Jueces 17
17
Micaíapa ïdulunkuna y cüran kashqan
1Efraín jalqakunachömi tarqan juk runa Micaía jutiyuq. 2Paymi juk junaqcho mamanta nirqan: <<¿Yarpaykankiku juk waranqa pachak (1,100) siclo qellaynikita suwapäshuqniki runata maldicionashqaykita? Noqami say suwapäshuqniki runa kaykä>>.
Sayno niptinmi maman nirqan: <<¡Tayta Dios bendicionninta qoykuläshunki, hïju!>>
3Qellayta kutiykasiptinmi maman nirqan: <<Kananqa kay qellay Tayta Diospaqmi kanqa. Saymi kay qellaywan juk ïduluta rurasir qamta qoykushayki>>.
4Sayno nishpanmi wawan kutisishqan ishkay pachak (200) qellayta ïdulu ruraq runata qoykurqan. Ïduluta rurayta ushaskiptinnami Micaíapa wayinman churarqan. 5Micaíanami saycho takshala capillata rurarqan ïdulunta sayman churaykur adorananpaq. Efodta y wakin ïdulukunatapis ruraykurmi juk surinta cüra kananpaq churarqan.
6Say wisan Israel runakunapa mandaqnin rey mana kaptinmi cada ünun munayashqanno imatapis rurakuyaq.#Deut. 12.8; Jue. 21.25.
7Say wisanmi Leví trïbupita juk purikuq maqta Judácho kaykaq Beléncho tarqan. 8Paymi juk junaq Belénpita aywakurqan maychöpis tänanpaq sitiuta ashir. Efraín jalqakunapa puriykashqanchömi Micaíapa wayinman charqan. 9Chaptinmi Micaía tapurqan: <<¿Maypitataq shamuykanki?>> nir.
Saymi nirqan: <<Judácho kaykaq Belénpitami shamuykä. Saynöpis Leví trïbu runami kä. Maycho tänäpaqpis kaqta ashirmi puriykä>>.
10Niptinmi Micaía nirqan: <<Kaycho täkushun noqapa cürä y taytäno kanaykipaq. Watacho pägashayki chunka siclo qellaytami. Jananmanpis mödanata y mikuytami kamaripäshayki>>.
11Sayno niptinmi say maqtaqa saycho tashpan Micaíapa surinnöna rikakurqan. 12Saynöpis cüra kananpaq Micaía churaptinmi paypa wayilancho tarqan. 13Leví trïbupita cüran kaptinmi Micaíaqa kushikur yarparqan Tayta Diospa bendicionninwan ali kawananpaq kashqanta.
Currently Selected:
Jueces 17: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
