Josué 4
4
Jordán mayupita chunka ishkay rumikunata jorquyashqan
1Jordán mayuta lapan simpaskiyaptinnami Josuéta Tayta Dios nirqan: 2<<Chunka ishkay runakunata akray cada trïbupita jukta. 3Nirkur paykunata niy cürakuna ichiraykäyashqan sakish mayu chawpinpita chunka ishkay rumikunata jorqayämunanpaq. Say rumikunata apar churayäsun kanan sakay posädakuyänaykipaq kaqman>>.
4Sayno niptinmi chunka ishkay akrashqan runakunata qayaykur Josué 5nirqan: <<Jordán mayu chawpinman yaykuyay Tayta Diosninsipa babulnin kaykashqan kaqman. Saypita cada ünuyki juk rumita umrukurkur apayämunki. Saynöpami Israel runakunapa trïbunkuna chunka ishkay kayashqanno chunka ishkay rumikunapis kayanqa. 6Say rumikunata rikar waray warantin surikikuna <¿imanirtaq kay rumikuna qoturaykan?> nir tapuyäshuptiki 7niyanki: <Tayta Diospa Pactu Babulninta simpasiyämuptinmi Jordán mayu sakiskirqan. Sayno sakishqanta imaypis yarparänansipaqmi kay rumikuna qoturaykäyan> >>.
8Josué yäsishqannölami say chunka ishkay runakuna Jordán mayu chawpinpita rumita jorquyarqan. Nirkurmi Josuéta Tayta Dios nishqannöla posädakuyashqan kaqman apaykur qotuyarqan. 9Saynölami Pactu Babulta umrush cürakuna ichiraykäyashqan kaqchöpis chunka ishkay rumikunata Josué qotusirqan. Say rumikunaqa kananyaqmi mayucho qoturaykan.
10Say junaqmi Tayta Dios nishqankunata Israel runakuna lapanta cumpliyarqan. Moisés yäsishqannölami saykunata Josué rurasirqan. Tayta Dios nishqankunata cumpliyashqanyaqmi babulta apaq cürakuna Jordán mayu chawpincho ichiraykäyarqan. Saycho ichiräyashqanyaqmi Israel runakuna apurä simpayarqan. 11Runakuna simpaskiyaptinnami babulta umruq cürakuna runakunapa puntanman churakäyarqan.
12Moisés nishqannölami runakunapa puntanta simpayarqan Rubén trïbu runakuna, Gad trïbu runakuna y pulan Manasés trïbu runakunapis. Say runakunaqa pelyayänanpaq kamarikushqami aywayarqan. 13Paykunaqa chusku chunka waranqanömi (40,000) kayarqan. Pelyayänanpaq kamarikushlami Tayta Diospa nawpanta Jericó pampaman aywayarqan.
14Say junaqmi Israel runakunata Tayta Dios tantiyasirqan Moisésta respitayashqannöla Josuétapis respitayänanpaq. Saymi Israel runakuna payta imaypis respitayarqan.
15Saypitanami Josuéta Tayta Dios nirqan: 16<<Cürakunata niy Pactu Babulnin umrush Jordán mayupita yarqayämunanpaq>>.
17Sayno niptinmi cürakunata Josué nirqan mayupita yarqayämunanpaq. 18Pactu Babulta apaq cürakuna Jordán mayupita yarquskiyaptinmi mayu nawpata aywashqanno yapay püsaypa püsar aywar qalaykurqan.
19Israel runakuna Jordán mayuta simpayarqan wata qalaykunan killa chunka junaq kaykaptinmi. Nirkurnami Gilgalcho campamentunta sharkasiyarqan. Gilgal kaykan Jericópita inti jeqamunanläpami. 20Gilgalchömi Jordán mayupita jorquyashqan rumikunata Josué qotusirqan. 21Nirkurnami Israel runakunata nirqan: <<Kananpita waray warantin surikikuna: <¿Imapaqtaq kaycho rumikuna qoturaykäyan?> nir tapuyäshuptiki 22wilayanki Israel runakuna Jordán mayu sakiptin simpayashqanta. 23Paykunata wilapar niyanki: <Noqakuna simpayänäpaq Puka Lamarta sakisishqannölami Jordán mayutapis Tayta Diosninsi sakisirqan. 24Sayno rurarqan munayyuq kashqanta maysaychöpis runakuna musyayänanpaq y qamkunapis payta imaypis mansapakuyänaykipaqmi> >>.
Currently Selected:
Josué 4: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Josué 4
4
Jordán mayupita chunka ishkay rumikunata jorquyashqan
1Jordán mayuta lapan simpaskiyaptinnami Josuéta Tayta Dios nirqan: 2<<Chunka ishkay runakunata akray cada trïbupita jukta. 3Nirkur paykunata niy cürakuna ichiraykäyashqan sakish mayu chawpinpita chunka ishkay rumikunata jorqayämunanpaq. Say rumikunata apar churayäsun kanan sakay posädakuyänaykipaq kaqman>>.
4Sayno niptinmi chunka ishkay akrashqan runakunata qayaykur Josué 5nirqan: <<Jordán mayu chawpinman yaykuyay Tayta Diosninsipa babulnin kaykashqan kaqman. Saypita cada ünuyki juk rumita umrukurkur apayämunki. Saynöpami Israel runakunapa trïbunkuna chunka ishkay kayashqanno chunka ishkay rumikunapis kayanqa. 6Say rumikunata rikar waray warantin surikikuna <¿imanirtaq kay rumikuna qoturaykan?> nir tapuyäshuptiki 7niyanki: <Tayta Diospa Pactu Babulninta simpasiyämuptinmi Jordán mayu sakiskirqan. Sayno sakishqanta imaypis yarparänansipaqmi kay rumikuna qoturaykäyan> >>.
8Josué yäsishqannölami say chunka ishkay runakuna Jordán mayu chawpinpita rumita jorquyarqan. Nirkurmi Josuéta Tayta Dios nishqannöla posädakuyashqan kaqman apaykur qotuyarqan. 9Saynölami Pactu Babulta umrush cürakuna ichiraykäyashqan kaqchöpis chunka ishkay rumikunata Josué qotusirqan. Say rumikunaqa kananyaqmi mayucho qoturaykan.
10Say junaqmi Tayta Dios nishqankunata Israel runakuna lapanta cumpliyarqan. Moisés yäsishqannölami saykunata Josué rurasirqan. Tayta Dios nishqankunata cumpliyashqanyaqmi babulta apaq cürakuna Jordán mayu chawpincho ichiraykäyarqan. Saycho ichiräyashqanyaqmi Israel runakuna apurä simpayarqan. 11Runakuna simpaskiyaptinnami babulta umruq cürakuna runakunapa puntanman churakäyarqan.
12Moisés nishqannölami runakunapa puntanta simpayarqan Rubén trïbu runakuna, Gad trïbu runakuna y pulan Manasés trïbu runakunapis. Say runakunaqa pelyayänanpaq kamarikushqami aywayarqan. 13Paykunaqa chusku chunka waranqanömi (40,000) kayarqan. Pelyayänanpaq kamarikushlami Tayta Diospa nawpanta Jericó pampaman aywayarqan.
14Say junaqmi Israel runakunata Tayta Dios tantiyasirqan Moisésta respitayashqannöla Josuétapis respitayänanpaq. Saymi Israel runakuna payta imaypis respitayarqan.
15Saypitanami Josuéta Tayta Dios nirqan: 16<<Cürakunata niy Pactu Babulnin umrush Jordán mayupita yarqayämunanpaq>>.
17Sayno niptinmi cürakunata Josué nirqan mayupita yarqayämunanpaq. 18Pactu Babulta apaq cürakuna Jordán mayupita yarquskiyaptinmi mayu nawpata aywashqanno yapay püsaypa püsar aywar qalaykurqan.
19Israel runakuna Jordán mayuta simpayarqan wata qalaykunan killa chunka junaq kaykaptinmi. Nirkurnami Gilgalcho campamentunta sharkasiyarqan. Gilgal kaykan Jericópita inti jeqamunanläpami. 20Gilgalchömi Jordán mayupita jorquyashqan rumikunata Josué qotusirqan. 21Nirkurnami Israel runakunata nirqan: <<Kananpita waray warantin surikikuna: <¿Imapaqtaq kaycho rumikuna qoturaykäyan?> nir tapuyäshuptiki 22wilayanki Israel runakuna Jordán mayu sakiptin simpayashqanta. 23Paykunata wilapar niyanki: <Noqakuna simpayänäpaq Puka Lamarta sakisishqannölami Jordán mayutapis Tayta Diosninsi sakisirqan. 24Sayno rurarqan munayyuq kashqanta maysaychöpis runakuna musyayänanpaq y qamkunapis payta imaypis mansapakuyänaykipaqmi> >>.
© 2003, Wycliffe Bible Translators, Inc. All rights reserved.