Números 36
36
Chakrakunata say trïbu runakunala sararäyänanpaq tantiyasishqan
1Galaadpita miraq runakunapa mandaqninkunami aywayarqan Moiséswan y Israel mayinkunapa mandaqninkunawan parlayänanpaq. (Galaad karqan Maquirpa surinmi. Maquirmi karqan Manaséspa surin. Manasésmi karqan Josépa surin.) 2Paykunaman chaykurmi niyarqan: <<Israel mayinsikuna suertita jitaypa chakrata chaskiyänanpaqmi Tayta Dios niyäshushkanki. Saynölami ayllükuna Zelofehadpa chakranta warmi surinkuna chaskiyänanpaqpis niyäshushkanki.#Núm. 27.1-11. 3Say jipashkuna juk trïbu Israel mayinsikunawan majasakäyaptinqa chakrankuna manami noqakunapa trïbükunapanasu kanqa, sinöqa runanpa trïbunpanami. Sayno kaptinqa trïbü chaskishqan chakrakuna walkayäyanqami. 4Jubileo wata chämuptinqa runanpa trïbunpaqnami say chakra imayyaqpis kanqa>>.
5Sayno niyaptinmi Tayta Dios tantiyasishqannöla Israel mayinkunata Moisés nirqan: <<José trïbu runakunaqa rasun kaqtami nikäyan. 6Tayta Diosmi nin: <Zelofehadpa jipash surinkuna majasakayta munarqa kikinpa trïbun ayllu runalawan majasakäyäsun. 7Saynöpami juk trïbu runakuna jatikaykäyanqasu juk trïbu runakunapa chakrankunamanqa. Saypa trukanqa cada trïbu runakunami chakrankunata respitasikuyanqa. 8Mayqan trïbu jipashpis chakrata chaskirqa kikinpa trïbun ayllu runalawan majasakanqa. Saynöpami taytanpita chaskishqan chakrata say trïbu runakunala sararäyanqa. 9Juk trïbu runakuna ama jatikäyanqasu juk trïbu runakunapa chakranmanqa. Saypa trukanqa cada trïbu runakuna chakrankunalacho arukuyanqa> >>.
10Moisésta Tayta Dios nishqanta Zelofehadpa jipash surinkuna chaskikurmi 11Maala, Tirsa, Hogla, Milca y Noa tiyunkunapa surinkunalawan majasakäyarqan. 12Josépa surin Manasés trïbu runakunawan majasakäyaptinmi chaskiyashqan chakrakuna papäninpa trïbulancho karqan.
13Jericó simpan y Jordán mayu kaqlä Moab pampacho Israel runakuna taykäyaptinmi say leykunata tantiyasinanpaq Moisésta Tayta Dios nirqan.
Currently Selected:
Números 36: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
