Levítico 23
23
Tayta Diosta adorar fiestata imay rurayänanpaqpis yäsishqan
Números 28.16-25
1Mastapis Moisésta Tayta Dios nirqan: 2<<Israel runakunata niy: <Kanan tantiyasishayki Tayta Diosta adorar imay shuntakäyänaykipaq kashqantapis. Say shuntakäyashqayki junaqkunaqa sagrädumi kanqa.
3<< <Soqta junaqla aruyanki. Qanchis junaqchöqa Tayta Diosta adorayänaykipaq shuntakäyanki. Say junaq ama aruyankisu, sinöqa maycho tarpis Tayta Diosta adorar jamayanki.#Éxo. 20.8-10; 23.12; 31.15; 34.21; 35.2; Deut. 5.12-14.
Pascua fiestata y Levadüraynaq Tantata Mikuna fiestata rurayänanpaq nishqan
Éxodo 12.14-20; Números 28.16-25; Deuteronomio 16.1-8
4<< <Wakin diyawardakunapis kaykäyanmi Tayta Diosta adorar shuntakäyänaykipaq. 5Cada wata punta kaq killacho chunka chusku kaq junaq tardi Tayta Diosta adorar Pascua fiestata rurayanki.#Éxo. 12.1-13; Deut. 16.1-2.
6<< <Saypita waraynin junaqmi Levadüraynaq Tantata Mikuna fiesta#Éxo. 12.14-20; 23.15; 34.18; Deut. 16.3-8. qalaykunqa. Say fiestacho Tayta Diosta adorayashpayki levadüraynaq tantata qanchis junaq mikuyanki. 7Fiesta qalaykunan junaq ima aruytapis ama aruyankisu, saypa trukanqa Tayta Diosta adorayänaykipaq shuntakäyanki. 8Nirkur waran waran fiesta ushakashqanyaq sacrificiukunata altarcho Tayta Diospaq rupasiyanki. Qanchis kaq junaqchöqa ima aruytapis ama aruyankisu, saypa trukanqa say junaq yapay shuntakäyanki> >>.
Cosëcha Qalaykunan fiestata rurayänanpaq nishqan
9Mastapis Moisésta Tayta Dios nirqan: 10<<Israel runakunata niy: <Qoykunäpaq kaykaq nacionman chaykur murupakuyashqaykita cosechar punta poquqpita juk iñuyta cüraman apayämunki. Say apayämushqaykiqa primiciami kanqa. 11Tayta Dios chaskinanpaqmi jamay junaqpita waraynin junaq ishkan makinwan joqarkur Tayta Diospa nawpancho wakman kayman cüra kuyusinqa.
12<< <Say junaqmi juk watayuq sänu carnishtapis apayämunki sacrificiuta rupasir Tayta Diosta adorayänaykipaq. 13Saynöpis chusku kïlu pulan jarinatapis aceitiwan sapurkur apayämunki. Sayqa altarcho rupasinanpaq saki mikuy ofrendami kanqa. Say rupasishqanpa mushkuyninmi Tayta Diospa shonqunpaqno kanqa. Juk litru vïnutapis altarman winapänanpaq apayämunki. 14Tayta Diosninsipaq manaraq apamurqa ankaypapis ni chawalanpapis ni masaraypapis amaraq trïguta mikuyankisu. Maycho täyaptikipis say nishqäkunaqa imayyaqpis leymi qamkunapaq y qamkunapita miraqkunapaqpis kanqa.
Semäna fiestata rurayänanpaq nishqan
Números 28.26-31; Deuteronomio 16.9-12
15<< <Punta poquqta aparkamur jamay junaq warayninpita qanchis semänata yupayanki. 16Qanchis semäna cumplirkuptin juk junaq masta yupayaptikimi pisqa chunka (50) junaqna kanqa. Say junaqmi cosechayashqayki trïgupita Tayta Diospaq ofrendata apayämunki. 17Saynöpis wayikipita ishkay tantata apayämunki. Say tantakuna cada ünunmi chusku kïlu alinnin jarinapita levadürawan rurash kanqa. Cada watacho puntata cosechayashqaykipita wakman kayman kuyusishqan ofrenda karmi say tantakuna Tayta Diospaq primicia kanqa. 18Tantata apamurmi rupasina sacrificiupaq apayämunki juk watayuq qanchis sänu carnishkunata, juk turïtuta y ishkay carnikunata. Say apayämushqayki uywakunata, saki mikuy ofrendata y vïnutapis altarcho cüra rupasiptinmi mushkuynin Tayta Diospa shonqunpaqno kanqa.
19<< <Saynöpis juk chïvuta apayämunki purificasina sacrificiupaq y juk watayuq ishkay carnishkunata apayämunki jawka kawakuy sacrificiupaq. 20Say uywakunata y punta poquq trïgupita rurayashqayki tantakunatami Tayta Diospa nawpancho wakman kayman cüra kuyusinqa. Saykuna Tayta Diospaq sagrädu kaptinmi cüra mikunanpaq kanqa.
21<< <Say junaqqa ima aruytapis kachaykur Tayta Diosta adorayänaykipaq lapayki shuntakäyanki. Maycho täyaptikipis say nishqäkunaqa imayyaqpis leymi qamkunapaq y qamkunapita miraqkunapaqpis kanqa.#Éxo. 23.16; 34.22; Deut. 16.9-12.
22<< <Cosëchaykikunata shuntar kuchu kuchu ama shuntayankisu ni palapitapis ama palapiyankisu. Saykunataqa kachaykuyanki muchuqkuna y jäpa runakuna shuntakuyänanpaq>. Noqami Tayta Diosniki kaykä>>.#Lev. 19.9-10; Deut. 24.19-22.
Cornëtakunata Tukayänan fiestata rurayänanpaq nishqan
Números 29.1-6
23Mastapis Moisésta Tayta Dios nirqan: 24<<Israel runakunata niy: <Qanchis kaq killa qalaykunan junaqcho lapayki jamar Tayta Diosta adorayänaykipaq shuntakäyanki. Cornëtata tukapalanpa fiestata rurayanki. 25Say junaqqa ima aruytapis kachaykur Tayta Diosta adorar sacrificiukunata rupasiyanki> >>.
Israel runakuna purificash kayänanpaq kaq junaq
Levítico 16; Números 29.7-11
26Mastapis Moisésta Tayta Dios nirqan: 27<<Qanchis killaman charkur chunka junaqchömi jusalikuyashqaykipita purificash kayänaykipaq kaykan. Say junaq ayunar Tayta Diosta adorayänaykipaq lapayki shuntakäyanki. Saynöpis Tayta Diosta adorar sacrificiuta rupasiyanki. 28Say junaqqa ama ima aruytapis aruyankisu. Purificash kayänaykipaq kaq junaq kaptinmi lapan jusalikuyashqaykipita Tayta Diosninsi perdonayäshunki. 29Say junaq mana ayunaq kaqtaqa pï kaptinpis Israel runakunapita qarquyanki. 30Ayunananpa trukan say junaq aruptinqa kikïmi ushakäsishaq. 31Sayno kaykaptinqa say junaq ama aruyankisu. Maycho täyaptikipis say nishqäkunaqa imayyaqpis leymi qamkunapaq y qamkunapita miraqkunapaqpis kanqa. 32Say junaq ayunayashpayki jamayanki. Sayno ayunayanki esqun junaq tardipita waraynin tardiyaq>>.
Ramäda fiestata rurayänanpaq nishqan
Números 29.12-40; Deuteronomio 16.13-17
33Mastapis Moisésta Tayta Dios nirqan: 34<<Israel runakunata niy: <Qanchis killacho chunka pisqa kaq junaqmi Ramäda fiestata rurar qalaykuyanki. Tayta Diosta adorarmi say fiestata qanchis junaq rurayanki. 35Qalaykunan junaq ima aruytapis kachaykur Tayta Diosta adorayänaykipaq lapayki shuntakäyanki. 36Qanchis junaqyaqmi Tayta Diosta adorar sacrificiukunata rupasiyanki. Saynöla puwaq kaq junaqchöpis lapayki shuntakaykur Tayta Diosta adorar sacrificiuta rupasiyanki. Say junaqqa ama ima aruytapis aruyankisu.#Deut. 16.13-15.
37<< <Say fiestakunata rurar shuntakäyänaykipaqmi Tayta Dios nish. Pay nishqanno altarcho rupasiyänaykipaqmi uywakunata y saki mikuy ofrendakunatapis apayämunki. Saynöla vïnutapis altarman winapänanpaq apayämunki. Lapantapis diyancho rurayanki. 38Say fiestakunataqa Tayta Diosta adorar jamay junaqkunapita shuyni rurayanki. Saynöpis fiestakunapaq apayämushqayki sacrificiukuna y ofrendakuna shuynimi kanqa jamay junaqpaq apayämushqayki sacrificiukunapita y ofrendakunapita. Sayno shuyni kanqa promitiyashqaykita cumplir apayämushqaykipitapis y kikikipa voluntänikipita apayämushqaykipitapis.
39<< <Cosëchata shuntar ushaskir qanchis junaqyaq Tayta Diosta adorar fiestata rurayanki.#Éxo. 23.16; 34.22. Say fiestata rurar qalaykuyanki qanchis kaq killa chunka pisqa junaqcho. Fiesta qalaykunan junaq y ushanan junaqpis jamayanki. 40Fiesta qalaykunan junaq palmakunapa rämankunata, copösu jachakunapa rämankunata y mayu kuchuncho saucikunapa rämankunatapis pakirir qanchis junaq kushikuyashpayki Tayta Diosninsipa nawpancho fiestata rurayanki.#23.40 Tayta Diospa nawpancho nirqa Tinkuna Tolducho kaykaq altarpa nawpanchömi nikan. 41Cada wata qanchis kaq killacho Tayta Diosta adorar say fiestata qanchis junaq rurayanki. Say nishqäkunaqa imayyaqpis leymi qamkunapaq y qamkunapita miraqkunapaqpis kanqa. 42Say fiestata rurarqa ramädakunalacho qanchis junaq lapayki punuyanki. 43Fiestata mana qonqaypa sayno rurayaptikimi qampita miraqkunapis musyayanqa Egiptupita jorqamuptï Israel runakuna ramädalacho täyashqanta. Noqami Tayta Diosniki kaykä> >>.
44Saynömi Israel runakunata Moisés tantiyasirqan Tayta Diosta adorar fiestakunata imay rurayänanpaq kashqantapis.
Currently Selected:
Levítico 23: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 23
23
Tayta Diosta adorar fiestata imay rurayänanpaqpis yäsishqan
Números 28.16-25
1Mastapis Moisésta Tayta Dios nirqan: 2<<Israel runakunata niy: <Kanan tantiyasishayki Tayta Diosta adorar imay shuntakäyänaykipaq kashqantapis. Say shuntakäyashqayki junaqkunaqa sagrädumi kanqa.
3<< <Soqta junaqla aruyanki. Qanchis junaqchöqa Tayta Diosta adorayänaykipaq shuntakäyanki. Say junaq ama aruyankisu, sinöqa maycho tarpis Tayta Diosta adorar jamayanki.#Éxo. 20.8-10; 23.12; 31.15; 34.21; 35.2; Deut. 5.12-14.
Pascua fiestata y Levadüraynaq Tantata Mikuna fiestata rurayänanpaq nishqan
Éxodo 12.14-20; Números 28.16-25; Deuteronomio 16.1-8
4<< <Wakin diyawardakunapis kaykäyanmi Tayta Diosta adorar shuntakäyänaykipaq. 5Cada wata punta kaq killacho chunka chusku kaq junaq tardi Tayta Diosta adorar Pascua fiestata rurayanki.#Éxo. 12.1-13; Deut. 16.1-2.
6<< <Saypita waraynin junaqmi Levadüraynaq Tantata Mikuna fiesta#Éxo. 12.14-20; 23.15; 34.18; Deut. 16.3-8. qalaykunqa. Say fiestacho Tayta Diosta adorayashpayki levadüraynaq tantata qanchis junaq mikuyanki. 7Fiesta qalaykunan junaq ima aruytapis ama aruyankisu, saypa trukanqa Tayta Diosta adorayänaykipaq shuntakäyanki. 8Nirkur waran waran fiesta ushakashqanyaq sacrificiukunata altarcho Tayta Diospaq rupasiyanki. Qanchis kaq junaqchöqa ima aruytapis ama aruyankisu, saypa trukanqa say junaq yapay shuntakäyanki> >>.
Cosëcha Qalaykunan fiestata rurayänanpaq nishqan
9Mastapis Moisésta Tayta Dios nirqan: 10<<Israel runakunata niy: <Qoykunäpaq kaykaq nacionman chaykur murupakuyashqaykita cosechar punta poquqpita juk iñuyta cüraman apayämunki. Say apayämushqaykiqa primiciami kanqa. 11Tayta Dios chaskinanpaqmi jamay junaqpita waraynin junaq ishkan makinwan joqarkur Tayta Diospa nawpancho wakman kayman cüra kuyusinqa.
12<< <Say junaqmi juk watayuq sänu carnishtapis apayämunki sacrificiuta rupasir Tayta Diosta adorayänaykipaq. 13Saynöpis chusku kïlu pulan jarinatapis aceitiwan sapurkur apayämunki. Sayqa altarcho rupasinanpaq saki mikuy ofrendami kanqa. Say rupasishqanpa mushkuyninmi Tayta Diospa shonqunpaqno kanqa. Juk litru vïnutapis altarman winapänanpaq apayämunki. 14Tayta Diosninsipaq manaraq apamurqa ankaypapis ni chawalanpapis ni masaraypapis amaraq trïguta mikuyankisu. Maycho täyaptikipis say nishqäkunaqa imayyaqpis leymi qamkunapaq y qamkunapita miraqkunapaqpis kanqa.
Semäna fiestata rurayänanpaq nishqan
Números 28.26-31; Deuteronomio 16.9-12
15<< <Punta poquqta aparkamur jamay junaq warayninpita qanchis semänata yupayanki. 16Qanchis semäna cumplirkuptin juk junaq masta yupayaptikimi pisqa chunka (50) junaqna kanqa. Say junaqmi cosechayashqayki trïgupita Tayta Diospaq ofrendata apayämunki. 17Saynöpis wayikipita ishkay tantata apayämunki. Say tantakuna cada ünunmi chusku kïlu alinnin jarinapita levadürawan rurash kanqa. Cada watacho puntata cosechayashqaykipita wakman kayman kuyusishqan ofrenda karmi say tantakuna Tayta Diospaq primicia kanqa. 18Tantata apamurmi rupasina sacrificiupaq apayämunki juk watayuq qanchis sänu carnishkunata, juk turïtuta y ishkay carnikunata. Say apayämushqayki uywakunata, saki mikuy ofrendata y vïnutapis altarcho cüra rupasiptinmi mushkuynin Tayta Diospa shonqunpaqno kanqa.
19<< <Saynöpis juk chïvuta apayämunki purificasina sacrificiupaq y juk watayuq ishkay carnishkunata apayämunki jawka kawakuy sacrificiupaq. 20Say uywakunata y punta poquq trïgupita rurayashqayki tantakunatami Tayta Diospa nawpancho wakman kayman cüra kuyusinqa. Saykuna Tayta Diospaq sagrädu kaptinmi cüra mikunanpaq kanqa.
21<< <Say junaqqa ima aruytapis kachaykur Tayta Diosta adorayänaykipaq lapayki shuntakäyanki. Maycho täyaptikipis say nishqäkunaqa imayyaqpis leymi qamkunapaq y qamkunapita miraqkunapaqpis kanqa.#Éxo. 23.16; 34.22; Deut. 16.9-12.
22<< <Cosëchaykikunata shuntar kuchu kuchu ama shuntayankisu ni palapitapis ama palapiyankisu. Saykunataqa kachaykuyanki muchuqkuna y jäpa runakuna shuntakuyänanpaq>. Noqami Tayta Diosniki kaykä>>.#Lev. 19.9-10; Deut. 24.19-22.
Cornëtakunata Tukayänan fiestata rurayänanpaq nishqan
Números 29.1-6
23Mastapis Moisésta Tayta Dios nirqan: 24<<Israel runakunata niy: <Qanchis kaq killa qalaykunan junaqcho lapayki jamar Tayta Diosta adorayänaykipaq shuntakäyanki. Cornëtata tukapalanpa fiestata rurayanki. 25Say junaqqa ima aruytapis kachaykur Tayta Diosta adorar sacrificiukunata rupasiyanki> >>.
Israel runakuna purificash kayänanpaq kaq junaq
Levítico 16; Números 29.7-11
26Mastapis Moisésta Tayta Dios nirqan: 27<<Qanchis killaman charkur chunka junaqchömi jusalikuyashqaykipita purificash kayänaykipaq kaykan. Say junaq ayunar Tayta Diosta adorayänaykipaq lapayki shuntakäyanki. Saynöpis Tayta Diosta adorar sacrificiuta rupasiyanki. 28Say junaqqa ama ima aruytapis aruyankisu. Purificash kayänaykipaq kaq junaq kaptinmi lapan jusalikuyashqaykipita Tayta Diosninsi perdonayäshunki. 29Say junaq mana ayunaq kaqtaqa pï kaptinpis Israel runakunapita qarquyanki. 30Ayunananpa trukan say junaq aruptinqa kikïmi ushakäsishaq. 31Sayno kaykaptinqa say junaq ama aruyankisu. Maycho täyaptikipis say nishqäkunaqa imayyaqpis leymi qamkunapaq y qamkunapita miraqkunapaqpis kanqa. 32Say junaq ayunayashpayki jamayanki. Sayno ayunayanki esqun junaq tardipita waraynin tardiyaq>>.
Ramäda fiestata rurayänanpaq nishqan
Números 29.12-40; Deuteronomio 16.13-17
33Mastapis Moisésta Tayta Dios nirqan: 34<<Israel runakunata niy: <Qanchis killacho chunka pisqa kaq junaqmi Ramäda fiestata rurar qalaykuyanki. Tayta Diosta adorarmi say fiestata qanchis junaq rurayanki. 35Qalaykunan junaq ima aruytapis kachaykur Tayta Diosta adorayänaykipaq lapayki shuntakäyanki. 36Qanchis junaqyaqmi Tayta Diosta adorar sacrificiukunata rupasiyanki. Saynöla puwaq kaq junaqchöpis lapayki shuntakaykur Tayta Diosta adorar sacrificiuta rupasiyanki. Say junaqqa ama ima aruytapis aruyankisu.#Deut. 16.13-15.
37<< <Say fiestakunata rurar shuntakäyänaykipaqmi Tayta Dios nish. Pay nishqanno altarcho rupasiyänaykipaqmi uywakunata y saki mikuy ofrendakunatapis apayämunki. Saynöla vïnutapis altarman winapänanpaq apayämunki. Lapantapis diyancho rurayanki. 38Say fiestakunataqa Tayta Diosta adorar jamay junaqkunapita shuyni rurayanki. Saynöpis fiestakunapaq apayämushqayki sacrificiukuna y ofrendakuna shuynimi kanqa jamay junaqpaq apayämushqayki sacrificiukunapita y ofrendakunapita. Sayno shuyni kanqa promitiyashqaykita cumplir apayämushqaykipitapis y kikikipa voluntänikipita apayämushqaykipitapis.
39<< <Cosëchata shuntar ushaskir qanchis junaqyaq Tayta Diosta adorar fiestata rurayanki.#Éxo. 23.16; 34.22. Say fiestata rurar qalaykuyanki qanchis kaq killa chunka pisqa junaqcho. Fiesta qalaykunan junaq y ushanan junaqpis jamayanki. 40Fiesta qalaykunan junaq palmakunapa rämankunata, copösu jachakunapa rämankunata y mayu kuchuncho saucikunapa rämankunatapis pakirir qanchis junaq kushikuyashpayki Tayta Diosninsipa nawpancho fiestata rurayanki.#23.40 Tayta Diospa nawpancho nirqa Tinkuna Tolducho kaykaq altarpa nawpanchömi nikan. 41Cada wata qanchis kaq killacho Tayta Diosta adorar say fiestata qanchis junaq rurayanki. Say nishqäkunaqa imayyaqpis leymi qamkunapaq y qamkunapita miraqkunapaqpis kanqa. 42Say fiestata rurarqa ramädakunalacho qanchis junaq lapayki punuyanki. 43Fiestata mana qonqaypa sayno rurayaptikimi qampita miraqkunapis musyayanqa Egiptupita jorqamuptï Israel runakuna ramädalacho täyashqanta. Noqami Tayta Diosniki kaykä> >>.
44Saynömi Israel runakunata Moisés tantiyasirqan Tayta Diosta adorar fiestakunata imay rurayänanpaq kashqantapis.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.