Levítico 22
22
Runakuna apayashqanta cürakuna lutala mana ushayänanpaq tantiyasishqan
1Mastapis Moisésta Tayta Dios nirqan: 2<<Aarónta y surinkunata ninki: <Israel runakuna noqapaq apayämushqan sagrädu kaptin lutalaqa ama ushayäsunsu. Lutala usharqa manami respitaykäyämansu. Noqami Tayta Dios kaykä.
3<< <Israel runakuna noqapaq apayämushqan sagrädumi kaykan. Saymi Aarónpita miraqkuna impüru kaykar saykunata altarcho rupasiyaptinqa nawpäpita qarqushaq.#22.3 Nawpäpita qarqushaq ninanqa altarcho sirviyämashqanpita qarqushaq ninanmi. Noqami Tayta Dios kaykä.
4<< <Aarónpita miraqkuna lepra qeshyawan karpis o purgación qeshyawan karpis impürumi kayanqa. Sayno kaykarqa Israel runakuna noqapaq apayämushqan sagrädu kaqkunata ama mikuyanqasu. Purificakuskirmi isanqa mikuyanqa.
<< <Aya sutarashqanta yatarpis o chiwlakunanpa lëchinta püsapakurpis impürumi rikakuyanqa. 5Saynölami pachalanpa y lätaypa puriqkunata yatar y impüru runata yatarpis impüru rikakuyanqa. 6Pasa sakashqanyaqmi impüru kayanqa. Purificakur manaraq armakurqa sagrädu mikuykunata manami mikuyanmansu. 7Inti jeqarpuptinraqmi purificash kar cürakuna sagrädu mikuykunata mikuyanqa. 8Wanush uywakunapa aysanta ni jirka uywakuna katupakuyashqan aysata ama mikuyanqasu. Saykunata mikurqa impürumi rikakuyanqa. Noqami Tayta Dios kaykä.
9<< <Cürakunata wilay lapan nishqäkunata cumpliyänanpaq. Mana cumplirqa jusayuq rikakur wanuyanqami. Noqa Tayta Diosmi paykunata akrashkä santu kayänanpaq.
10<< <Cüra mana karqa sagrädu mikuykunata ama mikuyanqasu. Cürapa qorpan karpis ni minkaynin karpis say sagrädu mikuykunata ama mikuyanqasu. 11Ashmayninpaq cüra rantishqanmi isanqa sagrädu mikuykunata mikunqa. Saynölami cürapa makincho yuriqkunapis mikuyanqa.
12<< <Cürapa jipash surin cürawan mana majasakarqa cürapaq derëchun sagrädu mikuykunata manami mikunqanasu. 13Cürapa warmi surin viüdayashpan o runanpita rakikashpan wawaynaqlaraq taytanpa wayinman kutirqa taytan chaskishqan mikuykunata mikunqami. Jäpa runakunami isanqa say mikuykunata mikuyanqasu.
14<< <Pipis mana musyayninpa cürapaq kaq sagrädu mikuyta mikurqa trukanta kutisinqa. Say jananman quinta parti masta yapanqa. 15Tayta Diospaq apayämushqan sagrädu sacrificiukunata y ofrendakunata Israel runakuna lutala ushayänanta cürakuna ama kachapäyanqasu. 16Lutala mikunanpaq pitapis kachaparqa cürapis jusayuqmi kanqa. Noqa Tayta Diosmi cürakunata akrashkä santu kayänanpaq> >>.
Sänu uywata Tayta Diospaq apayänanpaq tantiyasishqan
17Mastapis Moisésta Tayta Dios nirqan: 18-19<<Aarónta, surinkunata y Israel runakunata niy: <Israel runa karpis o qamkunacho taq jäpa runa karpis rupasina sacrificiupaq uywata apamurqa turïtuta karpis, carnita karpis, chïvuta karpis sänuta apayämunqa. Sayno apayämunqa promitishqanta cumplishpan sacrificiupaq apamurpis o kikinpa voluntäninpita sacrificiupaq apamurpis. 20Sänu mana kaptinqa Tayta Dios manami chaskinqasu.#Lev. 1.3; Deut. 17.1.
21<< <Jawka kawakuy sacrificiupaq uywata apamurqa turïtuta karpis uyshata karpis cabrata karpis sänuta apayämunqa. Promitishqanta cumplishqanpita sacrificiupaq apamurpis o kikinpa voluntäninpita sacrificiupaq apamurpis sänu uywata apayämunqa. 22Tayta Diospaq uywata apamurqa ama apayämunqasu qaprata, pakikushta, weqruta, verrugayuqta, qarachuta ni qeri ushashtapis. Say niraqtaqa Tayta Diospa altarnincho rupasinanpaq ama apayämunqasu.
23<< <Kikinpa voluntäninpita apamuptinqa makllu töru o makllu carni kaptinpis Tayta Dios chaskinqami. Promitishqanta cumplishpan saytano apamuptinmi isanqa Tayta Dios chaskinqasu.
24<< <Saynöpis Tayta Diospaq ama apayämunqasu runtuncho qeriyuqta, runtun däñashta, runtun pashtashta o capashta. Entreganäpaq kaq nacionchöpis sayno uywakunata ama apayämunkisu. 25Jäpa runa kaptinpis Tayta Diospaq sayno däñash uywata apamuptinqa ama chaskiyankisu. Däñash uywataqa Tayta Dios manami chaskinqasu> >>.
26Mastapis Moisésta Tayta Dios nirqan: 27<<Becërru orqu yurir, uysha malwa orqu yurir y cabra malwa orqu yurirqa qanchis junaqyaqlami mamanwan kanqa. Puwaq junaqpitaqa Tayta Diospaq rupasinanpaq apayämunki. 28Wäkata karpis ni uyshata karpis say junaqlaqa wawantinta ama pishtayankisu. 29Tayta Diosta agradëcikuyashpayki uywata apamurqa paypa shonqunpaqtano apayämunki. 30Saynöpis sacrificiuta rupasir say junaqla ushaypa mikuyanki. Waraynin junaqpaqqa imatapis ama katuyankisu. Noqami Tayta Dios kaykä.
31<<Lapan mandamientükunata cumpliyanki. Noqami Tayta Dios kaykä. 32Santu kashqäta musyaykar lutankunata rurar ama penqayman churayämankisu. Saynöpami qamkunacho pïmaypis tantiyanqa santu kashqäta. Noqa Tayta Diosmi qamkunata akrashkä santu kayänaykipaq. 33Tayta Diosniki kanäpaqmi Egiptupita qamkunata jorqamushkä. Noqami Tayta Dios kaykä>>.
Currently Selected:
Levítico 22: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 22
22
Runakuna apayashqanta cürakuna lutala mana ushayänanpaq tantiyasishqan
1Mastapis Moisésta Tayta Dios nirqan: 2<<Aarónta y surinkunata ninki: <Israel runakuna noqapaq apayämushqan sagrädu kaptin lutalaqa ama ushayäsunsu. Lutala usharqa manami respitaykäyämansu. Noqami Tayta Dios kaykä.
3<< <Israel runakuna noqapaq apayämushqan sagrädumi kaykan. Saymi Aarónpita miraqkuna impüru kaykar saykunata altarcho rupasiyaptinqa nawpäpita qarqushaq.#22.3 Nawpäpita qarqushaq ninanqa altarcho sirviyämashqanpita qarqushaq ninanmi. Noqami Tayta Dios kaykä.
4<< <Aarónpita miraqkuna lepra qeshyawan karpis o purgación qeshyawan karpis impürumi kayanqa. Sayno kaykarqa Israel runakuna noqapaq apayämushqan sagrädu kaqkunata ama mikuyanqasu. Purificakuskirmi isanqa mikuyanqa.
<< <Aya sutarashqanta yatarpis o chiwlakunanpa lëchinta püsapakurpis impürumi rikakuyanqa. 5Saynölami pachalanpa y lätaypa puriqkunata yatar y impüru runata yatarpis impüru rikakuyanqa. 6Pasa sakashqanyaqmi impüru kayanqa. Purificakur manaraq armakurqa sagrädu mikuykunata manami mikuyanmansu. 7Inti jeqarpuptinraqmi purificash kar cürakuna sagrädu mikuykunata mikuyanqa. 8Wanush uywakunapa aysanta ni jirka uywakuna katupakuyashqan aysata ama mikuyanqasu. Saykunata mikurqa impürumi rikakuyanqa. Noqami Tayta Dios kaykä.
9<< <Cürakunata wilay lapan nishqäkunata cumpliyänanpaq. Mana cumplirqa jusayuq rikakur wanuyanqami. Noqa Tayta Diosmi paykunata akrashkä santu kayänanpaq.
10<< <Cüra mana karqa sagrädu mikuykunata ama mikuyanqasu. Cürapa qorpan karpis ni minkaynin karpis say sagrädu mikuykunata ama mikuyanqasu. 11Ashmayninpaq cüra rantishqanmi isanqa sagrädu mikuykunata mikunqa. Saynölami cürapa makincho yuriqkunapis mikuyanqa.
12<< <Cürapa jipash surin cürawan mana majasakarqa cürapaq derëchun sagrädu mikuykunata manami mikunqanasu. 13Cürapa warmi surin viüdayashpan o runanpita rakikashpan wawaynaqlaraq taytanpa wayinman kutirqa taytan chaskishqan mikuykunata mikunqami. Jäpa runakunami isanqa say mikuykunata mikuyanqasu.
14<< <Pipis mana musyayninpa cürapaq kaq sagrädu mikuyta mikurqa trukanta kutisinqa. Say jananman quinta parti masta yapanqa. 15Tayta Diospaq apayämushqan sagrädu sacrificiukunata y ofrendakunata Israel runakuna lutala ushayänanta cürakuna ama kachapäyanqasu. 16Lutala mikunanpaq pitapis kachaparqa cürapis jusayuqmi kanqa. Noqa Tayta Diosmi cürakunata akrashkä santu kayänanpaq> >>.
Sänu uywata Tayta Diospaq apayänanpaq tantiyasishqan
17Mastapis Moisésta Tayta Dios nirqan: 18-19<<Aarónta, surinkunata y Israel runakunata niy: <Israel runa karpis o qamkunacho taq jäpa runa karpis rupasina sacrificiupaq uywata apamurqa turïtuta karpis, carnita karpis, chïvuta karpis sänuta apayämunqa. Sayno apayämunqa promitishqanta cumplishpan sacrificiupaq apamurpis o kikinpa voluntäninpita sacrificiupaq apamurpis. 20Sänu mana kaptinqa Tayta Dios manami chaskinqasu.#Lev. 1.3; Deut. 17.1.
21<< <Jawka kawakuy sacrificiupaq uywata apamurqa turïtuta karpis uyshata karpis cabrata karpis sänuta apayämunqa. Promitishqanta cumplishqanpita sacrificiupaq apamurpis o kikinpa voluntäninpita sacrificiupaq apamurpis sänu uywata apayämunqa. 22Tayta Diospaq uywata apamurqa ama apayämunqasu qaprata, pakikushta, weqruta, verrugayuqta, qarachuta ni qeri ushashtapis. Say niraqtaqa Tayta Diospa altarnincho rupasinanpaq ama apayämunqasu.
23<< <Kikinpa voluntäninpita apamuptinqa makllu töru o makllu carni kaptinpis Tayta Dios chaskinqami. Promitishqanta cumplishpan saytano apamuptinmi isanqa Tayta Dios chaskinqasu.
24<< <Saynöpis Tayta Diospaq ama apayämunqasu runtuncho qeriyuqta, runtun däñashta, runtun pashtashta o capashta. Entreganäpaq kaq nacionchöpis sayno uywakunata ama apayämunkisu. 25Jäpa runa kaptinpis Tayta Diospaq sayno däñash uywata apamuptinqa ama chaskiyankisu. Däñash uywataqa Tayta Dios manami chaskinqasu> >>.
26Mastapis Moisésta Tayta Dios nirqan: 27<<Becërru orqu yurir, uysha malwa orqu yurir y cabra malwa orqu yurirqa qanchis junaqyaqlami mamanwan kanqa. Puwaq junaqpitaqa Tayta Diospaq rupasinanpaq apayämunki. 28Wäkata karpis ni uyshata karpis say junaqlaqa wawantinta ama pishtayankisu. 29Tayta Diosta agradëcikuyashpayki uywata apamurqa paypa shonqunpaqtano apayämunki. 30Saynöpis sacrificiuta rupasir say junaqla ushaypa mikuyanki. Waraynin junaqpaqqa imatapis ama katuyankisu. Noqami Tayta Dios kaykä.
31<<Lapan mandamientükunata cumpliyanki. Noqami Tayta Dios kaykä. 32Santu kashqäta musyaykar lutankunata rurar ama penqayman churayämankisu. Saynöpami qamkunacho pïmaypis tantiyanqa santu kashqäta. Noqa Tayta Diosmi qamkunata akrashkä santu kayänaykipaq. 33Tayta Diosniki kanäpaqmi Egiptupita qamkunata jorqamushkä. Noqami Tayta Dios kaykä>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.