Joel 3
3
Lapan nación runakunata Tayta Dios juzgananpaq nishqan
1 1 (4.1) Tayta Diosmi nin:
<<Say junaqkuna chämuptin Judá runakunatapis y Jerusalén runakunatapis ali kawayänanpaqmi yanapäshaq.
2 2 (4.2) Lapan nación runakunata shuntarkurmi Josafat Pampaman#3.2 Josafat ninanqa Tayta Diosmi juzgan ninanmi. Saymi Josafat Pampaman apashaq ninanqa juzganäpaq apashaq ninan. Saynölami kaykan 3.12 versïculuchöpis. apashaq.
Saychömi paykunata juzgashaq kuyashqä Israel runakunapa contran rikakuyashqanpita.
Qoykushqä nacionninpitami Israel runakunata say contrankuna maysay nacionman qarquyash.
Israel nación noqapa kaykaptinmi paykuna aypunakuyash.
3 3 (4.3) Suertita jitaypami kuyashqä runakunata rakipänakuyash.
Wamrakunata olqutapis warmitapis rantikurmi ushayash.
Say qellaywanmi upyayash y prostitüta warmikunawan kakuyash.
4 4 (4.4) <<¡Tiro y Sidón markacho taq runakuna!#Isa. 23.1-18; Eze. 26—28; Amós 1.9-10; Zac. 9.1-4; Mat. 11.21-22; Luc. 10.13-14.
¡Filistea nacioncho taq runakuna!#Isa. 14.29-31; Jer. 47; Eze. 25.15-17; Amós 1.6-8; Sof. 2.4-7; Zac. 9.5-7.
¿Imanirtaq rabyanäsiyämanki?
¿Imanirtaq conträ sharkuyanki?
Ichiklanami pishiykan qamkunata castiganäpaq.
5 5 (4.5) Qamkunaqa suwapäyämashpaykimi qellaynïtapis, qorïtapis tesörükunatapis templuykikunaman apakuyashkanki.
6 6 (4.6) Qamkunaqa Judá runakunatapis y Jerusalén runakunatapis karuman apaykurmi griego runakunapa ashmayninpaq rantikuyashkanki.
7 7 (4.7) Karuman rantikuyaptikipis kikïmi shuntamushaq.
Paykunata rantikuyashqaykinölami qamkunatapis rantikuyäshayki.
8 8 (4.8) Olqutapis warmitapis surikikunata Judá runakunamanmi rantikushaq.
Paykunanami karucho taq sabeo runakunaman rantikuyanqa.
Noqa Tayta Diosmi sayno nï>>.
9 9 (4.9) Maysay nacionkunachöpis kayno wilakuyay:
<<¡Guërraman aywayänaykipaq kamarikuyay!
¡Ali chölunnin kaq soldädukunata shuntayay!
¡Geniu kaqkunaqa lapayki guërraman aywayay!
10 10 (4.10) Lampaykipita espädayki rurakuyay.
Ösikipitapis lanzayki rurakuyay.#Isa. 2.4; Miq. 4.3.
Jaka shonqu karpis <¡ali chölumi kä!> niyay.
11 11 (4.11) Israelpa nawpancho kaq nacionkuna, lapayki jukla shuntakäyämuy>>.
Soldäduykikunata pushaykalämuy, Tayta Dios.
12 12 (4.12) <<Lapan nación runakuna kamarikuskir Josafat Pampaman aywayäsun.
Saychömi Israelpa nawpancho kaq nacionkunata juzgashaq.
13 13 (4.13) Paykunapa jusankuna seqaypami poqush kaykan.
Poquraykaq trïguta ösiwan achuyashqanno wanusiyay.#Apoc. 14.14-16.
Vïnuta ruraqkuna üvata jaruyashqanno ushakäsiyay.
Juzgar castiganäpaq kaq tiempu chämushna kaptinqa sayno rurayay>>.#Isa. 63.3; Lam. 1.15; Apoc. 14.19-20; 19.15.
14 14 (4.14) Juzgana Pampachöqa waranqanpa waranqanpami runakuna shuntakash kaykäyan.
Paykunata Tayta Dios juzganan junaq chämunqanami.
15 15 (4.15) Say junaqqa intipis killapis sakakäkuyanqami.
Qoyllarkunapis manami asikyäyanqanasu.
16 16 (4.16) Tayta Diosmi Sión lömapita pasa leonnöpis qaparämunqa.
Jerusalénpita pasa qayakamushqanmi maqakuynöraq wiyakämunqa.#Jer. 25.30; Amós 1.2.
Saymi jana pasapis y kay pasapis suksukyäyanqa.
Kuyashqan Israel runakunatami isanqa castïgupita sapanqa.
Judá runakunaman bendicionta churananpaq kashqan
17 17 (4.17) Tayta Diosmi nin:
<<Say junaq chämuptinmi musyayanki Tayta Diosniki kashqäta.
Noqaqa santu Sión lömachömi tä.
Jerusalénqa santu markämi kanqa.
Saymi jäpa nación runakuna imaypis vinciyanqanasu.
18 18 (4.18) Say wisanmi jirkakunacho y lömakunacho vïnupis y lichipis yakunöraq saysika kanqa.
Judá nacioncho raqrakunapapis mana sakiypami yaku aywanqa.#Eze. 47.1-5.
Templü rurinpita yaku pashtamurmi Sitim Pampatapis#Núm. 25.1; Jos. 2.1. parqunqa.#3.18 Sayno nikan templupita bendición shamunanpaq kashqantami.
19 19 (4.19) <<Egipto nación raqälami rikakunqa.
Edom nacionpis pasaypa sunyaqmi rikakunqa.
Sayno ushakanqa Judá nacionta atacashpan jusaynaqkunata wanusir ushayashqanpitami.
20 20 (4.20) Judácho y Jerusalénchömi isanqa imaypis runakuna täyanqa.
21 21 (4.21) Kikïpis Sión lömachömi täshaq.
Runakunata saycho wanusiyashqanpitami mana perdonaypa lapanta juzgashaq>>.
Currently Selected:
Joel 3: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
