Oseas 8
8
Ïdulukunata adorayashqanpita castigananpaq nishqan
1<<¡Marka täpaq runakuna, cornëtata tukayay!
¡Kuyashqä runakunata atacayänanpaq contrankuna ankanöraqmi shamuykäyan!
Paykunataqa pactu rurashqäta y leynïkunata mana cumpliyashqanpitami castigashaq.
2Israel runakunaqa manakamar nikäyäman:
<¡Yanapaykayälämay, Taytay!
¡Qammi kanki Tayta Diosnïkuna!
¡Noqakunaqa kuyashqayki Israel runakunami kaykäyä!>
3Sayno manakaykäyämarpis ali kawayänanpaq nishqäta manami chaskikuyashsu.
Saymi castigaptï chikiqninkuna atacar qatikachäyanqa.
4Paykunaqa mana tapukayämaylapami mandaqnin reykunata churayash.
Mana manakayämaylapami autoridäninkunatapis churayash.
Qellaypita y qoripitami ïdulukunatapis rurayash.
Sayno rurayashqanpitami ushakäyanqa.
5<<Samaria runakuna, qoripita rurayashqayki turïtuta adorayaptiki pasaypami melanä.#1Rey. 12.28-32.
Sayno rurayashqaykipitami fiyupa rabyash kaykä.
¡Imayyaqraq penqakuypaq jusasapa kayanki!
6¡Israel runakuna, wiyakuyay!
Say adorayashqayki turïtuqa manami Diossu, sinöqa runa rurashlami.
Saymi pasaypa aqullar ushakäsishaq.
7<<Israel runakunaqa wayrata muruqno karmi shukukuylatana cosechayanqa.#8.7 Wayrata muruqno kayashqanta nirqa alita ruraykäyashqanta yarpar manakaqkunata rurayashqantami nikan. Saynöpis shukukuylatana cosechayanqa ninanqa fiyupa desgraciami paykunata päsanqa ninanmi.#Gál. 6.7.
Muruyashqankunapis mana wayuptinmi aqasikuyänanpaqpis kanqasu.
Ichiklata cosechayashqantapis jäpa runakunami mikuyanqa.
8¡Israel nación ushakanqami!
Juklä nación runakunaqa mana sirviq uyllutanömi rikayanqa.
9Israel runakunaqa chucaru ashnuno karmi Asiria nación runakunaman aywaykäyan.
Paykunaqa waynäkuq warminömi kaykäyan.
10Asiria nacionta y wakin nacionkunata sayno pägayaptinpis say nacionkunatami shuntashaq atacayänanpaq.
Munayyuq reypa munaynincho karmi juk tiempuyaq nakayanqa.
11<<Efraín runakunaqa aska altarkunatami rurayash saycho perdonta manakayämänanpaq.
Saypaq ruraykarpis say altarkuna kaqcho ïdulukunata adorar masmi jusalikuykäyan.
12Paykunapaq aska leykunata qelqasish kaptïpis manami cäsukuyansu.
13Sacrificiukunata altarcho rupasirmi aysata kushish mikuykäyan.
Sayno rurayaptinpis say sacrificiukuna manami shonqüpaqnösu kaykan.
Jusalikuyashqantaqa manami imaypis qonqashaqsu.
Perdonanäpa trukan castigaptïmi Egiptuman kutiyanqa.#8.13 Egiptuman kutiyanqa nirqa unay ayllunkuna Egiptucho nakayashqannömi paykunapis juk nacioncho nakayanqa ninmi.
14Kamaqnin Tayta Dios kaykaptïpis Israel runakuna manami yärakayämansu.
Yärakayämänanpa trukanqa amparakuyänanpaq palaciukunatami sharkaykäsiyan.
Judá runakunapis ali murallash markankunamanmi yärakuykäyan.
Nina rupar ushashqannömi murallash markankunata y ali sharkasishqan palaciunkunatapis ushakäsishaq>>.#Amós 2.5.
Currently Selected:
Oseas 8: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
