Jonás 1
1
Jonás qeshpishqan
1Amitaipa surin Jonástami#2Rey. 14.25. Tayta Dios nirqan: 2<<Nínive markacho taq runakunapa jusankuna aypashnami. Say jatun markaman aywar paykunata ushakäsinäpaq kashqanta wilay>>.#Nah. 1.1; 3.1-19.
3Sayno nikaptinmi Jonásqa qeshpir Jope markaman aywarqan. Saychömi tarirqan Tarsis markaman büqui yarqunanpaqna kaykaqta. Saymi Tayta Diospita qeshpiyta yarpar pasäjita jukla rantiskir say büquiwan Tarsisman aywakurqan.
4Say büquiwan aywaykaptinmi Tayta Dios fiyupa wayräsimurqan. Saymi yaku junaqtaraq fiyupa pulchaqyaptin büquipis pakikänanpaqna kaykarqan. 5Saymi büqui manijaqkunaqa pasaypa mansakäyashpan diosninkunata cada ünun manakuyarqan. Nirkurmi büqui mana talpukänanpaq apaykäyashqan cargankunata lamarman jitariyarqan.
Sayyaqqa büquipa jawa kaq cuartunchömi Jonás pasaypa punukash kaykarqan. 6Büqui manijaqkunapa mandaqninmi rikchasir nirqan: <<¡Punuy siki! ¡Imanirtaq punuräkunki! Sharkur diosnikita manakuy. Capazchir salvamashwanpis kaycho mana ushakänansipaq>>.
7Saypitanami büqui manijaqkuna wilanakur niyarqan: <<Pipa jusanpita kayno nakaykashqansitapis musyanansipaq suertita jitashun>>.
Sayno jitayaptinmi Jonáspaq suerti yarqamurqan.
8Saymi Jonásta tapuyarqan: <<Wilayämay, taytay. ¿Imatataq rurashkanki kayno nakanansipaq? ¿Imachötaq arunki? ¿Maypitataq shamushkanki? ¿May runataq kanki? ¿Mayqan ayllutaq kanki?>>
9Saymi Jonás nirqan: <<Noqaqa hebreo runami kä. Jana pasacho kaykaq Tayta Diosta mansapakurmi payta sirvï. Paymi lamartapis kay pasatapis kamash>>.
10Sayno niptinmi büquicho aruqkuna fiyupa mansakäyashpan niyarqan: <<¡Imanirtaq Tayta Diosta cäsukushkankisu!>>
Sayno niyarqan Tayta Diospita qeshpikuykashqanta wilash kaptinmi. 11Mas peor yaku pulchaqyaptinnami tapuyarqan: <<Kanan ¿imatataq rurashun yaku chawänanpaq?>>
12Saymi Jonás nirqan: <<Lamarman jitarpayämay pulchaqyaykashqanpita yaku chawänanpaq. Noqami jusayuq kä lamar kayno sharkunanpaq>>.
13Sayno niptinpis büqui manijaqkuna imaykanöpapis lamar kuchunmanmi büquita kutisiyta munayarqan. Fiyupa wayraptinmi kutisiyta munarpis kamäpakuyarqansu.
14Saymi Tayta Diosta manakuyarqan: <<Qam munaptikimi lapan kaykuna päsaykan, Taytay. Ama ushakaykasiyälämaysu kay runa jusalikushqanpita. Lamarman jitariyaptï jusan mana kaptinqa ama noqakunata jitapaykayälämaysu>>.
15Sayno manakuskir Jonásta lamarman jitarpuskiyaptinmi fiyupa pulchaqyaykashqanpita chawaskirqanna.
16Sayno chawaskiptinmi Tayta Dios munayyuq kashqanta tantiyar büqui manijaqkuna fiyupa mansakäyarqan. Saymi sacrificiuta rupasir promitiyarqan payta sirviyänanpaq.
17 17 (2.1) Jonásta ultakurkunanpaqmi Tayta Dios shuyaraykäsinaq jatunkaray pescäduta. Ultakurkuptinmi pescädupa pachancho kimsa paqas kimsa junaq karqan.#Mat. 12.40.
Currently Selected:
Jonás 1: qvhB
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
