Levítico 24
24
Candelabrupaq aceitita apayämunanpaq nishqan
Éxodo 27.20-21
1Mastapis Moisésta Tayta Dios nirqan: 2<<Israel runakunata niy: <Tinkuna Tolducho kaykaq candelabru imaypis rataränanpaq olïvupita rurash aceitita apayämunki. 3Pactu Babulta rakiraq cortïnapa nawpanman aywarmi say apayämushqayki aceitita candelabruman Aarón winanqa Tayta Diospa nawpancho warati rataränanpaq. Say nishqäkunaqa imayyaqpis leymi qamkunapaq y qamkunapita miraqkunapaqpis kanqa. 4Qori candelabrucho kaykaq mechërukunata sayno kamarinqa Tayta Diospa nawpancho warati rataränanpaq.
Qori mësaman tantakunata churayänanpaq nishqan
5<< <Alinnin jarinapita chunka ishkay tantata rurayanki. Cada tantata rurayanki chusku kïlu pulan jarinapita. 6Nirkur Tayta Diospa nawpancho kaykaq qori mësaman say chunka ishkay tantakunata soqtakama churayanki.#Éxo. 25.30. 7Cada soqta tantakunapa nawpanman inciensuta churayanki. Tayta Dios imaypis yarparänanpaqmi say inciensuta payta adorar qoshnisiyanki. 8Cada jamay junaqmi Tayta Diospa nawpanman mana qonqaypa say tantakunata churayanki. Saykunata imaypis rurayanki Tayta Dios pactu rurashqanta cumpliyashpayki. 9Say tantakunataqa Aarón y paypita miraq cürakunalami mikuyanqa. Wakin ofrendakunapita y sacrificiukunapitapis mas sagrädu kaptinmi sagrädu lugarlacho#24.9 Say sagrädu lugarqa altar nawpankunami karqan. Saypita masta musyanaykipaq liyinki Lev. 10.13-14. say tantakunata mikuyanqa> >>.#Mat. 12.4; Mar. 2.26; Luc. 6.4.
Tayta Diospa contran parlaq runata wanusiyashqan
10Juk runapa mamanmi karqan Israel warmi y taytannami karqan Egipto runa. Say Egipto runapa surinmi juk junaq Israel mayinwan campamentucho rimanakur 11Tayta Diosta manakaqman churarqan. Sayno parlashqanta wiyaqkunami prësu sariykur Moisésman apayarqan. Say runapa mamanpa jutinmi karqan Selomit. Selomitpa taytanmi karqan Dibri. Dibriqa karqan Dan trïbupitami. 12Say runatami prësu sarararqan imata rurananpaqpis Tayta Dios nishqanyaq.
13Saymi Moisésta Tayta Dios nirqan: 14<<Conträ parlaq runata campamentupita jukläman jorquy. Saycho conträ parlashqanta wiyaqkuna makinkunata paypa umanman churayäsun. Saypitana lapan runakuna samqaypa wanusiyäsun. 15Israel runakunata niy: <Pipis Tayta Diospa contran parlaqqa jusayuqmi kanqa. 16Say runataqa samqaykälar lapan wanusiyäsun. Jäpa runa kaptinpis o Israel mayiki kaptinpis Tayta Diospa contran parlaq kaqtaqa wanusiyäsun.
17<< <Pipis runa mayinta wanusiq kaqtaqa wanusiyanqa.#Éxo. 21.12.
18<< <Jukpa uywanta wanusirqa trukanta kutisinqa.
19<< <Pipis runa mayinta maqar däñashqanman tupu kikintapis däñayanqa. 20Maqaykashqancho tulunta pakiptinqa kikinpa tuluntapis pakiyanqa. Nawinta pashtaptinqa kikinpa nawintapis pashtayanqa. Kirunta jorquptinqa kikinpa kiruntapis jorquyanqa. Runa mayinta maqar däñashqanman tupu kikintapis däñayanqa.#Éxo. 21.23-25; Deut. 19.21; Mat. 5.38.
21<< <Pipa uywantapis wanusirqa trukanta ichisinqa. Runa mayinta wanusiptinqa kikintapis wanusiyanqa.
22<< <Kay nishqä leykunaqa jäpa runakunapaq y Israel runakunapaqpis iwalmi kanqa. Noqami Tayta Diosniki kaykä> >>.#Núm. 15.16.
23Moisés sayno niskiptinmi Tayta Diospa contran parlaq runata Israel runakuna campamentupita jukläman jorquykur samqaypa wanusiyarqan. Moisésta Tayta Dios nishqannölami Israel runakuna rurayarqan.
Currently Selected:
Levítico 24: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 24
24
Candelabrupaq aceitita apayämunanpaq nishqan
Éxodo 27.20-21
1Mastapis Moisésta Tayta Dios nirqan: 2<<Israel runakunata niy: <Tinkuna Tolducho kaykaq candelabru imaypis rataränanpaq olïvupita rurash aceitita apayämunki. 3Pactu Babulta rakiraq cortïnapa nawpanman aywarmi say apayämushqayki aceitita candelabruman Aarón winanqa Tayta Diospa nawpancho warati rataränanpaq. Say nishqäkunaqa imayyaqpis leymi qamkunapaq y qamkunapita miraqkunapaqpis kanqa. 4Qori candelabrucho kaykaq mechërukunata sayno kamarinqa Tayta Diospa nawpancho warati rataränanpaq.
Qori mësaman tantakunata churayänanpaq nishqan
5<< <Alinnin jarinapita chunka ishkay tantata rurayanki. Cada tantata rurayanki chusku kïlu pulan jarinapita. 6Nirkur Tayta Diospa nawpancho kaykaq qori mësaman say chunka ishkay tantakunata soqtakama churayanki.#Éxo. 25.30. 7Cada soqta tantakunapa nawpanman inciensuta churayanki. Tayta Dios imaypis yarparänanpaqmi say inciensuta payta adorar qoshnisiyanki. 8Cada jamay junaqmi Tayta Diospa nawpanman mana qonqaypa say tantakunata churayanki. Saykunata imaypis rurayanki Tayta Dios pactu rurashqanta cumpliyashpayki. 9Say tantakunataqa Aarón y paypita miraq cürakunalami mikuyanqa. Wakin ofrendakunapita y sacrificiukunapitapis mas sagrädu kaptinmi sagrädu lugarlacho#24.9 Say sagrädu lugarqa altar nawpankunami karqan. Saypita masta musyanaykipaq liyinki Lev. 10.13-14. say tantakunata mikuyanqa> >>.#Mat. 12.4; Mar. 2.26; Luc. 6.4.
Tayta Diospa contran parlaq runata wanusiyashqan
10Juk runapa mamanmi karqan Israel warmi y taytannami karqan Egipto runa. Say Egipto runapa surinmi juk junaq Israel mayinwan campamentucho rimanakur 11Tayta Diosta manakaqman churarqan. Sayno parlashqanta wiyaqkunami prësu sariykur Moisésman apayarqan. Say runapa mamanpa jutinmi karqan Selomit. Selomitpa taytanmi karqan Dibri. Dibriqa karqan Dan trïbupitami. 12Say runatami prësu sarararqan imata rurananpaqpis Tayta Dios nishqanyaq.
13Saymi Moisésta Tayta Dios nirqan: 14<<Conträ parlaq runata campamentupita jukläman jorquy. Saycho conträ parlashqanta wiyaqkuna makinkunata paypa umanman churayäsun. Saypitana lapan runakuna samqaypa wanusiyäsun. 15Israel runakunata niy: <Pipis Tayta Diospa contran parlaqqa jusayuqmi kanqa. 16Say runataqa samqaykälar lapan wanusiyäsun. Jäpa runa kaptinpis o Israel mayiki kaptinpis Tayta Diospa contran parlaq kaqtaqa wanusiyäsun.
17<< <Pipis runa mayinta wanusiq kaqtaqa wanusiyanqa.#Éxo. 21.12.
18<< <Jukpa uywanta wanusirqa trukanta kutisinqa.
19<< <Pipis runa mayinta maqar däñashqanman tupu kikintapis däñayanqa. 20Maqaykashqancho tulunta pakiptinqa kikinpa tuluntapis pakiyanqa. Nawinta pashtaptinqa kikinpa nawintapis pashtayanqa. Kirunta jorquptinqa kikinpa kiruntapis jorquyanqa. Runa mayinta maqar däñashqanman tupu kikintapis däñayanqa.#Éxo. 21.23-25; Deut. 19.21; Mat. 5.38.
21<< <Pipa uywantapis wanusirqa trukanta ichisinqa. Runa mayinta wanusiptinqa kikintapis wanusiyanqa.
22<< <Kay nishqä leykunaqa jäpa runakunapaq y Israel runakunapaqpis iwalmi kanqa. Noqami Tayta Diosniki kaykä> >>.#Núm. 15.16.
23Moisés sayno niskiptinmi Tayta Diospa contran parlaq runata Israel runakuna campamentupita jukläman jorquykur samqaypa wanusiyarqan. Moisésta Tayta Dios nishqannölami Israel runakuna rurayarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.