Jueces 5
5
Déborawan Barac cantayashqan
1Say vinciyashqan junaqmi Déborawan Abinoampa surin Barac cantar niyarqan:
2<<Contransikunawan pelyayänanpaqmi Israel nacioncho mandaq runakuna aywayarqan.
Wakin runakunapis lapan voluntäninwanmi guërraman aywayarqan.
Sayno kayashqanpita Tayta Diosta alabashun.
3Mandaq reykuna, wiyayämay.
Marka mandaqkunapis, wiyayämay.
Israel runakunata kuyaq Tayta Diospaqmi cantayäshaq.
Salmukunata cantashpämi alabayäshaq.
4<<Tayta Dios, Seirpita yarqamur Edom nación chakrakunapa puriptiki intëru pasami suksukyarqan.
Jana pasacho kaqkunapis pasaypami kuyurqan.
Pukutaypitapis tamyamurqanmi.
5Israel runakuna respitayashqan Tayta Diospa nawpanchöqa jalqakunapis suksukyarqanmi.
Sinaí jirkapis kuyurqanmi.#Éxo. 19.18; Sal. 68.7-8.
6<<Anatpa surin Samgar#Jue. 3.31. kashqan wisanpis, Jael kashqan wisanpis mansarishpan manami pipis jatun nänipa purirqannasu.
Jatun nänipa puriyänanpa trukanqa chaki nänilapanami purikuyarqan.
7Mansarirmi jalqakunacho pipis tarqannasu.
Sayno kaptinmi noqa Débora Israel runakunapa mamannöpis favornin sharkushkä.
8<<Israel runakuna juk dioskunatana adorayaptinqa guërrapis jananchönami rikakuq.
Chusku chunka waranqa (40,000) karpis escüduta ni espädata aptaytapis manami valurayarqansu.
9<<Sayno kaptinpis kananqa Israel runakunawan mandaqninkuna lapan voluntäninwanmi guërraman aywayash.
Sayno kayashqanpita Tayta Diosta alabaykuläshun.
10Fïnu ashnulata loqaraq#5.10 Wakin runakunaqa muntaraq niyan. rïcukuna y silla janalancho purikuqkuna, lapayki cantayay.
Chakilapa puriqkunapis, Diosta alabayay.
11Pukyukunaman chaykur saycho runakuna Diosta alabaykäyaqta wiyayay.#5.11 Negociantikuna markan markan purirmi pukyukunacho uywankunata yakusir jamapäyaq. Saymanmi cantaqkunapis wilakuqkunapis aywayaq noticia ima päsaykashqantapis wilakuyänanpaq.
Paykunami cantaykäyan contransikunata Tayta Dios vincishqanpita.
Payta alabaykäyan pelyash yanapämashqansipitami.
Saymi Tayta Dios kuyashqan runakuna mana mansariypa markankunaman kutiyarqan.
12<<¡Kushikuy, Débora!
¡Selläma kushikur cantay!
Abinoampa surin Barac, ¡kushikuy!
¡Prësu sarishqaykikunata apay!
13<<Tabor jirkapitami mandaqnin runakunawan Israel runakuna uräyarqan.
Pelyayta yachaq runakunawanmi Tayta Diosman yärakuq runakuna pelyayarqan.
14Amalecita runakuna nawpata täyashqan kaqpitami Efraín trïbu runakuna guërraman aywayarqan.
Paykunapa qepantami Benjamín trïbu runakuna aywayarqan.
Saymanmi Maquirpita mandaqkunapis aywayarqan.
Zabulón trïbu autoridäkunapis saymanmi aywayarqan.
15Isacar trïbupita mandaqkunapis Déborawanmi aywayarqan.
Paykunami Baracpa qepanta raqra kuchun pampaman aywayarqan.
<<Rubén trïbu runakunaqa shimilanmi kayarqan.
16Guërraman aywayänanpa trukan uyshankunata misikurmi quëdakuyarqan.
Rubén trïbu runakunaqa rikaylanmi kayarqan.
17<<Galaad particho taq runakunaqa Jordán mayuta manami simpayarqansu.
Dan trïbu runakunaqa büquikuna ichiränanchömi quëdakuyarqan.
Aser trïbu runakunapis lamar kuchuncho büquinkunata täpar manami yanapämarqansisu.
18Zabulón trïbu runakuna y Neftalí trïbu runakunami isanqa wanuytapis mana mansariypa jalqakunachöpis pampakunachöpis pelyayarqan.
19<<Cananeo runakunapa mandaqnin reykunami Israel runakunata atacayänanpaq Taanacman shayämurqan.
Meguiducho kaykaq pukyukuna nawpanchömi atacayarqan.
Sayno atacarpis mana vinciyashpanmi qellaytapis ni ima riquëzatapis apayarqansu.
20Qoyllarkunapis Sísarapa contranmi jana pasapita pasa pelyayämurqan.
21Cisón raqrapa yaku bunyaypa bunyar aywarmi contransikunata apakurqan.
Sayta rikaykarqa mana qelanaypa ni mana mansariypa yapaypis pelyashun.
22<<Sísarapa cawallunkunaqa patataylami guërraman aywayarqan.
Pututuyla cörriyashqanpis wiyakarqanmi.
23Tayta Diospa angilninnami wilakur nirqan:
<¡Merozcho taqkuna castigash kayäsun!
Paykuna manami aywayashsu Tayta Diospa soldädunkunata yanapäyänanpaq>.
24<<Ceneo runa Heberpa warmin Jael lapan warmikunapitapis mas respitash kaykusun.
Tolducho taq lapan warmikunapitapis payta Tayta Dios mas yanapaykusun.
25Yakuta Sísara manakuptin lichitami Jael qaraykurqan.
Kuyaylapaq tazonwanmi nätasyuq lichita qararqan.
26Isuq kaq makinwanmi estäcata aptarqan.
Aluq kaq makinwan mäsuta aptarqan.
Lapan kalpanwan takarmi sentïdunpa Sísarata uchkurirqan.
Uma tulunta pakirirmi toqshunpa päsarirqan.
27Jaelpa nawpanchömi Sísara wanurqan.
Atipakuykälarmi pampacho jitararqan.
Patpatyaykashlanchömi päsarpurqan.
28<<Sísarapa mamannami lakikushpan ventänapa rikachakuykashqancho nirqan:
<¿Imanirtaq carrëtan chämunsu?
¿Imanirtaq guërra carrëtan jeqarkamunsu?>
29Saypitanami musyaq yachaq warmikunawan nirqan:
30<Pelyacho vincishpan imatapis shuntayashqankunatami may rakipänakuykäyan.
Cada soldäduchir juk ishkay jipashkunata ashmayninpaq aypunakuykäyan.
Sísara shuntashqankunachöqa aska color tëlakunami kanqa.
Bordash juk ishkay kuyaylapaq pañuëlukunatapis soldädukunapa mandaqninkunatami walqapaykäyanqa>.
31<<Tayta Dios, contrayki kaqkunaqa lapanpis sayno ushakäsish kayäsun.
Kuyayäshuqniki isanqa pasa waraptin inti shumaq asikyämushqanno kayäsun>>.
Saypitaqa chusku chunka (40) watayaq Israel runakuna jawkalanami kawayarqan.
Currently Selected:
Jueces 5: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.