Josué 6
6
Jericó markaman imano yaykuyänanpaqpis tantiyasishqan
1Israel runakunata mansarmi Jericó markapa punkunta wichqakarkayämurqan. Saymi pipis yaykurqansu ni yarqurqansu. 2Sayno kaptinpis Josuétami Tayta Dios nirqan: <<Makikimanmi churashkä Jericó markata, mandaqnin reyta y soldädunkunatapis. 3Saymi lapan soldäduykikunawan cada junaq Jericó marka murälla waqtanpa soqta junaqyaq tumapäyanki. 4Sayno rurar Pactu Babulpa puntanta qanchis cürakuna aywayanqa cornëtankuna aptash. Qanchis kaq junaqcho isanqa cornëtakunata cürakuna tukayämuptin qanchis kuti lapayki tumapäyanki. 5Say junaq guërrapaq tukashqanno cürakuna tukayashqanta wiyar sinchipa qaparäyanki. Sayno qaparäyaptikimi Jericó markata saparaq murälla kikilan juchunqa. Juchuskiptinmi defrenti say markaman yaykuyanki>>.
6Saymi cürakunata qayaykur Nunpa surin Josué nirqan: <<Jericó markata tumapaq aywanansipaq Pactu Babulta apayay. Apaqkunapa puntantana qanchis cürakuna cornëtankuna aptash aywayäsun>>.
7Saynölami runakunatapis Josué nirqan: <<Qamkunawanpis lapaykiwan Jericó markata tumapaq aywashun. Pelyayänanpaq kamarikush runakunapis Tayta Diospa babulninpa puntanta aywayäsun>>.
8Josué parlayta ushaskiptinmi Tayta Diospa Pactu Babulninpa puntantana qanchis cürakuna aywayarqan cornëtankunata tukaraykar. 9Paykunapa puntantanami pelyayänanpaq kamarikush runakuna aywayarqan. Babulpa qepanta wakin runakunapis pelyayänanpaq kamarikush aywayaptinmi cürakuna mana chawaypa tukayarqan. 10Manaraq yarquyaptin yäsirmi Josué nirqan: <<Upälarä aywashun. Qaparäyänaykipaq niptïraqmi lapan kalpaykikunawan qaparäyanki>>.
Jericó markaman yaykuyashqan
11Sayno niptinmi Tayta Diospa babulninta Jericó marka murälla waqtanpa say junaq juk kutila tumasiyarqan. Nirkurnami campamentunman kutiykuyarqan.
12Waraynin tuta saka sakalami Josué sharkurqan. Cürakunapis Tayta Diospa Pactu Babulninta umrukurmi yarquyarqan. 13Paykunapa puntantami qanchis cürakuna yarquyarqan cornëtankuna tukaraykar. Paykunapa puntantanami aywayarqan pelyayänanpaq kamarikush runakuna. Wakin runakunanami Tayta Diospa babulnin qepanta aywayarqan. Sayno lapan aywayaptinmi cornëtakunata mana chawaypa tukayarqan. 14Jericó markata sayno tumapaskirmi say junaqpis campamentunman kutiyarqan. Saynölami soqta junaqyaq tumayarqan.
15Qanchis kaq junaqpis saka sakala markata yapay tumapämuq aywarmi say junaqqa qanchis kuti tumapäyarqan. 16Qanchis kaq tumaycho cornëtata tukarayämuptinmi runakunata Josué nirqan: <<¡Qaparäyay! ¡Tayta Diosmi kay markata makinsiman churamush! 17Kay markata chipyaq rupasishun.#Deut. 13.15-16; 20.16-18. Sayno rupasishqami Tayta Diospaq sacrificiu kanqa. Rikapakuq kachashqansi runakunata pakashqanpitami prostitüta Rahabta y wayincho kaykaqkunalataqa kawaykaqta kachaykushun. 18Say markacho kaqkunataqa mayjina ali kaptinpis ama imankunatapis apakushunsu, saypa trukanqa lapanta rupasir ushashun. Imalatapis apakuyaptikiqa maldición lapansimanmi chämunqa. 19Qoripita kaqkunata, qellaypita kaqkunata, broncipita kaqkunata y fiërrupita kaqkunatami isanqa Tayta Diospaq shuntashqansi kaqman churashun>>.
20Cornëtakunata cürakuna tukayaptin y Israel runakunapis qaparäyaptinmi marka saparaq murälla elaqpita juchurqan.#Heb. 11.30. Juchuskiptinnami markaman yaykur 21espädawan wanusiyarqan runakunata, warmikunata, maqtakunata, awkinkunata, wäkakunata, uyshakunata, ashnukunatapis.
22Rikapakuq kachashqan ishkay runakunatami Josué nirqan: <<Prostitüta Rahabta promitiyashqaykinöla wayinman aywar kikinta y lapan castankunata jorqayämuy>>.
23Sayno niptinmi Rahabpa wayinman aywar jorqayämurqan kikinta, mamanta, taytanta, turinkunata y say wayicho lapan castankunatapis. Nirkurnami Israel runakunapa campamentunpita jukläman pushayarqan.
24Saypitanami Jericó markacho kaqkunata lapan imaykatapis Israel runakuna rupasir ushayarqan. Qellayta, qorita, broncita y fiërrukunatami isanqa Tayta Diospa wayinpaq shuntayashqan kaqman churayänanpaq shuntayarqan. 25Jericóman rikapakuq kachashqan runakunata pakashqanpitami Rahabta#Heb. 11.31. y ayllunkunata Josué wanusirqansu. Saypita pasami kananyaqpis Rahabpa ayllunkuna Israel runakunawan taykäyan.
26Saypitanami Josué nirqan: <<Kay Jericó markata yapay sharkasiyta munaq runaqa maldicionädumi kanqa. Saymi marka murällata sharkasiq runapa qechpa surin wanunqa. Saynölami marka yaykuna punkuta tanaq runapa nunush surinpis wanunqa>>.#1Rey. 16.34.
27Josuéta Tayta Dios yanapashqan maysaychöpis musyakarqanmi.
Currently Selected:
Josué 6: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Josué 6
6
Jericó markaman imano yaykuyänanpaqpis tantiyasishqan
1Israel runakunata mansarmi Jericó markapa punkunta wichqakarkayämurqan. Saymi pipis yaykurqansu ni yarqurqansu. 2Sayno kaptinpis Josuétami Tayta Dios nirqan: <<Makikimanmi churashkä Jericó markata, mandaqnin reyta y soldädunkunatapis. 3Saymi lapan soldäduykikunawan cada junaq Jericó marka murälla waqtanpa soqta junaqyaq tumapäyanki. 4Sayno rurar Pactu Babulpa puntanta qanchis cürakuna aywayanqa cornëtankuna aptash. Qanchis kaq junaqcho isanqa cornëtakunata cürakuna tukayämuptin qanchis kuti lapayki tumapäyanki. 5Say junaq guërrapaq tukashqanno cürakuna tukayashqanta wiyar sinchipa qaparäyanki. Sayno qaparäyaptikimi Jericó markata saparaq murälla kikilan juchunqa. Juchuskiptinmi defrenti say markaman yaykuyanki>>.
6Saymi cürakunata qayaykur Nunpa surin Josué nirqan: <<Jericó markata tumapaq aywanansipaq Pactu Babulta apayay. Apaqkunapa puntantana qanchis cürakuna cornëtankuna aptash aywayäsun>>.
7Saynölami runakunatapis Josué nirqan: <<Qamkunawanpis lapaykiwan Jericó markata tumapaq aywashun. Pelyayänanpaq kamarikush runakunapis Tayta Diospa babulninpa puntanta aywayäsun>>.
8Josué parlayta ushaskiptinmi Tayta Diospa Pactu Babulninpa puntantana qanchis cürakuna aywayarqan cornëtankunata tukaraykar. 9Paykunapa puntantanami pelyayänanpaq kamarikush runakuna aywayarqan. Babulpa qepanta wakin runakunapis pelyayänanpaq kamarikush aywayaptinmi cürakuna mana chawaypa tukayarqan. 10Manaraq yarquyaptin yäsirmi Josué nirqan: <<Upälarä aywashun. Qaparäyänaykipaq niptïraqmi lapan kalpaykikunawan qaparäyanki>>.
Jericó markaman yaykuyashqan
11Sayno niptinmi Tayta Diospa babulninta Jericó marka murälla waqtanpa say junaq juk kutila tumasiyarqan. Nirkurnami campamentunman kutiykuyarqan.
12Waraynin tuta saka sakalami Josué sharkurqan. Cürakunapis Tayta Diospa Pactu Babulninta umrukurmi yarquyarqan. 13Paykunapa puntantami qanchis cürakuna yarquyarqan cornëtankuna tukaraykar. Paykunapa puntantanami aywayarqan pelyayänanpaq kamarikush runakuna. Wakin runakunanami Tayta Diospa babulnin qepanta aywayarqan. Sayno lapan aywayaptinmi cornëtakunata mana chawaypa tukayarqan. 14Jericó markata sayno tumapaskirmi say junaqpis campamentunman kutiyarqan. Saynölami soqta junaqyaq tumayarqan.
15Qanchis kaq junaqpis saka sakala markata yapay tumapämuq aywarmi say junaqqa qanchis kuti tumapäyarqan. 16Qanchis kaq tumaycho cornëtata tukarayämuptinmi runakunata Josué nirqan: <<¡Qaparäyay! ¡Tayta Diosmi kay markata makinsiman churamush! 17Kay markata chipyaq rupasishun.#Deut. 13.15-16; 20.16-18. Sayno rupasishqami Tayta Diospaq sacrificiu kanqa. Rikapakuq kachashqansi runakunata pakashqanpitami prostitüta Rahabta y wayincho kaykaqkunalataqa kawaykaqta kachaykushun. 18Say markacho kaqkunataqa mayjina ali kaptinpis ama imankunatapis apakushunsu, saypa trukanqa lapanta rupasir ushashun. Imalatapis apakuyaptikiqa maldición lapansimanmi chämunqa. 19Qoripita kaqkunata, qellaypita kaqkunata, broncipita kaqkunata y fiërrupita kaqkunatami isanqa Tayta Diospaq shuntashqansi kaqman churashun>>.
20Cornëtakunata cürakuna tukayaptin y Israel runakunapis qaparäyaptinmi marka saparaq murälla elaqpita juchurqan.#Heb. 11.30. Juchuskiptinnami markaman yaykur 21espädawan wanusiyarqan runakunata, warmikunata, maqtakunata, awkinkunata, wäkakunata, uyshakunata, ashnukunatapis.
22Rikapakuq kachashqan ishkay runakunatami Josué nirqan: <<Prostitüta Rahabta promitiyashqaykinöla wayinman aywar kikinta y lapan castankunata jorqayämuy>>.
23Sayno niptinmi Rahabpa wayinman aywar jorqayämurqan kikinta, mamanta, taytanta, turinkunata y say wayicho lapan castankunatapis. Nirkurnami Israel runakunapa campamentunpita jukläman pushayarqan.
24Saypitanami Jericó markacho kaqkunata lapan imaykatapis Israel runakuna rupasir ushayarqan. Qellayta, qorita, broncita y fiërrukunatami isanqa Tayta Diospa wayinpaq shuntayashqan kaqman churayänanpaq shuntayarqan. 25Jericóman rikapakuq kachashqan runakunata pakashqanpitami Rahabta#Heb. 11.31. y ayllunkunata Josué wanusirqansu. Saypita pasami kananyaqpis Rahabpa ayllunkuna Israel runakunawan taykäyan.
26Saypitanami Josué nirqan: <<Kay Jericó markata yapay sharkasiyta munaq runaqa maldicionädumi kanqa. Saymi marka murällata sharkasiq runapa qechpa surin wanunqa. Saynölami marka yaykuna punkuta tanaq runapa nunush surinpis wanunqa>>.#1Rey. 16.34.
27Josuéta Tayta Dios yanapashqan maysaychöpis musyakarqanmi.
© 2003, Wycliffe Bible Translators, Inc. All rights reserved.