Jueces 10
10
Israel runakunapa jueznin Tola kashqan
1Abimelec wanuskiptinnami Tola jutiyuq runa Israel runakunata contrankunapita salvarqan. Tolaqa Isacar trïbu runami karqan. Payqa karqan Dodupa wilkan y Fúapa surinmi. Tolaqa tarqan Samir markachömi. Say markaqa Efraín jalqakunachömi kaykan. 2Payqa Israel runakunapa jueznin karqan ishkay chunka kimsa (23) watami. Tola wanuykuptinmi Samir markaman pampayarqan.
Israel runakunapa jueznin Jair kashqan
3Tola wanuskiptinnami Galaadpita kaq Jairna Israel runakunapa jueznin karqan. Pay mandarqan ishkay chunka ishkay (22) watami. 4Jairpami kayarqan kimsa chunka (30) olqu surinkuna. Say surinkuna lapanpis ashnun loqashlami#10.4 Wakin runakunaqa muntashlami niyan. puriyaq. Paykunami Galaad particho kaykaq kimsa chunka markakunapa mandaqnin kayarqan. Say markakunatami kananyaqpis Jairpa markankuna kashqanta niyan. 5Jair wanuykuptinmi pampayarqan Camón markaman.
Israel runakunata amonita runakuna nakasiyashqan
6Saypita Israel runakunaqa yapaymi Baal diosta y Astarot diösata adorar Tayta Diosta rabyanäsiyarqan. Saynöpis paykunaqa arameo, sidonio, moabita, amonita y filisteo runakunapa diosninkunata adorarmi Tayta Diosta sirviyarqannasu. 7Sayno kayaptinmi Tayta Diosqa fiyupa rabyakushpan filisteo runakuna y amonita runakuna nakasiyänanpaq kachapaykurqan. 8Saymi Galaad particho taq Israel runakunata chunka puwaq watantin fiyupa nakasiyarqan. Galaad partiqa kaykan Jordán mayu wak simpan amorreo runakuna täyashqanchömi. 9Saynöpis amonita runakunaqa Jordán mayuta simpaykurmi atacayarqan Judá trïbu runakunata, Benjamín trïbu runakunata y Efraín trïbu runakunatapis. Saymi Israel runakunaqa fiyupa lakikur ima ruraytapis mana kamäpakuyashpan 10Tayta Diosta manakur niyarqan: <<Tayta Dios, perdonaykayälämay. Nishqaykita mana cäsukuypa Baal dioskunata adorarmi pasaypa jusalikuyashkä>>.
11Sayno manakuyaptinmi Tayta Dios nirqan: <<Egipto runakuna, amorreo runakuna, amonita runakuna, filisteo runakuna, 12sidonio runakuna, amalecita runakuna y madianita runakunapis nakasiyäshuptiki manakayämarqaykimi. Sayno manakayämaptiki ¿manaku paykunapa munayninpita jorqamurqä? 13Sayno jorqaykämuptïpis juk dioskunata adorarmi wiyakayämarqaykisu. Saymi kananqa salvayäshaykinasu. 14¡Say yärakuyashqayki dioskunatana manakuyay nakasiyäshushqaykipita salvayäshunaykipaq!>>
15 Tayta Dios sayno niptinmi Israel runakuna niyarqan: <<Qamta mana cäsukurmi jusalikuykuyashkä, Taytay. Sayno kaptinpis munashqaykino kaykuläsun. Imano kaptinpis kanan salvaykayälämay>>.
16Sayno nirmi Israel runakunaqa adorayashqan ïdulunkunata ushakaskasir Tayta Dioslatana adorayarqan. Saymi fiyupa nakayashqanta rikar Tayta Dios kuyaparqan.
17Saypitanami amonita runakuna pelyayänanpaq aywar campamentunkunata Galaadcho sharkasiyarqan. Saymi Israel runakunapis shuntakaykur Mizpacho campamentunkunata rurayarqan. 18Saychömi Galaad particho taq Israel mayor runakuna wilanakur niyarqan: <<Amonita runakunawan pelyanansipaq mayqantapis churashun mandamaqninsi kananpaq>>.
Currently Selected:
Jueces 10: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
