Levítico 11

Püru kaq y impüru kaq uywakuna

Deuteronomio 14.3-21

1Moiséstawan Aaróntami Tayta Dios nirqan: 2<<Israel runakunata niyay: <Uywakunata mikuyanki 3ishkay shiluyuq kutipaq kaqta. 4Kutipaq kaptinpis cada chakincho ishkay shiluyuq mana kaptinqa ama mikuyankisu. Saynöpis cada chakincho ishkay shiluyuq kaptinpis mana kutipaq kaptinqa ama mikuyankisu.

<< <Sayno kaptinqa camëllu aysata ama mikuyankisu. Camëlluqa kutipaq karpis cada chakincho manami ishkay shiluyuqsu. Saymi qamkunapaq impüru kaykan. 5Saynöla tejón aysata ama mikuyankisu. Tejonqa kutipaq karpis manami ishkay shiluyuqsu. Saymi qamkunapaq impüru kaykan. 6Saynöla liebri aysata ama mikuyankisu. Liebriqa kutipaq#11.6 Mana kutipaq kaptinpis kuchkuypa mikuq kaq uywakunata say wisan niyarqan kutipaq kashqantami. karpis manami ishkay shiluyuqsu. Saymi qamkunapaq impüru kaykan. 7Kuchi aysatapis ama mikuyankisu. Kuchiqa ishkay shiluyuq karpis mana kutiparmi qamkunapaq impüru kaykan. 8Say uywakunapa aysanta ama mikuyankisu. Wanuptinpis ama yataylapis yatayankisu. Say uywakuna qamkunapaq impürumi kaykan.

9<< <Mayucho kaqkunata y lamarcho kaqkunatapis alëtayuq y escämayuq kaqkunalata mikuyanki. 10Lamarcho kaptinpis, mayucho kaptinpis escämaynaq y alëtaynaq kaqkunataqa ama mikuyankisu. Saykunaqa qamkunapaq impürumi kaykan. 11Saykunapa aysantaqa ama mikuyankisu. Impüru kaptin wanushtaqa melanäyanki. 12Lapantapis alëtaynaq y escämaynaq kaqkunataqa impüru kaptin melanäyanki.

13<< <Wakin kaqtaqa pajaqkunatapis#11.13 Wakin runakunaqa vuelaqkunatapis niyanmi. ama mikuyankisu. Saypa trukanqa impüru kaptin melanäyanki. Ama mikuyankisu ankata, wiskurta, lamarcho pescaq äguilata, 14milänu niyashqan ankata, tukuy casta halconkunata, 15tukuy casta cuervukunata, 16avestruzta, chushiqta, qewllanchuta, tukuy casta ankata, 17tukuta, cormorán niyashqan yaku pätuta, ibis niyashqan yaku pätuta, 18cisnita, pelïcanuta, condorta, 19cigüeñata, lapan casta garzakunata, abubillata y siksitapis.

20<< <Lapan casta pajaq y chusku chakiyuq insectukunapis#11.20 Insectukunaqa kaykäyan chushpikuna, qenrashkuna, pitishkuna, upakurukuna, tinyaqkuna, chukluskuna y mas wakinpis. qamkunapaq impürumi kaykan. Saykunataqa melanäyanki. 21Chusku chakiyuq y älayuq saltaqkunatami isanqa mikuyanki. 22Sayno kaptinqa lapan casta chukluskuna alimi kaykäyan mikuyänaykipaq. 23Mana saltaqkunataqa pajaq kaptinpis y chusku chakiyuq kaptinpis ama mikuyankisu.

24<< <Kanan tantiyasiyäshayki imata yatar impüru rikakuyänaykipaq kashqantapis. Pipis impüru uywa wanushta yatarqa pasa sakashqanyaqmi impüru kanqa. 25Say wanush uywakunata pipis joqarirqa mödananta taqshakunqa. Sayno taqshakurpis pasa sakashqanyaqmi impüru kanqa.

26<< <Ima uywapis ishkay shiluyuq karpis mana kutipaq karqa qamkunapaq impürumi kaykan. Say uywakuna wanuptin mayqanpis yataq kaqqa impürumi rikakunqa.

27<< <Chaki paltalanwan puriq uywakunapis#11.27 Chaki paltalanwan puriq uywakunaqa kaykäyan alqu, mishi, ukumarya, atuq, añas y mas uywakunapis. qamkunapaq impürumi kaykan. Say uywakuna wanuyaptin pipis yataq kaqqa pasa sakashqanyaqmi impüru kanqa. 28Say impüru uywakuna wanush jitaraykaqta joqariq kaqqa mödananta taqshakunqa. Taqshakurpis pasa sakashqanyaqmi impüru kanqa.

29<< <Saynöpis pachalanpa y lätaypa puriqkuna qamkunapaq impürumi kaykäyan. Saykuna kaykäyan waywash, ukush y lapan casta arashkunapis. 30Arashkuna impürumi kaykan salamanquesa karpis, cocodrilu karpis, lagartu karpis, lagartija karpis y camaleón karpis. 31Saykunaqa qamkunapaq impürumi kaykan. Pipis saykuna wanuptin yataq kaqqa pasa sakashqanyaqmi impüru kanqa.

32<< <Say impüru kaqkuna wanur imamanpis töpashqan kaqqa impürumi kanqa qeru karpis, mödana karpis, qara karpis, costal karpis, herramienta karpis. Töpaq kaqtaqa jukla yakuman jatiyanki. Sayno rurayaptikipis pasa sakashqanyaqmi impüru kanqa.

33<< <Say impüru kaqkuna wanur mitu mankaman winakaptinqa manka rurincho kaq lapanpis impürumi rikakunqa. Sayno kaptinqa mankatapis pakiriyanki. 34Ima mikuymanpis say mankacho kaykaq yaku pilchiptinqa mikuypis impürumi rikakunqa. Say mankacho kaykaq yakupis impürumi rikakunqa. 35Jornu jananman o tulpa jananman say impüru kaqkuna wanur shikwaptinqa impürumi rikakunqa. Impüru kaptin saykunata chipyaq shaluriyanki.

36<< <Sayno kaptinpis yaku upukunayki pukyucho o pözucho say impüru kaqkuna wanush winaraptinpis say yaku manami impürusu rikakunqa. Wanushta yataq kaqmi isanqa impüru rikakunqa.

37<< <Murupakunaykipaq kaq muruman say impüru kaqkuna wanur töpaptinpis muru manami impürusu rikakunqa. 38Muru ushmaraykaq jananman shikwaptinmi isanqa impüru rikakunqa.

39<< <Mikunaykipaq kaq uywa wanuptin pipis yataq kaqqa pasa sakashqanyaqmi impüru kanqa. 40Kikilan wanush uywapa aysanta mikuq kaqqa mödananta taqshakunqa. Say wanush uywata jorquq kaqpis mödananta taqshakunqa. Sayno taqshakurpis pasa sakashqanyaqmi impüru kayanqa.

41<< <Pachalanpa y lätaypa puriqkunataqa imatapis ama mikuyankisu. Saykuna impüru karmi melanaypaq kaykäyan. 42Saykunata ama mikuyankisu pachalanpa puriptinpis o chuskun chakiwan puriptinpis o aska chakinwan puriptinpis. Saykunaqa impüru karmi melanaypaq kaykäyan. 43Cuidädu saykunata yatar impüru rikakuyankiman. 44Noqami qamkunapa Tayta Diosniki kaykä. Noqa santumi kaykä. Saymi qamkunapis nishqäkunata cäsukur santu kayänayki. Sayno kaptinqa pachalanpa y lätaypa puriqkunata ama mikuyankisu. 45Tayta Diosniki kanäpaqmi Egiptupita qamkunata jorqamushkä. Noqa santumi kaykä. Sayno kaykaptïqa qamkunapis santu kayay.#Lev. 19.2; Mat. 5.48; 1Ped. 1.15-16.

46<< <Kay leykuna kaykan tukuy casta uywakuna, tukuy casta pajaqkuna, yakucho tukuy casta kaqkuna y tukuy casta pachalanpa y lätaypa puriqkunapis 47mayqan impüru kashqanta y mayqan püru kashqantapis tantiyayänaykipaqmi. Saynölami tantiyayanki mayqanta mikuyänaykipaq kashqanta y mayqanta mana mikuyänaykipaq kashqantapis> >>.

Currently Selected:

Levítico 11: qvhB

Highlight

Copy

Compare