Amós 1
1
1Kay libruchömi qelqaraykan Amós wilakushqan. Payqa Tecoa markacho taq uysha misiq runami karqan. Amós wilakushqan wisanmi Judá nacioncho Uzías rey kaykarqan#2Rey. 15.1-7; 2Crón. 26.1-23. y Israel nacionchönami Joáspa surin Jeroboam rey kaykarqan.#2Rey. 14.23-29. Amós wilakushqanpita ishkay wata päsarkuptinraqmi fiyupa temblor karqan. 2Wilakurmi Amós nirqan:
<<Tayta Diosmi Sión lömapita pasa leonnöpis qaparämun.
Jerusalénpita pasa qayakamushqanmi maqakuynöraq wiyakämun.#Jer. 25.30; Joel 3.16.
Parlamuptinmi jirkacho qewakunapis elaqpita qashrurunqa.
Carmelo jirkachöpis qewakuna sakikäkunqami>>.
Siria nación runakunata Tayta Dios juzgananpaq nishqan
3 Tayta Diosmi nin:
<<Damasco markacho#1.3 Damasco markaqa Siria nacionpa capitalninmi karqan. taq runakunapa jusankuna seqaypa poqushnami kaykan.#Isa. 17.1-3; Jer. 49.23-27; Zac. 9.1.
Paykunaqa ëracho trïguta trillaqnömi Galaad runakunata ushakäsiyash.#2Rey. 10.32-33.
Sayno rurayashqanpitami fiyupa castigashaq.
4Saymi imaykatapis nina rupar ushaqno rey Hazaelpa ayllunkunata y rey Ben-adad sharkasishqan palaciuta ushakäsishaq.
5Damasco markaman yaykuna punkukunatapis lapantami pakir ushashaq.
Bicat-avéncho y Bet-edéncho mandaqkunatapis saynölami ushakäsishaq.
Nirkurmi contran runakuna shamur Siria runakunata prësu apakuyanqa Kir partiman>>.#2Rey. 16.9.
Tayta Diosmi sayno nin.
Filisteo runakunata Tayta Dios juzgananpaq nishqan
6 Tayta Diosmi nin:
<<Gaza markacho taq runakunapa jusankuna seqaypa poqushnami kaykan.
Paykunami juk marka intëru runakunata edomita runakunaman rantikuyarqan.
Sayno rurayashqanpitami fiyupa castigashaq.
7Saymi imaykatapis nina rupar ushashno Gaza markapa murällanta y palaciunkunatapis ushakäsishaq.
8Asdod markacho y Ascalón markacho reykunatapis ushakäsishaqmi.
Mana kuyapaypami Ecrón markacho taq runakunatapis ushakäsishaq.
Saynöpami filisteo#1.8 Filisteo runakuna Gaza, Asdod, Ascalón y Ecrón markakunachömi täyarqan. runakuna lapanpis wanuyanqa>>.#Isa. 14.29-31; Jer. 47; Eze. 25.15-17; Joel 3.4-8; Sof. 2.4-7; Zac. 9.5-7.
Tayta Diosmi sayno nin.
Tiro runakunata Tayta Dios juzgananpaq nishqan
9 Tayta Diosmi nin:
<<Tiro markacho taq runakunapa jusankuna seqaypa poqushnami kaykan.#Isa. 23; Eze. 26.1—28.19; Joel 3.4-8; Zac. 9.1-4; Mat. 11.21-22; Luc. 10.13-14.
Paykunami ayllunkunawan ali rikanakuyänanpaq pactuta rurayash kaykarpis juk marka intëruta edomita runakunaman say ayllun runakunata rantikuyarqan.
Sayno rurayashqanpitami fiyupa castigashaq.
10Saymi imaykatapis nina rupar ushashqanno Tiro markapa murällanta y palaciunkunatapis ushakäsishaq>>.
Edomita runakunata Tayta Dios juzgananpaq nishqan
11 Tayta Diosmi nin:
<<Edom nacioncho taq runakunapa jusankuna seqaypa poqushnami kaykan.#Isa. 34.5-17; 63.1-6; Jer. 49.7-22; Eze. 25.12-14; 35.1-15; Abd. 1-14; Mal. 1.2-5.
Paykunaqa pasaypa rabyarmi ayllunkuna kaykaptin Israel runakunata mana kuyapaypa espädankunawan wanusiyarqan.
Sayno rurayashqanpitami fiyupa castigashaq.
12Saymi imaykatapis nina rupar ushaqno Temán markata y Bosracho palaciukunatapis ushakäsishaq>>.
Amón nación runakunata Tayta Dios juzgananpaq nishqan
13 Tayta Diosmi nin:
<<Amón nacioncho taq runakunapa jusankuna poqushnami kaykan.#Jer. 49.1-6; Eze. 21.28-32; 25.1-7; Sof. 2.8-11.
Paykunaqa chakrankunata qechuyänan kashqami Galaadcho taq qeshyaq warmikunata espädawan pachanta qashar wanusiyarqan.
Sayno rurayashqanpitami fiyupa castigashaq.
14Saymi imaykatapis nina rupar ushashqanno Rabá markapa murällanta y palaciunkunatapis ushakäsishaq.
Pasaypa qapararraq waqya tamyanöraqmi say markata ushakäsishaq.
15Mandaqnin reytapis mandäsiqninkunatapis juklä nacionmanmi prësu apakuyanqa>>.
Tayta Diosmi sayno nin.
Currently Selected:
Amós 1: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
