Josué 3
3
Jordán mayuta simpayashqan
1Saypitanami waraynin tuta saka sakala Josué y lapan Israel runakuna Sitimpita aywar Jordán mayu kuchunman chäyarqan. Mayuta manaraq simparmi jinalancho posädakuyarqan. 2Saypita kimsa junaq päsarkuptinnami Israel autoridäkuna intëru campamentupa purir 3niyarqan: <<Tayta Diosninsipa Pactu Babulninta Leví trïbu cürakuna apaykäyaqta rikar noqansipis qepalanta qatiräshun.#Núm. 10.33. 4Mayuta simparkurqa nänita manami reqinsisu. Saymi mana pantakaykänansipaq paykunapa karu qepalanta aywashun. Isanqa apaykäyashqan babulmanqa ama aläpa witipäshunsu. Saypa trukanqa waranqa (1,000) metrutano qepanta qatiräshun>>.
5Nirkurnami runakunata Josué nirqan: <<Waray junaqmi rikaykaptinsi Tayta Dios milagruta ruranqa. Sayno kananpaq kaykaptinqa purificakuyay>>.
6Saypita waraynin junaqnami cürakunata Josué nirqan: <<Tayta Diospa Pactu Babulninta runakunapa puntanta apayay>>.
Saymi Josué nishqanno runakunapa puntanta babulta apayarqan.
7Saypitanami Josuéta Tayta Dios nirqan: <<Kanan junaqpitami Israel runakuna musyayanqa Moisésta yanapashqänöla qamtapis yanapaykashqäta. Sayno yanapaykashqäta tantiyarmi cäsukuyäshunki. 8Qamnami Pactu Babulta apaykaq cürakunata ninki Jordán mayuman yaykur ichiyänanpaq>>.
9Sayno niptinmi Israel runakunata Josué nirqan: <<Shayämuy Tayta Diosninsi imata nimashqantapis wilanäpaq>>.
10Shuntakaskiyaptinmi nirqan: <<Kanan junaqmi tantiyayanki imayyaqpis kawaq Tayta Dios noqansiwan kaykashqanta. Paymi yanapämäshun wak simpacho taq runakunata ushakäsinansipaq. Say runakuna kaykäyan cananeo runakuna, heteo runakuna, heveo runakuna, ferezeo runakuna, gergeseo runakuna, amorreo runakuna y jebuseo runakunami. 11Saynöpis kay pasata munaynincho sararaq Tayta Diospa Pactu Babulnintami puntansita Jordán mayuta simpasiyanqa. 12Kanan akrayay chunka ishkay runakunata cada trïbupita jukta.#Jos. 4.2-3. 13Kay pasata munaynincho sararaq Tayta Diospa Pactu Babulninta apaq cürakuna yakuman yaykuskiyaptinmi mayu sapakanqa sakilapana päsanansipaq>>.
14Saymi Jordán mayuta simpayänanpaq Israel runakuna toldunkunata shuntaskiyaptin cürakuna Pactu Babulta umrush puntanta aywayarqan. 15Cosëcha wisan kaptinmi Jordán mayu püsay püsar aywaykarqan. Sayno kaykaptinpis Pactu Babulta apaq cürakuna Jordán mayuman yaykuyta qalaykuyaptinmi 16Saretán particho kaykaq Adam markapita janamanpa yaku sapakäkurqan. Saymi say markapita uramanpa Arabá Lamaryaq yaku sakikäkurqan. Arabá Lamarqa Kachi Lamarmi kaykan. Jordán mayu sayno sakiskiptinnami Israel runakuna Jericó markaläpa simpayarqan. 17Israel runakuna päsayashqanyaqmi Tayta Diospa Pactu Babulninta umrush cürakuna sakish mayu chawpilancho ichiräyarqan. Saynömi Israel runakuna lapanpis sakilapana simpayarqan.
Currently Selected:
Josué 3: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Josué 3
3
Jordán mayuta simpayashqan
1Saypitanami waraynin tuta saka sakala Josué y lapan Israel runakuna Sitimpita aywar Jordán mayu kuchunman chäyarqan. Mayuta manaraq simparmi jinalancho posädakuyarqan. 2Saypita kimsa junaq päsarkuptinnami Israel autoridäkuna intëru campamentupa purir 3niyarqan: <<Tayta Diosninsipa Pactu Babulninta Leví trïbu cürakuna apaykäyaqta rikar noqansipis qepalanta qatiräshun.#Núm. 10.33. 4Mayuta simparkurqa nänita manami reqinsisu. Saymi mana pantakaykänansipaq paykunapa karu qepalanta aywashun. Isanqa apaykäyashqan babulmanqa ama aläpa witipäshunsu. Saypa trukanqa waranqa (1,000) metrutano qepanta qatiräshun>>.
5Nirkurnami runakunata Josué nirqan: <<Waray junaqmi rikaykaptinsi Tayta Dios milagruta ruranqa. Sayno kananpaq kaykaptinqa purificakuyay>>.
6Saypita waraynin junaqnami cürakunata Josué nirqan: <<Tayta Diospa Pactu Babulninta runakunapa puntanta apayay>>.
Saymi Josué nishqanno runakunapa puntanta babulta apayarqan.
7Saypitanami Josuéta Tayta Dios nirqan: <<Kanan junaqpitami Israel runakuna musyayanqa Moisésta yanapashqänöla qamtapis yanapaykashqäta. Sayno yanapaykashqäta tantiyarmi cäsukuyäshunki. 8Qamnami Pactu Babulta apaykaq cürakunata ninki Jordán mayuman yaykur ichiyänanpaq>>.
9Sayno niptinmi Israel runakunata Josué nirqan: <<Shayämuy Tayta Diosninsi imata nimashqantapis wilanäpaq>>.
10Shuntakaskiyaptinmi nirqan: <<Kanan junaqmi tantiyayanki imayyaqpis kawaq Tayta Dios noqansiwan kaykashqanta. Paymi yanapämäshun wak simpacho taq runakunata ushakäsinansipaq. Say runakuna kaykäyan cananeo runakuna, heteo runakuna, heveo runakuna, ferezeo runakuna, gergeseo runakuna, amorreo runakuna y jebuseo runakunami. 11Saynöpis kay pasata munaynincho sararaq Tayta Diospa Pactu Babulnintami puntansita Jordán mayuta simpasiyanqa. 12Kanan akrayay chunka ishkay runakunata cada trïbupita jukta.#Jos. 4.2-3. 13Kay pasata munaynincho sararaq Tayta Diospa Pactu Babulninta apaq cürakuna yakuman yaykuskiyaptinmi mayu sapakanqa sakilapana päsanansipaq>>.
14Saymi Jordán mayuta simpayänanpaq Israel runakuna toldunkunata shuntaskiyaptin cürakuna Pactu Babulta umrush puntanta aywayarqan. 15Cosëcha wisan kaptinmi Jordán mayu püsay püsar aywaykarqan. Sayno kaykaptinpis Pactu Babulta apaq cürakuna Jordán mayuman yaykuyta qalaykuyaptinmi 16Saretán particho kaykaq Adam markapita janamanpa yaku sapakäkurqan. Saymi say markapita uramanpa Arabá Lamaryaq yaku sakikäkurqan. Arabá Lamarqa Kachi Lamarmi kaykan. Jordán mayu sayno sakiskiptinnami Israel runakuna Jericó markaläpa simpayarqan. 17Israel runakuna päsayashqanyaqmi Tayta Diospa Pactu Babulninta umrush cürakuna sakish mayu chawpilancho ichiräyarqan. Saynömi Israel runakuna lapanpis sakilapana simpayarqan.
© 2003, Wycliffe Bible Translators, Inc. All rights reserved.