Rut 1
1
Moab nacionman Elimelec aywakushqan
1Israel nacioncho juezkuna mandayashqan wisanmi fiyupa muchuy karqan. Saymi Judá trïbu runakuna täyashqan Belén markapita juk runa warminta y surinkunata pushakurkur Moab nacionman#1.1 Moab nación karqan ishkay chunka (20) lëwanömi Belén markapita. Moab nacionpita masta musyanaykipaq liyinki Gén. 19.37; Núm. 22—24; Deut. 2.9; 23.3-6; Jue. 11.17. aywakurqan. 2Say runapa jutinmi karqan Elimelec. Warminpa jutinmi karqan Noemí. Surinkunapa jutinmi karqan Mahlónwan Quelión. Paykunami Judácho kaq Belén markapita Efrata ayllu runakuna kayarqan. Moabman chaykurmi saycho täyarqan.
3Saypitanami Moab nacioncho Elimelec wanuykuptin Noemí viüda rikakur ishkan wawankunalawanna quëdayarqan. 4Say wawankunami maqtayarkurna warmita ashiyarqan jinan Moab nación markapita. Queliónpa warminpa jutinmi karqan Orfa y Mahlónpa warminpa jutinmi karqan Rut. Moab nacionman chäyashqanpita chunka watatami 5Mahlón y Queliónpis wanukuyarqan. Runanpis y wawankunapis wanuykuyaptinmi Noemí japalanna rikakurqan.
Rutwan Noemí Belénpa kutiyashqan
6Saypitanami Noemí musyarqan Israel runakunaman Tayta Dios bendicionninta churaptin mikuy alina wayuykashqanta. 7Saymi ishkan lumsuyninkunata pushakurkur Moab nacionpita Judáman Noemí kutikurqan.
8Aywaykäyashqanchömi lumsuyninkunata nirqan: <<Mamayki kaqman kutikuyay. Noqatapis y wawäkunatapis ali rikayämashqaykipita Tayta Dios yanapaykuyäläshunki. 9Saynöpis Tayta Dios yanapaykuyäläshunki juk runawan majasar ali kawayänaykipaq>>.
Sayno nirkushpanmi lumsuyninkunata despidikur musarqan. Saymi lumsuyninkuna fiyupa lakikur waqayashpan 10niyarqan: <<Manami kutikuyta munayäsu. Markaykiman qamwan aywakushun>>.
11Sayno niyaptinmi Noemí nirqan: <<Kutikuyayna, hïja. ¿Imapaqnataq qatiräyämankipis? Aywashqapis wawäkuna mananami kanqanasu winayaptin paykunawan täyänaykipaq. 12Wayikipa kutikuyay. Jinachöpis noqa chakwannami kä yapay runawan tänäpaq. Kanan sakay runawan punur qeshyaq rikakuptïpis 13numparaqku shuyaräyankiman wawä yuriptin maqtayäyashqanyaqqa. Manami runaynaqlaqa quëdakuyankimansu. Wawäkunatapis runätapis Tayta Dios qechumashqanpitami fiyupa lakish kaykä. Qamkuna noqawan aywar nakayaptiki peorraqmi lakikushaq>>.
14Sayno niptinmi lumsuyninkuna pasaypa waqayarqan. Waqaykäyashqanpitami Orfaqa suedranta musaykushpan wayinpa kutikurqan. Rutmi isanqa suedranta kacharqansu. 15Saymi Rutta Noemí nirqan: <<Lumsuy mayiki markaykikunaman kutikuykannami. Markaykikunachöqa diosnikikunapis kaykäyanmi. Qampis paylawan kutikuy>>.
16Niptinmi Rut nirqan: <<Imata nimaptikipis manami kacharishaykisu, mamïta. Qam aywashqaykipami aywashaq. Tashqaykichömi täshaq. Markaykipis markämi kanqa. Diosnikipis Diosnïmi kanqa. 17Maychöpis qam wanushqaykichömi noqapis wanushaq. ¡Kawaykarraq qamta kachariykur aywakuptïqa mana kuyapaypa Tayta Dios castigamäsun!>>
18Sayno niptinmi Noemí imatapis nirqannasu. 19Saymi ishkan aywar Belénman chäyarqan. Chaykuyaptinmi lapan kushikuyarqan. Juknin jukninmi warmikunapis niyarqan: <<¡Noemími kutiykamush!>>
20Sayno niyaptinmi Noemí nirqan: <<Kananqa amana Noemí#1.20a Noemí ninanqa kushish ninanmi. niyämaynasu. Saypa trukanqa Mara#1.20b Mara ninanqa asqaq ninanmi. Hebreo runakunaqa ima desgraciapis päsaptin vïdan asqaq kashqantami niyaq. niyämay, lapanpaq munayyuq Tayta Diosmi pasaypa lakikuyman churamashqanpita. 21Kaypita aywakuptï runäpis wawäkunapis y imaykäpis karqanmi. Kananqa pasaypa waksayashqami kutimushkä. Lapanpaq munayyuq Tayta Dios lakikuyman churamaptinqa amana Noemí niyämaynasu>>.
22Saynömi Moab nacionpita lumsuynin Rutwan Noemí kutirqan. Belénman paykuna chäyarqan cebäda cosëcha qalaykuykashqan wisanmi.
Currently Selected:
Rut 1: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Rut 1
1
Moab nacionman Elimelec aywakushqan
1Israel nacioncho juezkuna mandayashqan wisanmi fiyupa muchuy karqan. Saymi Judá trïbu runakuna täyashqan Belén markapita juk runa warminta y surinkunata pushakurkur Moab nacionman#1.1 Moab nación karqan ishkay chunka (20) lëwanömi Belén markapita. Moab nacionpita masta musyanaykipaq liyinki Gén. 19.37; Núm. 22—24; Deut. 2.9; 23.3-6; Jue. 11.17. aywakurqan. 2Say runapa jutinmi karqan Elimelec. Warminpa jutinmi karqan Noemí. Surinkunapa jutinmi karqan Mahlónwan Quelión. Paykunami Judácho kaq Belén markapita Efrata ayllu runakuna kayarqan. Moabman chaykurmi saycho täyarqan.
3Saypitanami Moab nacioncho Elimelec wanuykuptin Noemí viüda rikakur ishkan wawankunalawanna quëdayarqan. 4Say wawankunami maqtayarkurna warmita ashiyarqan jinan Moab nación markapita. Queliónpa warminpa jutinmi karqan Orfa y Mahlónpa warminpa jutinmi karqan Rut. Moab nacionman chäyashqanpita chunka watatami 5Mahlón y Queliónpis wanukuyarqan. Runanpis y wawankunapis wanuykuyaptinmi Noemí japalanna rikakurqan.
Rutwan Noemí Belénpa kutiyashqan
6Saypitanami Noemí musyarqan Israel runakunaman Tayta Dios bendicionninta churaptin mikuy alina wayuykashqanta. 7Saymi ishkan lumsuyninkunata pushakurkur Moab nacionpita Judáman Noemí kutikurqan.
8Aywaykäyashqanchömi lumsuyninkunata nirqan: <<Mamayki kaqman kutikuyay. Noqatapis y wawäkunatapis ali rikayämashqaykipita Tayta Dios yanapaykuyäläshunki. 9Saynöpis Tayta Dios yanapaykuyäläshunki juk runawan majasar ali kawayänaykipaq>>.
Sayno nirkushpanmi lumsuyninkunata despidikur musarqan. Saymi lumsuyninkuna fiyupa lakikur waqayashpan 10niyarqan: <<Manami kutikuyta munayäsu. Markaykiman qamwan aywakushun>>.
11Sayno niyaptinmi Noemí nirqan: <<Kutikuyayna, hïja. ¿Imapaqnataq qatiräyämankipis? Aywashqapis wawäkuna mananami kanqanasu winayaptin paykunawan täyänaykipaq. 12Wayikipa kutikuyay. Jinachöpis noqa chakwannami kä yapay runawan tänäpaq. Kanan sakay runawan punur qeshyaq rikakuptïpis 13numparaqku shuyaräyankiman wawä yuriptin maqtayäyashqanyaqqa. Manami runaynaqlaqa quëdakuyankimansu. Wawäkunatapis runätapis Tayta Dios qechumashqanpitami fiyupa lakish kaykä. Qamkuna noqawan aywar nakayaptiki peorraqmi lakikushaq>>.
14Sayno niptinmi lumsuyninkuna pasaypa waqayarqan. Waqaykäyashqanpitami Orfaqa suedranta musaykushpan wayinpa kutikurqan. Rutmi isanqa suedranta kacharqansu. 15Saymi Rutta Noemí nirqan: <<Lumsuy mayiki markaykikunaman kutikuykannami. Markaykikunachöqa diosnikikunapis kaykäyanmi. Qampis paylawan kutikuy>>.
16Niptinmi Rut nirqan: <<Imata nimaptikipis manami kacharishaykisu, mamïta. Qam aywashqaykipami aywashaq. Tashqaykichömi täshaq. Markaykipis markämi kanqa. Diosnikipis Diosnïmi kanqa. 17Maychöpis qam wanushqaykichömi noqapis wanushaq. ¡Kawaykarraq qamta kachariykur aywakuptïqa mana kuyapaypa Tayta Dios castigamäsun!>>
18Sayno niptinmi Noemí imatapis nirqannasu. 19Saymi ishkan aywar Belénman chäyarqan. Chaykuyaptinmi lapan kushikuyarqan. Juknin jukninmi warmikunapis niyarqan: <<¡Noemími kutiykamush!>>
20Sayno niyaptinmi Noemí nirqan: <<Kananqa amana Noemí#1.20a Noemí ninanqa kushish ninanmi. niyämaynasu. Saypa trukanqa Mara#1.20b Mara ninanqa asqaq ninanmi. Hebreo runakunaqa ima desgraciapis päsaptin vïdan asqaq kashqantami niyaq. niyämay, lapanpaq munayyuq Tayta Diosmi pasaypa lakikuyman churamashqanpita. 21Kaypita aywakuptï runäpis wawäkunapis y imaykäpis karqanmi. Kananqa pasaypa waksayashqami kutimushkä. Lapanpaq munayyuq Tayta Dios lakikuyman churamaptinqa amana Noemí niyämaynasu>>.
22Saynömi Moab nacionpita lumsuynin Rutwan Noemí kutirqan. Belénman paykuna chäyarqan cebäda cosëcha qalaykuykashqan wisanmi.
© 2003, Wycliffe Bible Translators, Inc. All rights reserved.