Jonás 2
2
Tayta Diosta Jonás manakushqan
1 1 (2) Pescädupa pachanchömi Tayta Diosta Jonás kayno manakurqan:
2 2 (3) <<Tayta Dios, pasaypa lakikur manakamuptï wiyamashkankimi.#2Sam. 22.7; Sal. 18.6; 120.1.
Wanunäpaq kaykar qayakamuptïmi salvamashkanki.
3 3 (4) Lamarman winarpamaptikimi ruriyaq talpukashkä.
Lamar yaku fiyupa pulchaqyar shamuqpis janäpami päsash.#Sal. 42.7; 88.3-7.
4 4 (5) Nawpaykipita qarqariykamashqaykitami yarpashkä.#Sal. 31.22.
Saynöpis yarpashkä sagrädu templuykiman imaypis manana yaykunäpaq kashqantami.
5 5 (6) Yaku pasaypa saparämaptinmi lamar rurincho kashkä.
Yaku rurincho qewa winamuqpis umämanmi awrikash.
6 6 (7) Pasaypa ruriyaqmi chashkä.#Sal. 69.2.
Mananami yarqamunäpaq kashqanta yarpashkänasu.
Tayta Dios, wanunäpaqna kaykaptï qammi salvamashkanki.#Sal. 30.3.
7 7 (8) Wanuy wanuytana rikachakuykashqächömi qamta manakamushkä, Tayta Dios.
Manakamushqätami santu templuykipita wiyamashkanki.
8 8 (9) Ïdulukunata adoraqkunaqa Diospa kuyakuyninta wasqipäyanmi.
9 9 (10) Noqami isanqa lapan shonqüwan agradëcikur sacrificiukunata qampaq rupasishaq.
Qamta promitishqätaqa lapantami cumplishaq.#Sal. 22.25.
Qamlami munayyuq kaykanki pitapis salvanaykipaq>>.
10 10 (11) Saymi Tayta Dios mandaptin pescäduqa lamar kuchunman Jonásta aqturamurqan.
Currently Selected:
Jonás 2: qvhB
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
