Números 2
2
Israel trïbukuna imano posädakuyänanpaqpis tantiyasishqan
1Saypitanami Moisésta y Aarónta Tayta Dios nirqan: 2<<Israel runakunaqa Tinkunansi Toldu nawpankunapami bandërankunata ayllunpa ayllunpa ichisiyanqa. Saylachömi toldunkunata jiruruypa sharkasiyanqa.
3<<Inti jeqamunanläpami bandëran ichisiyashqan kaqcho Judá trïbu kaqkuna puntanpa puntanpa toldunkunata sharkasiyanqa. Paykunapa mandaqninmi kaykan Aminadabpa surin Naasón. 4Say trïbu runakunata censar yupayaptinmi kayarqan qanchis chunka chusku waranqa soqta pachak (74,600) runakuna.
5<<Paykunapa nawpanpanami Isacar trïbu kaqkuna toldunkunata sharkasiyanqa. Paykunapa mandaqninnami kaykan Zuarpa surin Natanael. 6Say trïbu runakunata censar yupayaptinmi kayarqan pisqa chunka chusku waranqa chusku pachak (54,400) runakuna.
7<<Paykunapa nawpanpanami Zabulón trïbu runakunapis toldunkunata sharkasiyanqa. Paykunapa mandaqninmi kaykan Helónpa surin Eliab. 8Say trïbu runakunata censar yupayaptinmi kayarqan pisqa chunka qanchis waranqa chusku pachak (57,400) runakuna.
9<<Saynöpami Judá trïbu kaqlächo kimsa trïbukuna kayanqa. Say trïbukunami kaykäyan juk pachak puwaq chunka soqta waranqa chusku pachak (186,400) runakuna. Israel runakuna maypapis aywayaptin paykunami puntanta aywayanqa.
10<<Sur kaqläpami bandëran ichisiyashqan kaqcho Rubén trïbu kaqkuna puntanpa puntanpa toldunkunata sharkasiyanqa. Paykunapa mandaqninmi kaykan Sedeurpa surin Elisur. 11Say trïbu runakunata censar yupayaptinmi kayarqan chusku chunka soqta waranqa pisqa pachak (46,500) runakuna.
12<<Paykunapa nawpanpanami Simeón trïbu kaqkuna toldunkunata sharkasiyanqa. Paykunapa mandaqninmi kaykan Zurisadaipa surin Selumiel. 13Say trïbu runakunata censar yupayaptinmi kayarqan pisqa chunka esqun waranqa kimsa pachak (59,300) runakuna.
14<<Paykunapa nawpanpanami Gad trïbupis toldunkunata sharkasiyanqa. Paykunapa mandaqninmi kaykan Reuelpa surin Eliasaf. 15Say trïbu runakunata censar yupayaptinmi kayarqan chusku chunka pisqa waranqa soqta pachak pisqa chunka (45,650) runakuna.
16<<Saynöpami Rubén trïbu kaqlächo kimsa trïbukuna kayanqa. Say trïbukunami kaykäyan juk pachak pisqa chunka juk waranqa chusku pachak pisqa chunka (151,450) runakuna. Israel runakuna maypapis aywayaptin paykunami kimsa trïbukunapa qepanta aywayanqa.
17<<Paykunapa qepalantanami levitakunapis aywayanqa Tinkunansi Tolduta apakurkur. Saynöpami levitakunapa nawpanta aywayanqa soqta trïbukuna y soqta kaq trïbukunanami qepanta aywayanqa. Saynölami lapan trïbukuna posädakuyänanpaq churanakuyashqannöla bandëran aptash aywayanqa.
18<<Inti jeqananläpami bandëran ichisiyashqan kaqcho Efraín trïbu kaqkuna puntanpa puntanpa toldunkunata sharkasiyanqa. Paykunapa mandaqninmi kaykan Amiudpa surin Elisama. 19Say trïbu runakunata censar yupayaptinmi kayarqan chusku chunka waranqa pisqa pachak (40,500) runakuna.
20<<Paykunapa nawpanpanami Manasés trïbu kaqkuna toldunkunata sharkasiyanqa. Paykunapa mandaqninmi kaykan Pedasurpa surin Gamaliel. 21Say trïbu runakunata censar yupayaptinmi kayarqan kimsa chunka ishkay waranqa ishkay pachak (32,200) runakuna.
22<<Paykunapa nawpanpanami Benjamín trïbu kaqkunapis toldunkunata sharkasiyanqa. Paykunapa mandaqninmi kaykan Gedeonipa surin Abidán. 23Say trïbu runakunata censar yupayaptinmi kayarqan kimsa chunka pisqa waranqa chusku pachak (35,400) runakuna.
24<<Saynöpami Efraín trïbu kaqlächo kimsa trïbukuna kayanqa. Say trïbukunami kaykäyan juk pachak puwaq waranqa pachak (108,100) runakuna. Israel runakuna maypapis aywayaptin paykunami soqta trïbukunapa qepanta aywayanqa.
25<<Norti kaqläpami bandëran ichisiyashqan kaqcho Dan trïbu kaqkuna puntanpa puntanpa toldunkunata sharkasiyanqa. Paykunapa mandaqninmi kaykan Amisadaipa surin Ahiezer. 26Say trïbu runakunata censar yupayaptinmi kayarqan soqta chunka ishkay waranqa qanchis pachak (62,700) runakuna.
27<<Paykunapa nawpanpanami Aser trïbu kaqkuna toldunkunata sharkasiyanqa. Paykunapa mandaqninmi kaykan Ocránpa surin Pagiel. 28Say trïbu runakunata censar yupayaptinmi kayarqan chusku chunka juk waranqa pisqa pachak (41,500) runakuna.
29<<Paykunapa nawpanpanami Neftalí trïbu kaqkunapis toldunkunata sharkasiyanqa. Paykunapa mandaqninmi kaykan Enánpa surin Ahira. 30Say trïbu runakunata censar yupayaptinmi kayarqan pisqa chunka kimsa waranqa chusku pachak (53,400) runakuna.
31<<Saynöpami Dan trïbu kaqlächo kimsa trïbukuna kayanqa. Say trïbukunami kaykäyan juk pachak pisqa chunka qanchis waranqa soqta pachak (157,600) runakuna. Israel runakuna maypapis aywayaptin paykunami wakin trïbukunapa qepanta bandëran aptash aywayanqa>>.
32Israel runakunata ayllunpa ayllunpa censayaptinmi kayarqan soqta pachak kimsa waranqa pisqa pachak pisqa chunka (603,550) runakuna. 33Moisésta Tayta Dios nishqannölami levitakunataqa censayarqansu.
34Moisésta Tayta Dios nishqankunata lapantami Israel runakuna rurayarqan. Saymi bandërankuna ichisiyashqan kaqcho ayllunpa ayllunpa y castanpa castanpa posädakur posädakur aywayarqan.
Currently Selected:
Números 2: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.