Oseas 9
9
Israel runakunata nacionninpita qarqunanpaq nishqan
1Israel runakuna, mañösa warmi runanta kachariykuqnömi qamkunapis Tayta Diosta kachariykuyashkanki.
Cosëchayki ali kananta munarmi juk diosman yärakuykäyanki.
Pägupaq rayku prostitüta warmi juk runawan punushqannömi qamkunapis kaykäyanki.
Sayno kaykarqa cosëchata shuntayashqaykipita ama kushikuyaysu.
Wakin nación runakunanöqa kushikuypita ama saltaykachäyaysu.
2Trïgupis mikuyänaykipaq ni vïnupis upuyänaykipaq manami aypanqasu.
3 Tayta Dios rikasiyäshushqayki nacioncho täyänaykipa trukanqa Egiptumanmi kutiyanki.#9.3 Egiptumanmi kutiyanki nirqa unay aylluykikuna Egiptucho nakayashqannömi qamkunapis juk nacioncho nakayanki ninmi.
Asiriachöna täyashpaykimi mana mikuyänaykipaq kaq impüru mikuykunata mikuyanki.
4Saycho manami Tayta Diospaq vïnuta altarman winapäyankinasu.
Sacrificiuta rupasiyaptikipis manami chaskiyäshunkinasu.
Ayata yataq runa impüru kashqannömi mikuynikikunapis impüru kanqa.
Say mikuyta pipis mikurqa impürumi rikakunqa.
Manami Tayta Diospa templunman apayänaykipaqnösu kanqa, sinöqa kikikikuna mikuyänalaykipaqmi.
5Sayno kaptinqa ¡imataraq rurayanki Tayta Diosta adorar fiestata rurayashqayki junaq!
6Asiria runakuna mana ushakäsiyäshunaykipaq qeshpirmi Egiptuchöna täyanki.
Wayikikunapita apurädu yarqurmi qellaynikikunatapis kachariyankipaq.
Qellaynikikuna kashqanchöpis ishankalami jeqamunqa.
Wayikikunachöpis kashalami winanqa.
Egiptucho wanuptiki Menfis jäpa markamanmi pampayäshunki.
Profëtakuna wilakuyashqanta Israel runakuna mana chaskiyashqan
7Israel runakunata Tayta Dios castigananpaq kaq junaqkuna chämushnami.#Luc. 21.22.
Jusaykikunaman tupumi juzgashunki.
Pasaypa nakarraqmi Tayta Dios castigashushqaykita tantiyayanki.
Qamkuna nikäyanki profëtakuna mana tantiyakuq kayashqantami.
Saynöpis nikäyanki Tayta Diospa wilakuqninkuna löcu kayashqantami.
Sayno nikäyanki pasaypa jusasapa y chiki kayashpaykimi.
8Kikin Tayta Diosmi profëtata churash Israelcho rikachakuq japuy kananpaq.#Jer. 6.17; Eze. 3.16-21; 33.7-9.
Sayno kaptinpis mana aliman churakänanpaq trampata churapaqnömi kaykäyanki.
Profëtakunata chikir Tayta Diospa templunchöpis contranmi sharkuykäyanki.
9Gabaacho unay runakuna seqaypa jusasapa kayashqannömi#Jue. 19.22-26. qamkunapis jusasapa kaykäyanki.
Sayno kayashqaykita Tayta Dios yarparaykanmi.
Paymi lapan jusaykikunapita castigashunki.
Israel runakunapa wamrankuna nakayänanpaq nishqan
10 Tayta Diosmi nin:
<<Sunyaq jirkacho üvata tariykur kushikuqnömi unay Israel runakunata tariykur kushikurqä.
Unay aylluykikunaqa punta poquq hïgusnömi kushikuypaq kayarqan.
Baal-peor partiman chaykurmi isanqa saycho adorayashqan diosta adorar pasaypa penqaypaq rikakuyarqan.#Núm. 25.1-5.
Adorayashqan dios mana väliq kashqannömi paykunapis mana väliq rikakuyarqan.
11<<Pishqukuna elaqpita pajar#9.11 Wakin runakunaqa vuelar niyanmi. aywakuqnömi noqapis paykunata kacharir aywakushaq.
Saymi warmikunapis qeshyaq rikakuyanqanasu ni wawatapis tariyanqanasu.
12Yuriqlantapis wamrakunata chipyaqmi ushakäsishaq.
¡Wawalaw! Kachariykuptï kuyapaypaqmi nakayanqa.
13Israel nacionta rikashkä kuyaylapaq Tiro markatanömi.
Sayno kaptinpis mana cäsukamar surinkunata castïguman apaqnömi kaykäyan.
Castigaptïmi surinkunapis wanusish kayanqa>>.
14Jusankunaman tupu Israel runakunata castigay, Tayta Dios.
Warminkunapis qoluq rikakuyäsun.
Wawan yuriptinpis lichin ama kasunsu.
15 Tayta Diosmi nin:
<<Gilgalchömi jusalikuyta qalaykuyarqan.#1Sam. 13.8-15; 15.10-23.
Saychömi Israel runakuna rabyanäsiyämarqan.
Saynöla jusalikuyaptinmi wayinpita pitapis qarqushqanno noqapis nacionnïpita qarqushaq.
Autoridäninkunapis mana cäsukayämaptinmi Israel runakunata manana kuyashaqnasu.
16Efraín runakunaqa qarwashtash jachanömi kaykäyan.
Jaqwan#9.16 Wakin runakunaqa sapin o japin niyanmi. sakish jacha manana wayushqannömi paykunapis wamraynaq rikakuyanqa.
Wamrankuna kaptinpis lapantami wanusir ushashaq>>.
17Efraín runakuna mana cäsukuq kayashqanpitami Tayta Dios kachariykunqa.
Nacionninpita qarqush karmi wakläpa kayläpa purikuyanqa.#Deut. 28.64-65.
Currently Selected:
Oseas 9: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
