Miqueas 6
6
Israel runakuna defiendikuyänanpaq Tayta Dios nishqan
1 Tayta Dios nishqanta wiyayay.
Paymi nin:
<<Jirkakuna wiyaykäyäshuptiki sharkurkur nawpächo defiendikuyay.
Sinchipa parlayämuy jirkakuna wiyayäshunaykipaq.
2Jirkakuna, kuyashqä runakunata shimpiptï wiyayämay.
Pasata tuknaraq cimientukunapis, Israel runakunata cuentata manaptï wiyayay.#Isa. 3.13; Ose. 4.1.
3<<Kuyashqä runakuna, ¿imachötaq qamkunata ajanäsishkä?
¿Imachötaq qamkunata rabyanäsishkä?
Imacho resientikasishqätapis mä niyämay.
4Egiptucho ashmay kaykäyashqaykipita salvashpämi qamkunata jorqamurqä.#Éxo. 12.50-51.
Noqami kachamurqä Moisésta, Aarónta#Éxo. 4.10-16. y Maríata#Éxo. 15.20. pushayämushunaykipaq.
5Kuyashqä runakuna, yarpäyay Moab nacionpa mandaqnin rey Balac qamkunapa contrayki sharkushqanta.
Sayno sharkuptinpis yarpäyay Beorpa surin Balaam maldicionashunaykipa trukan bendisishushqaykita.#Núm. 22—24.
Yarpäyay Sitimpita Gilgalyaq Jordán mayuta imano päsayashqaykitapis.#Jos. 3.1—4.19.
Saykunata yarparmi tantiyakuyanki noqa Tayta Diosniki qamkunata imaypis salvashqäta>>.
Tayta Dios imata munashqanpis
6¿Imalansiwanraq Tayta Diospa nawpanman chäshun?
¿Imalataraq munayyuq Tayta Diosta adoranansipaq apashun?
¿Sacrificiuta rupasinansipaq watayuq turïtukunatasuraq apapashun?
7Waranqa (1,000) carnikunata pishtar paypaq rupasish ¿kushikunqasuraq?
Chunka waranqa (10,000) mayukuna aywaykaqtano saysika aceitita altarman jichapash ¿kushikunqasuraq?
Jusalikushqansipita qechpa surinsitapis wanurkasir rupasipash ¿kushikunqasuraq?
8 Tayta Dios imata munashqantapis nimashkansinami.
Pay munaykan ali kaqlata ruranansita, runa mayinsita kuyapänansita y mana runa tukuypa pay nishqanta cäsukunansitami.#1Sam. 15.22; Prov. 21.3; Ose. 2.19-20; 6.6; Amós 5.22-24; Zac. 7.9-10.
Jerusalén runakunata Tayta Dios castigananpaq nishqan
9Jerusalén runakuna, Tayta Diosmi qayaykäyäshunki.
Tantiyakuq runa karqa payta mansapakuyay.
Qayakurmi nin:
<<Markacho kaqkuna y mayor runakuna, lapayki wiyakuyay.
10Wayikikunachöpis suwakuyashlaykimi kaykan.
Saynöpis wayikikunacho kaykan runa mayikita engañayänaykipaq pësakunami.
11¿Imanöpataq perdonäman runa mayinta pësuwan engañaqtaqa?#Lev. 19.35-36; Deut. 25.13-16; Amós 8.5.
12Kay markacho kaq rïcu runakunaqa runa mayinta nakasiq, runa mayinta engañaq y lulakuqlami kaykäyan.
13<<Sayno kayashqaykipitami castigayäshayki.
Jusalikuyashqaykipitami ushakäsiyäshayki.
14Mikurpis ukushnikita watarkunalaykipaq tarirmi malaqaykälar kawayanki.
Cosëchata shuntayashqaykipis manami aypanqasu pirwayänaykipaq.
Pirwakuyashqaykitapis guërracho vinciyäshushpaykimi apakuyanqa.
15Mururpis manami cosechayankisu.
Aceitünasta aqayaptikipis lushikuyänaykipaq aceiti manami kanqasu.
Üvata jaruyaptikipis vïnuta upuyänaykipaq manami kanqasu.
16<<Qamkunaqa rey Omri yachasishqan costumbrinkunata rurarmi jusayuq kaykäyanki.
Rey Acab jusalikur kawashqannömi kawaykäyanki.#1Rey. 16.29-30; 21.25-26.
Sayno kayashqaykipitami fiyupa castigar desgraciaman qarpushayki.
Japanla nakayashqaykita rikarmi asipäyäshushpayki manakaqman churayäshunki>>.
Currently Selected:
Miqueas 6: qvhB
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
