Josué 24
24
Josué despidikushqan
1Nirkur mayor runakunata, mandaq runakunata, juezkunata, autoridäkunata y lapan trïbu Israel runakunata Siquem markaman Josué qayasiptinmi Tayta Diospa nawpancho#24.1 Tayta Diospa nawpancho nirqa Tinkuna Tolducho kaykaq altarpa nawpanchömi nikan. lapanpis shuntakäyarqan. 2Saychömi Josué nirqan: <<Tayta Diosmi nin: <Unay aylluykikuna Taré#Gén. 11.27. surin Abrahamwan Nacorwan Éufrates mayu wak simpanchömi täyarqan. Saycho tarmi paykuna juk dioskunata adorayarqan. 3Saycho taykaptinmi Abrahamta pushamurqä Canaánman.#Gén. 12.1-9. Saychömi surin Isaac yurirqan. Askaman mirayänanpaqmi Isaacpita miraqkunata ali rikashkä.#Gén. 21.1-3. 4Isaacpa surinkunami kayarqan Jacobwan Esaú.#Gén. 25.24-26. Esaúpita miraqkuna täyänanpaqmi rikasirqä Seir jalqakunata.#Gén. 36.8; Deut. 2.5. Jacobnami surinkunawan Egiptuman aywakuyarqan.#Gén. 46.1-7.
5<< <Unay aylluykikuna Egiptucho taykäyaptinmi paykunata jorqayämunanpaq Moiséstawan Aarónta kacharqä. Kachapamuyta mana munayaptinmi Egipto runakunata fiyupa castigarqä.#Éxo. 3.1—12.42. 6Saynöparaqmi aylluykikunata kachapakayämurqan. Shamuykäyaptinmi Egipto soldädukuna carrëtankunawan y cawallunkunawan Puka Lamaryaq qatipäyämurqan. 7Awiluykikuna mansarir manakayämaptinmi Egipto runakuna mana rikayänanpaq yanawyayparaq sakäsirqä. Nirkurmi lamar yakucho Egipto runakuna shenqaypa wanuyänanpaqpis talpukäsirqä. Egiptucho saykunata rurashqäta rikayashkankimi. Saypita yarqamurmi aska wataraq sunyaq jirkacho täyashkanki.
8<< <Nirkurnami pushamurqä Jordán mayu simpan amorreo runakuna taykäyashqanman. Amorreo runakuna contrayki sharkur atacayäshuptikipis qamkunata yanaparqä paykunata ushakäsir nacionnintapis qechuyänaykipaqmi.#Núm. 21.21-35. 9Saypitanami Ziporpa surin Balac qamkunawan pelyananpaq kamarikurqan. Paymi moabita runakunapa mandaqnin rey kashpan Beorpa surin Balaamta qayasirqan qamkunata maldicionashunaykipaq. 10Sayno kaptinpis Balaam maldicionashunaykita manami kachaparqäsu. Saymi maldicionashunaykipa trukanqa bendicionta chaskiyänaykipaq Balaam nirqan. Saynömi qamkunata salvarqä.#Núm. 22.1—24.25.
11<< <Saypitanami Jordán mayuta simpamur#Jos. 3.14-17. Jericóman chäyämurqayki. Jericócho taq runakuna qamkunawan pelyayaptinpis vinciyänaykipaqmi yanaparqä.#Jos. 6.1-21. Saynölami amorreo runakunata, ferezeo runakunata, cananeo runakunata, heteo runakunata, gergeseo runakunata, heveo runakunata y jebuseo runakunata ushakäsiyänaykipaqpis yanaparqä. 12Amorreo runakunapa ishkay mandaqnin reykunatapis manami espädaykikuna ni flëchaykikuna kashqanpitasu ushakäsiyarqayki, sinöqa kikï yanapaptïmi. 13Saynölami chakrakunata y wayikunatapis qamkunata listulatana qoykurqä. Saymi say wayikunachöna taykäyanki y juk plantashqan üvakunata y aceitünaskunata mikuykäyanki> >>.#Deut. 6.10-11.
14Nirkurnami mastapis Josué nirqan: <<Kananqa Tayta Diosta mansapakur pay munashqanno imaypis kawayanki. Éufrates mayu wak simpancho täyashpan y Egiptucho täyashpan unay ayllunsikuna adorayashqan dioskunataqa ama adorayankisu. Saypa trukanqa Tayta Dioslansita adorar pay japalanta sirviyanki. 15Tayta Diosta sirviyta mana munarqa kanan akrayay pita sirviyänaykipaq kashqantapis. Éufrates mayu wak simpancho unay ayllunsikuna sirviyashqan dioskunata o kaycho taq amorreo runakuna sirviyashqan dioskunata sirviyaptikipis noqami isanqa wayïcho taqkunawan Tayta Dioslata imayyaqpis sirviyäshaq>>.
16Sayno niptinmi Israel runakuna niyarqan: <<Noqakunaqa Tayta Dioslatami imaypis sirviyäshaq. Juk dioskunataqa manami sirviyäshaqsu. 17Kikin Tayta Diosninsimi unay ayllunsikunata y noqansitapis Egiptucho ashmay kaykaptinsi jorqamarqansi. Kikinsimi rikashkansi tukuy niraq milagrukunata rurashqanta. Wakin markakunata päsamunansipaqpis paymi imapitapis sapämashkansi. 18Kanan taykashqansi markakunacho taq amorreo runakunata y wakin runakunatapis Tayta Diosninsimi qarqur ushakäsish. Sayno yanapämashqansipitami payta imaypis sirvishun. Paylami Tayta Dios kaykan>>.
19Sayno niyaptinmi Josué nirqan: <<Manami upa lutasu kaykan Tayta Diosta sirviyänaykipaqqa. Payqa santu y castigakuq kar manami jusalikuqkunata jananpansu. 20Tayta Diosta sirviykäyashqaykicho juk dioskunata adorayaptikiqa yanapäkuq karpis castigar ushakäsiyäshunkimi>>.
21Sayno niptinmi Israel runakuna Josuéta niyarqan: <<Noqakunaqa Tayta Dioslatami imaypis sirviyäshaq>>.
22Saymi Josué nirqan: <<Kikikikunami nikäyanki Tayta Dioslata imaypis sirviyänaykipaq kashqanta>>.
Sayno niptinmi paykuna niyarqan: <<Awmi, taytay>>.
23Niyaptinnami Josué nirqan: <<Sayno kaptinqa sararaykäyashqayki ïdulukunata shalur ushayashpayki Tayta Dioslatana lapan shonquykikunawan imaypis adorayay>>.
24Saymi Israel runakuna niyarqan: <<Noqakunaqa Tayta Diosnilansitami imaypis sirviyäshaq. Pay nishlantami cäsukuyäshaq>>.
25Sayno niyaptinmi say junaq Siquem markacho Israel runakunawan pactuta rurar Josué yäsirqan Tayta Diospa estatütunkunata y leyninkunata imaypis cumpliyänanpaq. 26Lapan yäsishqankunatami Josué qelqarqan Tayta Diospa leyninkunata qelqashqan libruman. Tayta Diosta imaypis sirviyänanpaq parlakushqanta yarparäyänanpaqmi encina jacha chakinman jatun wankata ichisirqan. Say jacha nawpanchömi Tayta Diospa Sagrädu Toldun karqan.
27Nirkurnami runakunata Josué nirqan: <<Kay wankami testïgu kaykan Tayta Diosninsi imata nimashqansita y payta imaypis sirviyänaykipaq awniyashqaykita. Mana cumpliyaptikiqa kay wankami shimpiyäshunki Tayta Dios castigashunaykipaq>>.
28Sayno tantiyarkasirmi markankunapa kutikuyänanpaqna runakunata Josué nirqan.
Josué wanushqan
Jueces 2.6-10
29Saypita manapis aykälatanami pachak chunka (110) watayuq kaykar Tayta Diospa sirviqnin Josué wanukurqan. 30Wanuykuptinmi Timnat-seracho kikinpa chakranman pampayarqan.#Jos. 19.49-50. Say karqan Gaas jirka norti kaqläpa y Efraín jalqakunachömi.
31Josuépis y Egiptupita wakin yarqamuqkunapis rikayarqanmi Israel runakunata yanapar milagrukunata Tayta Dios rurashqanta. Saymi paykuna kawayashqanyaq Israel runakuna Tayta Dios munashqanno kawayarqan.
Josépa tulunkunata Israel runakuna pampayashqan
32Israel runakunami Josépa tulunkunata Egiptupita apayämushqanta#Gén. 50.24-25; Éxo. 13.19. Siquem markaman apaykur chakranman pampayarqan. Say chakrataqa Josépa papänin Jacobmi rantirqan pachak (100) qellaywan Hamorpa surinkunapita. Hamorqa Siquempa taytanmi karqan. Say chakratami Josépa surinkunapita miraqkunapa herencian kananpaq qoykurqan.#Gén. 33.19; Juan 4.5; Hech. 7.16.
Eleazar wanushqan
33Aarónpa surin Eleazar wanuykuptinnami surin Fineespa chakranman pampayarqan. Sayqa Efraín jalqakunacho kaykaq Gibeachömi kaykan.
Currently Selected:
Josué 24: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
