Josué 5
5
Gilgalcho Israel runakuna señalakuyashqan y Pascuata rurayashqan
1Amorreo runakunapa mandaqnin reykunami musyayarqan Israel runakuna simpayänanpaq Jordán mayuta Tayta Dios sakisishqanta. Say reykuna täyarqan Jordán mayu simpan inti jeqananläpami. Saynölami musyayarqan Mediterráneo Lamar kuchuncho taq cananeo runakunapa mandaqnin reykunapis. Sayta musyaykurmi pasaypa mansariyashpan Israel runakunawan pelyaq aywaytapis munayarqansu.
2Jordán mayuta simpaskiyaptinmi Josuéta Tayta Dios nirqan: <<Rumipita cuchillukunata ruraykur Israel runakunata señalasinki taytankunano señalash kayänanpaq>>.
3Sayno niptinmi rumipita cuchillukunata ruraykur Aralot jirkacho Israel runakunata Josué señalasirqan. 4Sayno señalasirqan Egiptupita yarqamuq runakuna sunyaq jirkacho wanur ushakäyash kayaptinmi. Say wanuq runakunaqa Egiptupita yarqamur guërraman aywayänanpaq edäninchömi kayarqan. 5Paykuna señalash kayaptinpis sunyaq jirkacho yuriqkuna señaläni kayaptinmi Josué señalasirqan.
6Egiptupita yarqamur guërraman aywayänanpaq edänincho kaq runakunaqa chusku chunka (40) wata sunyaq jirkapa puriykäyashqanchömi wanuyarqan. Sayno wanuyarqan Tayta Diosta mana cäsukuyashqanpitami. Saymi paykunata Tayta Dios nirqan unay ayllunkunata promitishqan nacionman mana yaykuyänanpaq kayashqanta.#Núm. 14.28-35. Saychöqa lichipis abëjapa mishkinpis yakunöraqmi aska kaykan. 7Egiptupita yarqamuq runakuna wanush kayaptinmi paykunapa surinkunata Josué señalasirqan. Paykunatami Tayta Dios churarqan wanuq kaqkunapa trukan promitishqan nacionta chaskiyänanpaq. Nänicho yurish karmi say junaqyaq señaläni kayarqan.#Gén. 17.9-14. 8Lapanta señalaskiptinnami aliyäyashqanyaq jinan campamentulacho täyarqan.
9Saypitanami Josuéta Tayta Dios nirqan: <<Señalashna karmi Egiptucho ashmay kayashqanpita penqakuyanqanasu>>.
Tayta Dios sayno nishqanpitami kananyaq say partipa jutin Gilgal#5.9 Gilgal ninanqa jorqush ninanmi. kaykan.
10Gilgalqa Jericó pampachömi kaykan. Israel runakuna saychömi wata qalaykunan killacho chunka chusku junaq tardi Pascua fiestata#Éxo. 12.1-14. rurayarqan. 11Saypita waraynin junaqmi levadüraynaq tantata mikuyarqan y trïgu kamsatapis uchuyarqan. Saykunami jinancho wayuq mikuykuna karqan. 12Say junaqpita pasa mikuyänanpaq maná manana kaptinnami#Éxo. 16.13-15, 31, 35. Canaáncho chakrakuna wayushlantana mikuyarqan.
Josuéta Tayta Diospa soldädunkunapa mandaqnin yuripashqan
13Jericó marka cercancho puriykashqanchömi Josué rikarqan espädan aptash ichiraykaq runata. Saymi nawpanman witiykur tapur nirqan: <<¿Qam kaykanki favornïkunaku o conträkunapa favorninku?>>
14Sayno tapuptinmi say runa nirqan: <<Manami mayqaykipapis favornikisu kaykä. Tayta Diospa soldädunkunapa mandaqninmi kä>>.
Sayno niptinmi Josué pasaman lätakuykur say soldäduta tapur nirqan: <<Taytay, ashmaynikimi kä. ¿Imataq wilamänaykipaq kaykan?>>
15Niptinmi Tayta Diospa soldädunkunapa mandaqnin nirqan: <<Jatirashqayki lanqikita jorquy. Sagrädu partichönami ichiraykanki>>.
Niptinmi lanqinta jukla Josué jorqurqan.
Currently Selected:
Josué 5: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Josué 5
5
Gilgalcho Israel runakuna señalakuyashqan y Pascuata rurayashqan
1Amorreo runakunapa mandaqnin reykunami musyayarqan Israel runakuna simpayänanpaq Jordán mayuta Tayta Dios sakisishqanta. Say reykuna täyarqan Jordán mayu simpan inti jeqananläpami. Saynölami musyayarqan Mediterráneo Lamar kuchuncho taq cananeo runakunapa mandaqnin reykunapis. Sayta musyaykurmi pasaypa mansariyashpan Israel runakunawan pelyaq aywaytapis munayarqansu.
2Jordán mayuta simpaskiyaptinmi Josuéta Tayta Dios nirqan: <<Rumipita cuchillukunata ruraykur Israel runakunata señalasinki taytankunano señalash kayänanpaq>>.
3Sayno niptinmi rumipita cuchillukunata ruraykur Aralot jirkacho Israel runakunata Josué señalasirqan. 4Sayno señalasirqan Egiptupita yarqamuq runakuna sunyaq jirkacho wanur ushakäyash kayaptinmi. Say wanuq runakunaqa Egiptupita yarqamur guërraman aywayänanpaq edäninchömi kayarqan. 5Paykuna señalash kayaptinpis sunyaq jirkacho yuriqkuna señaläni kayaptinmi Josué señalasirqan.
6Egiptupita yarqamur guërraman aywayänanpaq edänincho kaq runakunaqa chusku chunka (40) wata sunyaq jirkapa puriykäyashqanchömi wanuyarqan. Sayno wanuyarqan Tayta Diosta mana cäsukuyashqanpitami. Saymi paykunata Tayta Dios nirqan unay ayllunkunata promitishqan nacionman mana yaykuyänanpaq kayashqanta.#Núm. 14.28-35. Saychöqa lichipis abëjapa mishkinpis yakunöraqmi aska kaykan. 7Egiptupita yarqamuq runakuna wanush kayaptinmi paykunapa surinkunata Josué señalasirqan. Paykunatami Tayta Dios churarqan wanuq kaqkunapa trukan promitishqan nacionta chaskiyänanpaq. Nänicho yurish karmi say junaqyaq señaläni kayarqan.#Gén. 17.9-14. 8Lapanta señalaskiptinnami aliyäyashqanyaq jinan campamentulacho täyarqan.
9Saypitanami Josuéta Tayta Dios nirqan: <<Señalashna karmi Egiptucho ashmay kayashqanpita penqakuyanqanasu>>.
Tayta Dios sayno nishqanpitami kananyaq say partipa jutin Gilgal#5.9 Gilgal ninanqa jorqush ninanmi. kaykan.
10Gilgalqa Jericó pampachömi kaykan. Israel runakuna saychömi wata qalaykunan killacho chunka chusku junaq tardi Pascua fiestata#Éxo. 12.1-14. rurayarqan. 11Saypita waraynin junaqmi levadüraynaq tantata mikuyarqan y trïgu kamsatapis uchuyarqan. Saykunami jinancho wayuq mikuykuna karqan. 12Say junaqpita pasa mikuyänanpaq maná manana kaptinnami#Éxo. 16.13-15, 31, 35. Canaáncho chakrakuna wayushlantana mikuyarqan.
Josuéta Tayta Diospa soldädunkunapa mandaqnin yuripashqan
13Jericó marka cercancho puriykashqanchömi Josué rikarqan espädan aptash ichiraykaq runata. Saymi nawpanman witiykur tapur nirqan: <<¿Qam kaykanki favornïkunaku o conträkunapa favorninku?>>
14Sayno tapuptinmi say runa nirqan: <<Manami mayqaykipapis favornikisu kaykä. Tayta Diospa soldädunkunapa mandaqninmi kä>>.
Sayno niptinmi Josué pasaman lätakuykur say soldäduta tapur nirqan: <<Taytay, ashmaynikimi kä. ¿Imataq wilamänaykipaq kaykan?>>
15Niptinmi Tayta Diospa soldädunkunapa mandaqnin nirqan: <<Jatirashqayki lanqikita jorquy. Sagrädu partichönami ichiraykanki>>.
Niptinmi lanqinta jukla Josué jorqurqan.
© 2003, Wycliffe Bible Translators, Inc. All rights reserved.