Jonás 3
3
Nínivicho taq runakuna jusalikuyta wanakuyashqan
1Saypitanami Jonásta Tayta Dios yapay nirqan: 2<<Nínive jatun markaman aywar noqa nishqäta wilakuy>>.
3Saymi Tayta Dios nishqanno Nínive jatun markaman Jonás aywarqan. Say markataqa kimsa junaqraqmi pipis puriyta ushaq.
4Níniviman chaykurmi juk junaq qoyati wilakur Jonás purirqan. Wilakurmi kayno nirqan: <<¡Kananpita chusku chunka (40) junaq manaraq kaptinmi kay markata Tayta Dios ushakäsinqa!>>
5Sayno wilakushqanta wiyarmi Nínive runakuna criyiyashpan rïcupis pobripis qachqa mödanata jatikurkur ayunayarqan.#Mat. 12.41; Luc. 11.32.
6Jonás wilakushqanta wiyaykurmi Nínivicho mandaq reypis qachqa mödanata jatikuskir uchpaman jamaykur Tayta Diosta manakurqan. 7Saynöpis Nínive runakuna ayunayänanpaqmi autoridäninkunawan wilakasir niyarqan: <<Pipis ama mikusunsu ni yakutapis ama upusunsu. Uywankunatapis ama qarayäsunsu ni yakutapis ama upusiyäsunsu. 8Saypa trukanqa lapan runakunapis qachqa mödanata jatikurkur lapan shonqunkunawan Tayta Diosta manakuyäsun. Saynöpis jusalikuyta y wanusinakuyta kacharir alina kawayäsun. 9Sayno ruraptinsi capazchir Tayta Dios kuyapämashpansi manana ushakäsimäshunsu>>.
10Nínive runakuna jusalikuyashqanta wanakuyaptinmi ushakäsinanpaq wilakasish karpis Tayta Dios manana ushakäsirqannasu.
Currently Selected:
Jonás 3: qvhB
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
