Rut 3
3
Rutta shuntananpaq Booz nishqan
1Saypitanami lumsuyninta Noemí nirqan: <<Hïja, manami runaynaqla kankimansu. 2Runäpa ayllunraq kaptinmi Boozwan täsiyta yarpaykä. Palapikuq aywaptikipis payqa alimi chaskishushkanki. Kanan sakaymi cebädata wayraq ëraman aywanqa. 3Qampis armakuskir alinnin kaq mödanaykita jatikuskir y perfümita winakuskir ayway. Chaykurna pakaranki mikuyta upuyta ushashqanyaq. 4Mayläman punuq kamakashqantapis shumaq rikaykur chaki jaytalanpa punukuykunki. Qamwan tayta munarqa saychönami parlapäshunki>>.
5Sayno niptinmi Rut nirqan: <<Yäsimashqaykinölami lapantapis ruraläshaq>>.
6Saymi ëraman aywaykur suedran yäsishqannöla Rut rurarqan.
7Booznami say ëracho kushish mikuskir upuskir cebäda qoturaykashqan kaq nawpancho kamakarqan. Saypita rätuylantami qatarashqanta yachaylapa qarirkur Boozpa chaki jaytalanpa Rut punukuykurqan. 8Pulan paqas rikcharkamur Booz tikrapakushqanchömi tantiyaskirqan chaki jaytancho warmi punuykashqanta. 9Saymi tapur nirqan: <<¿Pitaq kaykanki?>>
Tapuptinmi nirqan: <<Rutmi kaykä, taytay. Runäpa ayllun kaptikimi costumbri kashqanno shuntakamänaykita munä>>.
10Sayno niptinmi Booz nirqan: <<Noemípa wawankuna wanukuyaptinpis qamqa alimi yarpachakushkanki paykunapa ayllun mana elaqänanpaq.#3.10 Israel runakunapa costumbrin kashqannömi Boozpa surin Rutcho yuriptin Noemípa wawanpa surinnömi karqan. Say costumbrinpita masta musyanaykipaq liyinki Deut. 25.5-6. Sayno yarpachakushqaykipita Tayta Dios yanapaykuläshunki. Wakin warmikunano karqa maqtawanmi pobriwan karpis, rïcuwan karpis tayta munankiman karqan.
11<<Ama lakikuysu, hïja. Kay markacho lapanmi musyayan ali warmi kashqaykita. Saymi manakamashqaykino lapanta rurashaq. 12Runaykipa ayllun kaptïpis#Rut 2.20. jukraqmi mas legïtimu ayllun kaykan. 13Kananqa saylapa punukamuy. Waraymi musyashun say runa shuntashunaykipaq o mana shuntashunaykipaq kashqantapis. Pay shuntashuptikipis alimi kanqa. Mana shuntashuptikiqa noqami shuntashaykipaq. Nishqätaqa Tayta Dios wiyaykämanmi. Rasunpaypami promitishqäta cumplishaq>>.
14Say sakaymi Boozpa chaki jaytalancho Rut punurqan. Saycho punushqanta pipis rikananta Booz mana munaptinmi saka sakala Rut sharkur aywakurqan. 15Manaraq aywakuptinmi Booz nirqan: <<Jakuykita kamamuy cebädata winapänäpaq>>.
Saymi jakunta kamapaptin ishkay arröbatano cebädata winaparqan. Joqariparkuptinmi aparikurkur markaman kutikurqan.
16Wayinman Rut chaykuptinmi suedran tapur nirqan: <<Hïja, ¿imatataq Booz nishushkanki?>>
Saymi Rut wilaparqan Booz lapan nishqankunata. 17Nirkurmi nirqan: << <Jinaylaqa ¿imanöpataq suedraykiman chanki?> nirmi kay cebädata qepipämash>>.
18Sayno niptinmi Noemí nirqan: <<Mä, shuyäshun, hïja. Imanöshi kanqa. Nishushqaykita manaraq rurarqa say runa jamaytapis manami tarinqasu>>.
Currently Selected:
Rut 3: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Rut 3
3
Rutta shuntananpaq Booz nishqan
1Saypitanami lumsuyninta Noemí nirqan: <<Hïja, manami runaynaqla kankimansu. 2Runäpa ayllunraq kaptinmi Boozwan täsiyta yarpaykä. Palapikuq aywaptikipis payqa alimi chaskishushkanki. Kanan sakaymi cebädata wayraq ëraman aywanqa. 3Qampis armakuskir alinnin kaq mödanaykita jatikuskir y perfümita winakuskir ayway. Chaykurna pakaranki mikuyta upuyta ushashqanyaq. 4Mayläman punuq kamakashqantapis shumaq rikaykur chaki jaytalanpa punukuykunki. Qamwan tayta munarqa saychönami parlapäshunki>>.
5Sayno niptinmi Rut nirqan: <<Yäsimashqaykinölami lapantapis ruraläshaq>>.
6Saymi ëraman aywaykur suedran yäsishqannöla Rut rurarqan.
7Booznami say ëracho kushish mikuskir upuskir cebäda qoturaykashqan kaq nawpancho kamakarqan. Saypita rätuylantami qatarashqanta yachaylapa qarirkur Boozpa chaki jaytalanpa Rut punukuykurqan. 8Pulan paqas rikcharkamur Booz tikrapakushqanchömi tantiyaskirqan chaki jaytancho warmi punuykashqanta. 9Saymi tapur nirqan: <<¿Pitaq kaykanki?>>
Tapuptinmi nirqan: <<Rutmi kaykä, taytay. Runäpa ayllun kaptikimi costumbri kashqanno shuntakamänaykita munä>>.
10Sayno niptinmi Booz nirqan: <<Noemípa wawankuna wanukuyaptinpis qamqa alimi yarpachakushkanki paykunapa ayllun mana elaqänanpaq.#3.10 Israel runakunapa costumbrin kashqannömi Boozpa surin Rutcho yuriptin Noemípa wawanpa surinnömi karqan. Say costumbrinpita masta musyanaykipaq liyinki Deut. 25.5-6. Sayno yarpachakushqaykipita Tayta Dios yanapaykuläshunki. Wakin warmikunano karqa maqtawanmi pobriwan karpis, rïcuwan karpis tayta munankiman karqan.
11<<Ama lakikuysu, hïja. Kay markacho lapanmi musyayan ali warmi kashqaykita. Saymi manakamashqaykino lapanta rurashaq. 12Runaykipa ayllun kaptïpis#Rut 2.20. jukraqmi mas legïtimu ayllun kaykan. 13Kananqa saylapa punukamuy. Waraymi musyashun say runa shuntashunaykipaq o mana shuntashunaykipaq kashqantapis. Pay shuntashuptikipis alimi kanqa. Mana shuntashuptikiqa noqami shuntashaykipaq. Nishqätaqa Tayta Dios wiyaykämanmi. Rasunpaypami promitishqäta cumplishaq>>.
14Say sakaymi Boozpa chaki jaytalancho Rut punurqan. Saycho punushqanta pipis rikananta Booz mana munaptinmi saka sakala Rut sharkur aywakurqan. 15Manaraq aywakuptinmi Booz nirqan: <<Jakuykita kamamuy cebädata winapänäpaq>>.
Saymi jakunta kamapaptin ishkay arröbatano cebädata winaparqan. Joqariparkuptinmi aparikurkur markaman kutikurqan.
16Wayinman Rut chaykuptinmi suedran tapur nirqan: <<Hïja, ¿imatataq Booz nishushkanki?>>
Saymi Rut wilaparqan Booz lapan nishqankunata. 17Nirkurmi nirqan: << <Jinaylaqa ¿imanöpataq suedraykiman chanki?> nirmi kay cebädata qepipämash>>.
18Sayno niptinmi Noemí nirqan: <<Mä, shuyäshun, hïja. Imanöshi kanqa. Nishushqaykita manaraq rurarqa say runa jamaytapis manami tarinqasu>>.
© 2003, Wycliffe Bible Translators, Inc. All rights reserved.