Jonás 4
4
Jonás rabyakushqan
1Nínive runakunata Tayta Dios mana ushakäsiptinmi Jonás fiyupa rabyakurqan. 2Saymi Tayta Diosta nirqan: <<Tayta Dios, musyämi kuyapäkuq y perdonakuq Dios kashqaykita. Kuyakuq karmi juklaqa rabyakunkisu. <Castigashaqmi> nirkurpis jusalikuyta wanakuyaptinqa manami castigankinasu.#Éxo. 34.6. Markächo kaykälarnami maliciarqä Nínive runakunata kuyapänaykipaq kashqanta. Saymi Tarsisman qeshpir aywakuykarqä. 3Wilakarkasimar mana ushakaykäsirqa mejor jukla shuntakamay. Kay pasacho kawanäpa trukanqa jukla wanukushaq>>.
4Sayno manakuptinmi Tayta Dios nirqan: <<Sayno rabyakushqayki ¿alisuraq kaykan?>>
5Saypitami Nínive markapita Jonás aywakurqan inti jeqamunanläman. Saychömi ramädata ruraykur Nínive markata ima päsashqantapis rikananpaq lantuman jamakurqan.
6Jonás lantukunanpaqmi ramäda jananpa calabäzata Tayta Dios winasimurqan. Calabäzapa raprankuna shumaq lantupaptinmi Jonás seqaypa kushikurqan. 7Sayno kaykaptinmi calabäzapa yüranta kuptunanpaq waraynin tuta shiwrita Tayta Dios yurisirqan. Kuptuskiptinmi calabäza sakikäkurqan. 8Saymi inti jeqamuptin shanaq wayrata Jonásman Tayta Dios wayräsimurqan. Intipa shanayninpis fiyupa umanman chaptinmi desmayananpaq kashqanta Jonás yarparqan. Saymi wanuyta munar nirqan: <<¡Kawanäpa trukanqa jina wanukümanpis!>>
9Saymi Tayta Dios nirqan: <<Calabäza sakikäkushqanpita rabyakushqayki ¿aliku kaykan?>>
Sayno niptinmi Jonás nirqan: <<Awmi. Fiyupami rabyanaykä>>.
10Saymi Tayta Dios nirqan: <<Say calabäzata manami qamsu murushkanki ni qamsu winasimushkankipis. Juk sakaymi winamush y waraynin junaqqa sakikäkushqami. Sayno kaptinpis say calabäzapaq lakikunki lantupäshunaykipaq manana kaptinmi. 11Nínive markachöqa pachak ishkay chunka waranqapita (120,000) masmi runakuna kaykäyan. Paykunaqa manami musyayansu ali y mana ali ima kashqantapis. Saymi say calabäzapaq lakikushqaykipitapis masraq noqa lakikü Nínive markacho runakunapaq y uywakunapaqpis>>.
Currently Selected:
Jonás 4: qvhB
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
