Rut 2
2
Boozpa chakrancho Rut palapikushqan
1Belén markachömi karqan juk rïcu runa Booz jutiyuq. Paymi karqan Noemípa runan Elimelecpa ayllun. 2Juk junaqchömi Noemíta Rut nirqan: <<Aywashaq cebädata achuyashqankunacho palapikamuq.#Lev. 19.9-10; Deut. 24.19. Chakraman chaptïqa pilapis kuyapämanqami>>.
Sayno niptinmi suedran nirqan: <<Alichir kanman aywaptikiqa, hïja>>.
3Saymi aywaykashqancho cebädata achuykäyaqta rikar palapikuq yaykurqan. Say chakraqa kanaq suedrun Elimelecpa ayllun Boozpami. 4Rut palapikuykaptin markapita Booz chaykurmi lapan minkayninkunata winchikur nirqan: <<Tayta Dios yanapaykuyäläshunki>>.
Saymi minkayninkunapis niyarqan: <<Qamtapis Tayta Dios yanapaykuläshunki>>.
5Saypitami minkayninkunapa capatazninta Booz tapur nirqan: <<¿Pipa surintaq taqay jipash?>>
6Sayno tapuptinmi nirqan: <<Payqa Moab nacionpita Noemíwan shamuq jipashmi. 7Chaykamurmi ruwakamash palapita palapikunanpaq. Tutapita pasa mana jamaypami palapikuykan. Sayraqmi jamaskishqapis>>.
8Saymi Rut kaqman aywaykur Booz nirqan: <<Achuy ushakashqanyaq kaylaman shakamunki ashmaynï jipashkunawan palapikunaykipaq. Ama aywankisu juk runapa chakranmanqa. 9Cada tuta kutimushpayki achuykäyashqan qepalanpa palapikunki. Minkaynïkunatapis maynami nishkä mana michäyäshunaykipaq. Yakunarqa uyllucho kaykaq yakuta upunki>>.
10Sayno niptinmi urkunpis pasaman töpashqanyaq qonqurpakuykushpan Rut nirqan: <<Päkilä taytay, jäpa warmi kaykaptïpis kuyapaykamashqaykipita>>.
11Saymi Booz nirqan: <<Musyämi runayki wanuykuptin suedraykiwan ali kawashqaykita. Saynöpis musyämi mamaykita, taytaykita y markaykita kacharir kay jäpa markaman shakamushqaykita. 12Saynöpis musyämi noqakuna yärakuyashqä Tayta Diosman yärakuykashqaykita. Lapanchöpis pay yanapaykuläshunki>>.
13Sayno niptinmi Rut nirqan: <<Päkilä taytay, ashmayniki mana kaykaptïpis kuyapämashqaykipita>>.
14Saypita almuerzu höranami Rutta Booz nirqan: <<Kaylaman shakamuy poqush vïnuman tuyapaylapa tantalatapis mikunaykipaq>>.
Sayno niptinmi minkayninkuna jamakuyashqan kaqlaman Rut jamakurqan. Saychönami paytapis trïgu kamsata Booz qararqan. Pacha junta mikuptinpis askaraqmi pusurqan. 15Nirkurnami minkayninkunata Booz nirqan: <<Manöjukunapitapis Rut palapikuptin ama michäyankisu. 16Saypa trukanqa apripösu shikwasiyanki palapikunanpaq. Imano palapikuptinpis payta ama michäyankisu>>.
17Say junaq pasa sakashqanyaqmi Rut palapikurqan. Say palapikushqanta wirur püraptinmi#2.17 Wakin runakuna niyan wayraptinmi. ishkay arröbano yarqurqan. 18Sayta apakurkur suedran kaqman chaykurmi palapikushqan cebädata rikasirqan. Nirkurmi kishäkushqan mikuytapis suedranta qararqan. 19Saymi kushikushpan Noemí nirqan: <<¿Maychötaq palapikaykamushkanki kayjinanpa, hïja? ¿Pitaq kuyapäshushkanki saysikata tariykamunaykipaq? Say kuyapäshuqniki runataqa Tayta Dios yanapaykuläsun>>.
Saymi Rut suedranta wilapar nirqan: <<Booz jutiyuq runapa chakranchömi palapikamushkä, mamay>>.
20Sayno niptinmi Noemí nirqan: <<¡Boozqa runäpa ayllunmi kaykan! ¡Paymi yanapämänansi kaykan!#Lev. 25.25. ¡Tayta Dios payta yanapaykuläsun! ¡Tayta Diosqa runätapis wawäkunatapis yanapashqannölami kananpis yanapaykämansi!>>
21Rutnami nirqan: <<Saynöpis nimash cosëcha ushakashqanyaq ashmaynin jipashkunawan palapikamunäpaqmi>>.
22Sayno niptinmi Noemí nirqan: <<Sayno kaptinqa paykunalawan palapikamuy, hïja. Chakran chakran puriptikiqa pipis burlakushunkimanchir>>.
23Saymi cebäda y trïgu achuy ushakashqanyaq Boozpa chakrankunalacho Rut palapikurqan. Say wisanqa suedranwan juntumi taykäyarqan.
Currently Selected:
Rut 2: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Rut 2
2
Boozpa chakrancho Rut palapikushqan
1Belén markachömi karqan juk rïcu runa Booz jutiyuq. Paymi karqan Noemípa runan Elimelecpa ayllun. 2Juk junaqchömi Noemíta Rut nirqan: <<Aywashaq cebädata achuyashqankunacho palapikamuq.#Lev. 19.9-10; Deut. 24.19. Chakraman chaptïqa pilapis kuyapämanqami>>.
Sayno niptinmi suedran nirqan: <<Alichir kanman aywaptikiqa, hïja>>.
3Saymi aywaykashqancho cebädata achuykäyaqta rikar palapikuq yaykurqan. Say chakraqa kanaq suedrun Elimelecpa ayllun Boozpami. 4Rut palapikuykaptin markapita Booz chaykurmi lapan minkayninkunata winchikur nirqan: <<Tayta Dios yanapaykuyäläshunki>>.
Saymi minkayninkunapis niyarqan: <<Qamtapis Tayta Dios yanapaykuläshunki>>.
5Saypitami minkayninkunapa capatazninta Booz tapur nirqan: <<¿Pipa surintaq taqay jipash?>>
6Sayno tapuptinmi nirqan: <<Payqa Moab nacionpita Noemíwan shamuq jipashmi. 7Chaykamurmi ruwakamash palapita palapikunanpaq. Tutapita pasa mana jamaypami palapikuykan. Sayraqmi jamaskishqapis>>.
8Saymi Rut kaqman aywaykur Booz nirqan: <<Achuy ushakashqanyaq kaylaman shakamunki ashmaynï jipashkunawan palapikunaykipaq. Ama aywankisu juk runapa chakranmanqa. 9Cada tuta kutimushpayki achuykäyashqan qepalanpa palapikunki. Minkaynïkunatapis maynami nishkä mana michäyäshunaykipaq. Yakunarqa uyllucho kaykaq yakuta upunki>>.
10Sayno niptinmi urkunpis pasaman töpashqanyaq qonqurpakuykushpan Rut nirqan: <<Päkilä taytay, jäpa warmi kaykaptïpis kuyapaykamashqaykipita>>.
11Saymi Booz nirqan: <<Musyämi runayki wanuykuptin suedraykiwan ali kawashqaykita. Saynöpis musyämi mamaykita, taytaykita y markaykita kacharir kay jäpa markaman shakamushqaykita. 12Saynöpis musyämi noqakuna yärakuyashqä Tayta Diosman yärakuykashqaykita. Lapanchöpis pay yanapaykuläshunki>>.
13Sayno niptinmi Rut nirqan: <<Päkilä taytay, ashmayniki mana kaykaptïpis kuyapämashqaykipita>>.
14Saypita almuerzu höranami Rutta Booz nirqan: <<Kaylaman shakamuy poqush vïnuman tuyapaylapa tantalatapis mikunaykipaq>>.
Sayno niptinmi minkayninkuna jamakuyashqan kaqlaman Rut jamakurqan. Saychönami paytapis trïgu kamsata Booz qararqan. Pacha junta mikuptinpis askaraqmi pusurqan. 15Nirkurnami minkayninkunata Booz nirqan: <<Manöjukunapitapis Rut palapikuptin ama michäyankisu. 16Saypa trukanqa apripösu shikwasiyanki palapikunanpaq. Imano palapikuptinpis payta ama michäyankisu>>.
17Say junaq pasa sakashqanyaqmi Rut palapikurqan. Say palapikushqanta wirur püraptinmi#2.17 Wakin runakuna niyan wayraptinmi. ishkay arröbano yarqurqan. 18Sayta apakurkur suedran kaqman chaykurmi palapikushqan cebädata rikasirqan. Nirkurmi kishäkushqan mikuytapis suedranta qararqan. 19Saymi kushikushpan Noemí nirqan: <<¿Maychötaq palapikaykamushkanki kayjinanpa, hïja? ¿Pitaq kuyapäshushkanki saysikata tariykamunaykipaq? Say kuyapäshuqniki runataqa Tayta Dios yanapaykuläsun>>.
Saymi Rut suedranta wilapar nirqan: <<Booz jutiyuq runapa chakranchömi palapikamushkä, mamay>>.
20Sayno niptinmi Noemí nirqan: <<¡Boozqa runäpa ayllunmi kaykan! ¡Paymi yanapämänansi kaykan!#Lev. 25.25. ¡Tayta Dios payta yanapaykuläsun! ¡Tayta Diosqa runätapis wawäkunatapis yanapashqannölami kananpis yanapaykämansi!>>
21Rutnami nirqan: <<Saynöpis nimash cosëcha ushakashqanyaq ashmaynin jipashkunawan palapikamunäpaqmi>>.
22Sayno niptinmi Noemí nirqan: <<Sayno kaptinqa paykunalawan palapikamuy, hïja. Chakran chakran puriptikiqa pipis burlakushunkimanchir>>.
23Saymi cebäda y trïgu achuy ushakashqanyaq Boozpa chakrankunalacho Rut palapikurqan. Say wisanqa suedranwan juntumi taykäyarqan.
© 2003, Wycliffe Bible Translators, Inc. All rights reserved.