokai mera kai Tovi. 18Era sega ni kunei Timoci kina, na iliuliu levu ni mataivalu, ni asa suka mai na yasayasa ya, ni sa sega ni yaco nona inaki, ia a lesia toka mai kina e dua na matayadra kaukaua. 19O Dosiceo kei Sosipatere, e rua na iliuliu vakaivalu nei Makabe, kei na nodrau mataivalu, era tayabe yani ra qai vakamatei ira kece na tamata nei Timoci ra tu laivi e na keba ya, e sivia e 10,000 na kedra iwiliwili. 20E tuvai ira vakaiwasewase o Makabe nona mataivalu, lesi ira nona tamata me veiliutaki e na iwasewase yadua qai vakusakusa yani me toboki Timoci. O Timoci era lewe 120,000 na nona mataivalu taubale, 2,500 nona mataivalu vodo ose. 21Ni sa kila o Timoci ni sa voleka yani o Jutasa, sa talai ira na yalewa, na gone kei na iyaragi i na dua na vanua e vakatokai o Kanaimi, ni dredre na kabata na vanua ya, dredre tale ga na kena sala, ni qiqo na kena icurucuru kece. 22Ia ni sa basika na imatai ni iwasewase ni mataivalu nei Jutasa, sa yacovi ira na meca na rere kei na domobula e na nona vakaraitaki koya mai na Kalou e raica na ka kece. Era sa qai dro sara, veiseseyaki nodra lako, mani lewe levu era veivakamavoataki ga vakaito vata sera mavoa vakataki ira ga e na nodra dui iselewau. 23Sa cemuri ira matua o Jutasa, vakamatei ira e na isele na tamata valavalaca qo, vakawabokotaki ira e le 30,000.
24Era sa vesuki Timoci sara ga o Dosiceo kei Sosipatere kei ira nodra tamata. Sa vakamasuti rau o koya e na vosa kamikamica merau sereki koya, ni tauri ira tu nodra itubutubu e lewe levu, kei ira na tacidra e so, e na sega sara ga nira lomani. 25Ni sa vakadeitaka nona yalayala bibi me na vakasukai ira mai, kua ni yaco vei ira e dua na ka, era sa laivi koya me lako mera lai vakabulai kina na wekadra.
Nona qaqa vakavica o Jutasa
26Sa qai kabati Kanaimi kei na valenisoro nei Atakate o Jutasa, vakamatei ira e 25,000 na tamata. 27Ni oti na vakacaca levu qo, sa gole me ravuti Efironi, e dua na koro taqomaki vinaka e vakaitikotiko kina o Lisiasi kei ira e dua na ilala levu kai veimatanitu. Era tu e mata ni bainikoro na cauravou momoqaqa, ra vala e na nodra igu taucoko me taqomaki na koro. E maroroi tale tu ga e loma ni koro e levu na misini ni ivalu kei na iyaragi vanataki. 28Ia o ira na Jiu era kaciva nodra Kalou, o koya e vorolaka e na sau nodra itataqomaki na meca. Era mani taura na koro, vakamatei ira na lewena e rauta e lewe 25,000.
29Nira biubiu e kea, era sa vakusakusa sara i Sikaicopole e vitusagavulukalima na maile mai Jerusalemi. 30Ia nira sa vakadinadinataka na Jiu era vakaitikotiko e kea nodra lomavinaka na kai Sikaicopole kei nodra lomani ira e na gauna dredre, 31era vakavinavinaka vei ira, vakauqeti ira mera dau lomani ira na Jiu e na veigauna tale ga mai muri. Era sa qai gole cake i Jerusalemi, ni sa voleka na solevu ni Macawa.
Vakadrukai Qojiasi o Jutasa
32 #
Lako 23.16
Ni sa oti na solevu e vakatokai na Penitiko, era ravuti Qojiasi sara, na kovana kei Itumea. 33E lewe 3,000 nona mataivalu taubale, 400 nona mataivalu vodo ose. 34Ni sa cabolo na ivalu, e mani vica na Jiu era mate. 35Ia e dua na sotia nei Bakenore, o Dosiceo na yacana, tamata kaukaua, a vodo ose tiko, qai yaluma rawa na kote nei Qojiasi, yarataka koya tiko yani e na nona igu levu me vesuki koya bulabula. Ia e dua na meca vodo ose a takosovi koya, musuka laivi na ligana, a mani dro bula o Qojiasi, yaco sara i Marisa.
36Ni sa dede nodra vala tiko o Esidrisi kei ira nona tamata, era sa oca. Sa qai kaciva na Turaga o Jutasa me vakaraitaka ni nodra ito, nodra iliuliu e na ivalu. 37E na nodra vosa nodra qase, a kailavaka kina na bole ivalu kei na serenilotu, qai cicivi ira yani na tamata nei Qojiasi nira wele sara tu ga, vakasevi ira.
Ra masulaki na sotia bale e na ivalu
38Sa qai vakasoqona nona mataivalu o Jutasa, curu e na koro o Atulama. Ni sa voleka na siga ni vakacecegu, era vakasavasavataki ira me vaka na kena ivakarau, ra solevutaka e kea na siga ni vakacecegu ya. 39E na siga e tarava, ni sa dodonu sara me caka, sa lako o Jutasa kei ira nona tamata mera lai kauti ira lesu mai na yagodra na bale mera mai davo vata kei ira na wekadra e na nodra ibulubulu ni kawa. 40#Vrua 7.25E na ruku ni nodra isulu yadua na mate, era kunea kina na ivakakatakarakara lalai ni kalou i Jaminia, o koya e vakatabui e na lawa mera dara na Jiu. Sa qai matata ni qo sara ga na vuna era mate kina e na ivalu o ira qo. 41Era sa mani vakacaucautaka na lewa ni Turaga, na Turaganilewa dodonu e vakaraitaka na ka e vuni tu, 42era mani masu, ra kerea me bokoci vakadua na ivalavalaca e vakayacori. Sa veivakauqeti o Jutasa mera kua ni valavalaca nona tamata, nira sa raica e matadra na cava sa yaco e na vuku ni nodra ivalavalaca na sa bale. 43Sa soqona yadua tale ga mai vei ira nodra isolisoli, e 2,000 na ilavo siliva, qai vakauta i Jerusalemi me isau ni isoro ni ivalavalaca. E na nona vakayacora qo, e cakava kina e dua na ka vinaka, vakaturaga, ni kauaitaka tiko kina na tucake tale. 44Kevaka e sega ni namaka tiko nira na tucake tale na sa bale, ke a lialia ka tawayaga na masulaki ira na mate. 45Ia kevaka sa nanamaka tu na isau talei e vakarautaki me nodra era mate e na yalosavasava vakalou, ke a vakasama savasava, vakasama vakalotu. O koya gona a vakacabo isoro me baleti ira na mate, mera sereki mai na nodra ivalavalaca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.